西城東北菜

朋友是河南人 ，很想吃東北菜， 但香港很少看到有東北菜餐館， 最近發現 在堅尼地城海旁位置 ，有一間新開的東北菜館非常火熱 ，高朋滿座 ，我發現後馬上訂位來趁熱鬧 ，果然是六點幾就已經坐滿了人。 餐廳不大，裝飾得古色古香中國風。菜牌設計美倫美煥，圖文並茂，令人看到甚麼都想吃。😋在行家帶領下，我們選了濃油赤醬的醬骨架和骨架棒骨，味道香得口水直流，餐廳還備好濕紙巾和吸管，方便食客五爪金龍，再用吸管吸食骨筒裡的骨髓，香滑鮮嫩， 美味非凡，在坐大多是普通話人 ，個個都吃得興高採烈。 這裏的葷菜非常出色， 原來小食也是很多選擇 ，我們選了香辣山野蕨菜，酸辣鹹香兼備 ，另一個糖醋心裏美， 確實是吃得心裏美美的， 材料是紅色的蘿蔔 ，切絲醃製， 酸酸甜甜 ，用來配濃油赤醬的醬骨架 ，真是絕配。 最後還點了一個東北溜肉段，好似鍋巴肉 但這個是鹹的 ，鍋巴肉是酸甜的 。今日的菜式確是令我感到驚喜， 第一次吃東北菜 ，感受到東北風土人情 ，大口喝酒大口吃肉的豪放 ，發現這裏的菜式其實很多都適合香港人吃， 真是要大力地推廣東北菜。👍👍…查看更多

鍾意濃味、夠鑊氣小炒嘅朋友，西環呢間「西城東北菜」真係要試吓！佢哋做正宗東北風味，份量十足又抵食，晚市成日爆場就知有料到。講到最值得推介，小編拍心口推薦呢三樣：「東北熏雞」 - 煙燻香超入味！呢碟係鎮店之寶！成隻雞用秘製滷水浸透，再經煙燻，上枱已經聞到陣陣獨特燻香！雞皮帶少少焦糖色，咬落煙韌有嚼勁，重點係啲肉 超級入味，鹹香得嚟帶住淡淡煙燻味，連雞胸肉都唔嚡口，點埋蒜蓉醬油更惹味！真係食過返尋味，幾乎枱枱必點！「東北鍋包肉」 - 酸甜酥脆超上癮！東北名菜點少得佢？佢哋嘅鍋包肉做得 超！級！正！ 大塊豬里脊肉炸到外皮 金黃酥脆，咬落「咔嚓」聲，裏面肉質保持嫩滑。最靈魂係個酸甜芡汁，調得剛剛好，唔會太酸或太甜，仲有薑絲、蔥絲吊味，掛滿每塊肉，開胃到停唔到口！鍾意香口野嘅朋友必試！「香辣魚皮」 - 爽脆過癮超涮嘴！前菜一定要叫佢！魚皮處理得超乾淨，冇腥味，浸喺自家調製嘅香辣汁裏面。口感 爽脆到彈牙，辣度係大眾都接受到嘅香辣，唔會死辣，反而帶啲麻香同蒜香，超級涮嘴！食落涼浸浸，係絕佳嘅開胃小食，送啤酒一流！總結： 想喺西環食地道夠鑊氣嘅東北菜，「西城」真係唔錯選擇！環境就係地道小店格局，但食物質素搭夠。佢哋份量幾大，約多幾個朋友就可以試多幾款菜式啦！…查看更多

喺西環想食地道風味，最近發現一間專攻東北菜嘅寶藏小店，絕對值得一試！佢哋嘅「東北薰雞」，真係一試難忘，堪稱鎮店之寶，強烈推介俾所有鍾意食雞嘅朋友！呢道薰雞嘅魅力，首先在於嗰股撲鼻而來嘅「薰香味」，真係「薰」得恰到好處！一上枱，獨特嘅煙燻香氣已經攻佔嗅覺，未食先興奮。咬落去，最大驚喜係個口感「勁滑」！雞皮帶住微微煙燻色澤，薄而帶點煙韌，皮下嘅雞肉卻係意想不到嘅幼嫩多汁，尤其係雞髀位，嫩滑到幾乎「識震」，完全唔嚡口。最厲害嘅係，連肉嘅最深處都「好入味」！薰香嘅風味唔係只停留喺表面，而係絲絲滲透到每一絲雞肉纖維之中，鹹香惹味得嚟又唔會過濃，食完齒頰留香，令人忍唔住一啖接一啖，直頭想連骨頭都吮埋！😋😋餐廳主打晚餐時段，菜牌上選擇豐富，除咗必點嘅薰雞，仲有多款地道東北主菜，例如鍋包肉、地三鮮、小雞燉蘑菇等，風味正宗。主食方面亦好有特色，有北方人至愛嘅手工餅（如蔥油餅、筋餅）同埋米飯提供，完美搭配濃味嘅東北餸菜。份量方面，絕對係「東北式豪爽」！正價菜式嘅份量十足，一碟主菜加個主食，兩三個人分享都夠飽肚，誠意滿分。不過，對於想輕鬆解決晚餐嘅附近街坊，或者一兩個人想試多款口味嘅食客嚟講，如果餐廳可以考慮推出「1人或2人套餐」就更加貼心啦！將招牌薰雞、一款主菜、再加份主食（餅或飯）或者小菜，組合埋一齊，設定個合理價錢，唔單止更方便客人點餐，唔使煩惱份量太多食唔晒，更能降低嘗試門檻，吸引更多街坊回頭幫襯，絕對係雙贏！總括而言，呢間西環東北菜專門店嘅「東北薰雞」絕對係必食之選，薰香、滑嫩、入味三樣俱全，水準極高！加上份量慷慨、價錢合理，晚餐想食得滿足又富特色，佢係一個好選擇。誠心希望店家聽到街坊心聲，推出靈活套餐，等我哋可以更輕鬆咁享受呢份濃郁嘅東北風味！快啲約埋朋友，去試吓佢哋嘅薰雞，包你食過返尋味！…查看更多

如果你喺香港想搵東北菜，真係要嚟堅尼地城呢間新開嘅東北菜館試下！我同幾個朋友早兩日去食，真係大開眼界，食到停唔到口。首先，推介佢哋嘅「尖椒皮蛋」，$50一碟，辣味啱啱好，皮蛋滑溜溜，尖椒爽脆，入口即刻醒神，開胃一流！跟住就係「東北熏雞」，半隻$138，煙燻香味好濃，雞肉嫩滑，皮脆肉多汁，食完仲想吮埋隻骨，真係冇得輸！「風味大拉皮」都唔可以錯過，$98，微辣口感，拉皮爽滑，醬汁酸甜適中，配埋青瓜絲，好清新。再嚟「粟米鮮肉餃」，$53，餃子皮薄餡靚，粟米甜甜地，肉餡多汁，每一啖都感受到師傅手藝。最後仲有「酸辣湯」，$68，微辣酸香，湯底濃郁，料多足，飲完暖晒個胃，舒服到不得了！全晚埋單$407，價錢合理，環境乾淨，店員有禮，坐得舒服。最開心係可以同朋友一齊感受東北風味，大口食肉大口飲湯，氣氛熱鬧。呢間店真係值得大力推介，無論你係東北人定香港人，都一定會愛上呢度嘅美食！👍😋…查看更多

同事話食過幾好食。星期五晚3個walk in 黎食都有位。裏面都幾多檯。招呼好好。帶咗我哋入房坐，同隔離啲人有隔板隔住。冷氣夠。餐牌都好大陸。餐牌好靚，啲相都好靚。煙薰雞：煙薰味好重，雞都滑，味幾好，但雞肉冇咩彈性。土豆絲：食親大陸嘢都會叫呢個，因為好少會整得難食。呢個味都ok，少辣嘅，但太油。糖醋骨：都幾大碟。但完全唔合格。肉好肥兼韌，個汁唔甜唔酸兩頭唔到岸。最大鑊係啲菜。瓜同紅蘿蔔切到勁大舊，勁生又勁大浸草青味。完全好似未煮好咁。癲。唔知咩羹：OK. 有特色。有啲餃子皮粒響裏面。幾多料。唔會太咸。鍋包肉：炸肉有啲酸酸地嘅黃色汁。肉冇乜味。炸得麻麻，食到中段變韌。皮凍：唔知食緊乜。食緊個冇乜味嘅Jelly 咁。最大鑊係個汁都唔好味。唔惹味又唔香。唔知佢想點。蔥油餅：無蔥味。油。硬。急凍舖個台灣蔥油餅都好食過呢個十倍。原本諗住之後叫甜品，但基於以上嘅嘢，就知此地不宜久留。總結：服務好都無用，啲嘢食真係唔掂。竟然冇喊。奇。家下係咪好多東北新移民？！…查看更多

拔丝香蕉刚出锅的糖衣脆壳，趁热浸一下冷水，外皮瞬间凝成晶莹的脆壳，咬开是热乎软糯的香蕉芯。冷热交织，简单却需要手艺。凉拌莴笋莴笋切细丝，清爽脆嫩，一点醋一点蒜，解腻开胃。没有复杂调味，吃的是食材本身的爽口。小鸡炖蘑菇东北菜里的老经典：榛蘑吸饱汤汁，土鸡炖得酥烂，粉条滑溜入味。一锅端上桌，热气腾腾的踏实感。菜量实在，两个人点两三道菜足够。配一杯格瓦斯，淡淡的蜂蜜香，解腻又轻快。下次还要再来 老板人也很好…查看更多

鐵板孜然羊肉——鎮店之寶，食過返尋味！一上枱就香到全場望住！羊肉係鐵板度咋咋聲，啖啖肉軟嫩唔黐牙，羊脂香滲晒出嚟，但一啲膻味都冇～秘製醬汁濃到掛晒上肉面，帶微微孜然辣，熱辣辣食到停唔到口！重點係份量夠霸氣，三四人分都夠喉，$一份真心抵到爛，絕對係翻兜首選！無敵下酒三寶環境+貼士：裝修走粗獷東北風，紅燈籠、大花布夠晒氣氛，枱夠闊擺滿餸都唔逼。晚市例牌排長龍，建議 6點前霸位。大份夾抵食，最啱一班人飲酒吹水！總結：鐵板羊必點！下酒菜道道硬核，味道夠濃夠鑊氣，啤酒隊落去即時昇華～堅離地城？食完就明點解咁多人癡等！…查看更多

嘩！ 打開煲蓋果陣，成枱即刻瀰漫住一陣超～濃郁嘅醬香，仲帶住啲八角花椒嘅香氣，真係未食先流口水！呢度嘅醬棒骨（絕對係鎮店之寶，份量豪氣到嚇親人——每條豬大骨有成半隻手臂咁長，肉量多到離譜，兩三條就霸晒成個大碟！ 靈魂所在：秘製濃醬啲醬汁真係無得輸！黑亮濃稠到黐脷筋，味道係正宗東北嗰種先甜後鹹嘅層次，醬油、糖、香料燉到入晒骨。最正係啲醬掛晒喺骨同肉上面，唔會水汪汪，咬落去每一啖肉都係極致濃郁嘅醬香，鹹甜平衡得啱啱好，完全唔死鹹，送飯或者就咁啃都正到痺！ 肉質：軟、糯、離骨！驚喜位係啲肉燉到超！級！軟！爛！ 用筷子輕輕一撥，成嚿連住筋膜嘅瘦肉就咁鬆開，入口近乎唔使點咬，軟腍得嚟仲帶啲彈性，完全唔嚡口。重點係啲筋位同肥膏，燉到膠質晒出嚟，黏糯香滑，食落啖啖骨膠原，黏住個嘴嘅感覺邪惡得嚟好滿足！終極食法：用手狂啃+吸骨髓！食呢啲東北醬骨，斯文就輸了！一定要用手拎起，放肆咁咬、啜、撕！啲醬汁實會黐到手指都係（記得問伙記拎圍裙同手套！）。啃完啲肉，記住重點戲：吸骨髓！ 用飲管「嗖」一聲，啲滑溜甘香嘅骨髓精華直衝喉嚨，個種油香同醬香混合嘅爆炸感，係成個體驗嘅高潮！總結：食肉獸必試！「西城」呢煲醬棒骨，絕對係西環罕見嘅高質東北風味。份量十足，味道濃郁霸道，肉質軟爛入味，食法夠晒豪邁過癮。鍾意啃骨、嗜濃味、追求食肉快感嘅朋友，呢度一煲（夠2-3人分享）真係超值推介！記得預留胃口，同埋... 準備好同啲醬汁「搏鬥」啦！…查看更多

西城東北菜西環堅尼地城吉席街18號地下Aal至C號舖 坐港鐵在堅尼地城站B出口 約行三至五分鐘 門面寬闊吸引，裏面地方乾淨，光線恰到好處，畀人一種舒服感覺，店員非常之有禮貌😊 豬肉餡餅： 皮薄香脆，肉質豐富，咬入口有厚感，柔軟帶有甜味。 朝鮮冷麵： 麥橋麵清新爽滑，容易咀嚼。湯內面配上牛展香、青瓜絲、番茄蛋加湯，清甜可口。 東北農家蘸醬菜 ： 好多種菜類，配上豆腐皮 加特別醬料， 又是一種令人新鮮配搭。 鐵板燒汁鱸魚： 炸得脆卜卜，內面魚肉肥厚，酸甜醬汁倒在鱸魚面上，入口很開胃，味道豐富，咬入口肉質嫩滑。一餐豐富晚餐…查看更多

Fafafoodblog為食花太郎 西城東北菜 🍴果仁菠菜 48 菠菜新鮮 好爽口 凍食 個醬汁好香咸 正🍴東北殺豬菜178 🐖好香濃豬肉味 用明火燒住既豬肉鍋 有肥豬肉 豬大腸 好新鮮既豬紅 仲有酸大白菜 個湯底勁香豬味 正🍴香辣牛肉拌苦菊 58 蚊苦菊帶d甘香味 醬汁酸辣 牛肉彈牙 同苦菊硬身口感好襯 🍴豬肉餡餅40 蚊🐖豬肉整成碎 餅整得好香脆。包住食好正🍴粟米鮮肉餃51 蚊餃皮厚身 入面粟米新鮮夠香甜 豬肉juicy正🥟🍴蕃茄雞蛋打滷麵 51 蚊蕃茄新鮮 滷麵比較粗身爽口 仲有木耳同炒蛋 配合埋蕃茄汁 正🍴東北啤酒 個味有d似原漿啤酒同普通生啤之間 啤酒味香濃 唔錯#東北菜 #豬肉 #啤酒 #豬肉餡餅 #粟米 #水餃 #菠菜 #蕃茄 #滷麵Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#西城東北菜西環堅尼地城吉席街 18 號地下a至c鋪~~~~~~~~…查看更多

西環的西城東北菜，是一家以東北風味為主的餐廳，主打地道的北方佳餚。酸菜魚（小）：酸菜的酸香與魚肉的鮮嫩完美融合，湯底濃郁卻不過於油膩，入口滑順，令人食慾大開。大盆花菜：花菜炒得爽脆入味，搭配濃厚的蒜香與肥美的腩肉，口感層次豐富，十分下飯。蕃茄雞蛋打滷麵：雞蛋滑嫩，蕃茄粒酸甜適中，與彈牙的手工麵條相得益彰，是一道充滿家常風味的暖心之選。韭菜鮮肉餃：餃子餡料十足，充分展現韭菜與豬肉的鮮味，咬下去肉汁豐富，每一口都充滿東北家鄉味。豆沙餅 ：煎得外皮酥脆，內餡細膩不過甜，紅豆香氣濃郁，是飯後的最佳甜品。酸梅汁 ：微酸甘甜，解膩之餘更添清爽口感，是搭配東北菜的絕佳飲品。總結，餐廳在食材與味道上皆有不俗的表現，特別適合喜歡濃郁口味的客人，再加上免收加一服務費，讓人更有理由回訪！…查看更多

堅尼地城高質東北菜開業不足一年，就成了預約困難店，室內設計裝潢充斥著文化西城京味古韻，一進門就被磚紅色的［杯莫亭］所吸引， 旁邊就有個高身酒櫃，暗示要不醉無歸。🍊店主非常好客熱情，有種遠山的情懷，知道我好辣，為我介紹了多款菜式，果然沒有令人失望，很合我口味～🍖醬棒骨加上醬汁肉味香濃，還有飲管可啜骨髓，可以把上手豪邁地吸取豐富營養。🍲藤椒酸菜魚湯底酸爽，魚肉鮮嫩量多，食濃味菜式時一邊飲湯，感覺味蕾全開，到尾都不覺得膩。🥩孜然蒙古羔羊排如果吃得酥，必須是孜然+香酥，兩者配搭上後，還吃出肉味濃郁。🥗紅燒油豆角鑊氣與油香味並存，送飯一流。🐟香辣魚皮魚皮超爽口，麻辣味好過癮，這冷盤更適合作為佐酒小菜。🍺東北鄉情精釀啤酒店主引入清新口味的特色啤酒，樽身圖案設計新穎而不失古雅。…查看更多

西環算新開的餐廳，行過路過好多次，終於試到！ 菜色特別，未食之前以為好多辣嘅菜式，點知原來東北菜大多都唔辣嘅唔使擔心！ 適合一班朋友嚟一齊食，因為份量比較大，好多下酒菜，一邊飲酒一邊食嘢！ 味道不錯、 服務很好…查看更多

堅尼地城新開正宗東北菜門口裝修已經好吸引 好新潮有特色叫咗幾樣東北菜試試佢 份量好誇張 每樣都有驚喜🥢酸菜魚(小份) $138魚肉非常嫩滑 成個酸菜魚嘅調味啱啱好 我哋叫咗小辣唔會太辣 反而係好開胃 入邊仲有煙靭嘅紅薯粉😋🥢麻辣雞腎 $58估唔到呢個價錢嘅份量有咁多 好似食極都食唔晒咁 雞腎口感爽脆 拌埋秘製麻辣醬 好開胃👍🏻🥢東北溜肉段 $108第一次食呢款東北菜 好有驚喜 佢係將豬肉炸脆 再用秘製醬汁炒 有少少似咕嚕肉加粟米魚柳嘅合體版 口感同味道都超正😆🥢農家一碗香 $78 呢度菜用料充足 唔單止有肉塊 仲有雞蛋豆腐同埋各種甜椒 超級有鑊氣 調味都好正 忍唔住就食晒一碗飯😆…查看更多

西環食飯唔洗加一西城東北菜新到連google map都未有大陸原汁原味搬過黎 價錢都合理 重點早晚都唔加一多人都有服務食得好舒服
門口仲有個創意餐牌比人睇中意啲咩菜有涼菜、鐵板、河鮮、等等，真係好多款式，而東北菜一般都係地痞大排檔式但已進化到有裝修環境乾淨食物賣相有下工夫，一碟扇子骨好似搭左個棚咁，小菜夠鑊氣，不過東北菜偏油，就要按照各人口味了餐廳內裝修好有中國風味，枱凳整齊寬落！香辣扇子骨 $168名菜好震憾，大碟，打卡專用，唔油膩但香口醬棒骨  $108勁大舊醬骨都係100蚊，真係好大舊放落枱震憾豬肉餡餅 $40較乾身不油，香你喜好茄子豆角 $78就好有鑊氣，係油啲，好送飯！自從大陸店開多左之後，都開始令到好多餐廳無加一變左好抵食。東北菜晚市都好多人位置偏僻都好受歡迎，醬骨起勢咁啜真係好好味香港堅尼地城吉席街18號地下A-C號鋪…查看更多