蘇媽廚房

這家餐廳是油麻地附近的一家私房菜，其實也不像啦，比較似是很細間的小店，服務態度真的不錯，但食物質素真的很參差，不太推薦了價格真的不貴，但食物有點像大家樂的質素，卻收得比人貴一些，那，我為什麼不去大家樂？椰子雞湯真的超油膩，喝一口就已經膩到想吐了，不過味道是還好啦這個二人肉類拼盤還真的不得了，牛排竟然是便宜的百佳薄片貨色，而且也煎得不太ＯＫ，乾，韌，有很多筋！豬排比較煎得好，入面很ＪＵＩＣＹ！不過不是很熟，豬排真的可以７分熟嗎？至於羊架，還真的很韌，橡膠一樣的韌，超超超難咬，根本咬不動！意大利麵，賣相好差，味道好寡，說完了…查看更多

疫情影响下學校停課，兩個女就唯有留守在家！為左氹下佢地…好想同佢地加下油…於是上星期就膽粗粗同蘇媽訂左20片糖霜曲奇了！蘇媽好好…安排好時間就幫我整並預約了今晚攞餅！一場嚟到就和我蝦子餅食個晩餐：他點了安格斯牛扒飯牛扒剛好七成熟…配上自家製燒汁…非常野味！牛肉鮮嫩煮得剛好…入口有豐富牛肉汁充满口腔…正！我就點了一客鰻魚飯鰻魚烤到焦香…肉質較軟身配上特制鰻魚汁…好好味主角岀場喇～～～就係我預訂的角落生物糖霜曲奇係咪好靚呢…真係唔捨得食咖！但當然逃不過我女兒的咀仔啦她不停咁話好好味…牛油香加糖霜的甜，真係俾左好多正能量佢！真的多謝蘇媽！…查看更多

仲諗住滿心歡喜咁同同事食餐飯咁就訂左呢啲野食。1）大蝦鮮果沙律2）煙三文魚露筍卷3）西班牙炒飯4）黑松露什姑意粉5）瑞士雞翼6）蘇媽靚湯7）糖醋咕嚕肉8）辣酒煮花螺9）芒果糯米糍10）什扒拼盤（香草羊架/黑椒安格斯牛扒/法式豬鞍）點知啲什扒份量少到一人一塊牛扒、羊架、豬扒都無！仲要10個人食 每樣得5塊既牛羊扒！個豬又煮到好乾 又唔juicy 個西班炒飯係出面2至3人食既份量！（啫係最普遍果啲一個黑鍋上）辣酒花螺 完全唔辣 又無酒味 份量好少每人得幾粒！湯一人得一碗仔 又無料！雞翼仲離譜 係普通既汁 每人得一隻至兩隻！意粉 炒到又乾 又少菇 又無咩黑松露味！妖個芒果糯米糍係出面買番黎！唔係佢地啲員工自己整！叫做最好食既可能得個沙律 但其實無咩特別食呢間野不如自己煮 啲材料都唔價呢個價！…查看更多

諗住同同事食餐飯 我地有10個人所以就去左依間野到食飯歡送佢地 咁我地就訂左十個菜式1）大蝦鮮果沙律2）煙三文魚露筍卷3）西班牙炒飯4）黑松露什姑意粉5）瑞士雞翼6）蘇媽靚湯7）糖醋咕嚕肉8）辣酒煮花螺9）芒果糯米糍10）什扒拼盤（香草羊架/黑椒安格斯牛扒/法式豬鞍）佢報價係398一位 由於有人算係同老細有d熟 又話幾好食既私房菜所以就訂左位 後來大家都話太貴 所以想選擇單叫一個set 結果老細話以經買左材料 所以結果硬食 而且我地叫既野都唔係d咩貴價野 但每人都係拎左小小黎食下咁 最令我不思其解既係 佢除番開係398蚊一碟菜式 份量又小最離譜既係瑞士雞翼得果20隻都冇 芒果糯米糍係11粒 價錢十分之昂貴 意粉又太過乾 根本就唔值依個價錢 …查看更多

呢個六月嘅weekend見得太多太多人今晚揀咗間細餐廳同frd兩個安安靜靜咁食晚餐餐廳四張枱左右 好適合想平靜落唻休息調整心情嘅時刻除咗餐牌上面嘅餐仲可以嗌當晚嘅中餐我地嗰晚有梅菜扣肉 西蘭花 三色椒炒牛柳蓮藕栗子豬骨湯由於已經唔係同媽媽住嘅關係飲到碗十足十媽媽味道 冇味精嘅湯 十分感動老闆娘仲話有做外賣唔係即棄型嘅餐盒同湯煲都好有屋企嘅感覺龍蝦汁蟹肉意粉蟹肉非常足料朋友嗌安格斯牛肉意粉扒亦係好大塊好似住家飯鍾意嘅嘢落多啲俾自己嘅感覺…查看更多

遠在旺角朗豪坊的後方，有間小型地舖，打著蘇媽的旗號。友人問，是那家很有名的馬來西亞菜嗎？老闆娘直說不是，他們只是剛好同姓而已。店子小小，主打私房菜色，但還是有普通餐牌。椰子雞湯號稱沒有味精，雞味很濃我們看見店內售賣著一個二人餐，有羊架，牛排跟豬鞍，附有沙律一堆。豬鞍很厚，煮至微微粉紅的安全熟度，肉汁很多。牛排較薄，5分熟還是掌握得不錯。羊架附著一支骨，口感煙韌有嚼勁。還有那沙律的超級食物 羽衣甘藍，番茄仔，紫薯跟蘋果等，不用調味就已有充足水分，而且夠鮮甜又高纖，讚！一人餐的推介龍蝦汁蟹肉意中利麵煮得煙韌，口味非常濃，打獻很重手，愛重口味的人可試試。老闆娘人很好很會溝通，希望她能在這偏遠的一隅闖出一片天。…查看更多

豉油街街尾有間叫蘇媽廚房的小店，標榜無味精零添加，想吃原味道來這裡就對了～套餐有不少選擇，沙律意粉飯和漢堡包都有點餐後先喝碗家常風味的冬瓜湯消暑清熱一下，很適合夏天喝呢這份是煙三文魚蟹肉鮮果田園沙律，色彩繽紛而且有多種鮮果粒，酸酸甜甜的十分開胃～加上煙三文魚和蟹肉，口感相當豐富主菜是龍蝦汁蝦肉意粉，份量大方。一上菜就聞到香噴噴的醬汁味道，意粉煮得恰度好處，彈牙好吃另外也點了是日精選的紅酒燴牛肋條飯。炖煮得軟稔入味。燉肉完全吸收了紅酒的醬汁，呈漂亮的紅褐色澤，超下飯的！小店還會在初一十五為六十五歲以上長者提供圍齋共食，很有愛心而且十分有意義，值得支持呢♥️…查看更多

朋友介紹去食蘇媽廚房，店舖嘅設計特別，我地點左煙三文魚蟹肉田園沙律同埋香草忌廉汁煙三文魚意粉，跟中湯，個湯係牛磅馬蹄，清淡得黎又健康。田園沙律同三文魚意粉個賣相都唔錯，份量都夠，沙律入面有三文魚、蘋果、火龍果同雜菜，生果同菜都好新鮮。三文魚意粉嘅三文魚都好新鮮，同埋冇落味噌，好健康。店員好nice，會同我地傾計，原來佢地仲有做到會、飯盒同私房菜，如果想一班人食住家飯，又唔想自己煮，可以打電話俾佢地落order。收費亦都唔貴，決對係良心企業。…查看更多

Violet@蘇媽廚房 地址: 旺角豉油街10號地舖 電話: 55487428 呢間小店是食西餐架，店面顏色油上了紫色violet 好romantic 有salad 健康又大碟，素pizza 連田園沙律$48 ，因即焗要等的，因用了素感無咁膩架。同健宜架salad ，唔怕肥湯有蟲草花豬展，好住家的感覺同健康，又唔會落味精，怪不等店主都話中午好受附近ol office 歡迎架，湯水有益嘛！輕鬆住家健康晚餐，一點都不貴，食完仲可以旺角買衫行街…查看更多

這晚跟媽媽來用餐，餐廳是朋友推薦的，她在附近一帶上班，午餐有時候會買這餐廳的外賣，尤其喜歡這裡不加味精的湯水。這天是苦瓜黃豆排骨湯，是真 不加味精的，因為喝完不會感到口渴，而湯頭清淡，嚐不到苦瓜的苦味，喝下去挺順口的。香煎三文魚扒配卡邦尼長通粉三文魚扒煎得香脆，配上忌廉檸檬牛油汁吃，酸甜酸甜挺開胃的；旁邊的沙律份量也不小，沙律菜更用上羽衣甘藍！配上醬汁也十分搭。這晚原本配送的三色飯改為卡邦尼長通粉（剛好廚師在研究新菜式）這裡的卡邦尼做法挺正宗的，只加入了煙肉、蛋黃及芝士烹調，沒有忌廉，味道挺不錯，跟平常吃到的那種帶汁的卡邦尼截然不同。 其實這裡的菜式挺多變化的，跟廚師當天的心情口味走，因此餐牌中的配搭可隨以轉換，因為有些人是吃素的；有些則不吃某一種肉類，這都沒問題，只要你預先通知餐廳一聲就可以了。最後餐廳更送上了一口小甜點—椰汁西米糕給我們品嚐，甜點也是很不錯的。…查看更多

平時行旺角豉油街只係行街頭旺的地方，今次有機會行去街尾比較幽靜的地方，原因係表姑媽跟團來港旅遊，住在豉油街街尾間花園洒店，要陪媽媽同佢相聚。行過鄰近見有間亞蘇厨房，適逢當天是母親節我倆在這間隠世厨房吃母親節大餐。只有幾張枱，天花掛著三盞似水晶球的大燈。套餐連飲品共有七款。先嚟個蘇媽靚湯，用料係南瓜茸加齋翅，健康素食之選，稀稠適中。用蒜和蔥爆香鋪在自家製造的涼拌芝麻豆腐上，有創意，但口味略為清淡，又是素食之一，夠健康。值得一讃係黑椒安格斯牛扒，與別不同的是唔多有芡汁，入口腍嫩有肉味。黑松露大啡菇意粉，松露和菇味濃郁，意粉煙韌但又唔覺太硬。咸蛋黃流心牛角酥，熱辣辣，香噴噴，外層鬆脆，中間夾著咸蛋黃流心很有創意，也是店內出名的甜點。飲埋杯清爽蝶豆花梳打，巳覺好滿足。估唔到這間隱世厨房令我和媽媽都有個難忘的母親節。…查看更多

收到蘇媽廚房搬往旺角消息，三五成群又要出勤，WhatsApp預約私房菜，蘇媽推介比我哋嘅係新出品「泰式咖喱餐」。一團10人沿住豉油街一直往渡船街方向走，漸漸遠離熱鬧，睇見一間淺紫色舖頭，加上四周清靜，好似進入一處休閒景界。打頭陣係椰汁雞湯，香濃椰汁味，怕辣的都可以一試，真心覺得幾啱香港人口味；再來有紅咖喱牛肉配蒜茸包（新鮮熱辣辣嘅蒜茸包浸入咖喱汁，入口依然脆卜卜，一個字形容—讚！）接著係青咖喱海鮮同黃咖喱大蝦，帶子脹卜卜又惹味，原來海鮮配咖喱真係一絕，唔食得太辣嘅我都忍唔住一羹羹嘅咖喱汁直接倒入口。仲有個超可愛嘅迷你菠蘿炒飯及椰汁咖喱時蔬，再配埋一人一杯青檸梳打及飯後甜品—泰式西米糕及椰汁糕，呢一餐總算不枉我地一直追蹤蘇媽廚房的下落呀！…查看更多

友人識飲識食，平日最愛的節目，就是四出捐窿捐罅，搜尋美食。早前見她去咗旺角豉油街嘅「蘇媽廚房」吃了頓私房菜，用膳後大讚餐廳嘅食物味道唔錯，不但選材新鮮，而且烹調手法以零添加、無味精為主，健康又唔肥膩，所以想推介俾我。餐廳位於旺角豉油街 10 號，是間地舖。門面以神秘的粉紫色為主調，不俗氣之餘又夠浪漫。拉門而入，店內地方不大，一眼望曬，只有四張檯，陳設簡單，不過裝修得好溫馨，自然舒適，很有家的感覺。牆身上掛有餐牌，食物款式都幾多元化，由小食、沙律、飯類、意粉，以至鹹蛋黃流心牛角酥等都有供應，全部配餐廳主打的「蘇媽」靚湯，而且定價亦十分親民，不過今晚就專程嚟食私房菜。其實來之前已經訂咗檯，今晚就一於交由「蘇媽」發板食二人餐 ($258)。先來前菜柚子田園沙律，碗沙律用料非常豐富，色彩繽紛，充滿田園氣息，單看賣相已令人喜悅，即時胃口大開。細看材料，除了柚子之外，還有火龍果、車厘茄、羽衣甘藍、蘋果、沙律菜等，味道酸中又帶一點辣，非常開胃，既簡單又美味。接著是一客法國燒春雞，通常法國春雞只在酒店或高級餐廳才吃到，價錢不便宜， 而且常釀入火腿芝士等，感覺太 heavy。不過這道春雞就做得很不錯，沒有使用其他餡料，只簡單醃製，入口油潤有雞味，加上以半烤半焗的方法烹調，雞皮薄而脆，肉地嫩滑又多汁，令人回味無窮。至於配料方面，用料亦絕不欺場，有香腸同薯條，仲配咗車厘茄同 superfood 羽衣甘藍，健康又滋味！之後是一客卡邦尼長通粉，通粉比預期大碟，份量十足，而且煮得甚有咬口，質素不俗，加上忌廉蛋黃汁做得啱啱好，包住曬所有通粉，配埋鹹香的煙肉，既簡單又好味。跟餐甜品是紐約芝士蛋糕，蛋糕是店主自家炮製，芝士味唔算好 rich，口感比較 light，加上質地綿密細軟，味道平衡又不會過膩，就算食多件都唔怕滯。套餐配有飲品，我哋點咗凍檸茶同凍咖啡，其實除了咖啡、奶茶、檸茶等之外，餐廳仲有一系列梳打可供選擇，如熱情果梳打、柚子梳打、士多啤梨梳打等。問過店主，原來餐廳加入咗幾間網上外賣平台，以後就算安坐寫字樓，都可以飲到老火靚湯。…查看更多

今日約左媽媽食飯，慶祝媽點媽點節，選左蘇媽私房菜呢間餐廳，因為朋友話食過好好味，所以就同媽媽去試下🥰呢間餐廳向旺角既邊位，由朗豪坊行過去，一陣就去到👍🏻👍🏻餐廳入面吾算太大，所以有機會要等位，訂左位，就無問題啦😂老板娘好好人，好好傾，佢地介紹完今日既餐牌係咩，就同我地傾下計。原來佢地所有湯都係日日自家制，無味精，重可以落單送貨上門，估吾到可以咁方便。我自己平時都有煲湯飲，我一飲佢個湯，就知佢無講大話，有家既味道😂😂 真係無味精，同我平時煲既差吾多。今晚佢地既湯係粉葛煲鯪魚，非常好飲，極力推介。老板娘重即時比埋卡片我，話如果想飲湯，可以WhatsApp 佢地落單，非常好客🥰飲完個湯，就上前菜，個湯真心好飲，所以要講多次😂 前菜有蟹肉忌廉餅同埋沙律。沙律好新鮮，但個蟹肉忌廉餅好特別，我第一次食，入面有啲好似薯蓉既野，好好味，加埋個沙律醬，一流，媽點媽點都讚好👍🏻👍🏻再黎一碟日式雞串，呢個正常，吾算太特別😂主菜上啦，係鯖魚紫薯飯口，我第一次見紫色既飯，好靚。我諗每一個餸菜，都係厨房即時整，因為要時間先煮到出到黎，而且熱辣辣👍🏻鯖魚配上檸檬汁，好好味，係絕配，而且鯖魚已起骨，我食好好骨，青新又好味。個紫薯飯入面有紫薯肉，提升左飯既口感。啖啖飯都食到紫薯既味道，飯帶有少少甜味，好特別。食飽之後，甜品就上啦，老板娘又介紹個甜品，日日都係佢地人手整嫁，所以日日都吾同，可以外賣單點😂非常好味，超濃既朱古力味，入面有兩層朱古力醬，太好味了，蛋糕可以加少少碟上既朱古力醬先食，對於一個咁鍾意食朱古力既人黎講，我比100分👍🏻👍🏻媽媽對成餐飯都好滿意，母親節快樂呀🥰 大家如果有興趣食私房菜，可以去呢一間蘇媽私房菜，用心經營既味道，一食就會感受到👍🏻👍🏻…查看更多

今日去咗食呢間小店蘇媽廚房，雖然鋪頭細細，但係裝修得幾靚，有花過啲心思㗎🤗我今日晚餐時間去食，冇揀到一般嘅A-I餐，試咗佢哋嘅’私房菜’，食物應該係每晚都唔同㗎☺️首先嚟個蘇媽靚湯，今日嘅靚湯係粉葛靚魚湯，好有住家湯嘅風味🏠，湯仲要係無限添飲㗎😮之後嚟過煙三文魚蟹籽沙律🥗，一上枱，個份量好夠啊，我哋三個人都食唔晒，食得出沙律菜好新鮮，另外仲加咗火龍果，蘋果，車厘茄等等嘅生果，再撈埋麻醬，比起普通出面剩係得菜嘅沙律好食😋主菜就有蟹肉牛油果飯🍚，個飯嘅份量又係超大個，除咗飯面頭嘅蟹籽同埋蟹肉之外，飯入邊都有一絲絲嘅蟹肉🦀，仲有同飯已經混為一體嘅牛油果🥑，食落感覺健康👍🏻另一個主菜係牛扒🥩配田園沙律🥗，牛扒腌得入味，沙律菜用嘅係比較少見嘅羽衣甘藍🥬，睇得出店主好用心👍🏻最後甜品係椰汁🥥雪蓮子桃膠糖水，係近年好興食嘅桃膠，可以滋補養顏一下🥰…查看更多