蛋白怪獸

觀塘嘅高蛋白手搖店競爭真係激烈，今日就試咗呢間新開嘅protein monster嘅希臘乳酪雪糕，加埋開心果醬同開心果碎，值得share。一入口，個乳酪雪糕質地超滑，濃濃奶香得嚟帶住微微酸味，食落一啲都唔膩。最正係佢哋嘅開心果醬，堅果味香到爆，仲有啲細細粒嘅開心果碎增加口感，咬落「索索聲」，同雪糕嘅柔滑形成完美對比。成個配搭層次豐富，每啖都係享受，簡直係天作之合！雖然價錢有啲貴，原本$36加兩個topping要$46，但係用料十足，蛋白質高食得健康，間中獎勵下自己都算值得。如果鍾意食開心果同乳酪嘅朋友，絕對要試吓，包你食過返尋味！…查看更多

今日打完波,有人請飲野. 🧋🧋🧋好嘢！香港終於有拎得出手既奶茶鋪頭啦, 同朋友交換試飲左幾款都好好飲, 全部設計上都好有心思, 唔係出面D大路野. 今次我嗌咗杯西柚檸茶soda, 有好多新鮮水果, 好解渴. 試埋朋友既Protein Milk tea系列, 包括茉香抹茶鮮奶綠Plus版, 同埋鴨屎香烏龍鮮奶茶Plus版, 佢哋用既茶係好香, 有芋圓底係無落糖嘅, 保證健康！同店員講聲唔好意思先, 個日我地應該嘈到拆天, 希望無趕客. 🙇🏻‍♂️下星期打完波一定會再黎.…查看更多

Lunch時間同同事帶我嚟試Protein Monster抹香抹茶鮮奶綠，半糖少冰，抹茶香配茉莉綠茶清香出奇係夾，中階既Pro版已經有20g Protein，對我足夠。近半年係公司有飲開抹茶，主要用嚟replace飲咖啡習慣，飲開就知道佢地用既抹茶粉係靚野，俾個Like先！…查看更多

平時嚟開呢間店都係飲蛋白飲品居多，今次做gym前想試吓新嘢，就點咗杯「西柚檸檬茶梳打」，果然有驚喜！一入口先係西柚嘅清新微甘，跟住檸檬嘅酸香慢慢滲出，加上梳打氣泡嘅爽口感覺，真係好refreshing，完全唔會太甜或膩口，好適合作為運動前嘅提神飲品。 尤其欣賞佢嘅平衡感，西柚同檸檬嘅比例調得啱啱好，仲有淡淡茶香做底韻，飲完成個人醒神晒，做gym時都特別有動力！杯嘢嘅賣相亦夠晒IGable，漸層色好靚，打卡一流。 總括而言，呢款飲品絕對係健身前後嘅好選擇，清爽解渴又唔會增加負擔，下次一定會再encore！👍🏻 #GoodGa #運動飲品推薦 #西柚控必試…查看更多

呢間飲品店嘅環境好靚，整體設計modern又舒服。飲品選擇多得令人眼花繚亂，見到menu上每一款飲品我都想試，真係好吸引！我買咗「紅巨人」，味道真係好好，空肚飲嘅我飲完感覺好飽，完全可以當一餐嚟享用。相比其他手搖飲品，呢款飲品感覺健康好多，成分上都放心。而且飲品嘅味道濃郁，有得揀0卡糖，岩晒口味，令我每一口都覺得滿足。不過，唯一嘅缺點就係呢間店只係觀塘有，希望將來可以擴展到更多地區！我一定會再幫襯，希望下次可以試其他飲品，期待有更多驚喜！…查看更多

我成日都係返工前去買佢地既荔枝酒釀，因為個人太鐘意酒釀既香味。今次決定轉口味試佢地個抹茶奶綠，佢哋叫Pro版話有20g蛋白。入口第一下茶味幾香，之後奶底出返嚟，好順，唔算甜，少少抹茶既苦澀味但屬於好實在嗰種抹茶味。不過唔同MUJI嗰啲「抹茶latte甜甜哋」嘅類型，要有心理準備。…查看更多

呢杯「紫芋滿滿」睇個樣幾吸引，揀咗落嚟試下。Protein Monster一貫嘅發光logo背景仍然好打卡，影相一流。飲品用咗紫薯、芋圓、花香紅茶再加特調鮮奶做底，口感滑身微稠，唔會太厚重，整體飲落去係偏濃香但飲唔出有白蛋味，屬於比較舒服嘅味道。蛋白質方面寫住有28克，應該係佢哋而家最高蛋白款之一？飲完幾飽，啱啱好夠做一餐代餐或者做完運動補下。如果講小小改良位，其實芋圓數量可以再多啲啲，另外因為紫薯係無落糖無建議試無糖，有返糖味層次感會再突出啲。…查看更多

【打卡｜Protein Monster · 紅巨人🍓】第一次試呢個草莓＋山楂＋茉莉綠茶嘅組合，夠晒清爽，酸甜啱啱好！重點係：**14g蛋白質＋好飽肚**，唔需要補充太多Protein／食得清嘅時候都可以當代餐飲✅📍位置：觀塘東廣場📸打卡值：🌟🌟🌟🌟🌟🥤回購值：🌟🌟🌟🌟🌟…查看更多

返工前飲咗杯綠巨人，味道ok，冇咩甜，係清清哋嗰種。鋪頭主打係高蛋白奶茶，綠巨人出邊嘅貼紙寫住有15g，飲完真係有啲飽，唔會想再食晚餐，其實用黎減肥幾perfect。以前個蓋要扭開先飲到，有啲煩，依家換咗可以插吸管嘅蓋，方便咗。飲得出牛油果味，但唔算係好濃味果類飲品，但當代餐或者拎住行街都幾穩陣。…查看更多

呢杯Protein Monster嘅茉香抹茶鮮奶綠，今次試咗Pro版，寫住有20g protein，見到仲有個Plus版，話有28g protein，不錯不錯！不過第一次驚有蛋白粉味，下次都可以試埋。成杯用咗茉莉綠茶做底，再配抹茶同高蛋白奶，雖然係主打高蛋白，但冇乜蛋白飲品常見嘅澀口或者蛋白粉味，入口幾順!整體口感偏清爽，唔會太heavy，抹茶味都幾突出，對我哩D鍾意飲抹茶嘅人嚟講十分大推🤓今個夏天買嚟飲都又舒服，又冇罪惡感👍🏻…查看更多

哇！觀塘終於開咗我成日心掛掛想搵嗰種增肌蛋白飲品舖頭呀！真係等到頸都長埋，今次仲唔係我杯茶？上黎先試紫薯同香芋味，兩樣都係我至愛嚟㗎！飲落去唔單止冇嗰陣好假嘅藥水味，仲要有成28克蛋白質落肚，認真夠料💪💪我諗齋飲一杯嘅蛋白質，都夠我平時食成五隻蛋白㗎啦，真係慳時間又幫到手增肌，飲完好安心又滿足😌💪仲有呀，個餐牌真係多選擇到嚇親人，睇到我心大心細！下次我實要試吓佢哋個開心果拿鐵同埋抹茶拿鐵，聽個名都覺得正，希望有驚喜啦！講開又講，間舖位置超方便，就係觀塘東廣場一樓，對正馬路邊，落樓一望就見到，唔使左搵右搵咁論盡。最正係門口整咗個好型嘅藍色鏡面裝飾，啲燈光打落去影相真係冇得輸㗎！我已經mark定要同班frd再嚟，飲嘢+打卡一take過，正到痺呀！😁觀塘友今次有福啦，呢間真係要bookmark實！😝😝…查看更多