譚仔三哥米線 (健威坊)

餐牌选择一如既往地多元：先选汤底（我点了中辣麻辣，友人选番茄清汤），再选主食和配料，还有炸鸡髀、卤水拼盘等小食。这次我点了「麻辣汤＋米线＋牛爽腩＋鹅肠＋响铃」，另加一份「番茄汤米线＋肥牛＋滑豆腐」。麻辣汤底层次分明，花椒香突出，中辣够劲但不呛喉，红油适中，味道厚实。米线弹牙，出餐快也不会糊。牛爽腩卤得入味，筋肉比例刚好；鹅肠爽脆干净无异味；响铃吸汤不油腻，是这类汤底的加分配料。番茄汤底酸甜平衡，番茄香自然，不会过甜。服务方面，店员反应快，点单、加水、加辣椒都留心处理；扫码点餐后会手写覆核，减少错漏。清洁度也做得好，翻枱时会用消毒纸彻底擦拭。价格方面，基本米线加两款配料约 $40–$60，加上小食与饮品人均 $70–$100，以目前物价来说仍算合理。整体体验稳定，味道与服务都令人满意。…查看更多

各位米线关注组嘅朋友仔！平时食开谭仔三哥，唔系麻辣就系煳辣，再唔系就三哥酸辣 😎 但今日经过三哥门口，俾我发现到一样颠覆宇宙嘅嘢——竟然出咗个「鲜柠清汤米线」？！仲要系期间限定！🤯所以决定试一试。究竟系天使嘅礼物👼，定系魔鬼嘅陷阱！一上枱，系同平时啲红当当嘅汤底好唔同，呢碗米线个汤底系奶黄色嘅，面头铺咗几块切得薄薄嘅新鲜柠檬片🍋，仲有红辣椒圈同翠绿嘅菜心做点缀，成件事好有夏日嘅清新feel！😍饮咗一啖汤系有惊喜既，清汤带住鲜柠檬嘅微酸令人觉得好Fresh好开胃。唔系好泰式但系成件事都几夹。「鲜柠清汤米线」嘅𩠌配搭系预设嘅，有云吞、鸡肉同鱼片，份量都可以！（女仔刚刚好，但男仔应该唔够食）至于啲𩠌：我特登+8蚊加个“鲜虾饼”，但好失望的系，虾饼好重粉味，完全食唔到虾味，又细又薄。鱼片有些腥，个人唔系太中意。云吞鸡肉正正常常。总括嚟讲，今次呢个「鲜柠清汤米线」对我黎讲，比较吸引的只系个汤底，未试过可以一试，试过就无须再试。🌟…查看更多

1点尾入去，繁忙时间过咗，可能有职员去咗厕所，铺面得两个人，入座同我讲咗声就行开咗，等咗阵冇人俾手机单，挥手举手冇人理，执野行过扮睇唔到，俾晒机会我同唔同嘅职员挥过手。等咗10几分钟，对间分店完全失望。虽然今次我食唔到，但过往食物都系好参差，时好时坏，睇彩数。啲职员成日嘈交，好似一直都不和，啲工作左推右推。我明白中午忙完要休息，所以我俾足时间佢地慢慢执野，慢慢出餐，唯一接受唔到系态度，叫客人等阵都费事，前后等咗10几分钟，直至有个啊叔捉住个职员叫佢落单。 我feel到唔对路就直接去咗，在此留下劣评。…查看更多

谭仔三哥下午茶最近换左新menu，野饮连野食都系19蚊起，性价比高，慢慢叹茶坐低享受下啦！谭仔迷你双𩠌米线连饮品都系30蚊，虽然话系迷你，但系份量其实跟平时差唔多，同样按个人喜好选择汤底（麻辣/酸辣/清汤汤底）同指定食材。加配左 #蜜糖烧鸡翼 2只+$16 及 #香烤芝腿鸡蛋卷 +$18。蜜糖鸡翼烧到表皮香脆，浓郁蜜糖充满整只鸡翼；香烤芝腿鸡蛋卷打开充满邪恶芝士、酱汁，厚蛋咬落去口感同样好正！三哥转左全新冻柠茶，茶底用左9款锡兰红茶茶叶而成，茶香味更加散发出来，值得一试！…查看更多

其实我都系身一次食评，但系眼见谭仔啲鸡翼越嚟越差，所以都试吓写下食评！以前啲鸡翼又大只，又够热又够香而家啲鸡翼缩细咗一半咁冇咗以前𠮶种厚度差！有阵时仲唔系好够热，就好似微波炉叮30秒出嚟咁！价钱就一路系咁加，但系质素不断下降完全唔抵食以前谭仔嘅鸡翼，一路都系必买嘅项目而家质素每况愈下，我都唔想再叫咁嘅鸡翼质素，同香港政府搞嘢缤纷一样，注定失败因为呢间北角分店喺屋企楼下，越嚟越差希望其他分店唔系咁样！…查看更多