蘭苑饎館

通常行到荃灣，如果嗰排熱氣，都會入去幫襯下....通常我都係食 $180， 或者 $90。有時諗，呢啲藥材嘅嘢用嚟寫食評啱啱呢？算啦 ，即管試下啦，今日叫咗一碗 180蚊； 雖然係藥材， 但係我覺得甘甘地幾好飲，好似飲一碗好食嘅湯，所以次次我都係要飲熱嘅。相比之下，我感覺以前更加 有回味甘， 而 龜苓膠 嘅濃度以前更加濃。但係畀起其他舖頭 ，我都係慣咗呢度， 以前我 住喺荃灣， 搬咗，總之返到嚟都會試下。其他糖水我都試過，但係我都係比較鍾情 龜苓膠。…查看更多

呢間位於荃灣兆和街23號地下10號舖，店名蘭苑饎館，呢排大感冒後，變成氣管敏感咳，睇極西醫、中醫都唔好，又臨近農曆新年將至，朋友介紹不如試下食龜膠，因為朋友有濕疹都食好左，初時以為是龜苓膏，唔使去甘遠食呀，周圍都有得食，朋友話蘭苑係唔同的，去試下先啦，見要去荃灣辦年貨買瓜子，甘順便去試試啦，唔打唔撞又比我搵到，門口簡直是一間中式甜品舖，沒有什麼特別，入到店舖連裝修都係中式，嘩，見到龜膠分別為HKD55、HKD99、HKD180及HKD410，問老闆有什麼分別，老闆話一搬人食HKD180, HKD410你未必接受到”苦”，我心諗係我未必接受到個價錢😂，不過一埸來到就試試180蚊款啦，第一次食龜膠，原來係液體來，不是膏狀，食完其實覺得無乜感覺、特別，好似飲涼茶甘囉，返到屋感覺要排毒，排完後感覺又覺得特別舒服喎，完全覺得係排出身體毒素甘，第二日起身，氣管敏感咳明顯好轉左，於是放工再去食多次，老闆叫我試下連續食3-5樽，效果會更好，一於聽佢講試下，就連續食3樽，真係好左喎，見甘神奇，於再去買6樽返屋企比爸爸媽媽當調理身體先。呢間店舖絕對非常值得介紹比身邊的親朋好友呀！…查看更多

食完煲仔飯行陣消化下，為嘅係食埋個中式糖水😅荃灣食中式糖水嘅選擇有兩間，我比較鍾意食蘭苑！原來今日佢地都係第一日開返！所以有兩款糖水未做得切！我當然照舊合桃露啦！同以前一樣咁好味😋朋友想食嘅紅豆沙未有，所以食綠豆沙～都唔錯呀！好足料嘅海帶綠豆沙👍🏼…查看更多

香港傳統糖水舖，賣少見少，好難搵到間真正好食嘅，網上有人評價呢間既傳統又好味嘅合桃露，剛好路經該地，所以就放心去捧場一下。本來都想試下亀靈膏，但好多人讚佢哋合桃露好食,所以都係揀咗合桃露嚟食。唔知係咪年尾收爐嘅關係，呢碗合桃露色水已經唔似樣，偏淺色，有網評話合桃露特別滑，但又唔多覺得，只覺得特別稀，唔厚身，唔掛碗，合桃味欠捧，只係一碗幾甜嘅糖水，我只可以講"伏"字，$26一碗，我寧願用粉沖嚟食了。…查看更多

噚日(25-4-2020 Sat) 晏晝同老公落荃灣買嘢,買完行陣,佢話要食龜苓膏,喺兆和街有間唔知咩堂嘅,但冇龜苓膏,佢諗起有間食龜苓膠嘅,冇錯,係有一間,就係呢間.我決定要$24.00嘅桑寄生蓮子蛋茶,老公就要$50.00嘅龜苓膠.桑寄生蓮子蛋茶味道唔甜,重食到似龜苓膏嘅味道,蓮子正常鬆化.老公嘅龜苓膠呢?我一啖都冇試.之後睇到有$20.00嘅雞蛋馬蹄露,就買一杯外賣俾爸爸.佢飲咗後都冇咩comment.原來我哋第一次嚟幫趁(嗰個食評: https://www.openrice.com/zh/hongkong/review/%E8%B5%B0%E8%86%BD%E5%9B%BA%E9%86%87-e2039824)係2009年嘅事,重要食同樣嘅嘢.服務:親切有禮.o衣o家睇返上次食評(https://www.openrice.com/zh/hongkong/r-%E8%98%AD%E8%8B%91%E9%A5%8E%E9%A4%A8-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E4%B8%AD%E5%BC%8F%E7%B3%96%E6%B0%B4-r18625/reviews),係兩年前嘅事,睇見冇加過價,好難得呢.…查看更多

今日 (14-7-2018 Sat)同老公買完餸經過,佢竟然停o係o度,話想食芝麻糊,但冇喎,不過佢都照入去食o野.由於冷氣開得夠,所以我決定要食熱o野.我揀o$24.00o既杏仁糊,老公要$24.00o既合桃露,都係熱.冇耐兩碗糖水都到o黎,我o地開動喇.杏仁糊味道夠濃,唔太甜,杰度亦o岩o岩好.合桃露都濃但唔夠杏仁糊濃,杰度亦差唔多.上次o黎食已經係2009年o既事(o個個食評:https://www.openrice.com/zh/hongkong/review/%E8%B5%B0%E8%86%BD%E5%9B%BA%E9%86%87-e2039824)…查看更多

盲中中入咗間米芝蓮餐廳...喺完全唔知食咩好嘅情況下，經過一間唔多起眼嘅餐廳，但細望門面裝潢古色古香，只係餐廳名太奇怪，「蘭苑饎館」...完全莫名其妙！鼓起勇氣，一試無妨吧。店內環境比較細小，檯數不多，木檯木凳，懷舊感十足，然後就會見到好多張檯上都擺著「留座」...店員一開始便詢問係食飯定食糖水？大概食飯嘅就坐近門口位置，甜品就內堂位置吧！幸好，食飯時間仲有一張靠牆嘅「吉」檯！算幸運喇，不用等候便可即時入座！餐牌好特別，封面係木製，拎起都幾重手下！餐牌有圖又有字，好多字去講解如何點餐...考起初次幫襯嘅我...刨完書後，點咗一個白切雞、豉汁蒸白鱔，每個餸$95，雞、魚要額外加$5，即以上兩餸各$100，都幾貴！但有老火湯送，仲有菜送，當然仲有白飯，唔要飯可揀粉、麵之類。老火湯好好味，湯味濃郁，絕冇味精，好有住家阿媽煲靚湯嘅味道。白切雞（餐牌注明係用新鮮雞），肉質肥美嫩滑，咁當然冇大陸啲走地雞咁有雞味啦，算唔錯，只係冇乜驚喜。豉汁蒸白鱔，好有住家嘅味道！完全冇味精，白鱔新鮮，口感彈牙，略嫌份量真係太太太少，價錢與份量比較下，貴咗啲囉！但以$200嘅價錢，可以食到一餐完全冇味精嘅住家飯，咁就要視乎個人覺得值定唔值喇！飯後當然要食埋個糖水先走啦，老老實實，$200嘅晚飯份量的確唔多飽！但，係好味嘅！糖水嘅價錢反而好合理喎！腐竹薏米糖水一樣好有住家煲嘅味道！材料十足，腐竹好滑，略嫌唔夠甜，可以甜多一啲啲就更好！白果望落好似好好味，可惜冇挑走個蕊...苦呀！桑寄生蛋茶，好正！清甜！飲落喉嚨好舒服！之前去過西環一間糖水鋪，食過一碗好好味嘅桑寄生蛋茶，估唔到太子竟然都發現咗一樣咁好味嘅茶，以後唔使山長水遠過海，太子嘅「蘭苑饎館」變成新寵喇。食食下糖水先發現牆上掛住好多個米芝蓮推介獎牌，失敬失敬！原來有時盲中中都中到間好餐廳返嚟！唔錯喔！好滿足嘅一餐！…查看更多

第一次光顧佢既糖水，桑寄生連子旦茶，失望！夜晚8點呢啲糖水黃金時間食唔熱已經係好奇，個桑寄生茶極淡色，飲落極淡味，除左因為煲時用大量既水，我諗唔到咩其他原因！隻旦有一個地方黑左，我買老闆，老闆話係煲底黏住桑寄生所以有黑色，冇問題喎！結論係，唔會再幫襯！…查看更多

我可以話係為合桃露而黎，呢度既合桃露比較滑，感覺上潤d，不過合桃味就唔夠濃，所以話呢度係我第二最愛喇。另外，p大人叫左杯蛋花馬蹄露，裝住馬蹄露既杯係一早已經雪住左，好冰凍好專業喎!p大人話飲落好清爽，岩晒夏天飲。…查看更多

是晚和朋友於荃湾吃晚飯聚舊，飯局完後大家意猶未盡，想吃甜品，才發覺這一帶糖水店不易找，行了幾個街口才有一間叫蘭苑的店舗。屬家庭式經營的小店，叫了一碗红豆沙和绿豆沙，红豆和百合煮得棉軟，惟甜度稍欠，没半点果皮香味，而且過稠。绿豆沙甜度和濃稠度適中，還有百合，卻没有绿豆沙的最佳拍檔，果皮和嗅草，像一碗没有靈魂的糖水，教人感嘆不如在家吃。…查看更多

於荃灣海壩街一帶，糖水鋪林立～但每次到荃灣我都必定會到蘭苑饎館。此舊式糖水舖環境乾淨企理，老闆及老闆娘都好NICE，每次都吃得滋味又開心！是次點了熱的蜜糖燉木瓜，蜜糖不會過甜，吃後倍覺清甜滋潤，岩哂最近忽冷忽熱既天氣，食完暖胃又滋潤！…查看更多

近排唔知做咩，生到成面瘡瘡，醫極都醫唔好，經朋友介紹下嚟咗呢間龜苓膠店食佢出名嘅龜苓膠。入到店內係舊式裝修，亦似雲吞麵鋪裝修。我去到第一時間叫咗個最貴嘅龜苓膠，但價錢真係都幾貴，味道都ok，佢唔似平日食嘅，佢似湯水咁嘅質地唔知係咪心理作用，食完個人感覺好似好舒服咁，好似清緊毒睇吓今晚便便情況就知了…查看更多

12.Jan.2014 (SUN)見哩幾日唔係好舒服, 又聽屋企人話哩間龜苓膠好; 所以就o黎試一下. 我就成日食龜苓膏, 但係"龜苓膠"就真係第一次食. 食落去, 感覺好似食緊藥. 味道唔係苦, 係甘甘地.可以選擇落鹽/唔落. 我就揀左落鹽. 但係都係甘, 對比起平時d 龜苓膏有別.由於苦口良藥, 最終我都好努力食左五分一. 食完個半個鐘係舒服d   o既, 不過, 我唔係好頂得順個種甘味.同埋HKD130的確有少少貴.…查看更多

我對甜的東西沒有太大興趣，除了是某幾款中式糖水，而最得我心的是桑寄生蓮子雞蛋茶。以前在香港大學讀書時，經常有機會到西環源記吃我最愛的桑寄生蓮子雞蛋茶，畢業多年，仍教我念念不忘。今日晚上九時多在荃灣上完堂後，忽然又「癮起」想食桑寄生雞蛋茶，於是乎找找荃灣區有沒有中式糖水舖，查過後找到了這間位於兆和街的懷舊糖水舖。到達門口一刻，我才想起數年前曾幫襯這店子，當時經朋友的推介，吃過了龜苓膠，據朋友說這裡的龜苓膠非常的補。因為想起朋友當年的推介，我對這店的糖水不其然有了一些期望。當時大概是晚上的九時半，店內已幾乎沒有客人，我點了個桑寄生雞蛋茶外賣，盛惠二十元正。店子的姐姐把煲內僅餘的桑寄生茶倒進外賣碗內。回到家後大概十點半才拿出來吃，蛋茶依然保持微暖的，茶裡有約七至八顆蓮子。先喝一口桑寄生茶，甜味適中，但略厭桑寄生味道欠奉，之後再吃一顆蓮子，尚算稔身，到這刻當算對辦。吃源記桑寄生蓮子雞蛋茶的雞蛋，咬下去可以見到雞蛋白已澄淺啡色的，自此，這成了我對雞蛋茶那隻雞蛋的要求。這蘭苑饎館的雞蛋茶的雞蛋，咬下去已見到蛋白依舊是奶白色，味道跟普通的烚雞蛋一樣，令我倒是有點生望。…查看更多

在下於眾安街吃過午飯後，就想吃甜品，在下知道在路圍有很多甜品店，可是在下不想行到老遠，只想在附近尋找。來到兆和街，見到這始創於一九六四年的蘭苑饎館，才知道這間是老字號的店舖。這店舖內賣的甜品與藥材有關，例如金錢龜膠，川貝，桑寄生及蜂蜜等。在下發覺店舖都算古色古香，坐下後在下看看桌面[的餐牌，甜品確是很傳統，而且用了甚麼孳材和療效。在下從中點選了傳統的合桃露。合桃露端上來的時候，貌似合桃糊，呷一口就是合桃糊了。而合桃露也頗香的合桃，而且都幾滑的，本身合挑露不算得十分的甜，味道是適中的甜度。而每一舀都很熱，很燙嘴的。在下正值吃甜品的時間為下午，因此顧客不多，店員也較清閒。…查看更多