衍思美食屋

無意中發現！因為朋友行過影相比我睇，我平時鐘意食糕點同蛋糕🍰配茶呀咖啡☕️。望到佢影比我張相以為係捲蛋，冇乜興趣。但望到斑蘭糕同細望又唔多似芝麻卷同捲蛋，是但圈左兩件叫佢買嚟試吓。返到嚟望真啲，覺得幾有創意！將糕點整到成件蛋糕咁。味道： 斑蘭糕太少糖，糕嘅質地幾好但冇糖冇特別。芝麻西米果件，食落嘩！煙煙韌韌，質地比一般芝麻卷挺身，芝麻味香！今日第二次買！買左芝麻果件再加試件新口味，抹茶🍵紅豆🫘！ 又係幾好味！抹茶味唔搶口，呢點省略佢！底層果個紅豆🫘我覺得直頭就係砵仔糕！*如果店主接受意見，不妨加啲啲、少少糖去整呢啲糕點，差好遠！（芝麻果件唔洗，而家夠香，呢件乜都唔好搞）…查看更多

去買燒賣 見佢係咁不我就問可唔可以要五粒咁上下因為都夜費事食咁多佢話10$五粒 我話ok比完錢望一望價錢牌：10$九粒燒賣我問佢九粒同五粒一樣價錢你唔講…咁你俾番九粒我如果你同我講九粒五粒一樣收10$我會要少啲唔想浪費食物 而家夾硬食晒九粒為啖氣上次介紹我買支豆漿話佢地自己整結果仲淡過水唔係價錢問題 不過真係唔老實豉油又比得少做嗰幾蚊街坊生意都要咁唔怪得前手斗來香生意好咁多…查看更多

佢嘅豆漿水準非常之高，有好多捧場客！另外我都有試過佢嘅紫米露都覺得非常出色，行過大家不妨試吓！員工非常有善及有禮貌！值得一讚！我本身好少寫食評！但覺得有水準嘅小店，我哋應該加以鼓勵但覺得有水準嘅小店，我哋應該加以鼓勵。…查看更多