蠔客

今日突然間好想食海鮮近近地去紅磡黎間餐廳係一個好嘅選擇記住記住呢間餐廳係6點先開門食西餐梗係有凱撒沙律開始叫左半打FDC 同埋半打 Coffin Bay Oyster 🦪跟埋支白酒 淡淡地幾好 首先呢隻FDC 喺市面上面都比較少唔會太creamy 好爽 Coffin Bay 肉汁肥美配埋少少海水味一流跟住就係澳洲嘅 Scampi 🦐今次好大隻呀 不蝦頭頭果啲蝦膏超新鮮好味 完完全冇苦 檸檬汁同豉油都唔需要加之後仲加多左個秘製燒汁和牛粒同埋白汁松露蟹肉意粉🦀和牛粒唔錯 佢係除晃炒嘅時候已經聞到香味不得不讚白汁松露-'蟹肉意粉真係好有驚喜面頭有好多蟹肉 白汁都唔會好流上到台嘅溫度同熱度配合得非常好哩度係我定期兩三個月都一定會來這餐廳…查看更多

同老公兩個撐枱腳，諗住夏天想食啲清爽嘅嘢，就試吓呢間蠔店。我們點了兩款生蠔，生蠔新鮮，大隻厚肉，非常鮮甜，我們兩人一口氣吃了一打。點了一杯白酒同特飲，同生蠔絕配。另外，我們點了黑松露蟹肉意粉，意外地非常出色。蟹肉鮮甜，松露味突出，令人一口接着一口地食。店了的 Carbonara 也非常好食，好食到唔記得影相 😅小食方面，點了單骨雞翼，炸得唔錯，香脆多汁。可惜醬汁係現成的，不過唔點都都夠味。非常滿足的一晚！已經列為紅磡的喜愛餐廳之一 😋😋…查看更多

同朋友小聚 兩個都不約而同想食生蠔 隨手係附近買咗支白酒🍾然後就過咗嚟紅磡美食街依度一間蠔吧🦪Menu上面嘅蠔有好多種 我哋淨係識幾款 所以我哋就諗住直接問店員意見 不過店員話當日只剩兩款蠔 好彩仲有我哋想食既Gillardeau 另外一款係美國蠔 我地未食過 不過唔使我哋兩個選擇困難嘅人諗食咩都係好事🦪Gillardeau $78生蠔界嘅勞斯萊斯 食過名不虛傳 海水味偏重 肉質肥美厚實 咬落去幾爽又有彈性 🦪Eagle Pacific $35其實質素都不錯 蠔味都重 口感比較creamy 蠔既size細啲 同勞斯萊斯比當然都差咗一截 但係價錢都貴一倍😹所以性價比都高 俾錢先知原來外賣自取有八折🥰😝店員都有細心咁加咗冰包喺蠔下面保冷仲要有折 即時勁抵食 下次會再encore…查看更多

因為武漢肺炎搞到好耐冇出街食飯，難得情人節俾個籍口同屋企人出去食飯慶祝下，好彩有訂位，因為鋪頭得12個位，但係都乾淨企理～叫左個情人節套餐再加多左個意粉嘩，一上黎就係個拼盤賣相勁吸引味道一流勁鮮甜🤤🤤食生蠔可以增加抵抗力🤔吾理甘多就係鍾意食🤣🤣有湯有包有意粉有甜品，掛住食都冇乜點影相，呢餐滿足哂😌職員姐姐仲同我講呢排非常時期可以包送外賣tim👍🏻 估吾到有間隱世小店出黎既食物高質又抵食…查看更多

經朋友介紹嚟呢間餐廳食蠔咁岩聖誕節就叫咗佢個聖誕生蠔海鮮餐-新鮮即開生蠔8隻-鮮甜加拿大海膽-沙律雞尾蝦-北極爽甜翡翠螺-凱撒田園沙律-法式黑松露鵝肝意粉-聖誕精選甜品經店員推介加錢轉咗佢menu入面嘅生蠔食生蠔果時有一兩款啲味特別唔同我同我朋友都無為意以為係果款蠔特有嘅味海膽不過不失蝦有6隻都鮮甜嘅但有一兩隻霉霉地翡翠螺有6隻味道淡淡地都ok鵝肝意粉個鵝肝太肥但又無鵝肝嘅香味意粉就正常水準成餐原本都不過不失嘅$647兩位食聖誕餐但最恐怖係夜晚返到屋企我同我朋友都瘋狂肚痾應該係食物中毒而且我都幾肯定係呢間餐廳出事因為我全日淨係食咗個公仔麵同呢餐真係唔敢再嚟啦…查看更多

差唔多兩個月冇黎，又係時候要食生蠔啦。🎈環境🎈雖然鋪仔細細間，但旺中帶靜，坐得好舒服，同朋友食飯傾計一流。🍑食物🍑今次叫了一個套餐，有生蠔六隻，意粉及蒜茸包，好抵食。再加一點其他生蠔，兩個人食，好豐富，好滿足。生蠔很新鮮Carbonara 做得很出色，份量也很足。今次深色左少少，但味道都ok。另外點的雞泡魚干💁🏻‍♀️服務💁🏻‍♀️服務做得很足👍🏻💰價錢💰性價比高，抵食👍🏻…查看更多

首先講食物,D生蠔又大隻又新鮮,今日去食情人節套餐,價錢一D都唔貴,兩個人唔駛1000蚊,值得推介!服務員非常好,有禮貌,亦都主動介紹食物給我們,比我最深刻印象係我們埋單離開之後,他們打電話比我話埋單計多咗錢,他們講了多次Sorry ,並即日退回入户口,真係值得讚😃😃😃為一決點係地方太少所以祝蠔客生意興隆,越開越大!!…查看更多

晚飯時分,由於我今日好先食左個late lunch,所以都未太肚餓,朋友話想搵d地方食少少野,坐低傾下計,記得之前有朋友介紹過話呢間蠔客幾好食,咁就同朋友飛過去試下啦😆,可能已經差不多10點,都幾易搵位泊車,入到去,其實我自己本身唔太識分蠔🙄,見到個餐牌都暈暈地,好details咁列晒國家,品種😭,可能店員見到我好多問號,就主動行過黎同我地介紹,我同佢講話想食d大粒既,有creamy,有爽口既,諗住咩都試下,咁佢就介紹左我地幾隻款,黎到果然無失望,都真係幾好食😋大既有半隻手掌咁大,creamy既同爽口既又真係好唔同👍🏻多得店員介紹😆…查看更多

幫襯了幾次的起心肝寫下食評蠔嘅質素，不容置疑非常新鮮，非常鮮甜，今我得閒就掛住佢地要返黎探下佢地次次黎都要食返座底一打先夠喉咁嘅質素嘅蠔對比出面，價錢相當抵，性價比高…查看更多

由以前唔食蠔到而家變左「蠔怪」❤️❤️❤️，有時都會買番屋企自己開，但好多時都好懶，寧願出去坐定定等食😎因為我中意爽口帶少少creamy，「蠔客」呢6款完全係我的菜，特別係法國Gillardeau，好重蠔味食落好有層次😋👍🏻仲比喻為蠔中「勞斯萊斯」，最重要重要一點係呢到嘅生蠔係超級新鮮，一點沙都無，價錢大約$30-40/隻，性價比高👍🏻-加拿大海膽非常鮮甜，一d都唔腥，可以配青瓜或者紫菜，我自己就中意爽口青瓜配鮮甜嘅海膽，一啖放入口真係無得輸😋-之後有個海鮮拼盤，分別有翡翠螺/紐西蘭龍蝦仔/加拿大甜蜆/沙律雞尾蝦，翡翠螺用左祕製醬汁醃製過，夠味好特別，紐西蘭龍蝦仔我第一次食原來好甜連個蝦頭嘅膏都可以食，加拿大甜蜆好厚肉，沙律雞尾蝦好有驚喜😍非常彈牙加上個沙律醬真係食一打都無問題啊😋😋😋-鮮活波士頓龍蝦刺身，好新鮮😎上枱個陣佢仲郁郁下，由於食材質素好，只要加少少檸檬就已經夠啦🍋👍🏻如果有朋友生日，可以預先同餐廳講，佢地會利用乾花整字母冰粒出黎🌸🌹，影相呃like一流😁-芝士焗龍蝦，食完刺身將個頭同對拑再加芝士焗就唔洗浪費左隻咁靚嘅龍蝦，芝士金黃色好香，龍蝦肉焗完都好juice一點都唔乾👍🏻-松露海膽大蝦意粉，食完咁多海鮮，要食下熱食暖暖胃☺️呢個意粉真係好巴閉，呢個意粉用左花奶去煮特別滑，黑松露好香，用料好足，入面好多海膽，大蝦煎完都好大隻又爽口彈牙😋👍🏻…查看更多

其實蠔既選擇還可以～ 幾新鮮選了$238餐，只包$32既蠔6隻，1客$68蚊carbonara, 同4片蒜蓉包。最基本coffin bay都要$35蚊，不過我都揀晒其他店員推薦既當照蠔。個pasta都轉做$158既鵝肝pasta. 蠔算新鮮，但係個pasta昏直係浪費了。（冇影相）舊鵝肝算普通size, 但係裡面係凍既，反轉另一面黎睇，原來只係煎左一面。個pasta係黑松露，不過冇黑松露味，只係有好多蒜蓉⋯⋯ 所以成個pasta好曬，仲要$158。但係我都冇食埋佢，凍鵝肝唔係咁岩食。再叫了客元貝刺身，大份又新鮮！$108客最後食埋個原個蘋果雪葩。成張單食左$11xx，除左蠔新鮮之外，其他不算滿意。價位偏中上。因為套餐裡32$蠔選擇有限，$68pasta只有一款carbonara, 最基本可加多一款$68pasta俾客人揀。但係我反完屋企就搞肚痛！急性腸胃炎。希望改善返食材料理，不致浪費食材及導致客人腸胃不適…查看更多

作為一個蠔控，曾經我挑戰過以蠔作為主題的自助餐，個次誇張到食咗50幾隻蠔，之後睇新聞見到有個蠔瘋食70幾隻之後中風都咪話唔驚，人開始長年紀，食得就越少，近年開始用嘗蠔的心態食蠔，而唔係鰭吞蠔，所以就周圍搵可以食到多種蠔但又性價比較高的店，終於俾我係幾年前搵到OYSTER HUT，作為我去香港必列入的行程。5月27日，一個毫無先兆掛風球的日子，當我同朋友捱過如同坐過山車令人嘔吐不已的噴射船，終於到達尖沙咀碼頭，望住快要晚上八點，唯有一路狂奔到的士站，心急如火的等待的士，期朌可以不遲到的赴五月之約，幸好在我們剛踏入紅館，才開始響起"DO YOU EVER SHINE"的歌聲，在一輪又跳又唱又叫又喊的享受後，令我期待的第二個節目就係醫肚啦，成晚無食野，快餓到暈。黎到紅磡，我又點可以錯過唔去OYSTER HUT，但係睇完五月天行得過去(太耐無去，搵咗段時間)都成12:00a.m，雖然查咗佢星期五會開到01:00a.m.，但都驚佢無客會早收，估唔到開口中，去到佢舖侍應已經係到執緊枱，問佢係唔係收舖，佢真係話係，個下心情真係好down，我好掛住蠔兒啊朋友好冷靜咁見到隔離隔離開蠔的地方仲開緊，就提一提我，咁我諗外賣返酒店食啦，雖然都驚無咁好食，但我今晚一定要以蠔黎作結，咁先係一個爽到爆的晚上 !!!然後然後，好的事情發生啦，開蠔舖個靚姐姐問我地堂食定外賣，我當然驚訝咁問仲有得堂食咩，佢話ok，仲帶我地去返堂食舖個邊，同個夥計話做埋我地呢枱堅係開心啊!今次我循例都係叫咗個半打蠔餐($238，以前係$188)，有半打蠔(任簡，貴過$32補錢)，白汁煙肉蘑菇意粉(都可以簡menu入邊的意粉，貴d又係補錢，今次遷就第一次黎的朋友叫咗食咗n次的例牌，下次我一定要叫蠔汁意粉，黎個全蠔宴)，仲有蒜蓉多士。其實因為成日自助餐都食到例牌法國蠔個d creamy開的味，所以個人偏好試d海水味好重，礦味濃，又爽脆的蠔，又或者d特別的蠔味，當中尤其愛上西非蠔Nelia個種食落有果香味的Feel，所以今次都係即問有無南非蠔，可惜可惜 ，太晏啦，西非蠔賣哂啦，又配合返我第一次介紹黎食OYSTER HUT的朋友，佢鍾意甜味同creamy，所以聽咗侍應介紹，簡咗隻美國蠔Astoria Jumboz($58/EA)，仲有兩隻法國蠔，其中一隻唔記得咗名，另一隻就係侍應勁推的蠔中"勞斯萊斯"($78/EA)啦，勁期待的。上菜啦!!!先上的一定係凍盤，我第一次食見到有盤上盤，睇黎"勞斯萊斯"係要突顯返佢的地位，通常食蠔都係由淡到濃咁食，OYSTER HUT就每次都會排好擺埋個牌話我地知由邊隻開始食起，最開頭個隻係唔記得叫咩名的法國蠔，食落好creamy，食到最好有少少咸味，口感都幾好，但就無令人嘩一聲的感覺，之後就到隻美國蠔，我嘩咗一聲，因為真係好大隻啊，好少見到咁大隻蠔，而且食落去真係好飽滿啊，個口感真係好豐富，肥美得黎夾雜又甜又咸又少脆，真係鍾意食蠔的人，會好滿足，覺得好似一隻蠔滿足咗鍾意又咸又甜的口感，幾正終於都到期待已久的Gillardeau蠔中"勞斯萊斯"啦，睇佢個樣就同平時的蠔樣唔同，我真係逼不及待要食佢落肚，平時食蠔我都只係鍾意落少少檸檬，呢隻蠔個味真係好特別，唔係一般食的蠔，唔係甜就係咸咁簡單，仲要有D你平時未食過的蠔味，好難形容個種味，係有少少礦味同少少不知名水果味，真係好難解釋，但就真係好奇妙，食完個口仲係有個種複雜的味，久久不退個人鍾意"勞斯萊斯"同美國蠔，朋友就鍾意不知名法國蠔多D，食蠔呢D 野真係各有喜好，我就一定係特別口味掛期待下次再挑戰不同口味!!OYSTER HUT每日都有個牌寫當日推介，可惜無試個日的西班牙蠔，期待下次去仲有，但就試咗推介的日本紫海膽，靚姐姐話紫海膽係大塊D甜過一般日本海膽，試咗又真係正，搭紫菜食真係一流，個種甜味有少少回甘蠔同海膽都唔可以真正醫肚，點都需要D熱食，所以個意粉同多士真係好滿足到我地，可惜無影相，下次再去真係要每樣都影先得，個蒜蓉多士，真係好重蒜蓉味，熱辣辣我真係食到幾塊，餓得濟，唔理要食完凍野再食熱野，我同朋友都間住食海膽同多士，覺得滋味，最後的意粉真係好重芝士，好香好好味，可惜係一凍就減分，D芝士會"耆"住哂，無咗之前個種溶哂，混埋意粉一齊的口感，所以下次食，一定要快，趁熱快快食先得不得不提個日我地食到超過1:00a.m.，堅係阻住靚姐姐收工，但佢好nice好善談，知我地岩岩睇完五月天仲同我地吹咗兩咀，表達佢作為s.h.e fans同樣有難買票的苦況，黃牛黨堅係黑人憎有時開心就係咁簡單，趕到入場後先開show，失而復得食到想食的野，得到好的接待，就會係美好的一天朋友覺得我呢個介紹唔錯，我都好開心我的愛舖有人識欣賞約好下次再一齊去p.s. 結帳後，奉送食夠$400可以用的$50現金卷，期限去到2016年12月30日，第一次去有卷送，咁仲唔係俾多個理由我地再去食仲有張開蠔班優惠卷，聽靚姐姐講好似係200幾蚊就可以兩人學開12隻蠔，加可以飲野(酒或無酒精飲料)，個班逢星期六日先開，我同朋友都覺得幾抵，可惜身在澳門，特登六日走過香港都需要D動力，好在期限都係去到2016年12月30日，一於同朋友計劃下先…查看更多

對於呢位友人揀親既餐廳都無咩期望，次次都係唔係肚痛就勁難食，一係就叫咩無咩，所以今次都係抱住以命去博既心態去試一試我地揀哂兩款套餐，套餐A包括6隻$32既蠔,4隻螺同一隻麵包蟹，套餐B包括6隻$32既蠔，一個意粉同一份多士如果揀貴過$32既蠔可以補番差價就得，我地揀左幾款法國，一款西班牙，一款南非，一款美國，全部都係廚師推介，本身想揀澳洲但廚師即刻話澳洲天氣熱蠔好細隻 叫我地唔好揀一上台見到肥肥白白既蠔等待住我食哂佢地每一款都鮮甜重海水味，其中一款過於creamy,但整體都係99分呢隻係西班牙蠔，廚師推介爽甜重海水味 呢個就係蟹同螺拼盤蟹佢話係新鮮唔同出面街雪蟹見到咁多膏，令平時唔食膏既我，都忍唔住試下，膏好香濃，食完入口之後濃味一直係口入面散播，螺肉鮮味爽口最後一張相係食到一大半既膏，可以睇到入面都係仲有好多，塞滿滿既膏，好岩愛膏之人最後有意粉同多士，意粉本身其實好好味，但可能因為太飽既關係，所以無覺得超級好味，但佢既汁係比較傑身濃濃煙肉洋蔥味，令到人覺得creamy 但唔會“流”，最後我地二人都食哂佢，月食月想食多d下次再要同老公再黎，佢係愛蠔同愛膏之人，一定好鍾意…查看更多

放工收到朋友電話無啦啦搵我食飯個朋友又係冇主見個啲人所以我哋行過經過呢間就入去食啦老實講睇外表完全冇抱任何希望 點知收穫都幾多由於太肚餓嘅關係我哋就叫咗一客多士 Sorry 太餓冇影不過只是一般TOAST 沒什麼驚喜西餐梗係食CEASAR SALAD啦 菜脆 汁好味 面包粒OK  合格再黎 SCALLOP 元貝 幾大隻識食一定唔好點豉油先 呢D SAHIMI 一定MUD都唔點試左先試左OK 清甜 但係可以再甜D 所以我都係點少少豉油好 第2樣SASHIMI 牡丹蝦一個字甜過元貝  好LIM口 總之食過就明可能我個人係真係好中E食生蝦  YUMYUMYUM！！！！我是酒鬼 我一食得開心 一定要叫酒 呢支酒不過不失啦 13% 酒精濃度啫 不過飲落去都幾濃 我朋友飲左3份1 之後我包底 都OK架 易入口飲酒中，加拿大海膽到！！！我個人係不太喜歡他用帶鹽的紫菜都係用日本的好  希望可以改善啦但味道真係好正 好難形容！總之中E就好中E 好似我朋友一口都冇食過 淨食紫菜 LOL 一提起佢 。。。算 食完MYLOVE 到我都幾怕既生蠔都係個句 中E就好中E啦 我朋友就好中E 但我就MaMa 好彩佢叫左2個唔係好濃 仲覺得幾甜！叫左邊兩款我就唔知喇 個度多到我頭暈 完全睇唔明建議叫WAITERS幫手 成晚都幾耐心答我地問題架由於之前食過D自助餐既蠔 WAH！不HUM設想食完之後 真心對蠔改觀！:)食完凍食 點左個PASTA 海膽大蝦黑松露意粉！ 好好味！份量岩岩好 蝦2大隻 好爽味道適中 不太鹹 食到好似有黑松露 好足料可惜有D 飽 可能放得太多芝士 如果落少D 會好D其實食完PASTA已經飽左 不過支酒未飲唒 所以就叫左呢個 雞泡魚乾 送酒！食第一口都幾乾下 不過食食下都OK WOR！點汁仲好食！肥死食完酒都飲完 坐多一陣都埋單走人 不過總括黎講都幾好味 係會再黎過既！…查看更多

▋YumFood。 食蠔DD@紅磡Oyster Hut[首圖] 令你留口水沒有?! LOL多久沒請爸媽去吃飯...上次爸爸生日去吃了一次覺得滿意就再去一次門口不顯眼的 但有驚喜Oyster Hut紅磡德民街29號G2 & K2號舖"新鮮好味""同樣價錢, 我寧願吃好吃的都不想吃自助餐的熱葷"一行五人 高興了就叫了一枝白酒keekee! 不酸 很易入口先來前菜Caesar Salad再叫了4款生蠔 侍應貼心的叫我們順時針由淺到濃味食起好吃到大叫! 超甜!我只記得我最喜歡的那款比較creamy的叫Rolex眼見有其他客人自己一個去吃只叫了半打生蠔自己啃所以如果我夜晚突然想吃蠔也可以拉我媽去只吃幾隻就走人 !爽!這個是北海道元貝刺身"媽呀....愈寫愈餓"我用刀叉吃這個有手掌大的元貝這個要沾醬油比較鮮甜再來Scampi 龍蝦仔是當晚的MVP! 我心中的第一名! "來! 獎杯拿來!"超甜< 我還要打幾次超甜....蝦頭平時我都不吃的! 但這個只有鮮甜....沒其他了!我把它扒開到最後一分一毫都不剩這個螺也很好吃的, 好像有特別煮過的跟我出面買回家吃的不同 超正! 超甜! oh uniiiii!但這個跟紫菜不搭 可以分開吃不用沾任何醬 ohhhhhhhhh yummm再再再來一隻Brown Crab 法國睡蟹大小適中 擺盤完整yeah!還有超多蟹膏的 5個人分著吃好 不會太多吃完凍的到熱食 Pasta黑松露鵝肝意粉 鵝肝煎得剛剛好 不會太熟但我覺得不夠香話雖如此 但仍然是可以清碟的好味!yeah yeah yeah!! 這個第一次來也有吃海膽大蝦意粉 creamy jeng!鮮茄蜆肉意粉 不喜歡太creamy 的可以吃這個酸酸地 好惹味! 中間我們還叫了雞泡魚干小食這個必食! 即叫即燒的上枱時依然熱呼呼的日本椰子雪糕/ 蘋果雪芭 就做最好的ending!overall 我一定會再去的..5個人每人大約4百多食物的質素來說 一點也不貴最最最重要的是我爸說好吃....這真的很重要 因為他本人很煩約會dating都可以來燈光暗暗的huhhh well LOL-完-…查看更多