裕一品四川麻辣米線

試左個一人套餐 小辣 要腩肉 豬潤~辣味系譚仔個種清湯落辣粉既味道 但辣度比譚仔更辣~腩肉好肥 食唔落 豬潤得幾塊剛剛好既沙潤米線適中 雞翼等左好耐 但唔脆 得個熱字 油菜無乜特別 …查看更多

今天因為某些原因要外出吃飯.平常喜歡吃面條的我.當然會選擇吃米線啦!放工後.逛了一會兒.找了一個'落腳點'.就是裕一品了!突然想起上一次吃的時候.都相隔一年了!當時吃的時候.感覺它的湯底跟譚仔沒什麼差別.今天卻感覺有分別!7點多.環顧四周一看.店裡人不多.只有數台客人!然後我叫了一個魚蛋小辣.喝凍奶茶.下單後.相隔不到十分鐘.就可以吃了.感覺速度真快!首先,我喝了一口奶茶.感覺一般.比我平時喝的少奶.也是跟其他店一樣多冰的!我再吃面嘗嘗看.非常的韌!就好像剛放在鍋中.還沒熟就來給客人吃的樣子!還有.認真細看.米線好像意粉一樣粗!我真的接受不了!決定放在一旁...另外.湯底我叫了小辣.真的比譚仔的辣,還好我也能吃得下去!過了十分鐘後,我再試一下,面還是有點韌,因為肚子餓的關係.也勉強吃下去.吃了一半.真的不想再吃下去了!如果再吃下去.肚子也消化不了!總而言之.以後我也不會去了!!  …查看更多

今曰下午3點經過呢間野入去食,散叫完個米線+野飲（$37），之後個阿嬸侍應先拎張有下午茶（$31，有小食、油菜、凍飲）既menu出來！個餐下午2點半至6點半問，問佢點解唔3點先拎出來,下次都係問作拎下午茶MENU BTW食物味道唔錯的…查看更多

在旺角逛街，最後一站是天地圖書，可是要買的書缺貨，心灰意冷，不想再考慮吃甚麼，便在路經的裕一品吃晚餐。餐牌有一人餐和二人餐，再看到單單一碗大窩過橋米線已要$45，二人餐好像最划算，於是我們點了一個。食物有～蒜泥白肉：豬肉算軟滑，加上大量的蒜泥，很惹味。雞翼：雞翼炸得很香脆，好！可惜只有三隻，兩個人不能均分。油菜：餐牌寫有兩碟，但在我們點菜時，侍應已告訴我們那是印錯了，實際只有一碟。沒關係，反正我不喜歡吃菜，哈哈！油菜質素普通。大窩過橋米線：配料種類多，有牛丸、雞肉、豬肉、火腿、豬腩肉、豬潤、墨丸等等，但每款的數量都不多，有些只有一塊、一顆，不能說是「豐富」嘛！而米線算爽滑，份量較預期少，感覺不足兩碗。我們都是食量大的人，所以吃得不算飽。飲品：凍飲加$2。我們點了凍檸蜜、凍咖啡，味道正常。總結而言，我會再光顧裕一品，但不會再點二人餐，還是一人餐比較抵食。…查看更多

熟悉我的朋友都知道，我超愛吃粉麵，同家人外出就沒辨法啦，多數是吃飯的。跟朋友就不同了，我大多會迫他們去吃米線！哈哈哈！這間米線舖，數數手指，嘩！原來已經吃了差不多十一、二年！以往他的店是在長沙灣，跟朋友們是特登搭車到長沙灣去，吃飽飽再搭車到旺角行街。可見它的魔力！還記得當時他只有一家店，每每去到都要等位，慢慢再在旁邊多開一家，但人流依然未減。我們笑說米線裡是不是落了罌粟，每隔一段時間米線癮都會發作。近幾年，他終於在旺角開了分店。說了這麼久，還未介紹主角呢...嘻嘻。它就是裕一品。可能在旺角大家的選擇太多了，所以每次都裕一品都總能找到座位（但店內都滿了四分三的）。與友人兩個女孩，例牌必點大窩過橋米線套餐（加辣加一元），再加一杯凍飲。我們叫了三小辣，滿滿的一碗熱呼呼的端上來，教人口水直流。自己很愛吃竹笙，因它吸滿了湯底的味道，不要再說了，現在很想吃　T^T。魚蛋墨丸都係彈牙，豆卜也是很喜愛的。炸醬酸菜通常會叫它另上，因不想所有炸醬都融掉在湯底，一口一口吃也不錯呢。其實個人最最最喜愛就是他的湯底，每次也必喝掉大半碗，但明白到味精是確有的啦，所以口喝死了 。以往在旺角這分店，有個敬業樂業的服務員，做每一件事都是笑著做，跟客人們開開玩笑，這樣又一天了。一直很欣賞她，有些事，你既然不能不做，為何要哭喪著臉做呢？笑一笑，世界的確會更美妙。埋單$40+$1+$5，盛惠$46元。在旺角要好吃，又要吃得飽飽又要划算，這裡確是不二之選。…查看更多

經開旺角諗住食少少野，間間都鬼咁多人，貪快就入左呢間野！兩個人叫兩碗米線！其實只要湯底好，更難食都有個譜。佢個酸辣湯，搵條酸菜都無。個湯根本係醋同辣椒醬溝出嚟！清湯直頭似清補涼，真係難食到喊！墨魚丸係粉到爆，完全係出面廿蚊磅貨仔！未食完已經要走！真係買包食都無咁嬲呀！未食過咁難食既米線！都唔明點解有人會寫好食！定係間野做到唔憂做又無心煮好d野食比客人呢！唉！…查看更多

午餐想吃個米線, 這是譚記以外的選擇, 跟譚記餐牌的選擇大同小異凍檸茶有4片檸檬, 茶味夠濃, 沒有偷工減料吃的是清湯麻辣雞翼米線加炸醬, 配了充足, 湯底又不會感到很味精, 不錯麻辣雞翼辣味很嗆, 有點而油膩, 不過雞肉是挺嫩滑呢埋單每人三十元左右, 不失為一個便宜飽肚好選擇…查看更多

晚上11時30左加入座. 只有2台客 收鋪張近 可能因此食品質素有所下降豬潤腩肉麻辣湯米 $27 凍飲 +$5豬潤份量比較細塊/小但好在剛剛夠熟 不會煮得老今次的腩肉真的完全不能接受4/5是FAT 1/5是肉 !!!還有的是 咸得像是在吃"燒肉"至於湯底 味精非常重手 用餐後30分中 需不停飲水!!!凍奶茶反而有驚喜即沖還帶小熱可能是接近收鋪時段 因此比較差前幾次來 是非常有水準希望下次再去會回復正常…查看更多

旺角先逹附近都好多麻辣米線店，除左香格里拉外，我多數食裕一品，貪佢多配料多選擇，而且有些特別品種!先講湯底，一般店都有三種，清湯、麻辣、酸辣。我怕酸，只食麻辣(小辣)，小辣是可接受的辣，亦不會很麻，湯底亦不會過咸，味道不錯，我都試過中辣，中辣就真係標小小眼水，唔係食開辣的話最好唔好亂來。米線方面：俾我印象係好彈牙，唔會太淋，唔知係師傅手勢好，定佢種米線係咁，不過口味問題各有不同，我女友反而唔鐘意佢太彈，ANYWAY~佢唔會軟哂林哂，食我口味。餸：佢選擇都叫多，唔似得譚仔得大路餸，比較特別的有墨魚頭、竹笙。我今次叫左牛丸(可惜姐姐聽錯左俾左牛肉我)、蘿蔔、墨魚頭。牛肉其實唔係好好味，感覺唔知點講，總之覺得麻麻、蘿蔔都叫林，但未算非常入味，不過都保留蘿蔔應有的甜味。墨魚頭：喜出望外，我估唔到最吸收湯汁的係佢，特別係僅有的兩鬚，非常軟而且充滿湯汁味道，而墨魚頭亦非常爽口，份量亦不算少。總評：平，對比其他店佢係平，份量都夠。23蚊一餸，加2餸都係31，加冷熱飲都係加5蚊，36攪掂，話佢真係好平又講唔出，但對比之下佢係算咁。仲有，做野的姐姐好好聲氣，有次有個姐姐又係落錯ORDER，佢都好好聲氣咁講SORRY 話幫我換，我費事佢麻煩無要佢換~…查看更多

個幾月無食啦。又加價啦, 已經要$40一個套餐啦。好彩加左價. 個size 都無縮水。我地叫左6小辣, 但竟然對我黎講一d 都唔覺得辣, 係米佢輕手左呢? 同埋d 豬潤差左囉, 食落好似擦膠咁><仲有宜家樓面得一,兩個阿姐, 我地叫左3次先有人幫我地落單囉!差左!…查看更多

愛吃米線的我，來到這家店試吃‥‥點了豬肝、腩肉米線、清湯 + 香草雞翼‥‥上菜速度還不錯，大約五分鐘便送上熱騰騰的米線‥‥雖說是清湯，但湯底清甜，不錯‥‥米線有點硬身，但可接受‥‥豬肝過熟，已很乾身及硬身，不好吃‥‥腩肉不算後肥膩，好吃‥‥雞翼細小，賣相一般，味道普通‥‥總結：這家米線店，不過不失，或會再來的，但不會再吃豬肝‥‥…查看更多

我地又黎lu~今次同朋友黎食一個套餐, 鍾意佢咩都有, 宜家已經加價到$40啦, 十小ma 辣再加$1$$$ 加左, 但碗野好似仲細碗左咁, 不過2個女仔都夠食既。同埋味道仍然keep到既。雞翼方面, 有6 隻, 好細隻呀, 都係譚仔雞翼最好。…查看更多

行旺角, 行旺角, 行到肚仔餓 XD忽然好想食辣辣既米線, 咁o岩路過『佢』, 一於試下啦~同男友仔一人叫左一碗, 仲有小食同野飲...男友仔叫左:小麻辣米線 (配: 牛肉+籮白)我就叫左:小酸辣米線 (配: 豬潤)再加左小食:香草雞中翼 (3隻/客)一杯凍豆漿等左大約....20 分鐘, 有野食!!!哇! 好大碗, 早知叫 1 碗 share 算啦... =.=!偷左男友仔少少牛肉同籮白, 牛肉就無咩特別, 籮白就好甜 我最愛既豬潤, 好好味, 一 D 都唔 "鞋", 讚!!雞中翼大約等左 15 分鐘先上枱, 熱呼呼的耶, 好香!至於豆漿....呢個唔推介, 無咩豆味, 啖啖的...總括黎講, 呢間米線真係唔錯, 湯底 / 配料 / 米線都好好!!果班姐姐既服務都好好 會再黎, 加油嚕 p^o^q…查看更多

無乜好選擇..亂行今次試左呢間..要左 黑柏葉-味道一般..無豈特別..不予置評..得幾片比較小.豬潤..鞋左d..唔得新鮮..芝士丸..街市打邊爐料..無乜好講..米線連湯..真係同下面所講一樣..真係唔當一回事算la..x仔雲南會好過它好多聲~~~服務算ok..話小冰真係小冰好多..唔明點解會有蔡南合照..…查看更多

忙左一星期又好, 懶左一星期又好, 總言之師傅上星期就真係咩點寫到食評; 身邊嘅好友不斷催速師傅, 真係令師傅十分感動, 而呢種力量正好成為師傅嘅動力, 所以師傅亦不敢怠慢, 趁住星期一拿拿聲寫返一個食評先!上星期二, 師傅好記得皆因係一連十天嘅大會嘅最後一天, 當散會後師傅同師妹就一同晚飯, 而師妹話想去試去農夫包, 咁師傅當然冇問題啦, 不過為免去到已經落閘放狗, 於是師傅就叫師妹拿拿聲用部iphone查下間食店幾點落閘幾點放狗, 真係好彩查一查, 如果唔係就真係得個 “行”字! 冇農夫包食, 唯有即時轉場, 但諗爆頭兩個人都諗唔到食咩好, 忽然間師傅腦海一閃, 於是問下師妹食米線好唔好, 師妹亦和議, 師傅就決定黎到呢條街, 皆因一條短短嘅街竟然有三間米線店, 為免出事師傅又叫師妹拿拿聲用部iphone查下邊間高分d, 最後就揀左呢間食店為晚膳的地方!入到食店, 唔算好多食客, 但亦唔係水靜河飛, 所以師傅都冇咁驚! 坐底後就立即睇下有咩好食啦, 唔睇由自可, 一睇又把幾火, 話說呢間食店係賣四川雲南米線, 但佢地嘅作風同譚仔一樣咁衰格, 何解? 咪又係加辣要加多一蚊囉, 四川雲南米線正常都係辣辣地架啦, 有咩理食四川雲南米線加辣要加一蚊; 一蚊雞喺今時今日雖然已經唔係錢, 但都唔好咁過份, 絕對比食客有一種搶嘅感覺!師傅嘅然黎得食, 嗰一蚊雞梗係豪比佢啦, 於是就柯打左炸醬, 牛肉同墨魚丸米線, 配上酸辣湯底; 而師妹就柯打左炸醬, 生根同芝士腸米線, 配上麻辣湯底; 再加一杯凍檸茶同一罐汽水! 呢度湯底辣度分為十二級, 嘩! 你話十二級咁多, 有冇咁勁呀? 勁唔勁師傅就唔知, 不過師傅覺得有少少多此一舉; 皆因十二級分為大辣, 中辣, 同小辣, 又喺小辣再細分十級, 坦白講師傅覺得柯打十小辣同九小辣或四小辣同三小辣嘅分別應該唔大, 所以師傅就揀左一小酸辣, 而師妹就揀左一小麻辣!本來師傅想柯打小食, 但諗深一層都係唔好作無謂嘅犧牲, 於是就乖乖地咁等碗米線喇! 幸好等嘅時間唔係好耐, 當放低後師傅第一時間開餐, 第一啖當然係試下個一蚊雞湯底啦, 十小酸辣湯底都真係幾酸幾辣, 而且辣勁過酸, 唔得平衡, 當然對師傅呢d啫辣人仕唔係咩大問題啦, 不過如果想靠酸辣黎開胃, 似乎功力未夠, 加上味精都幾重, 成個一蚊雞湯底真係覺得比一蚊都嫌多!再講下炸醬, 炸醬入口唔酸亦唔辣, 但就十分之咸, 加上入口嘅炸醬全是肥豬肉, 口感其差, 絕對唔合格; 而牛肉就又乾又韌, 雖然食到有少少牛味, 但要同片牛肉角力始終令師傅不是味兒, 唔掂呀; 最後墨魚丸有三粒, 一咬下去墨魚丸十分之香, 甚有墨魚味, 可惜入口勁粉, 一d都唔爽口, 絕對談不上好味; 最差莫過於米線, 因為米線勁腍, 絕不爽口, 甚有一般茶餐廳嘅影子同水準, 非常失望! 而師傅亦有試過一小麻辣湯底, 入口係幾辣但食唔到有麻味同香味, 味精喪重唔掂; 而師妹嘅芝士腸同生根反而好, 芝士腸夠香夠爽, 生根夠腍, 但呢兩款食物堪稱毫無難度, 所以亦不需要太過高興! 總括黎講食物質素令人失望, 環境光猛, 服務態度亦算友善, 價錢接受到, 三個餸加埋辣都係廿九蚊, 配埋飲品都係三十三, 貴就唔算貴, 不過唔好味呢下弊, 所以師傅覺得唔抵食! 師傅邊吃邊鬧, 所以好肯定冇下次, 因食完後仲要飲大量清水, 直頭係漱口兼洗胃咁, 一蚊雞嘅湯底連真係比一蚊都嫌多, 喊臉係一定要比! P.S.雖然唔好味, 但仍然要多謝師妹!…查看更多