影片
开饭介绍
区内人气新加坡菜餐厅，其招牌海南鸡饭标榜一份有半只鸡，而且嫩滑富肉香。装修带点怀旧风格，如采用黑白色地砖、木制餐台椅等。
继续阅读
营业时间
今日营业
11:00 - 22:00
星期一至日
11:00 - 22:00
*下午茶时间：1400-1800
以上资料只供参考，请与餐厅确认详情
相关文章
是日来到长沙湾的苏山鸡饭食晚饭，见到店名就梗系要试佢地嘅招牌鸡饭啦，仲有出名嘅鲜油多士🤤坐低后即刻扫code落单，叫主食加配小食饮品等有优惠价，咁抵叫多啲野食先，呵呵🤭⭐狮城芽菜走地鸡配油饭鸡件嫩滑鲜味，芽菜吸了鸡油好香甜，加上香喷喷嘅油饭真系食得好满足🤤⭐鸡杂冬瓜汤跟餐送的鸡杂汤，冬瓜清甜鸡杂鲜味，劲好饮！⭐海南猪扒喇沙掺掺另外仲叫了喇沙，猪扒香脆有香茅香，喇沙汤好浓好好味，微微辣又带奶香，好味到汤都饮晒😆⭐鲜油咖央多士热烘烘的多士配上冰冻鲜牛油，咬落爆浆，牛油咸味同咖央嘅甜味同时涌现，好食到无野讲。呢样一定都出新鲜食，冻左就大打折扣了。⭐马拉盏椰菜苗最后少食蔬菜便叫左一份，椰菜苗爽脆，马拉盏炒都几有辣劲，正。⭐冻椰奶 & ⭐仙草椰奶冰朋友同自己都不约而同拣了椰奶😆贪佢香甜嘛～⭐特浓薄荷朱古力雪糕 & ⭐马六甲椰子雪糕最后就系甜品，跟餐有半价太抵了，两款口味都要了，估唔到一客竟然有三球！正！好满足的一餐，样样都好食，朋友无介绍错。
继续阅读
长沙湾街坊一定食过呢间苏珊鸡饭，最近出咗椰子鸡煲，今日好奇过去一试。我觉得系好食过大陆𠮶啲椰子鸡煲同绿色连锁𠮶间椰子鸡煲。餐厅整开鸡饭，所以鸡肉质素一定有保障，皮爽唔肥，鸡肉滑嫩。店员鸡煲时话呢个椰子鸡煲，系用成只椰子水去整，冇加任何一滴水。建议我哋一打开，可以饮吓个汤先，汤头非常好饮，椰子汤香甜。不过一开始饮会有少少酒味，因为佢个煲叫火焰鸡煲，所以淋左d 茅台酒系煲上面。整啲火焰出嚟，但隔一阵饮个汤既酒味会挥发，净系得返椰子嘅香甜味。另外鸡煲会配沙姜，辣椒同青柠俾你点鸡一定要试用青柠 沙姜豉油去点鸡煲嘅鸡，系非常之夹！$168半只鸡，仲要有饭有杯嘢饮，又好坐，我觉得好抵食。个口感同味道系好似大陆好食嘅椰子鸡煲，加上价钱唔系贵，所以好推介。同场都有食佢经典嘅海南鸡饭配鸡肾冬瓜汤一样咁出色👍🏻 海南鸡肉嫩唔肥腻，加碗鸡肾冬瓜汤好夹。苏珊鸡饭呢间舖头啲饭唔系一大煲饭煲出嚟，佢系几碗饭一个煲咁煲出黎，所以粒粒分明又有油香，同少少斑兰味，同普通海南鸡饭嘅油饭唔一样，但都好食。佢做到招牌所讲嘅，一碗回味鸡饭。
继续阅读
最近喺长沙湾，试咗苏山鸡饭嘅海南鸡饭套餐，整体感觉几朴实舒服。鸡肉切片摆得几整齐，皮脂带一点光泽，肉质似乎够嫩滑，啖啖都食到鸡嘅鲜味😊。鸡旁有薄薄一层香菜同小青柠，令味道多咗啲清新感。饭系偏深色嘅油饭，粒粒分明，带轻微鸡油香，同鸡肉一齐咬落去几match👍。旁边嘅汤碗系清鸡汤或者冬瓜鸡杂汤，色泽清透，好似冇落太多调味，但可以暖吓胃。至于三款沾酱，分别系姜蓉、沙姜同鸡酱，姜蓉香气突出；沙姜味浓；鸡酱则偏咸香，将鸡肉沾一沾，层次感立刻出嚟😍。店内座位唔算多，装潢简约，用木枱有少少怀旧风，光线明亮，食饭心情几轻松。今次叫咗一份海南鸡油饭餐连汤同奶茶，三样嘢都系套餐价大概70左右，以长沙湾地区嚟讲算系正常价位。奶茶茶味顺滑，甜度适中，餐后啜一啜几舒服☕。总括而言，苏山鸡饭嘅海南鸡饭走朴实路线，份量足够，价钱亲民，啱想食一顿简单鸡饭嘅时候去打卡。下次可以试埋佢哋嘅肉骨茶或者叻沙🥢。
继续阅读
海南鸡饭，鸡肉嫰滑，鸡皮就略肥，鸡油饭软硬适中，跟餐冬瓜汤，味道比想像中好喝，有惊喜，这个下午茶套单价钱正套份量，赞!星洲叻沙掺掺，油面和米粉份量各半且都很入汤味，不硬也不太软，配料的虾新鲜，鱼蛋和鱼片就一般般，长的豆卜很吸收了汤味好吃，加上通菜，这碗吃完很有满足感，不错。鲜油咖央多士，一厘米厚的冰软牛油可饱足你肚子，咖央甜度OK，多士放凉了依然好吃。咖啡不放糖也好喝，奶茶一样，就是奶茶不够奶香也不够茶味，但整体不难喝，起码没加糖也可以。
继续阅读
认识苏山系因为有个 youtuber 大声赞颂，话超好食，点样点样劲。所以今日虽然烈日当空行到去都好大汗 ，都敌唔过我啲为食肚虫， 其实由荔枝角地铁站或者长沙湾站行去都唔会超过 15分钟，所以慢慢行都系一种享受。去到排紧长龙，但因为疏导得快好快就 triage 咗 ，分咗一个两个人 一张枱嘅 little table， 一定唔会投诉因为晏昼一点钟点会 唔使逼呀 。叫咗两份餐一个正常海南鸡饭($75)， 一个 狮城走地鸡 饭 ($78) 加十蚊 有排骨汤。啲饭正常嘅不过如果再多啲油香味我相信一定会打赢好多人， 跟餐叫咗一杯热同一杯 冻嘅薏米水( + $3)； 薏米水其实冇乜味，薏米都唔算好食，不过佢杯有两片柠檬你揸啲柠檬水落去就会好饮少少。两种鸡都算好食，三皇鸡真系比较滑同埋香； 走地鸡冇咁香但肉质好似瘦啲 ，啲皮就健康啲。跟餐正常汤我觉得 ok， 食完唔觉口渴应该冇落味精挂， 呢一个可以赞。另外𠮶碗加咗十蚊嘅排骨， 话就话好似肉骨茶咁样但系咸死我啦， 可能有人钟意㗎但系打死我都唔敢再试第二次。总括嚟讲都算唔错几十蚊有个海南鸡饭味道又唔差，不过就唔觉得好似 online 赞到上有地下冇啰。其实都算唔错㗎
继续阅读