譚仔三哥米線 (恒隆大廈)

📍🇭🇰平時佢係我嘅其中一個慳錢之選而且有時會推出新湯底所以Keep住有新鮮感！🥰💡環境雖然座位算多，但客人太多經常要同人搭枱🙈呢間分店冷氣好似特別凍食完就即刻會走嗰種🤣🥢食物🍅蕃茄湯腐皮魚腐米線呢個魚腐係偏硬身嘅個人來講比較鍾意呢隻腐皮有種膠膠地嘅質感食落啲牙會”jitjit聲”🥹蕃茄湯濃郁偏甜感覺上以前好飲啲🥹🙏🏼服務態度OK，呢個價錢同人流我對服務唔太高要求🤣✨推薦分數 : 6 / 10…查看更多

傍晚要到廣華醫院探望朋友，探之前去去食碗米線。見到不少食評話上菜慢，但係今次我哋四個人上去，落單唔夠十分鐘，就已經來到了， 不過肉眼所見，人手增多些會更好。 每次都係叫最抵食的過橋米線，份量多，食到好飽。 不過個app真係唔多得，經常都掃唔到個qr code，有待改善。…查看更多

今日來到旺角登打士街食譚仔三哥米線，地點有少少隱蔽，客流較少，但見外賣架多外賣，隨意坐低，見過橋米線最抵食，一於試吓。落單冇耐就上菜，真係有少少嚇親，勁大碗，再用筷子摷一摷，好多料：豬肉、豬膶、炸醬、酸菜、牛肉、牛丸、豆卜、芽菜、雞肉、墨魚丸、韭菜、腐皮、腩肉、魚蛋、生菜、竹笙、火腿，還另外送多碟炸醬同酸菜，料唔係每樣一兩舊，係每樣幾舊，而且都幾新鮮好食，牛肉鮮嫩唔韌，腩肉薄嫩，豬膶爽嫩，雞肉嫩滑，丸類彈牙，酸菜甜酸爽口好好食，我叫咗清湯唔使加錢，但都鮮甜，過橋米線煮得啱啱好，唔會過硬或太腍，份量超多，感覺食極都有，兩人份量都不為過，都係$57，好抵食，唔使傷腦筋諗食乜，樣樣餸都有啲，飽肚又幾好食。譚仔三哥米線 (恒隆大廈) (旺角)旺角登打士街44-46號恒隆大廈地舖及1樓…查看更多

我今個禮拜第三次食三哥，之前都係食水煮湯鴨血米線，今次見到個set幾抵，滑牛雞肉豆卜米線加埋嘢飲先$48，我就另外加咗鴨血同一個小食。水煮湯鴨血滑牛雞肉豆卜米線。水煮湯好香，鴨血雖然唔係好入味，但係夠滑。滑牛比起普通牛肉更加出色，同個湯底又好夾。我希望水煮湯可以加入去普通menu，而唔係淨係期間限定，因為真係好好味。至於涼拌皮蛋，就比較普通，味道冇咩特別，食落去都係正常水平。雖然皮蛋唔算驚喜，但整體來講，都係好開心嘅一餐。…查看更多

平時都常去旺角呢間譚仔，呢幾日譚仔癮發作所以就去咗啦~叫咗一個過橋米線，湯底揀咗糊辣湯底，份量比得好足！湯底揀5 小辣~所以食到湯底嘅味又帶啲微辣~最推薦就係佢地嘅竹笙，吸曬佢地嘅湯汁，真係好正！另一個就叫咗麻辣湯，見鴨血新出就揀咗份鴨血配腩肉~米線就可揀爽/腍，今次試下腍會點~效果好有驚喜，米線比平時腍少少，但更入味，吸曬啲麻辣，鴨血就不過不失，沒太多味道~腩肉就肥瘦剛好不過最值得一讚，撞聖誕節其實餐廳都滿座，店員又少之下，服務到位送餐又快！值得一讚！…查看更多

平時放假都好鍾意去呢度食嘢！幾乎每日都一定要食🤣最鍾意食佢嘅墨魚丸牛肉炸醬三個酸辣小辣！仲要一定要全走🤣再加多個香草雞翼，同埋麻辣皮蛋！當然唔少得再嗌埋杯特飲啦😋…查看更多

每日放飯都會去呢間度食 服務態度好好上菜又快 平時最鍾意食佢嘅三哥酸辣全走雞肉牛肉炸醬 另外仲要加多個大土匪雞翼同埋蒜泥白肉！再加多杯特飲 人間享受！香港人放飯之首選！…查看更多

唔知點解，一到三哥嘅門口，隻樣就笑咗🤤。呢次揀嘅螺酸湯米線，真係有「辣得嚟唔砌嘴」嘅感覺，酸甜香辣嘅湯底勁夠味，入口即溶。海螺片呢，又鮮又脆，伴住啲唔算嗆辣嘅麻辣豬皮，真系好惹味。講到涼拌魚爽肚，粒粒爽口，椒麻來個勁香，仲要加上青瓜，😋清新咗好多。至於鳳梨藍蝶花香特飲，靚到喺度都想即刻Post上Story，咁靚怎麼喺得？飲落去，甜中帶酸嘅口感令人百飲不厭。🍹飽肚之餘，心情都好咗。呢家三哥，送上嘅嘢食每樣都係咁賞心悅目，讓人想一次又一次返嚟。我只想講，下次我還會再來嘅～🥢…查看更多

其實點解咁樣都仲可以開門營業？1.整間舖頭只有兩位員工2.員工態度極為惡劣3.等候一碗米線需時40分鐘4.手機落單系統完全冇用，之後同員工講，員工話搵第二個幫你！…查看更多

在餐廳用餐時，良好的服務態度和快速的上菜速度對客人來說都是非常重要的，以下是我對服務態度差和野食上得慢的食評：首先是服務態度差，這會給客人帶來不好的餐飲體驗。餐廳的服務員應該對客人友好、熱情，並且樂於解答客人的問題，這樣才能讓客人感受到良好的服務態度。如果服務態度差，客人可能會感到不受重視，這會影響客人對餐廳的評價和回頭率。其次是野食上得慢，這會讓客人等待時間過長，影響用餐體驗。餐廳應該保證上菜速度快，菜品新鮮、熱騰騰，讓客人能夠在短時間內品嚐到美食。如果野食上得慢，客人可能會感到不耐煩，甚至影響到整餐的心情和食欲。總的來說，餐廳的服務態度和上菜速度是非常重要的，如果這些方面做得不好，會給客人帶來不良的餐飲體驗。因此，餐廳應該加強培訓服務人員，提高服務質量，同時也要確保上菜速度快、菜品新鮮、熱騰騰，讓客人能夠享受到美食和良好的用餐體驗。…查看更多

想打電話叫外賣，連續打左半15分鐘都可以唔通。擺明掛起左。去到問收銀點解打唔通，扮忙，扮聽唔到，再追問就話 電話有問題。。。。。態度未去到0分既，但絕對唔算有善。。。。。個app開a/c又麻煩，10分鐘都未搞掂，叫個外賣ja,使唔使查家宅呀？邊到返工都要填????????…查看更多

琴日去整頭淨係食左個包仔就喺salon坐左4個半鐘🤡走嗰時爭啲餓死左即刻去最近嘅譚仔食返啲野落肚😮‍💨✅竹苼清湯米線💰$38✅一人小食口水豬脷💰$19✅口水雞翼💰$26呢個組合堪稱係all in🥴不過食緊嘅時候見到個店員上錯野俾個客個客撩完先發現係錯俾返個店員個店員就咁撩返整齊就上返俾正確客人🤡雖然我見唔到錯嗰個客有冇食到啦但咁樣俾返另一個客係咪都有少少核突呢💩不過另外個客睇唔到 我就廢事咁多事出聲啦…查看更多

3月12號約1500（非繁忙時間）造訪貴店，等左半個鐘先入座，遲過我之1人客皆已入座初以位置近門口唔好為理由安排比其他人，然而後來比個位置係挨近收銀台，極其狹窄未點餐前見有另外寬敞位置，提議想換檯，被無理拒絕作爲收銀台崗位，客戶服務態度極其惡劣，冷臉黑面今次事件對譚仔姐姐及店舖形象極差，就算做幾多廣告都彌補唔到😑…查看更多

譚仔三哥全新推出🍜三酸撈薯粉🍜用譚仔秘製「三酸汁」撈紐紋薯粉🥢每啖都Q彈酸爽😚味道微嗆而醒胃！！！除左可以自選食材之外，仲有特別配料芝麻脆辣椒🌶️增添豐富香脆口感😆食唔停口😜好過癮！！！🐥芝麻沙薑雞丁海蜇🐥雞肉嫩腍😁青瓜爽脆😙海蜇Q彈！！有辣或唔辣任你揀😉！！🥭奶蓋芒果蒟蒻椰香金露🥭鮮芒果肉製成嘅泥露🥤加上椰汁、芒果蒟蒻！！上面仲加左芝士乳酪奶蓋😍綿滑清甜😁！！！…查看更多

落單一回事，做野一回事！明明叫左走芽菜、走芫茜、走蔥花，結果….睇相！！！落單一回事，做野一回事！明明叫左走芽菜、走芫茜、走蔥花，結果….睇相！！！PS : 係食既話，就吾使叫你走啦！…查看更多