譚仔三哥米線 (灣仔道)

試新產品，香烤芝脆豆腐餅 $15，友人說在另一間分店食過好好食，叫我一定要試。但係叫完好失望因為呢間水準麻麻地。豆腐餅太濕，一夾起就散，像食糊仔的質感底部的芝士是微脆的，幾好食，但整體實在太濕友人說他之前吃的好吃得多，可能是這間分店問題吧。現在自選餸新加了鯇魚片，雖然有點細片，不過吃起來幾嫩，還好。至於份量就真是每間分店都不同，不能作准，這間的份量不選多。土匪雞翼 $32 就是一貫地好吃。…查看更多

星期六照舊同屋企人行完銅鑼灣，就去我地嘅飯堂 - 譚仔醫肚！點解今次會特別想寫食評？因為譚仔有新推出！第一樣新產品係香噴噴嘅辛辣燒茄子，用18種香料調製而成，係廚房拎出黎已經聞到好香好香！濃濃嘅蒜頭味，香料份量好豪氣，佈滿成條茄子。一定要襯熱食，茄子好滑，可以連皮食，不過可能蒜頭太多，食得多會有苦苦地嘅味道。有創意嘅媽子將蒜蓉同米線嘅豬腩肉片夾住食，話咁樣就係蒜泥白肉喎！哈哈第二樣新產品係飲品 - 柑桔香梅。依家優惠價，加$10就有，平時凍檸茶都係加$9，就加$1試試佢。我個人覺得佢偏甜，飲落鹹鹹地，還可以，不過如果清少少會好d。不過我唔係好鍾意麻辣，湯底揀左酸辣，所以唔需要飲咁多黎解辣。另外一杯係蘋果酸，下次試埋佢。趣事一則：咁岩今晚有幾台大陸團，唔知係咪初一十五個個都叫素。仲有一個開心大發現，連譚仔都有實習/見習員工，真係不得了！…查看更多

向來去開銅鑼灣譚仔 , 今次改試灣仔三哥進入店內 , 即時有位姐姐安排座位 , 睇完餐牌叫番一向食開的清湯墨丸及清湯豬膶米線 , 等左五分鐘就有得食一試之下覺得湯較濃味較咸 , 米線就可能因煮的時間而有所分别 , 墨丸及豬膶就無咩唔同另外亦叫咗土匪雞翼 , 一樣熱辣辣及香口好味 食材方面應該無咩分别 , 但個人反而較為喜歡湯味較清啖的譚仔…查看更多