薯仔屋電影餐廳

营业中

休息中

今天要外出買嘢，好想食意粉。。。就問下同事，有咩推介！？他介紹我去薯仔屋電影餐廳，那便去試試。由於我是新來的，唔係好知規矩，一入店內，便向服務員姐姐查詢點餐程序，姐姐很有禮貌解答：要先點餐，然後找坐位，她非常貼心，重順便幫我點埋餐！我點了個黑松露雞菠菜扁意粉 + 白汁磨菇餐湯，上餐的時間都算快，味道還可以，意粉軟韌度恰當，餐如果要加湯，要加十蚊，我就覺得貴咗少少，但整體質素還可以！如在附近出出入，不妨一試！！

柴灣多年以來都沒有似樣的西餐廳或者CAFE，今次誠意推介薯仔屋俾大家得閑去chill下我和朋友晚上9:30才進餐廳，不用等位就直接進去，餐廳地方非常舒適，而且精心佈置，很適合聊天吹水。晚市套餐價錢不貴，一個價錢已是full dinner。前菜有吞拿魚長通粉配蒜蓉包雖然賣相不太好，但是吞拿魚長通粉味道不錯，長通粉比較爽口，蒜蓉包略為乾身。我的主菜來了魁北克鋪天薯條配醬燒豬仔骨，其實就是加拿大薯條，薯條剛剛炸起，熱辣辣，非常野味，配上肉醬，不錯不錯。豬仔骨骨肉分離，肉質嫩滑多汁，＄108非常抵食，份量也大朋友點了，鐵板美國天然豬肉眼扒配薯菜，這道菜式反而遜色了，朋友表示肉質較煙韌，醬汁也比較普通，價錢是＄78 ，結合環境來說，也是非常抵食的。

睇個電影前食個下午茶叫咗一個熱狗腸餐$44附咖啡 肉醬薯條$36酥炸魷魚鬚$30酥炸魷魚鬚$30一見到得四條即刻O晒嘴 即是$6條？！心諗唔係咁hea呀嘛...肉醬薯條$36 不過不失,8吋熱狗腸沙律餐$44 沙律只是普通的薯仔蘋果沙律冇乜特別,8吋珍寶熱狗就唔錯熱狗包烤脆,香腸味好咖啡OK食物份量有小小參差,啱啱新開張嘅時候黎過一次食物質素同環境都幾好,(梳化唔太好坐)服務態度可以再好啲,,有幾次送錯野比其他枱

前菜加了10元就有餐湯，不會有太多味精，而且喝下去好舒服，湯十分濃郁，粟米十分甜，好重忌廉味。首先點了一個魁北克鋪天薯條配醬燒豬仔全骨，是店內推薦的套餐，薯條炸得外脆內軟，所配的醬料是肉醬和芝士，薯條和醬汁配搭十分夾和惹味，咸度適中，會人令想不斷品嚐，十分推薦。而豬仔骨也很不錯，肉質滑嫩，雖然骨的部份比較多，但肉的部分很好吃！另外叫了香草燒法國bb野雞拼豬扒薯蓉雜菜，豬扒腿瘦適中，吃下去有驚喜，有豬肉的鮮味，而雞十分嫩滑，吃到雞胸肉都不會太乾！香草味也十分重，薯蓉帶點黑椒味，連我平時不喜歡吃薯蓉的人也覺得不錯，值得一試。炸魷魚鬚十分酥脆，不過一定要趁熱吃！特飲分別叫了芒果紅茶和蜜桃紅茶，分別喝下去都十分清新，不會太甜，甜度適中。

今日同朋友6點幾在柴灣睇完戲，見到戲院隔離就有一間餐廳叫Small Potato Movieland，中文名叫薯仔屋電影餐廳，裝修有特色，以電影元素為主題，仲有幾部電視播緊電影的預告片，環境寬闊，坐位舒適，一於同友人試下距既晚餐先。我點左晚市套餐F 蜜糖燒豬仔全骨配肉醬鋪天薯條 $108，任何晚市套餐都會奉送蒜蓉包，沙律，咖啡，茶或汽水，凍飲加$2，如果轉其他特飲只需半價。蒜蓉包脆口，有濃郁既蒜蓉味，是日沙律有驚喜，諗唔到睇起身普普通通既通粉沙律，食落竟然好好味，通粉既口感同吞拿魚醬混合玉米很配搭。蜜糖豬仔骨燒得剛剛好，金黃色，睇落去十分有食欲，忍唔住馬上試一啖，豬仔骨可以保持到肉質嫩滑又有肉汁，味道甜而不膩。薯條炸得熱辣辣，配上忌廉同沙律醬，特別既系薯條中淋上肉醬，三個味道融合，口感很豐富。飲品方面，我點左熱bb泡泡鮮奶，只需加$8。奶香細滑，有豐富的泡泡。朋友就點了“焗日式甜咖喱薯仔雞扒意粉”及 水蜜威尼斯(蜜桃) 梳打雪糕特飲。這個日式甜咖喱薯仔雞扒意粉很好吃, 薯仔和雞扒也很夠味,而這杯特飲也非常好喝, 蜜桃梳打配上雪糕,很正呀!!!我會推薦大家嚐嚐。餐廳還設有足球機和兒童遊樂

我起初以為薯仔屋係主打薯仔，估唔到戲院相連一間食肆，原來係走cafe路線，出面落order，然後有專人送餐，價格算ok無加一，座位都坐得舒服，但就唔適合hea嘅朋友。講番野食先，首先來了一個蒜蓉包，味道香濃，非常香脆。我同我朋友分別叫左兩個dinner set，仲加左個特飲咁，我自己就叫左個肉眼扒加意粉，仲包左一個小小嘅前菜！我事前係唔知有前菜的。前菜係一片蒜蓉包同埋一碗冷盤沙津。兩樣野食都有驚喜的，包焗得剛剛好，蒜蓉味同片包簡直係絕配，而且外脆內軟，正評！而沙津亦非常開餵，唔會太多，份量剛剛好，感覺都好新鮮嘅！幾十蚊食到牛柳真係爽皮，有時去樓上西餐廳或者地舖嘅餐廳都唔止呢個價錢，牛柳唔會好勁嘅鬆肉粉味道，軟林林又有少少咬口。加埋個醬汁同埋清新薯菜，係唔錯嘅享受。總結黎講，呢度環境好食物又好，如果經過呢度既真係不妨一試呀。好方便大人細路都啱，可以帶埋小朋友過嚟玩下。

難得放假梗係要食好西慰勞自己！今日同朋友係柴灣試咗哩間主題餐會，感覺幾得意！香港好少有呢種露天風味的西餐廳，而呢個西餐廳仲有以電影為主題，餐廳裡面有幾部電視播映近期上畫的電影，隔離就有一件戲院，入到去真系非常有氣氛。order咗個套餐之後，就以一碗輕盈健康沙律作為前菜。我就order左個鐵板香煎美國天然豬肉眼扒配薯菜，淋上汁更加野美。豬肉眼扒的肉質很鮮嫩肥美，口感軟滑，肉味濃厚，亦不會太油膩，非常滋味。薯條同配菜搭配上所嘅淋醬汁，更加好味！而餐廳的忌廉粟米湯亦有濃濃的忌廉味。無論係主菜定係湯嘅份量亦比其他餐廳多，讚！飲品方面，餐廳就有三種水果味嘅特飲，我就選左芒果味，特飲更配上芒果味雪糕添。食到飽一飽仲可以過去隔離睇戲，真係啱曬戲迷。我自己就幾中意哩種有特色嘅餐廳，中意睇戲嘅港島朋友一定要黎試試佢！

話說之前朋友話柴灣有間電影餐廳，今日就去咗試探下，發現又幾值得分享，睇得又食得！餐廳好得意，以電影做主題，牆上面會有幾個螢幕播放近期上影嘅電影，而餐廳隔離就係戲院，超方便，部分飲品同小食可以拎埋戲院度一路睇一路食添！我今次要咗BB雞豬扒薯菜！先上咗前菜係餐包配送沙律，沙律有菜同水果，幾豐富開胃，而餐包亦好香脆，咬落去真係會聽到聲個種，沙律配餐包原來真係幾好味！之後就到主角上場！講就話係BB SIZE，但都非常有份量，而且肉汁鮮嫩多汁，有口感！仲有豬扒煎得面頭金黃色，非常吸引，食落亦非常juicy。仲有薯菜食得岀係好新鮮，配上沙律醬係無得彈，好fresh,食咁多肉梗係食啲菜中和下 ~ 佢成個set din仲有個忌廉湯，好香好濃郁，仲好滑，唔錯！其實我覺得呢啲餐廳都幾得意，影迷就更加唔可以錯過啦！

晚上8點多去到餐廳，餐廳位置離地鐵站不太遠，但地方遠離鬧市，要花點時間找路喔。餐廳佈置休閒，以電影/卡通公仔作主題，放滿了cd、模型等裝飾品和一對愛情鳥，令整個空間很有活力呢！而且還有足球機供客人玩，是和朋友相聚的好地方。和朋友叫了2個餐一起吃，分別是蜜糖燒豬仔全骨配肉醬鋪天薯條和香煎蘇格蘭肉眼扒意粉。跟餐配蒜蓉包和沙律 ，轉其他特飲有半價優惠，我們就加錢點了2杯黑牛。豬仔骨加了燒烤醬烤焗，十分惹味。肉質雖不算滑但絕對不嚡！！2個人不停地吃，好快就吃完了。還有它的鋪天薯條，份量好多啊。熱辣辣新鮮炸起，滿滿的薯肉，而且邊位是脆的。沙津菜配芝麻醬，my favourite。很大塊的牛扒！比手掌還大，還未吃意粉已經有點飽了。牛扒煎得微焦，吃下去更香口！肉質偏實，近筋的部分會較軟稔。意粉用了茄醬調味，甜甜的，不怕不夠味喔。跟餐加配的黑牛，是可樂和朱古力雪糕的組合，雪糕凍感較重喔。

 久不久會到戲院看戲，柴灣這間新戲院是我的新寵兒，這天放工後約太座在戲院會合，趁還有時間順道在戲院內的餐廳吃晚餐才入去看戲 。餐廳設有多種遊戲如足球機，又有小屋子供兒童玩樂，更有電影短片介紹，環境輕鬆愉快。 套餐包括有沙律 加十元可以有餐湯，主菜有數款可以選擇，意粉，天使麵，肉類等，太座選擇了香草燒法國BB野雞拼豬扒薯蓉雜菜，我選了魁北克鋪天薯條配燒豬仔全骨。先送來的沙律以小碗盛著，是凱撒沙律，爽脆可人，餐湯是露筍忌廉湯，質料仍有進步空間。 太座的主菜來了！燒雞賣相吸引，金黃色的外皮， 很豔麗， 肉質也不錯 ，很香口，豬扒是厚切的 ，肉質仍很嫩滑， 肉味尚且不錯 ，配菜有薯角和西蘭花，薯角粉糯便好吃。另一款主菜是魁北克鋪天薯條配燒豬仔全骨，分量頗大，顏色紅彤彤的，從骨與骨之間用刀切開，輕而易舉，肉質頗鬆化，燒烤醬調得出色，惹味非常 ，Poutine譯作鋪天薯條，是加拿大的薯條小食，加了肉醬和芝士，酸忌廉，特色出色。餐飲加錢可轉雪糕梳打，清甜氣味清新， 入場前還可以在餐廳購買小食帶進場享用，十分方便，今次吃飽，下次才試。

約了友人來柴灣戲院睇電影，由於時間尚早，所以決定先吃晚餐再入場。本來打算去附近商場搵食，不過友人說：戲院旁邊不是有間叫「Small Potato Movieland」嘅電影主題餐廳嗎？聽說那裡除了有晚市套餐供應外，還有多款可以帶入戲院嘅小食，非常方便。原來友人早有準備，毋須我傷腦筋，實在太好了！餐廳座落於 Cinema City 永利中心購物商場地下，剛好就是位於售票處對面。店裡裝潢很有特色，融入了不少電影元素，例如店內有多部電視，不停播放住電影預告片，連天花的燈飾亦用上電影菲林造型作設計，加上牆身上嗰幅以薯仔扮演不同影片角色的佈景板，極具電影感。環顧四周，座位闊落，開揚寬敞，而且氣氛輕鬆，加上店內有足球機和兒童玩具供食客和小朋友使用，挺適合一家大小來用餐。餐廳採半自助形式，客人可以先去櫃檯落單，侍應隨後會將食物逐一送上。晚市套餐共有 6 款選擇，價錢非常實惠，最平 $62 已經有交易，而且仲會奉送蒜蓉包、是日沙律、咖啡、茶或汽水，如果想轉凍飲就要 +$2，轉其他特飲則半價優惠。除了套餐外，其實餐廳還有多款特色小食提供，如 Poutine 薯條、焗薯皮、薄餅、串燒、韓式炸餃子等，全部即

今天晚上去了柴灣永利買野，順便搵野食~原來呢度開左戲院~仲有戲院餐廳呢今日一於呢度食啦你看佈置幾靚呢這裡先自助購買，再由店員送上食物像是樓上cafe , 有玩樂的設施這個餐廳集團原來有其他餐廳呢環境不錯, 價錢又不貴呢menu 像是戲院售票處上的Screen也有實體menu晚餐不包餐湯，我們另加了餐湯湯夠濃又足料~蒜蓉包夠熱辣辣又香口挪威三文魚配天使麵配松露香菌忌廉汁三文魚超新鮮，份量又多，配上香濃忌廉汁和松露香菌味，非常好味，天使麵麵質爽，推介~豬肋骨分量十足，性價比高肉質鮮嫩夠腍，非常惹味呢配上薯條加上肉汁，薯條夠香脆係呢度飲野傾計是不錯的選擇呢~食完野仲可以去睇場戲呢

這天約了朋友去看電影，看完之後，見到隔壁有一間看似電影主題的餐廳，十分吸引，於是就去嘗一嘗。餐廳十分舒適，無壓迫感，加上裝修有心思，很有電影的味道。餐廳以自助形式點餐，我們就在收銀處的位置先點餐，之後侍應送上我們點的餐。我們點了三個套餐，豬肉眼扒、燒雞，以及豬全骨。首先來了一個蒜蓉包，味道香濃，非常香脆。剛到的扒餐配上鐵板汁，味道濃郁，薯條熱度適中，不會太油，豬肉眼扒也比較厚身，配上西蘭花讓我們吃起來也沒有那麼罪惡感，也十分新鮮。燒雞的肉質也鮮嫩，配上薯蓉，口感新鮮，雞肉也容易分拆，熟度剛好。當然，豬全骨也真的是十分惹味，肉的分量也合適，不會只有一排排的骨件，配上特制醬汁的薯條，有淡淡的玉桂味，味道充滿層次感。我們點了特飲，有半價優惠也真不錯，我點的是熱情果特飲，香滑的雪糕配上甜甜的熱情果汽水，不會太甜，也去掉了口中的油膩感。整體性價比還算不錯，下次會再來品嘗其他的!

上個星期去了薯仔屋餐廳用餐，餐廳環境讓人耳目一新的感覺，裏面設有幾部電視，整體感覺十分舒適，放鬆。我和朋友點了肉眼扒, 燒雞同豬肋骨。燒雞肉質滑膩，不油膩，外皮鬆脆，又附上軟滑的薯蓉，可緩解口中濃郁的肉味，讓味蕾稍作休息，繼續享用其他食物。每個套餐都在一百元內，價格親民，性價比高。肉眼扒肉汁鎖住，不太油膩，牛扒汁也恰到好處。配菜亦有誠意，西蘭花很新鮮。燒雞此外，豬肋骨亦十分惹味，肉質鮮嫩，配上肉汁薯條，令人垂涎三尺。而且分量足，可以同朋友一起享用，另外，我點了一杯巴里熱情的雪糕熱情果梳打特飲，尤其令我回味，入口即溶的雪糕，口中充斥濃濃的牛奶味，十分綿滑，而且熱情果味的梳打也不錯，清甜的熱情果中和了濃郁的肉味，口腔氣味煥然一新。雖然價錢偏高，但是香濃的牛乳味 和清甜的熱情果味，讓人按耐不住想一再嘗試。餐廳裝修不錯，感覺舒適，之後會再一試。

今日心情好低落，唔知點解，所以就去左搵男朋友，希望有佢哄番我，今日我同男朋友去咗薯仔屋電影餐廳，因為男朋友咁岩喺柴灣做嘢，所以就順便去柴灣睇戲，睇子華神新戲，見到戲院前面有一間餐廳，就入咗去啦。我哋每人都叫咗一個餐一杯野飲，佢嗰個餐就係豬仔骨，而我叫嗰個呢就係豬扒茄法國BB燒雞。咁我個餐妮左先ge，上菜速度快！嗰個法國BB燒雞，真係不錯！熱辣辣送上嚟，雞胸位置比較鞋，其他肉都非常之鮮嫩，＄100左右食到咁樣嘅質素都不錯。以佢嘅豬仔骨就係燒烤味，我自己就覺得佢味道非常之濃，但我男朋友就話啱啱好，各花各眼啦。之後我哋就叫咗兩個羅宋湯，個兩個羅宋湯比較辣，如果食唔到辣嘅人呢，好似我咁，就比哂男朋友飲就岩啦。最後有兩杯野飲，我叫個杯呢就係西班牙雪糕咖啡，即係朱古力雪糕，而我男朋友叫個杯呢就係水蜜桃雪糕梳打，我覺得佢個杯好飲過我自己個杯，因為我自己個人就唔係太鍾意飲咖啡，但我就好鍾意飲水蜜桃。總括嚟講，都值得一試。