薯仔屋電影餐廳

营业中

休息中

在柴灣看電影真的很便宜，所以打算看電影之前在戲院旁的餐廳吃個午飯。餐廳餐桌不算太多，剛巧今天時間尚早，所以不難找位置坐下。除了午餐以外，還有常餐供應。我們先到櫃檯下單付款，店員製作食物後便會送上。以往我來這餐廳都會選擇吃薯蓉，今天就來個新嘗試吧！龍蝦汁輕煎帶子青口海鮮天使麵🍝整體味道不過不失，帶子的大小和想像中有些出入，龍蝦汁幼滑，味道略淡。天使麵的份量剛剛好，要靠飲品才能滿足飽肚感。以這個價錢來說，性價比並不高。熱飲無需加錢，凍飲需加$2，特飲則收取半價。相信下次再來，還是選擇吃薯蓉會比較好。😅

柴灣開左戲院係柴灣人既福音，因為早場好平又啱駛出太古睇好方便。柴灣戲院相連住個薯仔屋，好似有戲尾有平同可以光明正大咁拎薯仔屋既小食入去食。今日暑假一於睇完早場直落食lunch, 點知食食下變左八號風球。原來小朋友係薯仔屋都可以消磨大半日時間。首先，佢好鍾意個足球機，明明未夠高玩都好開心。每次要入五蚊有十個波，但係我地玩果陣得六個波。原來會cark左個。其次佢好鍾意玩果埋玩具，雖然唔太齊但都算新淨。我欣賞佢既係carbonara 同沙律好好味，牛扒好正。但我覺得隻雀成日嗌好煩同鄰近既永利廣場有股特殊既氣味，我個人黎講鍾意貓多d.無處不在既娃娃機呢度都有部，$4夾一次。夾中個波有戲票送。我推介呢度係下雨天同放假帶小朋友黎玩既好去處。埋單最平50-60。

暑假帶小朋友黎睇戲，睇完戲不妨可以試下呢間用電影做主題的餐廳。餐廳係正戲院隔離，有小朋友玩樂的一小角，好適合幾個小朋友圍埋玩，平時去其他餐廳小朋友玩到癲曬好驚嘈到其他人，但係呢度因爲劃左一個位比小朋友，所以絕對可以放心，唔會影響到其他食客。男仔可以玩下足球機，女仔就可以煮下飯仔。.食物方面，常餐大約有十款選擇，今次揀左黑松露野菌忌廉汁三文魚意粉。三文魚圈成玫瑰花🌹的形狀，忌廉黑松露醬汁好輕盈，唔會食到好漏，而且蘑菇同洋蔥好吸味，份量都唔少。..另外仲叫左個廚師精選的扒餐，美國西冷牛扒配薯角（$188），一個餐有埋蒜蓉包、煙三文魚沙律，同埋甜品軟雪糕，份量十足，性價比好高！牛扒外層煎到少少脆，好惹味！薯角上面淋的醬汁好有驚喜，蘑菇汁再加上sour cream!!完全食到唔停口！不愧為「薯仔屋」😋😋😋軟雪糕唔知係唔係自家製，好重牛奶味，好正😚..順帶一提，餐廳員工服務態度好好，因為見到有其他食客因爲趕睇戲，表現出不耐煩，不斷催促員工上菜，但員工態度依然保持友善👍🏻👍🏻

柴灣附近應該得呢間親子餐廳，今日特登帶個仔落黎食，價錢中等，貪佢有個玩具角落比小朋友玩，同埋有兒童餐。入面環境都幾令，而且地方都幾闊落，野食就一般，奶茶偏水，意粉偏咸，值得一讚係牛肉都幾淋，同埋佢呢度可以儲印花，1個餐可以蓋一個印仔，夠8個可以換戲飛，都幾吸引。會再幫襯，因為可以比小朋友玩下。

收工約了朋友去柴灣睇戲，原來戲院既隔離就有間餐廳而且環境唔錯，買完票之後就決定試一試，去吃個晚飯。餐廳佈置幾有特色，以電影作為主題，牆上有好多電視機，而且還有足球機，和一個玩具角落可以給大人小朋友都可以一齊玩，一定不會悶！餐廳以西餐為主,有很多套餐排類、意粉、飯、烏冬等等可以選擇，而我和朋友方別點了，意式肉醬焗芝士千層麵和香煎西冷牛扒配香草薯角。首先來的是牛扒套餐包配的蒜蓉包和煙三文魚凱撒沙律，蒜蓉包味道香濃，而且很脆口。煙三文魚也很新鮮。再來的便是主菜了！煎美國穀飼西冷牛扒配香草薯角，牛排的賣相就很吸引，而且煎得剛剛好，肉質很嫩，味道好香口。薯條也很脆，和醬汁很配合。而另外一個主菜，便是意式肉醬焗芝士千層麵，芝士很多，味道也很不錯！而飲品方面我和朋友都轉了特式，柚氣迫人和小時候就最愛吃的黑牛，可以一次過吃到雪糕和飲到可樂，感覺好開心！

要約深閨唔出，長期宅在家中，只會喺睇戲嘅時候先出沒嘅胃民，同佢食呢間連埋戲院開嘅電影主題餐廳食個飯就最好不過啦食住睇吓嚟緊有咩電影睇，plan定之後有咩電影必睇蒜蓉包唔係配湯，而係配沙律，但大胃還是分開嚟食好大塊扒呀，薯條都係大大條，急不及待要淋汁喇淋汁一刻，煙霧特效開始出現，仲要環迴立體鐵板滋滋聲𠻹，之後出現4D效果，有嗅覺同味覺嘅享受如果睇戲可以帶埋焗飯就好喇雲呢嗱雪糕幾特別都係熱情果好飲啲下次喺柴灣睇戲，就唔使頭痛邊度食嘢啦

因為格離就係戲院既關係,所以係睇完戲再食埋飯傾下計就過到個下晝~餐牌有D野食方便買去戲院食,有D就係D套餐咁我地叫左個鐵板牛肉眼排同埋餐廳推介既醬燒半條豬仔骨前菜係簡單既凱撒沙律同蒜蓉包鐵板牛肉眼排黎到果陣已經"炸炸"聲,落埋D蒜蓉汁仲炸得勁,可見個鐵板有幾熱. 塊肉眼排十分之大塊,熟度岩岩好,,切落去牛排好淋,食落肉質都唔錯,牛味都足夠. 配菜薯條份量岩岩好又熱辣辣.醬燒半條豬仔骨賣相好吸引,燒得唔錯,醬汁方面唔會太鹹太濃,切舊骨出黎成舊叉住食就最和味啦,肉同骨都分離,好易撕舊肉出黎大大啖食;薯條方面就可以揀配咩醬汁,我地就揀左肉醬薯條,味道都唔錯.價錢正常,如果諗唔到做咩打法時間,可以去依到附近食下野睇埋戲,唔洗諗去邊!

好久沒有在柴灣覓食，看完電影就在電影餐廳吃飯，好方便的說。其實好多人也不一定留意到餐廳和戲院有關係，但看餐廳門面就知道是有心思的設計呢！有點驚喜的是餐廳竟然有給小孩玩樂的地方！也不乏大家都有興趣的夾公仔機！還有戲院模樣的室內設計，買餐則是快餐形式，方便大家看戲前快快的結賬，更好把握入場時間。餐廳有很多的晚餐選擇，還有兒童餐，我們點了二人餐，不用左想右想！其他餐牌會另外上載。頭盤和餐湯頭盤和餐湯即時送上，是效率呢！煙三文鮮好嫩呢！而忌廉湯是自家製的(老闆說的呢！老闆好友善，還有三個可愛的小朋友，大女和二仔更協助餐廳工作！好温馨！)61度蛋。卡邦尼煙肉意粉好輕盈的卡邦尼汁，忌廉一點也不膩，加入蛋汁味道卻變得豐富，很上癮的香味。女生吃也沒有罪惡感。西冷牛扒配粗薯條煎得外面香脆的牛扒！如果再厚一點就無可挑剔！厚薯條可是重點！要知道這可是叫薯仔屋！還有上面的醬汁絕對是關鍵所在，瘋狂沾醬汁！明知是肥死，朋友還是絕望的不能自拔！餐還附有每人一小杯雪糕和任何飲品，份量真多呢！PS 親子好地方，孩子可在kids corner放電，父母終於可以安樂吃頓飯。

  薯仔屋電影餐廳  Small Potato Movieland 呢間係戲院入邊既餐廳非常深受柴灣友喜愛有全日早餐,常餐,意粉,漢堡,牛扒價錢合理,柴灣區沒有西餐,連老麥都幾乎無有市場常餐有意式肉丸意粉,燒汁豬/雞扒飯或粉沙律,炒烏冬,煙肉意粉黑松露忌廉汁三文魚意卡邦尼意粉安格斯牛肉漢堡,千層麵,炸薯條配醬燒豬仔骨最貴一款也是$88廚師精選套餐有沙律,麵包,雪糕S1.西冷配香草薯角S2香草羊架配薯蓉 $188加$10餐湯除了主菜類也有可以買入戲院食既小吃 三文治,熱狗最貴也是$30薯條,配芝士煙肉忌廉,或肉醬 $36焗薯皮PIZZA 素食,番茄辣肉腸另外小食有串燒4串 $42炸餃子,炸薯餅軟雪糕新地 $18 大杯$30非常多有15款

呢間餐廳一入到去會比人一種去左另一個地方嘅感覺，裝修係幾特別嘅，我今次同啲同事去食個午餐，我點咗個豬扒意粉，價錢就58元，包嘢飲嘅。食物不過不失，不過間餐廳俾我感覺就係坐得好舒服同埋個環境，好特別，得閒可以同啲朋友坐喺度傾下偈，食下野，吾錯。

出開柴灣打波, 之後指定動作梗係食•下午茶•吧. 就喺對面Cinema City有間薯仔屋, 裡面好似幾靚咁啱2點半轉下午茶menu, 食物同飲品都有好多款選擇, 啱哂奄尖嘅我(地). >原來位置緊貼戲院售票處嘅薯仔屋除左有賣睇戲snack, 堂食, 仲有網上外賣平台, 同埋有得包場開生日會, 門口嘅play corner同夾公仔機勁受小朋友歡迎.>薯仔屋招牌蜜汁雞翼套餐•配鋪天薯條🍟 (HKD40)蜜汁雞翼焗得好香好入味, 皮脆脆的,選用粗身薯條🍟, 淋上勁多Gravy, 仲有小小cream同芝士Dip, d薯條多到鋪天ga. 估唔到下午茶都咁大份足料呢👍🏻.>即製軟雪糕🍦窩夫塔 (HKD42)即製窩夫外脆內軟, 口感非常鬆厚, 係新鮮整gaaaaaa, 軟雪糕🍦加上粒粒可可脆米同朱古力醬. 勁靚勁吸Like! >水蜜威尼斯(蜜桃🍑) (HKD34 特飲半價HKD17)Li個特飲係意大利軟雪糕喺蜜桃味梳打上面, 甜味啱啱好. >白雪山 (HKD34 特飲半價HKD17)一大杯雪碧, 面頭係好滿嘅軟雪糕🍦, 正~ >望住頭頂幾部電視機睇T

我經常都會來往柴灣，但從來無留意到原來柴灣有間戲院，今次有朋友帶我黎呢間餐廳，我先矇然地知道一直以黎戲院就係我身邊，哈！餐廳入面既氣氛非常和諧，大多數都係一家大細，裡面放置左好多好似遊樂園咁歡迎好多小朋友同埋父母既親子遊戲，地方非常大，主要以電影菲林既吊燈，牆壁掛左薯仔屋既壁畫，整體感覺好有西方酒吧feel，門口同戲院接軌，用盡空間感！👇📌 鐵板香煎美國牛肉眼扒配薯條 - $88👉 我貪心左少少，加左$10多左一碗小意粉，點知發現唔洗意粉個份量已經好夠飽，因為薯條都比足你，牛扒更加係成隻手咁大，味道相當唔錯，食落有少少微焦香，肉質偏腍，係我鍾意既程度，配埋個燒汁大大提升果個香味，意粉加左茄醬調味，唔錯！📌 鐵板雜排配薯條 - $98👉 今晚食既兩個主餐都係鐵板上，黎到既時侯已經"jerjer聲"好好聽，真係好懷念呢個聲音，證明我真係好耐無食鐵板啦！呢個雜排非常豐富，包括左雞扒、豬扒同埋雞肉腸，作為食肉獸非常歡迎，尤其係雞扒口感好腍，用鐵板上可以更加食到果種焦香味，薯條亦都唔錯，有咬口，係柴灣區價錢幾抵食，最後埋單每人都係$100左右，我幾滿意！

收左工吾想煮飯，係屋企附近搵間餐廳食下，記得電影院旁邊有間薯仔屋，朋友都話吾錯！6點鐘入到去，時間算早，無咩人，我地打開餐牌，叫左鐵板肉眼煙肉盧筍及盧筍肝菌雞意粉。首先黎到的係蘆筍肝菌雞意粉用左雞同肝箘抄出黎既意粉好香，而且意粉同配料份量都好多，食完好飽。鐵板肉眼煙肉盧筍夜晚想据扒，等左一陣店員捧住鐵板過黎，肉眼牛扒size都幾大份，下面蓋住薯條同西蘭花。價錢黎講ok, 牛扒配上黑椒汁，肉質幾軟腍，类似茶餐廳式的鐵板牛扒。另外兩個餐加左10蚊要餐湯，係甘筍湯。整體黎講呢間薯仔屋都幾物價廉美，食之前仲可以買定張戲飛食完去睇戲好方便。

週末得閒放假就去咗柴灣睇戲啦咁啱俾我見到原來柴灣戲院有一間餐廳連住仲要可以買入戲院一路睇戲一路食添所以就先喺呢度依個肚食個下午茶先好似叫秘製豬扒烏冬 味道不過不失啦 價錢都算抵嘅好似$40有找店買杯可樂加面食完之後買咗個飛天蓋地嘅薯條就入去戲院睇戲啦個薯條幾好食嘅 不過唔記得影相

上星期日因去柴灣整啲嘢，見有時間剩就同女朋友喺柴灣間新戲院睇咗場戲。睇戲後順便喺戲院間餐廳落腳食晚飯。老實講，小弟對柴灣嘅餐廳冇乜寄望，一個老化咗嘅區，唔太難食就可以。而呢一個西餐廳算係其中一間。當然，呢間嘅水準，有讚有彈就梗，如果大家都去幫襯嘅話又即管睇下小弟嘅評論中唔中肯。首先我哋叫咗兩個餐，我嘅係燒春雞拼魚柳，而女朋友則叫咗豬仔骨。特別嘅朋友點係你需要好似快餐店咁走去Cashier 度order。而我哋嗰晚都想飲酒，而我又唔太愛飲甜味嘅餐酒，因此問待應紅酒甜定係白酒甜。殊不知待應聽錯咗紅汁同白汁，後尾先知道原來我哋係呢間餐廳開張以嚟第一枱叫餐酒嘅客人，果然係柴灣。其餘嘅服務態度都唔多講喇，一間快餐店級數嘅西餐廳已經係合格。餐冇餐湯，嚟到嘅係蒜蓉多士拼吞拿魚長通粉沙律。我哋食咗兩啖就冇食。正餐嘅春雞同豬仔骨嚟到，味道又幾唔錯，依次序排係豬仔骨、春雞、伴碟沙律、薯蓉。豬仔骨入味，春雞夠嫩，沙律夠鮮夠開胃。彈嘅有吞拿魚長通粉沙律、魚柳、伴碟愛爾蘭薯條。吞拿魚長通粉沙律冇嚟聞味，魚柳用鹹味遮住佢嘅唔多新鮮，薯條凍同淋咗。整體而言最值得欣賞係價錢非常經濟，一個餐只係一百蚊至一百鬆少少，以呢