角落餐廳 (已結業)

同朋友踩完單車去到屯門碼頭搵嘢食，行下行下見到有扒鋸就無理價錢直接入左去，殊不知價錢平民而且味道有驚喜。值得推薦。餐廳位置唔算大，不過枱與枱之間都唔算迫，所以坐起上黎都算舒服自在。全場得一個叔叔負責全場樓面工作，無可否認係需要多小小時間先叫到叔叔落單，但叔叔既服務態度一流，唔會令你覺得炆。Set dinner會有湯，主菜同飲品。湯就係匈牙利牛肉湯，飲落辣辣地勁開胃，超正。仲要有唔少牛肉俾你食到，證明落足料。到個牛扒，熟度略略over左，order5成上枱變左7成左右。不過食落唔會多筋同埋咬唔開，都幾好。配埋佢個汁食真係食得幾爽，以一百蚊既價錢有咁既水準真係算唔話得。…查看更多

同媽媽食午飯，來呢間由細食到大既餐廳，好想上黎推介下😆😆😆平時都鍾意黎呢度食早餐，但午餐都好唔錯。午餐都有跟餐湯，呢個係菜湯，唔係羅宋湯咁有啲辣，真係蕃茄同唔同蔬菜煲既湯。媽媽叫左是日午餐，蒜蓉西冷牛扒配吉列蝦（$52），呢個價錢，有呢個size既牛扒都已經好唔錯，仲要有吉列蝦，真係邊度搵？😆我叫左個肉醬雞扒意粉（$50），即焗，所以個焗盤都好熱！由於肚餓同太吸引，所以食食下記得影相😆雞扒已經切開一舊舊，唔洗再自己切。特別一提，細個只係食過普通意粉，第一次接觸扁意粉就喺呢間餐廳，所以有機會就會喺度叫意粉😋情有獨鍾！肉醬唔會太乾身一粒粒咁，有足夠醬料黏住啲意粉，好juicy！屯門平價西餐之選😆…查看更多

細細個已見佢存在的餐廳，早兩日聞說佢既早餐去到12點，而且個班戟幾好食，於是11點幾去試下佢早餐順便當埋午餐。入到去餐廳細細唔太多人，不過都坐左4枱，多數都仲係食緊早餐，睇黎早餐幾受歡迎👏🏻。叫左個魚柳法腸雞蛋配班戟。初初黎到見佢賣相唔係咁吸引，不過唔睇樣試下睇內涵。條腸，真係唔係好得，唔實在的腸既感覺。但魚柳不是M記質地魚柳，幾好食，外脆內有質感的魚肉。薯餅是薯蓉壓成餅型再煎，幾特別不過食落有點小燶味。最好食係個班戟，唔係實的的既感覺，但又有點點厚，食落質感唔差。雖然沒有驚喜，食物不是特別好食，但算正常，11點幾落去食，一餐當兩餐都食得過的，支持小店！會再去…查看更多

佢個名令我諗起哈利波特故事入面果間餐廳，而我都真係搵左佢一段時間，佢係商場好唔顯眼嘅地方，都真係花左我一段時間先搵到佢。　　其實真係冇諗過，星期六夜晚都可以冇人，然而其他餐廳坐滿人。無聊揭吓餐牌望到有道菜叫焗酥皮鵝肝威靈頓牛柳，見到其他地方冇，先有衝動想入去試吓。但我都挣扎咗一段時間先決定。　　入到去有個呀叔叫我隨便坐，成間餐廳得佢一個做樓面，見到佢都好勤力抹枱。感覺上佢係一個好有性格嘅叔叔。　　餐湯嗌咗匈牙利牛肉湯，感覺似係加左好多麵粉嘅罐頭湯，有少少好似杯面乾牛肉粒嘅牛肉係個湯到，味道不過不失，但冇令到我有想再飲落去嘅衝動，成碗湯飲淨一半。反而個蒜容包幾好食，好香好脆口，做得唔錯。　　涷檸茶就一般茶餐廳質素。　　主菜一黎，望見舊酥皮牛都唔錯，但就偏細舊，配菜就鋪滿成個碟。但係...... 我舊鵝肝去左邊？淨係得啲薯容汁嘅樣嘅汁。一切開個牛，我嚇到呆左，說好的五成熟呢？佢係由兩塊好薄嘅牛扒組合而成，頂曬籠9成熟，都算，食落個酥皮ok，但舊牛係霉架，仲帶有好強烈嘅羶味！仲難食過大家樂早餐果隻牛扒。望落係仲衰過早餐果種牛扒！果下真係嬲，比108蚊食啲咁嘅垃圾。　　反而薯條就ok，配菜出奇地好味，係用蒜容炒嘅椰菜同紅蘿蔔，味道唔錯。食曬啲配菜再食舊牛，舊牛直頭係臭嘅，食剩咗好多埋單走人。我敢講呢舊牛係我呢世人食過最差最臭嘅！　　我真係唔會再番轉頭再食佢，因為真係好難食！…查看更多

朋友話佢之前來食過晚飯,感覺良好,所以今次帶我來食午餐一來到第一感覺係,餐廳名改得好貼切,因為呢間餐廳的確係响商場既角落位置,呢個商場有好多食肆,唔係得朋友介紹真係好易走漏眼餐廳唔係好大,所以午餐時間來到難免要搭枱,呢度既午餐選擇都好多-有焗飯,咖哩,連鐵板都有我揀咗白湯+豬扒意粉+橙汁,朋友既係白湯+黑椒雞扒炒意粉+熱檸茶呢個豬扒唔係普通既煎豬扒,吉列豬扒而係叫做煎焗寶雲酥芥末豬扒,連平時唔太鍾意芥末既我都覺得唔錯另外,朋友既檸茶都好香,下次可以試吓…查看更多

食左角落餐廳差唔多十年，期間員工嘅轉變唔大，有時太耐冇去食再去嘅時候，樓面叔叔會同我地講好耐冇見，係好少有嘅人情味，而且樓面叔叔好勤力，值得欣賞。過左十年，野食嘅味道一樣好味，雖然個餐冇左啫喱做甜品。餐湯我揀菜湯，湯入面有好足料嘅菜，仲要煮到𣺉曬，容易入口，湯味濃郁。蒜蓉包夠脆夠入味，可能本人比較中意食油啲嘅包，將佢點湯食會有另一番風味主菜點蒜蓉鐵板牛柳意粉，蒜蓉汁個調配好特別，唔似一般餐廳嘅味道，雖然牛柳會一時大塊一時細塊，但從來都唔會難咬，好入味。另外意粉爽口，唔會太冧又唔會好硬，啱啱好。仲會有啲配菜，整體食完主菜已經8分飽。一般茶餐廳嘅野飲都會有，有時仲會有啲特別嘅野飲我點阿華田脆脆，面頭嘅脆脆有好多好足料，而且阿華田甜度適中，唯獨叫少冰好似冇少到。 飲埋野飲就啱啱好飽。成個餐都只係100蚊以下，而家香港好少咁扺食嘅西餐廳，建議去試食…查看更多

雖然地方唔大，但得一個叔叔負責晒成個樓面，都好辛苦！叔叔動作超快速，而且又友善👍🏻落單上菜收錢全部一腳踢💪🏻💪🏻💪🏻💪🏻上：意大利菜湯下：匈牙利牛肉湯兩個湯都好得👍🏻菜湯超足料，牛肉湯有少少辣，但唔會蓋過牛肉味😋香蒜豬扒超正，可能我係超like蒜蓉，所以嚟個超岩我口味，成塊豬扒上都有蒜蓉，而且燒到超香👍🏻嚟個帶子牛扒都好好味，黑椒汁唔會太辣，帶子雖然係急凍，不過口感都👌🏻呵呵！我原全係阿華田控，見到有嚟個阿華田脆脆當然要試啦！試咗佢都唔錯wo,好香阿華田，唔會只有花奶味😋我啲評價係對比返佢地個價錢而論，晚餐平均每人$100，有咁嘅質素已經算係👍🏻👍🏻👍🏻有啲連鎖店差唔多每人要$150-200，但都係一樣質素或更差，所以我推嚟間小店比大家試試丫😊再強調個店員叔叔好勁，我食嗰晚個場差不多坐滿曬人，但樓面得佢一個人負責曬💪🏻💪🏻💪🏻💪🏻💪🏻…查看更多

好細間，位置唔多職員叔叔比較急速酥皮鵝肝威靈頓牛扒，配飯用碟上，汁太小，酥皮幾重牛油味叫左5成，但食落似7成，食唔到有鵝肝，肉好鬆軟，飯既份量算多美式什扒用鐵扒上，雞扒，豬扒，牛扒，每樣都得半件薯條份量ok，鐵板上，但職員倒左汁先送過來微弱既滋滋聲，啲扒唔夠熱，黑椒汁亦唔夠味紅湯，比較稀白湯，有粉粒凍檸茶，幾好飲華田脆脆，唔夠濃埋氺單：202…查看更多

焗肉醬千層粉 $55 ： 黎到熱呼呼都好吸引，食落去香肉醬味道剛好。千層粉焗得少少脆身但中間偏多左水就一般。但份量激大，差不多我手掌咁大，食到3/4就飽肚了。當然仲有湯，今次白湯都係失望…飲品超甜，姐姐都好好人換返杯冇咁甜比我，服務態度好好。Ovo crunchy 阿華田爆脆 餐點加$5：去到茶記比張海報吸引左，咩爆脆…為左知係咩當然叫杯試下，甜都爆，好彩仲有阿華田味，有脆感覺，只似硬左阿華田粒咁，試試也可以，一次咁多啦…查看更多

Lunch set Sirloin steak 蒜汁西冷牛扒午餐$54講真12點幾鋸扒都傻傻地，但見難得去舊式餐廳都想試下仲要音樂係鐵達尼添紅白湯當然飲紅湯啦，不過淡到應該一碗分幾碗湯咁…但起碼見到一些蔬菜係度，飲品大杯裝味道不錯正常西冷扒比心目中好，當然吾係用幾百黎比啦，但起碼食落有牛扒味而且冇梳打味，切落去都軟熟，以這價錢黎講都不錯…查看更多

來過幾次都係食早餐，今闈來到剛轉了午餐，試一下吧。跟奶奶和囡囡叫了兩個餐。都有湯的。螺絲粉非常好食是高級餐廳的味道，竟然可以在這裡食到！另外的抄扁意粉，咸了點！但勝在超足料！可是兩個湯都一般，悕悕的。 再濃點就好了…查看更多

是夜係我同老公o既一個小小紀念日,諗住唔煮飯出去外食,於是上openrice搵下有咩好食,見到角落餐廳食評一置向好,於是由市中心搭輕鐵前往。餐廳於啟豐商場一個好角落位置,唔睇水牌都唔知o係邊,去到門口望入去食店入面好細,望一望餐牌食物款式都算多而且價錢唔算平(一般都90蚊以上),諗住收得呢個價應該唔會差得去邊,於是入去坐低order野食。我地叫左一個美式什扒(鐵板)配薯菜、鵝肝醬西冷扒配扁意粉,餐湯要周打蜆湯同牛肉湯(辣)。正期待住美味扒餐之時,侍應叔叔送上餐湯,一望落去唔使入口就知係超級麵粉糊=口=",周打蜆湯入面冇蜆,而且重有一粒粒未溶得曬o既麵粒,牛肉湯老公話有少少辣但係都係屬麵粉糊類。到主菜,美式什扒有雞扒、牛扒、豬扒柳同煙肉腸仔卷各一,由於我唔食牛,於是將牛扒改為豬柳。鐵板上檯後我O咀了,件"扒"細件得可憐,極其量只可叫件(雞件,豬件),煙肉腸仔卷個腸仔咸到喊,好在有好大堆熱辣辣薯條可以頂下肚,叫做食得飽另外老公食o既鵝肝醬西冷扒配闊扁意粉,因有牛肉我冇食到,不過老公order牛扒要六成熟,一切開我見已經係八成熟。埋單200蚊食茶餐廳o既質數,茶餐廳都不如o既鋪面(牆紙已經發曬霉),只怪我信錯食評同怪我唔好彩。…查看更多

今晚突然想食西餐, 便選擇來這個餐廳食。這間餐廳開業已久, 食物水準一直保持得好好, 而侍應服務殷勤, 唔似其他西餐廳巴巴閉咁。吃了一個牛扒餐，送餐湯（有三款揀）和飲品，埋單一百蚊都唔使, 抵食。 牛扒肉質特別入味，肉汁豐富。店內清靜，坐得舒服而且又近海邊, 食完飯再散下步, 一流!…查看更多

市中心人多位逼，同男朋友又食到悶悶地，所以決定開始四處覓食，上openrice睇食評，發現呢間口碑不錯，又近海邊，食完飯可以靜靜地過下二人世界，決定就食呢間。名副其實，果然係行到商場既角落位先見到佢既存在！舖面不大，24個位左右，可能係星期一，只有幾個客，我地直接入坐一張4人檯。當晚只有一個女侍應，佢好好人，但係可能要俾多少少耐性落單，可能年級比較大又忙，落單會重複問或者要慢慢同佢講，佢又可能會將d單搞亂左，如果發現佢放低既唔係你叫既野，同佢講聲就得。男朋友叫左個鵝肝醬牛柳（8成熟）配意粉+牛肉湯+凍華田，我就菠蘿燒雞沙律+蒜蓉包。牛肉湯好飲，但係有d辣，男朋友唔係好受得食辣，凈係俾佢試小小就全部落晒我個肚了！=]牛柳整得岩岩好，唔ung好易咬，配個鵝肝醬幾好味！菠蘿燒雞沙律，我嫌佢太多沙律醬同太多罐頭水果，但d燒雞幾好味！個蒜蓉包略嫌多油左d~杯凍華田，上檯時d冰已經溶左一半，所以有d淡...埋單$127，此物此價其實都算ok，我會再黎，係因為佢既環境好舒服，人唔多，同d職員都俾人感覺好nice。臨走前，8點幾，開始多人，應該都係做街坊客多。…查看更多

今日老婆嬲嬲地冇去食滷雞翼尖，反而去試下ger扒 聽老婆講屯門區可以ger扒嘅地方愈來愈少屯門好吃嘅 Lxx Txx Grill 應該冇餵食朋友仔唔識二百至三百蚊嘅扒類都包你滿意 但啱啱星期一邊想洗禁多就去左角落餐廳(其實重有另外原因 哈之後先講)先不講裝潢、侍應服務態度正常雖然食野有時都要配合氣氛 但你揀依 Garlic package 度特別浪漫嘅氣氛就冇嫁拉平日黎食都ok嘅 人唔太多 落黎嘅通常係單身寡漢或街坊或情侶靜靜地鋪子真的係一角落 沒有電視機題外話講完，入正題啲野食點同老婆兩個叫左一份介茉羊仔扒跟薯條($9x) 一份鐵板五成熟西冷牛扒跟闊條面($9x)跟daily soup跟garlic bread跟甜 其中一個湯加$20轉酥皮先黎兩海鮮湯先黎兩片garlic-bread 都幾入蒜蓉味但可惜隻牛油太油 食到一咀油光 no good意大利什菜湯即紅湯 反而又幾新鮮飲西餐湯小貼士：你地知唔知紅湯定白湯(xx忌lim湯)邊樣比較新鮮？唔好答廢話-_______-反面正確黎講係忌lim湯 忌lim冇得過夜 一定要朝朝新煮係位西廚嘅朋友講嘅相反 紅湯則可以煲兩至三日 再煲落去啲蕃茄蓉哂啲湯會好濃 加水會得茄同水嘅味(稀)好難飲而且冇左什菜嘅鮮味講反轉頭，個酥皮海鮮湯到賣相不太討好 相信大家通常食嘅酥皮湯都係脹bob bob 但依個唔係嘅係扁tat tat賣相都屬其次，食落去超大浸奶油味就好似一大塊奶油味嘅少油酒樓薄餅鋪係湯面度禁 no good裡面嘅海鮮湯還可 但水準都比塊奶油酒樓薄餅拖低羊仔扒少許蘇 有啲羊仔味如果朋友仔唔喜歡吃介茉(些少wasabi味)建議就唔好試但略嫌熟左啲餐跟薯條 薯條完全唔新鮮朋友仔 冇需要唔好落茄汁 佢個茄汁怪怪地都唔係平常個啲酸度都唔酸西冷牛 少少juicy ok 蘇蘇地 黑椒汁還可餐跟闊條面 真係完全奶野完全係面還面 汁還汁分開哂個面冇味不特止 重用水煮到完全淋哂 好 難 食 牙 發 水 面個甜係芒果jelly老婆話最好食 對芒果冇咩興趣老婆話好就好:)餐飲抵飲大大杯埋單二百頭其實 總括都可以拉但要加$20酥皮湯可以慳反…查看更多