蛇王龐

十几年前有个周围揾好嘢食既朋友带我嚟蛇王庞食，试过之后几乎食亲蛇就会嚟哩度。而家个朋友都移咗民，而我亦一直嚟食，间唔时仲介绍朋友嚟。点解我会keep住嚟呢?其实蛇羮既味间间都差唔多，无话边间特别好食，反而我会睇用料足唔足。蛇王庞既蛇羮系我食过咁多间蛇王入面最多既。有时肉眼望唔同蛇王既蛇羮用料好似都差唔多，但其实当中用既肉唔系全部蛇肉，唔多唔少都会加啲鸡肉或猪肉，只不过比例就各有不同。以下系蛇王庞既菜单:套餐A $87有细蛇羮、腊味糯米饭同蛇汤我觉得几抵，糯米饭算整得唔错，加花生同葱花，冬天食一流。哩个餐一般食量既人都应该够饱。但我今次夜啲仲有其他地方去，唔食太饱只食个大蛇羮:蛇羮加红醋、楜椒粉同最重要既柠檬叶，舖头既有薄脆提供。见到个碗其乎见到既肉都系蛇肉嚟，蛇肉个质感比鸡肉同猪肉韧同硬，咬烂有一丝一丝既感觉，好易分。食完蛇羮系会有蛇汤送，老板会攞走你食完蛇羮既碗装碗蛇汤，汤系几清甜，但我就觉得药材味可以再重啲。食完蛇羮蛇汤，成个胃暖哂。舖头仲有各类蛇酒提供，有兴趣唔需要成枝买，可以试一细杯。我试咗个五鞭蛤蚧壮阳酒，饮完好似森美讲故所讲成个男人返哂嚟!讲笑啫，其实就系普通中药酒既味，一啖饮哂，个胃由暖到热。…查看更多

好耐冇食过蛇羹了， 近排上网看有好多人赞这间蛇王庞的蛇羹好味，冇鸡肉，所以特意来食😊今日就去试下12月19日下午1点40分左右入到去，有3张台，有2个客人。我要了碗大蛇羹， 真的好味😋， 清得嚟有些香 ，可能我加了柠檬叶， 蛇肉味也好食， 食完后店员给了我一碗蛇汤😁， 发觉这碗蛇汤很清，没什么油，而且也很清甜 ，很好味的😊特别一提的是， 我食到大概2点左右这时间，发现很多客人一个一个的入来吃， 坐到全店满座了，冇位， 而且 在门口外面也有一堆人， 可能见冇位了，就都要了外卖拎走😱 爱食蛇羹的值得推介👍😊 另外，我冇食该店的糯米饭，但见很多人都有叫糯米饭食，应该都好味的，大家可以试下😊…查看更多

自从对上一次喺(蛇王娟)度，食咗碗鸡肉羹，认证咗鸡肉娟𠮶朵唔喺流嘅之后，揾食肥华已有一段日子冇到宜安街食蛇羹饮蛇汤，趁住踖入12月份本港天气转冷，在12月19日，肥华就同靓妈再到宜安街，食蛇进补及暖身，因为已对鸡肉娟出品死了心，所以今日肥华喺选择到一街之隔嘅(蛇王庞)食蛇羹饮蛇汤及食糯米饭，呢几样御寒食品。虽然此店啲同类食品，价钱都俾对面舖贵几蚊，而蛇汤亦祇有跟餐限定嘅一碗没有添饮优惠，但肥华仍觉此店喺嘅出品喺物有所值，起码碗蛇羹俾食客见到及食到真喺有足够份量嘅蛇肉，碗蛇汤有药材和蛇味，而此店碗腊味糯米饭，靓妈话远胜对面个间成条街，所以日后食蛇羹肥华都会以此店为首选😋😋👍👍👍👍👍😘😘😘😘😘…查看更多

同事知道我钟意食蛇羹，所以最近就带咗我去一间位于观塘宜安街嘅蛇铺，蛇铺地方唔大只得两张枱，而且蛇铺仲系内街，就算行过都未必会留意到。蛇铺提供三款蛇羹套餐，叫咗细蛇羹套餐，套餐可选糯米饭或盅头饭。虽然系细蛇羹，但系份量都大碗，而且蛇肉满满非常足料，味道同口感都超正。糯米饭口感黏糯，而且老板好好人知道我钟意食花生，所以比咗好多 😋 蛇汤味道鲜甜，埋单盛惠 $87 蚊，自己都食过唔少蛇铺，呢间真系非常抵食又好食。…查看更多

天气冻，谂住食碗蛇羹暖下身！其实之前帮衬咗都超过10次，蛇羹同糯米饭依然保持水准。加上天气冻食碗暖笠笠嘅糯米饭同埋热辣辣嘅蛇汤蛇羹，非常之正！只可惜天气冻多人食蛇羹，有几个人排队，我们未食完蛇羹，老板已经开始催我哋上蛇汤同埋糯米饭。但系我哋嚟咗都唔够10分钟见门口有几个人排队就开始催人，我觉得你见我哋入嚟都唔够10分钟而不是坐咗半个钟先叫你上蛇汤同埋糯米饭，系你舖头细唔关我哋事，我哋专心嚟帮衬你！喺观塘食蛇嘅都有几个选择，未必一定要帮衬你。…查看更多