譚仔三哥米線 (富盛大廈)

好耐冇食過譚仔三哥，今次嚟到就試咗佢最近新出嘅撈薯粉。上枱見到薯粉有蝦條覺得好奇怪😂仲跟單骨雞翼同埋蝦球。配料就有花生芫荽同埋海帶絲。呢碗撈汁聞落去勁酸，叫咗小辣。撈埋落去都只有酸味唔覺有辣味。另外用app叫會平啲同埋送飲品。…查看更多

某日夜晚同朋友去咗食元朗嘅譚仔三哥米線，趁著晚市有優惠，試下睇下有幾抵食！但估唔到晚市優惠真係幾抵食，又有雞翼，又包野飲！雞肉乍醬米線 (胡辣湯底)胡辣湯底帶點花椒嘅麻香，我覺得唔辣，飲啲湯落好過癮。雞肉份量ok，肉質嫩滑，配上乍醬，幾好食。由於係晚市套餐，所以仲有兩隻土匪雞翼，外皮香脆，肉汁鎖得好，微辣嘅調味好開胃，完美配搭米線！雞肉乍醬米線 (蕃茄湯底)蕃茄湯底濃郁，蕃茄味好突出，酸甜平衡。雞肉同乍醬嘅組合依然好食，米線吸晒湯底精華，每一口都好滿足。同樣配咗兩隻土匪雞翼，同胡辣湯底嗰款一樣咁好味，保持一貫水準。素菜卷大纖米線 (姬松菇湯底)依個湯底適合鍾意清淡口味嘅朋友。姬松菇湯底好清甜，帶有菇類嘅鮮香，飲落好舒服，感覺上冇咩味精。素菜卷新鮮爽脆，大纖米線口感煙韌，食完覺得好健康，係一個唔錯嘅素食選擇。整體黎講，譚仔三哥嘅出品穩定，湯底選擇多，配料同小食質素都唔錯。晚市優惠係一個大賣點，性價比高，食得滿足又唔貴。…查看更多

呢碗豬潤魚腐扭扭紋薯粉真係好味！薯粉煮得軟滑，扭扭紋嘅口感特別，咬下去有嚼勁。豬潤新鮮，肉質嫩滑，與魚腐搭配，味道鮮美。湯底清爽，帶有淡淡的香氣，唔會太油膩，十分開胃。整體份量適中，特別適合想要輕鬆享用嘅朋友。無論係午餐定晚餐，都係一個非常不錯嘅選擇，值得一試！…查看更多

元朗譚仔三哥，都係我間唔中會去嘅米線店，元朗分店環境寬敞，座位又比較多，而且地理位置都好方便。平時都係會選擇腐竹,雞肉,炸醬,小米線，湯底係麻辣10小辣，這是我最喜歡的配搭。…查看更多

鐘意食偏酸嘅酸辣嘅朋友要注意！由老牌陳醋混合麻油及鮮辣椒制成嘅三哥三酸返嚟啦！😋暫時嚟講，都係得三哥三酸同雲川嘅酸辣係滿足到我呢個偏酸嘅口味。當呢個三酸回歸，就梗係即刻去買返碗啦！獨門三酸撈薯粉 （$49）今次叫咗十小辣，覺得無之前咁辣，酸味仍然係好出嘅。配埋煙韌嘅薯粉，吃起嚟夠彈牙 （不過雲川啲更加彈🤣）。份量呢以我嚟講就岩岩好，食量大啲就可能唔夠了。今次配搭咗香辣單骨雞亦＆彈滑燕餃兩款餸 （份量各4），餸嘅份量都算足夠，味道上2者都唔錯😋。鐘意食酸嘅你，快啲試下啦！…查看更多

朝頭早嚟咗元朗呢度，仲未夠鐘餓到擠眉濃眼，就嚟到三哥撈味。我哋一行人上咗檯，點咗招牌菜－雞絲小鍋米線同埋潤腩肉小鍋米線，實不相瞞，倆碗嗌到好心急。湯底嚟說，酸辣湯簡直溜得滑，辣得嚟又爽口，戥啲冷天氣正合適。再嘗下潤腩肉，肉質滑嫩入味，攪到我忍唔住嘆聲：靚仔！😋我哋又叫咗重慶酸辣粉，辣嚟邊味濃郁，木薯粉Q彈得滑唔漏口，真係又平又正！噏，個口水雞就欠咗啖火候，我覺得味道OK，但係揾唔到驚喜。唔係話唔好食，可能跟埋其他倆兜影晒光。總結落嚟，呢度既米線同酸辣粉確係心頭好，若果你都係個古法小吃控，絕對唔好走寶嘅。下次再嚟，一定要試埋其他款！🥢🍲…查看更多

今日食評✍🏻譚仔三哥@茜青街試食指數⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·快餐店嚟講算好乾淨午市時段多學生哥放暑假就會少人好多1️⃣豬軟骨清湯米線豬軟骨入味不過冇乜特別可能配咗清湯冇咁夾原本係麻辣2️⃣魚蛋、墨丸、炸醬普通酸辣米線🍜3️⃣豬耳爽口麻辣已調整到適合香港人口味麻而少辣·無論大鋪小店我哋都會盡試盡講Follow我哋bw.foodie…查看更多

今日食評✍🏻譚仔三哥@元朗茜菁街試食指數⭐⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·今日試「珍寶」米線$57咩餸都有啲算好抵食可以揀湯底酸辣加1蚊少米線減1蚊小食試胡麻辣椒豬肚唔係好辣份量唔多·無論大鋪小店我哋都會盡試盡講Follow我哋bw.foodie…查看更多

今日食評✍🏻三哥譚仔米線@元朗茜菁街試食指數⭐⭐⭐店舖衛生⭐⭐⭐侍應態度⭐⭐⭐((每項5⭐️為滿分)) ·上市後的最大改變係多咗味精好耐冇幫襯今日突然想食米線就入咗去三哥食晏·新裝修好乾淨保留紅色主色調但就加咗杏灰色系感覺fancy 好多·試咗一碗螺片雞藥膳湯底米線另一碗係普通酸辣墨丸魚蛋炸醬加土匪雞翼·藥膳藥湯底香濃雞塊鮮嫩螺片係幾爽脆·普通酸辣依舊超多味精食完後成個下晝都Wing Wing 下我本人對味精敏感·雞翼水準好·盛惠122…查看更多

竟然從未食過三哥嘅蕃茄湯，今日就試個蕃茄湯＋ 10小辣，一試就不得了，原來咁好食～酸酸甜甜蕃茄湯底，見到有蕃茄皮和蕃蓉，加小小辣原來出奇地夾，開胃到不得了，原本唔算好餓，點知因為呢個湯底食下食下食晒成碗米線，我竟然今時今日先發掘到呢個配搭，雖然遲左D～不過下次再來三哥可以再食～不過奶茶就差D，飲完成個口都好澀，似係茶底浸左勁耐浸到有苦澀味…查看更多

烤原條鰻魚米線👍🏻真心正🔥元朗西菁街既譚仔三哥經常滿座又多外賣要出😖😖😖落完order等左足足廿五分鐘仲要追佢先出到期間幾枱人都追佢烤原條鰻魚米線清湯👍🏻$42🔥🔥🔥抵食冇得輸有大量木魚碎😄增加左日式感覺🤣仲有兩粒豆卜同腐竹原條鰻魚都幾大條，岩岩長左個碗少少！冇骨👍🏻👍🏻👍🏻仲要幾滑，好香口😋😋😋冇得輸‼️魚旦米線麻辣五小辣$37可能佢地太忙，其中一粒魚旦變左墨丸🤣🫢不過算啦當食多款😂總結：烤原條鰻魚米線真心正👍🏻推薦🔥不過等太耐就真係唔掂👎🏻…查看更多

好多朋友都覺得譚仔好味，但甚少去食，只食過兩次，平均一年一次，覺得味道不太合口味。經過譚仔，突然想食。點了個米線，加貢丸、腩肉，胡喇湯底，另單點土匪雞翼。米線爽滑，貢丸有鮮味，腩肉一般，湯底唔錯。土匪雞翼味道不夠濃，之前食過印象味道濃一些的。整體印象：食物比上次好味，但下一次再食，應該會再等一年了。…查看更多

一定要俾個like呢間譚仔三哥嘅職員👍👍👍👍因為呢間嘅職員真係做到顧客嘅要求。例如飲品走冰真係可以走冰，少冰真係少冰，完全冇偷工減料。要熱水過一過啲餐具，熱水真係熱水，唔好睇小呢啲，因為真係有好多餐廳理得你少冰定走冰，一定比杯滿冰比你。呢間店超級多人，但係啲員工都好好👍…查看更多

三哥還大家鴨血啦😘 仲要一口氣出左勁多新款米線、新小食、新飲品、新食材！作為忠粉既小編梗係要試晒去啦🥰🍜 三哥老油條水煮湯鴨血米線唔好睇少三哥既水煮湯底😆 小編自認平時都幾食得辣，今次叫左小辣，食到最後都流晒鼻水🤣配料目測有成6塊厚身既鴨血😱 呢個價錢絕對唔貴！芹菜可以解辣，所以都有少量芹菜做配菜😋😋😋最後就係小編最期待既老油條，有兩件，試左一啖冇浸湯既，超脆口🤩 另一啖就淋落個湯度浸到淋晒，吸晒啲水煮湯既辣，超正🤩🤩🤩🐤 蒜香雞翼尖雞翼尖好爽口彈牙😱 啲蒜泥連埋芝麻油既香味，食到上癮🤤🐤 蒜辣雞翼尖呢個小編更愛，比我想像中辣呢😝 一樣都有濃濃既蒜香！重口味人士注意！🍈 鴛鴦哈密瓜爆珠梳打濃濃既密瓜味梳打😋 夏天飲真係岩晒！仲有香茅汁及檸檬汁調配而成，夠晒清爽🤩小編最中意係加埋爆爆珠😆 係口中爆個刻真係好正！🍅 香醋芝士鮮原茄呢個配搭小編都係第一次食咋😳香醋醬汁加番茄加芝士估唔到咁開胃！落單個時個姐姐仲話我地「識食」呀😝🍜 自選米線（油揚、京白菜、鵪鶉蛋）揀左個麻辣十小湯底，清清地，同啲全新既配菜好夾呀😚日本油揚好索湯👅👅京白菜都幾爽甜😚 份量都幾多😚 健康😛鵪鶉蛋有5粒，超彈牙😋好似係期間限定，大家想試就要快啲試啦！…查看更多

呢間三哥神奇既地方係，入去就冇network, 職員又唔肯share個wifi, 所以去食野必然可以專心進食，以前經常會去，但自從幾次d野都唔熟就冇再去。諗住隔一段時間去會好番d,點知冇好到仲要差咗，米線一次比一次生，生到有硬骨個隻，今次唔係繁忙時間叫外賣，樓面人數亦好少，諗住俾多d時間佢準備下，點知後果一樣咁差。。做米線餐廳竟然唔識煮米線，湯底固之然重要，但都要留意下d野熟唔熟先得架，連米線都煮唔熟唔知d餸有冇事。。叫佢凍檸茶少冰，佢同我走冰變熱檸茶。。。外賣係自取，打開個袋痴手，唔係倒瀉野飲，係佢職員唔知點吱d糖漿，搞到飲管，杯邊全部都係痴lumlum昔日西菁街三哥no.1, 宜家建議不宜食用🙅‍♀️…查看更多