許願樹美食 (已結業)

整體而言體驗極度差。第一點-嘢食嚟得好慢，平均20分鐘先嚟一碟，中間一大段時間完全冇嘢食。第二點-嘢食整體而言極度鹹，唔知係咪想你係咁飲嘢飲飽，想你快啲走。第三點-員工態度並不好，好似你爭佢錢咁，每次落單好似問佢借錢咁。以上三點總括而言，唔值得再嘗試。致命點-環境極度惡劣食物有啲似隔夜味。以往都幫襯過，以前都好好，但係唔知點解越做越差，可以睇完成齣戲都未食得完餐飯，價錢收得唔清唔楚，唯一佢哋願意落嘅就係大量嘅鹽。。。…查看更多

走入去新開嘅街角串燒店，氣氛輕鬆得嚟又唔失親切。一落座，就有個笑容可掬嘅店員拿嚟咗餐牌，仲細心介紹今晚推介嘅小食。先來個非常juicy嘅雞中翼，外皮烤得微微金黃，啖啖肉，真係令人忍唔住一隻接一隻咁食！啲脆皮雞軟骨烤得啱啱好，咬落去嘅時候嘩啦嘩啦嘅，口感正！諗住食啲清淡啲嘅，就點咗娃娃菜，簡單清炒，保住咗娃娃菜嘅原味同清甜，真係醒胃。接住試嘅避風塘腰果排骨跟椒鹽雞軟骨都係皮脆肉嫩，無錯，送酒正啱！最勁係海鮮炒飯，彈牙嘅飯粒，鮮美嘅海鮮，每一啖都鮮到出晒聲。食完晚餐，店員仲奉上一杯特色飲品，蘋果醋加冰，酸甜兼備，飲完之後全身透心涼，真心消除咗所有油膩。如果要形容呢度嘅感覺，就係平民化得嚟又充滿心思，我相信我會成為呢間店嘅常客！下次還要帶埋朋友一齊嚟感受下。…查看更多

今日食咗一份好正嘅串燒，呢度嘅串燒款式好多，有啲尖椒、冬菇、牛脷、雞肉同埋羊肉，味道豐富，令我十分滿足。串燒炭燒得剛剛好，有啲微微焦香味，配上啲醬汁食落更加開胃。尖椒燒得夠爆香，口感彈牙。加埋啲牛脷同埋羊肉，口感鮮嫩豐富，而且燒得剛剛好，唔會太老太嫩。雞肉同埋冬菇亦都好好食，味道香濃，口感滑嫩。整體而言，呢份串燒真係好好食，雖然價格較貴，但24小時營業嘅方便性真係十分吸引。👍👍👍👍食物質素：⭐️⭐️⭐️⭐️服務態度：⭐️⭐️⭐️環境清潔：⭐️⭐️⭐️價錢合理：⭐️⭐️總評：⭐️⭐️⭐️⭐️我會推薦朋友黎食呢度，不過價格較貴，建議可以嘗試不同款式。謝謝店家的用心製作及提供美食，期待下一次再次品嚐他們的串燒美食。…查看更多

因為第三次嚟食了，今次淨係叫啲之前覺得好味嘅，第一次嚟叫咗微辣，個人認為係完全冇辣味，第二次試小辣，大家都仲係唔太覺得辣🤣 於是今次就試咗中辣，我諗都係9小辣左右，都好味！其中必食鵝肝多士！我地4個人就叫咗兩碟，連平時唔食內臟嘅朋友仔都覺得好味😋😋 雞肶，台灣腸，豬頸肉都好好味，另外蔬菜類就茄子，娃娃菜！地方唔太大，座位唔算闊落，但店裏有貓貓好乖，唔會騷擾食客：）4個人，賣單$790，包括叫咗10/11罐飲品🤣…查看更多

事前在別家串燒店吃了然後馬拉松式同區選了這間續食環境衛生不用點評 本身有點歷史 所以也不會太乾淨整潔食物我地點了鵝肝： 第一次吃串燒 吃完一個會有點膩雞翼：很香好吃牛脷：好吃不會太「銀」豆腐：可以pass雞皮：不知為什麼有肉 像雞串多點 味道也香口只是我只想吃雞皮的口感味道還可以 但我們發現最後他們家是有服務費因為餐牌沒看到 收的時候會有點不愉快而且整體環境不像會收服務費的店因為上一家更加乾淨也沒有收雖然這間份量足夠 味道也可以但服務費的事讓我不會再來了！…查看更多

應該有5年以上冇食過了。之前公司附近有一間，每個星期都食一次。自從佢結業後，就冇再幫襯過了。今日出到深水埗11：00都未夠，好多食店都未開門，但係呢間24小時，於是乎食吓回憶啦。雞扒飯（$40），回憶的味道，即叫即制，烤得恰到好處，外皮香脆，但仍保持肉汁及嫩滑，少辣啱哂。自製五花茶（$20），已經冇咗食飯收半價，但既然食回憶，廿蚊都俾佢。味道清甜，飲得出係自家製。…查看更多

到夜晚無乜食店仲有開，有串燒食都非常唔錯啦🥳 燒翠玉瓜$24 幾片薄薄既瓜仔都幾貴😛芝士大啡菇$28芝士同大啡菇係完美組合🥳金菇肥牛卷$25金菇同肥牛又係永遠都夾🤣鮮魷$38羊架$45 x 2燒得剛好又惹味，出色，羊架仲會切好曬，貼心☺️燒茄子$30蒜蓉茄子🍆好惹味呀，口感正。叫左一堆肉既串燒，全部都燒得剛剛好，食串燒永遠叫好多，加加埋埋就變好貴🤣埋單 $420，唔平，不過呢間勝在快手，夜麻麻又有開檔喎，又有得坐住慢慢嘆。…查看更多

舊同事約宵夜，仲話想去食串燒，見反正得閒就應約帶佢去許願樹試下！深水埗呢間係新開既，環境、座位都比以前長沙灣店好得多！唔使等位，直入！睇左陣點餐紙，都係揀返平時食開既穩陣！茄子$30羊肉$24韮菜$24雞腎$24豬頸肉$24鹽燒牛脷$25台灣黑椒腸$24金菇肥牛卷$25醬燒虎皮椒$30特別推介: 金菇肥牛卷、鹽燒牛脷！總括黎講: 新店既野食燒得比以前仲好！而且環境乾淨左！性價比高！絕對值得再次幫襯…查看更多

今日徹底改變左我對雞髀飯既觀感衣間許願樹既雞髀飯果然稱皇稱霸王全港獨有無骨切件雞（髀）飯做左30幾年人第一次見..諗都未諗過..勁有創意..打返去問我：我係咪叫錯左雞扒呀阿姐：唔係係雞髀黎我：本身你地雞髀飯係咪會咁整比人嫁阿姐：一時時啦..有時會咁啦我：下..我叫雞髀飯無骨咁起左佢..咁我點解唔叫雞扒飯呢阿姐：你下次叫留骨呀ma你唔叫留骨我：下...食雞髀飯要叫留骨阿姐：係呀你下次叫留骨就得嫁啦重結：係咪我真係唔識野呢..雞髀飯要叫留骨..下次出去食野應該點做..請各位教教我…查看更多

呢日陪女朋友去深水埗買動漫遊戲野，買完佢又嗌肚餓話想食啲野。我地行下行下過左去對面馬路，見有個呀叔企喺門口叫我地入去試下佢地啲串燒。環境比一般港式串燒店好，但明明餐廳無人，佢都要我地坐近廚房果邊。入去之後，個呀叔同另一個大舊佬態度都變得唔係幾好，黑口黑面，十問九唔應。好似嫌我地問佢可唔可以調位加唔試佢地啲海鮮咁🌚。老實講，食物味道係唔差，但我地都食得好唔開心，間舖又少人，想呻兩句都唔敢出聲。而且食物等待時間超長，見上完茄子同堆串燒之後，雞髀仲未上，但又唔覺眼廚房係咪煮緊，所以先問聲，結果又畀人一句得啦KO。食氣食飽左。…查看更多

之前有幫襯開許願樹長沙灣分店，但通常都是叫外賣，落完order過十幾、二十分鐘後去取，有時和及同事朋友睇波，都是我們至愛之一。（ 長沙灣店已搬遷至此新分店）今次剛過開嚟深水埗，再試一試手勢，碰巧撞到佢老細，閒談之下，他說，兩個大師傅現時都坐陣深水埗分店，其實老細以前都係師傅，而家可能好少出手燒啦！ （喺門口著住件廚房佬衫收錢，嗰個就係老細之一） 可以提一提，這裡是用一些男廚房師傅幫忙煮串燒，不是像有些店， 隨便一個姐姐，就進去燒，『殺雞焉用牛刀』 串燒食物上嘅厚度，爐不同位置嘅溫度，每種食材燒嘅時間，反轉面燒嘅時間和次數，都有一定技巧，如果真係用上大師傅，可能大材小用一點，但係出嚟效果肯定不一樣。食品串燒整體上合格以上，這類川式改良版串燒，價錢當然沒有得和深圳比，算中等多小小， 但之前舊店是有個$238任食，大食嘅的人或當正餐食可以考慮。 牛肉串和羊肉串-都是用一些肥牛肥羊摺疊來串起，羊肉羊騷味淡有人愛有人不愛，脂肪和肉配合又juice有趙口， 對於生酮嘅我就很喜歡，不過偏鹹了一點。但如果喜歡牛柳呀！牛肉片！這就不是， 但許願樹都有安格斯，今次沒有試到。 燒脆鯇腩-就勁多骨，下次未必會再嗌 牛舌-唔係切片而是牛舌粒，咬口比較好，但如果脂肪少的就會比較韌。 牛油金菇-值得一叫，好味！不過要see you tomorrow 炸豬扒- 兩大塊勁抵食，仲幫你剪埋一件件 ，不過豬扒係炸嘅，油份會比較多啲，同埋嚟食串燒，定係食炸嘢你哋就自己諗啦！其實好多串燒，例如茄子，很多店都會先炸在燒再開邊 ，因為生燒是要用好耐時間。…查看更多

我已經食咗第四次中午一次宵夜三次基本上傳單有粗體推薦嗰啲都好食多士鵝肝羊肉雞肉牛肉雞軟骨佢嗰個魚好食不過多骨食嘅時候要小心基本上佢燒得好好食大辣先至有啲辣，要飲野中和下中辣以下我都係覺得唔太辣燒魷魚乾麻麻哋海鮮有啲貴就只係食過聖子我覺得麻麻地…查看更多

鍾意食咩自己點，店內環境唔太覺有串燒味，食完唔怕成身味！醬燒魷魚夠爽口，汁又正👍🏻燒生蠔夠蒜蓉好香口👍🏻牛肉羊肉正正常常雞腎正，唔會燒到乾身好硬👍🏻鰻魚就比較多骨，下次未必會再叫，除非你唔介意有骨都可以一試牛脷都幾大舊幾抵食，味道都ok娃娃菜都正正常常芝士火腿多士自己屋企都整到😂貪得意試吓叫環境都OK幾乾淨，因為疫情關係一入去佢會比消毒酒精你搓手，唔錯！…查看更多

呢間小店既串燒燒得幾出色❣️燒完完全吾會太乾 仲好Juicy🔥即叫即燒 有得揀辣度🌶️熱辣辣 非常惹味💕呢間小店以前係長沙灣 依家搬左黎深水埗後地方比以前大 比以前企理👍🏻…查看更多

次次夜晚返屋企行過附近間串燒勁香，但次次食飽都無食到。今次終於夜麻麻肚餓，想食宵夜。即刻衝咗落去食。 係港式/中式燒烤。仲有可以食燒海鮮，完全係燒烤嘅高級版食材。仲要係日日都有是日海鮮，感覺上好有心備料同埋新鮮。燒韭菜$24係我每次都會叫，香口得來又健康又過口癮。韭菜燒得翠綠，又唔會過分油，佢嘅燒韭菜算靚仔。調味料適量唔會太過咸。花枝丸$24 呢個價錢有兩串，每串有4粒，份量比想像中多，算係彈牙，烤過特別香。我哋加咗辣粉，辣辣地好惹味。燒羊架 $45 肉質都算係香嫩juicy 帶點羶，外表燒到微焦，細心咁拆左骨，切左一嚿嚿，好方便食。整體全部都好食又抵，食咗一個好豐富嘅宵夜，…查看更多