譚仔三哥米線 (健威坊)

1點尾入去，繁忙時間過咗，可能有職員去咗廁所，鋪面得兩個人，入座同我講咗聲就行開咗，等咗陣冇人俾手機單，揮手舉手冇人理，執野行過扮睇唔到，俾曬機會我同唔同嘅職員揮過手。
等咗10幾分鐘，對間分店完全失望。

雖然今次我食唔到，但過往食物都係好參差，時好時壞，睇彩數。啲職員成日嘈交，好似一直都不和，啲工作左推右推。

我明白中午忙完要休息，所以我俾足時間佢地慢慢執野，慢慢出餐，唯一接受唔到係態度，叫客人等陣都費事，前後等咗10幾分鐘，直至有個啊叔捉住個職員叫佢落單。 我feel到唔對路就直接去咗，在此留下劣評。