蘇亞印度餐廳

晚市 7點幾都得一台客 本身以為係伏 點知勁好食 愈夜愈多人喺香港食過四間印度餐館 呢間最好食 性價比最高叫左個二人套餐 有小食，兩個主菜一個咖喱羊，一個燒雞，一個咖喱薯仔  個羊肉整得幾好，出街好少食到好食嘅羊肉個nan又係好好食 我食過4間印度餐廳 佢嘅 nan算係最好食價錢真係好抵 但佢淨係收現金有少少唔方便3個人食 $280就有交易 …查看更多

一入到去呢間印度餐廳第一感覺係好家庭feel，有一倆個印度女人做侍應，廚房係個男人，好次去咗一家人開嘅餐廳咁。開得喺長沙灣呢區，估計都係serve街坊＆上班族多。所以以呢間餐廳格局嚟講，價錢真係唔算貴、而且非常舒服。可能需要迎合本地人關係，Lunch menu有好多平價普通咖喱得個知字，當然著手menu內嘅散叫。而呢度有樣搞笑嘅嘢就係menu標榜最辣嘅Vindaloo 寫住「 Vindaloos for Dare Devils 」hell yeaaahh🔥【 Chicken Tikka Masala 】無論賣相、顏色&味道都是正正常常嘅masala雞、但唔係好覺有Tikka風味。【 Korma Chicken 】令我在意嘅係呢度有兩款可能好近似嘅咖喱：「 Chicken Korma 」vs 「 Chicken Madras 」唔識咖喱嘅我就咁睇英文字以為係Madras濃味啲、但中文寫椰汁咖喱、肯定濃極有限、直接問店員佢都話Korma 係濃啲、最終揀咗Korma、咁應該腰果咖喱會濃過椰汁咖喱。Korma都好淺色、確係好似冇椰汁味、但呢種色都估計到唔會係好濃郁嘅咖喱、中規中矩啦、容易入口。【 ⬆ Naan & Roti ⬇】 【 熱情孖寶 】人生第一次食呢款印度甜品、口淡時食佢一流、甜度係高但我ok、同椰絲係夾嘅、唔係得個甜字、咬開入面好有香料味、第一次食好滿意。【 Mango Lassi 】淺色∴略淡 °∷ 之前講咗、呢度可能為迎合本地人口味、咖喱叫咗辣都唔係點辣、可能有需要做隻Devil 去就Vindaloos 喇～…查看更多

於2024年1月3日午餐。和朋友談印度菜，他們說去高級餐廳吃不夠正宗，誓要帶我去品嘗地道一點的。位於長沙灣的蘇亞印度餐廳，沒有華麗的裝修，但算乾淨企理。媽媽負責下單，兒子負責遞菜，可能廚房裏的就是爸爸了。印度咖喱角🥠 [推薦]翻看菜單才知是咖喱角。因為咖喱味不是很重，但剛炸起的三角錐體，熱呼呼的。外皮炸到金黃色，咬起來脆卜卜，內裏有青豆和調了味的粉腍薯蓉，儘管我討厭青豆，仍覺陣味很青香，配合甜酸的薄荷醬，開胃得很。印度威化餅 [推薦]我實在低估了青椒和洋蔥的威力，小小一塊已經很辣。威化餅既薄又脆，且沒有仼何油膩感，火辣的味道，令我一口接一口。咖哩羊肉🐑相比我之前嚐的印度菜，認為這裏的調味相對輕手，不會有很重很複雜的印度調味料，或許為了迎合香港人，味道較單一，羊肉味柔軟但不夠羶。咖哩牛腩🐄這個醬汁明顯地比上一道濃稠一點，用的香料也明顯多一點。牛腩煮得剛好，肥的部份較鬆軟，有筋的位置又有咬口，該有的質感都有，我喜歡這碟多一些。咖哩雞肉🐓和咖喱羊肉的醬汁是一樣的，沒什麼特別。印度薄餅🍕淡淡麥香味，不油膩，配上醬汁都是填肚之選。芒果奶昔🥭奶味較重，淡淡的芒果味，甜度剛好，飲起來很輕盈，算它為乳酪比較切合一點。以午餐來說，價錢實惠，解一下對印度菜的思念。…查看更多

我細細個就嚟呢間餐廳食，每次跟屋企人都係嗌二人餐或者四人餐，都好食嘅，不過選擇少有啲悶。呢間餐廳真係非常家庭式經營，燈光有啲暗，裝修同埋服務梗係唔似高級餐廳咁樣啦。啲屋企人冇嘢做會坐喺度睇電視，仲有時有講有笑，所以好有街坊餐廳感覺。味道都幾正宗，唯一唔正宗嘅就係個辣度可以畀你揀，揀唔辣都得 🤣。平時我都好鐘意食印度菜，呢間餐廳嘅餐牌都有好多出面印度餐廳有嘅菜式。今日同男朋友去，終於可以試散叫。叫咗Chicken Tikka Masala, Lamb Korma, Naan, Rotti, Mango Lassi。最推介就係Chicken Tikka Masala，個雞肉有炭香味，同個creamy嘅汁好夾。我才疏學淺唔識印度香料嘅名，唔識得詳細啲形容。Lamb Korma個汁好味，可惜啲羊就細粒咗啲。不過印度菜最就要都係食個汁，冇所謂啦。個Naan同Rotti都係新鮮整，我鐘意Naan多啲。埋單總共$199，我覺得平過出面嘅餐廳。…查看更多

之前經過幾次都冇乜留意呢間印度野；上次行過，停低見餐廳冇乜人，但睇一睇個餐牌，二人餐 $160，幾抵，就mark左要試一次😂去到餐廳係七點三，餐廳得兩個人等緊外賣，冇堂食客😳餐廳設計簡單，有個電視，有幾幅印度畫，不過燈光較暗🤦‍♀️一坐低，睇一睇兩人餐個menu，即刻落單😎個二人餐真係好抵食，$158，加一另計，包小食、燒雞、咖哩、烤餅同飲品~落單個陣，姐姐講廣東話，仲要幾溫柔👍落完單無耐，好快就上左Papadum同Samosa~Papadum係右邊淺色個隻~佢個papadum幾好食，脆得來，胡椒味唔會好重😎🥔Samosa就係印度咖哩角，入面包左薯蓉、青豆~一上枱熱辣辣~外皮脆得來唔會硬，入面嘅薯蓉好好食😋跟呢兩樣一齊上嘅有薄荷醬同紅色似羅望子醬？！紅色醬微酸，用來點Papadum同Samosa都好好食👍🐔Tandoori Chicken燒雞，呢個我本身麻麻地鍾意食~因為係出面食親都好乾😞今次呢個一份三件，有一件係比較乾嘅，另外兩件唔算好乾，都可以，同埋幾夠味~🥘Gosht Masala、Baingan Bharta咖哩羊幾重羊味，唔會韌~個咖哩唔辣，用來點naan食幾好~羊肉份量以呢個價錢計，都算多~Baingan Bharta咖哩薯仔椰菜花，呢個真係第一次食😂冇乜咖哩汁，得底少少，都係唔辣~🥦椰菜花竟然好食過薯仔😳🥔D薯仔質感似🍅蕃茄薯仔湯個隻質地🤷‍♀️Naan，會跟一份原味嘅~佢份naan熱辣辣得來，唔會好乾爭爭，幾軟熟👍不過如果有得加錢轉其他naan就perfect啦😏Garlic Naan ($19)因為想食其他naan，所以額外叫左一份garlic naan~一上枱個下覺得勁香勁吸引，滿滿嘅蒜蓉香😍外邊脆脆地，入面好軟熟😎🥭Mango Lassi、🥤可樂Mango Lassi係個餐包左，唔洗額外加錢嘅~幾清新，淡淡嘅🥭芒果乳酪味~如果可以濃少少就好了……🥤可樂就正正常常~最後埋單 $195，感覺幾抵食~食物唔錯，比我預期中好😂服務都正正常常，上菜又上得快👍…查看更多

呢間餐廳18:00左暫沒有客得我地一枱感覺家庭經營2人套餐印度威化餅好有 嘉頓威化餅咁有點鹹脆圓錐形令個 口感更脆雜菜咖喱角表面就春捲皮黎 脆👍🏻入面有薯蓉夾蔬菜粒咖喱味就吳算出亦吳辣喜歡 咖喱角形式就岩香燒雞一個小小既鐡板上香味👌🏻不過上枱無耐就食就已經好乾口🥲無直接專用既醬汁店員表可以用反頭盆既2小醬加反甜燒烤汁感覺無咁乾但肉就無醃🙈見有用香草但都無幫助🥲咖喱羊肉咖喱又吳算好重味亦不偏辣至於 羊肉就有驚喜😯係粒狀彈牙，有羊味但無羊膻味👌🏻焗茄子好少印度餐廳見到有咁就叫黎試過最初覺得 茹香茄子咁但入口 更琳無咩味烤餅係厚身但吳會好乾身👌🏻有點酥香芒果奶昔食得印度咖喱又點少得奶昔😉呢個味濃👌🏻不過無咩奶味感覺係融合左結: 2個人$174晚餐有3個core，包特飲係十分底👍🏻不過質素接近及格🥴間中想食平價印度可以考慮#蘇亞印度餐廳…查看更多

已經知道呢間印度野好耐。路經長沙灣會去食。舖頭位於長沙灣道但附近行人唔太多，舖頭都幾大幾深下。價錢唔貴。裝修就唔好expect佢會有咩特別。黑黑的感覺，但都企理乾淨。幾次去都開著電視，下午有時只會有我自己一人，佢會開著風扇，連冷氣都唔開既。午餐大概50左右。食過幾次最鍾意個燒雞，有炭燒味，比起其他食過既燒雞tandoori都好食，所以特意係度留言支持下。我都好懶打字…naan同其他野印象中就standard啦。…查看更多

今次係第二次寫呢度嘅食評，因為太常去，所以都冇試過影相。今日收工一個人行過嚟食，終於記得影相😂呢度個套餐餐牌，入面主要都係基本食物，好多比較印度式嘅嘢都係要單點先食到，好似poori包，Malai Kopta 芝士球，不過今日冇叫。驚食唔曬😵‍💫今次叫左個牛油香料扁豆，配芝士烤餅。扁豆整得幾好食，唔洗配飯或餅就咁食都可以，感覺似扁豆湯。如果喜歡食豆可以試吓。另外個芝士烤餅都唔差，佢同套餐嗰塊唔同，但係唔係好覺有芝士味🤔之後就係印度奶茶，唔係好清楚一杯好嘅印度奶茶係點，之前去過尖沙咀嗰啲正宗嘅印度餐廳飲過，香料比較濃，呢間啲印度奶茶味道就比較淡，唔知係自己調味定係用即冲包。🤔或者要自己搵日去深水埗買包手作印度奶茶沖嚟飲下先知道係點。😂…查看更多

之前食過隔離間烏冬，見到有呢間印度餐廳，見網上食評都不太差，於是就黎試下～午市時間都唔洗等位～可能比較少人食印度菜做午餐～本來諗住叫一人一個午餐，但見個二人餐都差不多價錢，又多d野食，所以最後揀左二人餐飲器揀左芒果奶昔，酸酸甜甜呢個印度威化餅，好味好香脆，點埋綠色個汁酸酸辣辣仲好食～雜果咖喱角，呢個食都係熱辣辣既，好食但有少少油膩呢個係香燒雞，有兩件，唔辣既燒雞，正常呢個揀左咖喱羊肉，呢個都唔辣既，反而有少少蕃茄味，比較「稀」，所以唔會好膩，羊肉都算多，但都夠「林」另一個係香料椰菜花薯仔，呢個都幾香幾好味，不過就冇乜汁既，如果薄餅就配咖喱羊好味d~…查看更多

個日去開荔枝角買野，見到呢間印度餐廳，睇佢好似開左好耐咁，就入去試下，入到去睇落似一家人做咁。睇過餐牌，價錢算幾合理，有d餸我仲覺得平呀。我叫左個咖喱扁豆米湯，普普通通，幾得意再嚟香炸洋蔥絲，呢個有驚喜啦！好食到不得了，超推薦！炭燒無骨魚，全餐係呢個比較麻麻食印度野必叫烤餅，我叫左個薯仔烤餅，同一般印度餐廳一樣，都係好食。叫得烤餅當然要叫番個咖喱啦咖喱雞，賣相麻麻地，食落去又唔差喎。最後飲個青檸梳打，十分完滿食完坐左一陣，見樓面成日都望住，原來4點左右已經收工攪到我幾唔好意思，即刻埋單啦。(大家想食下呢度就要留意啦) …查看更多

可能想就返香港人口味，呢度同其他印度餐廳🇮🇳嘅咖喱味道唔一樣，個汁好稀，同埋係完全唔辣嘅🤔 午餐價錢唔貴，一個咖喱牛腩，可配白飯或者薄餅，跟埋杯熱飲先係$50。轉 Mango Lassi就加$20，幾好味㗎😋 中午12:30去到，人唔多，坐得都好舒服！店主係印度人，不過識講廣東話嘅👍🏼…查看更多

蘇亞印度咖喱💖呢間印度咖喱喺長沙灣到開咗好耐😋味道好食價錢又唔貴不過成日都見佢無客😭今日過嚟食lunch成間舖頭都係得我一台客🧐🧐都好驚佢執笠🌚希望你間舖頭長長久久啦💖講返正題先🤣一黎我哋就叫咗呢個開胃菜酸酸甜甜加埋薄荷醬真係好開胃😍😍😍跟住叫咗佢嘅咖喱椰菜薯仔飯味道偏辣但係素食人士表達一流🤣跟住再嗌左個咖喱魚呢個嘅咖喱味係好食嘅不過魚柳就係雪藏魚柳比我想像之中係失望咗少少嘅🤷🏻‍♀️除咗白飯之外我哋另外都叫咗烤餅呢個係即叫即整好好食😋最後叫咗個芒果奶昔Yummy💖…查看更多

之前朋友好想食印度野之後去開荔枝角 於是就嚟咗呢度食晚餐餐廳員工全部都係印藉人黎食飯期間都見到有好多印藉人幫襯我諗啲食物應該都幾正宗掛🤣🤣叫咗唔同嘢 個人就覺得整體味道就一般啦😚…查看更多

👍🏻👍🏻👍🏻👍🏻/5分蘇亞印度餐廳Sohal Indian Restaurant長沙灣長沙灣道638號長盛豪苑地下D舖-咖喱牛腩配烤餅🐂成日經過呢間嘢傳來陣陣印度咖喱香🤔但傳統既印度裝修令我有d卻步🤣今日鼓起勇氣試🤣欸有驚喜wooo d咖喱真係好香wooo😁唔好睇得咁細碟原來都有6舊牛腩仲要勁入味😆重點係烤餅小小燶但係咁樣先有個陣烤味啊🤤性價比高又特別值得一試喔😃不過食完個身好似會有個個咖喱味🤣🤣🤣🤣🤣🤣-🚽(5🌟滿分)小店沒有🚽喔…查看更多

星期日去完D2 Place行市集，突然心血來潮想食印度菜，就係長沙灣同荔枝角中間，搵到一間超地道印度餐廳。門面唔係幾起眼，一入到去，餐廳人流唔多，裝修同感覺已經好似去咗印度旅行咁，所以都係想試吓餐牌上有好多嘢食，但係我哋唔識點樣叫好，所以叫咗二人餐好似最穩陣。二人餐有六樣嘢食，分量唔算太多，兩個人啱啱好。最想推薦佢個燒雞同埋咖喱羊。我本身唔係好鍾意啖啖肉，但佢個鐵板燒雞好好食，肉質唔錯唔會好鞋。而個羊就雖然有啲so味，但係個咖喱好香，配佢啲薄餅食好好食！飲品就叫咗個印度奶茶，同平時茶記嘅都好唔同，佢入面加咗啲玉桂粉幾香。…查看更多