西貢紅法越美食

今天中午，我和同事吃午餐，想試新餐廳，於是我們便試了這間越式餐廳，怎料，很大的伏！中午12:40分左右，通菜街周圍的餐廳都爆滿，很多人等位，惟獨是這間，一個人都沒有！但我同事堅持想試，我心想一試無妨，於是便進去了。我們4人個，全部都叫了餐廳的午餐A------越式拼盤飯（煎蛋，墨魚餅，札蹄和肉桂札肉）。不包括飲品。等了15分鐘左右，終於上碟了，原以為應該很豐富，怎料當這碟飯一上桌的時候，我呆了，這是傳說中的頹飯嗎？賣相完全不討好，煎蛋還可以，但墨魚餅，札肉真是………唉，看了都不想吃。味道方面，白飯十分硬，好像是（番煮）既飯，而且（乾憎憎的），當然十分難吃。墨魚餅方面，墨魚餅有一些怪味，好像酸餿餿的味，吃了幾口便沒有再吃。肉桂札肉十分薄，但全碟最美味的只有它！另外餐廳環境方面，餐廳衞生環境欠佳，令人有點反胃。價錢方面，這碟拼盤飯$38，沒有飲品，在這條通菜街內算是昂貴的了，附近有幾間日本餐廳午餐都是$38-4x左右，連飲品，而且十分美味！總結來說，我終於知道這間餐廳為什麼沒有人光顧了！食物不抵吃兼且難吃都是其次，最主要是它的環境不太衞生！…查看更多

在OR找有"濕濕地"嘅嘢食的地方，找到這間店。新開，價錢平；食評還不錯。大概下午六點幾去到，一個人都冇，只見枱上還有一些杯碗未收拾。。。第一個印象，已覺得伙記不太認真。後來發覺餐牌改了，加左價。二人餐加到$258，其它也加了！叫左扎肉雞絲河（$48），沙嗲牛肉河（$45），庶蝦（$68）。成間鋪只有一個女子，她是廚房也是伙記。可能因為一腳踢，D嘢遲遲都未到。。。周圍望，發現在水吧D特飲杯好舊和好花。應該要換的，但還繼續用；可見一點都不注重細節。扎肉河終於來。嘩！真是未見識過。D湯黃色嘅！？湯頭不是清湯，只吃到沙嗲和油＂億＂味。。。扎肉更加硬到不得了。個人認為廚師真的連業餘的水準也沒有。沙嗲牛肉河，牛肉是質素差的火鍋肥牛；湯和扎肉河一樣。我冇反枱已經是好修養。再等了很久，庶蝦終於到。睇到已經唔想碰，太油，中間支嘢唔係庶。食落更加唔掂，超鹹，完全不是蝦膠做。。。母親大人吃到好嬲，臨走前破口大鬧：D嘢都不是人吃的！！！…查看更多

經朋友介紹之下同佢一齊黎哩間越南餐廳食個$198既2人餐, 2人餐有越式春卷拼米紙卷, 越南蝦醬炒通菜, 越式炒飯, 椒鹽鮮魷, 2杯飲品, 侍應話椒鹽鮮魷可以轉芝士蝦, 我地就揀左芝士蝦, 飯品就揀左兩杯芒果汁, 先黎個越式春卷拼米紙卷, 哩個唔錯, 好地道, 越南蝦醬炒通菜一黎已聞到好香既蝦醬味, 通菜炒得好好, 冇變色好好味, 再黎個越式炒飯, 好特別亦好好味, 其他越南餐廳少見, 最後黎個亦都係其他越南餐廳少見既芝士蝦, 好香既芝士味, 完全入晒味, 之後兩杯見佢即榨既芒果汁, 哩個2人餐真係好正, 食之前唔記得影相....只係影左芝士蝦, 感覺好特別又好好味既地道越南菜, 應該好少味精, 但D野食全部好夠味, 仲有越南魚露, 咖啡同一D越南既特產可以買, 我就只係買左支魚露, 臨走聽到另一個客人講個麵包夾好正, 但我就唔知係邊款麵包夾啦.... 下次要試下佢D麵包夾先, 一定會再黎…查看更多

今晚去食佢地嘅私房菜，7點鐘入到去，已經有好多人，原來佢地都係訂左枱黎食私房菜。首先先食一道叫米卷嘅越式濕春卷，裡面已經包左有秘制醬汁，食到有蟹肉同蝦米係裡面，味道好特別。原來呢個係傳統嘅越式街頭小食，包左醬汁，方便D人係街邊拿住黎食。再食豉汁蒸扇貝，佢地又係用左越式秘制醬汁，好惹味，扇貝蒸到啱啱好，好滑好鮮甜。蝦醬通菜，未放到枱面，已經文到陣陣鹹蝦香味，又係佢地嘅秘制醬汁，比廣東式嘅甜D香口D。我之前淨係訂左3款私房菜，其他都係之前食過餐牌有嘅菜。保持到水準，好食。我見到隔離枱有龍蝦同炒蜆，賣相非常之吸引，下次再約多D朋友，去試埋呢兩款海鮮先。。。。…查看更多

黎食左兩次，都無失望，好有驚喜嘅一間越南菜館。呢兩次我食左招牌乳鴿，咖喱鴨配麵包，香茅牛尾配麵包，招牌牛肉粉，蝦片牛肉，煎墨魚餅，椰汁黑糯米。樣樣都好好食。乳鴿燒得好香滑，一D都唔乾。伴菜係芝士西洋菜沙律，好特別又好好食。咖喱鴨有D辣，但味道好香濃，我覺得送白飯仲正！香茅牛尾個汁唔辣，好重好清新嘅香茅味，牛尾炆得啱啱好，好滑唔爛。牛肉粉D牛肉唔係用D平價貨，好冧滑。煎墨魚餅一試就知係手打，再加左D墨魚粒落去，彈牙又有咬口。椰汁黑糯米唔太甜，好香滑。地點又就腳，價錢又係茶餐廳價。原來佢地會做埋私房菜，我訂左下星期去食。。。。…查看更多

夜晚同朋友行過旺角女人街見到哩間野重係試業中, 鍾意食越南菜又見佢價錢唔貴就入去試下, 食左個黑椒牛柳粒飯, 札肉湯河, 招牌乳鴿, 黃金珍珠露, 凍咖啡..... 真係好正, D飯真係好好食好軟, 牛柳粒都好正, 札肉湯河就係我個fd食, 佢都話好好食, 不過我冇食唔知點好法, 招牌乳鴿唔係炸到乾晒果種, 好好味, 唔怪得叫招牌乳鴿, 黃金珍珠露真係唔知咩黎, 一杯糊狀甜品, 但真係好好味, 朋友話咖啡應該係正宗越南咖啡, 個人推介一定要試招牌乳鴿同黃金珍珠露!!…查看更多