薈欣•越南

實話實說味道係OK，但個經理態度真係極品！第一次我問佢要辣椒仔，但唔記得左tabasco個名只記得辣椒仔，佢可能唔知我意思講左幾句知道後同我講冇就走左，唔緊要啦，我就想要個其他辣椒醬於是舉手叫佢，佢有見到我噶！好遠已經見到，但佢經過時直接無視左我！真係激諗到肝痛後面上網先見到原來咁多人話間野態度差！！絕對唔會食第二次咯！…查看更多

進入餐廳感覺裝修氣氛很特别，先坐低服務員就遞上茶水同菜單。先睇吓菜單價錢合理不太貴可多選幾個菜試吓😊菜單都很多款選擇，我哋三個人就點咗幾款特色小食，咖哩，湯粉。點咖喱嗰陣服務員推薦蒜茸包點讚👍全晚感覺餐廳客人很多，食物方面應該不錯👌先來一份炭燒猪頸肉，越南米子卷，泰式炸蝦餅朋友一致好評絶對對得起呢個價錢，再嚟青咖喱羊扒，越南火車頭看到份量很足，青咖喱味道很豐富羊扒燒得也很香嫩沒有失望，整體服務及食物是中上水準可以回頭再試下其他食物🥘最後發現隔離原來是同一間餐廳，不過好似食既野唔同因趕時間走無去睇下菜單。…查看更多

食過呢間野一次，老實講，啲野食唔算差，但係嗰啲待應嘅口面嗰啲態度差到無倫，第一次我下午5:30一個人入去餐廳，無禮貌嘅待應同我講：而家無晒下午茶嫁喇喎！我由頭到尾都唔知有下午茶，完全冇諗住貪佢個下午茶價錢囉，一個人唔可以入去食晚餐嘅咩？真係攪L笑！最後到我埋單，收錢一句嘢都冇講過，一句拜拜都冇！都唔知咩服務態度！到今日，我媽咪同我講想食越南粉，然後去咗呢間嘢，嗰陣時係中午12點，佢同我媽咪講得60分鐘用餐時間，啲態度仲要好差！唔知有咩咁巴閉！係一個叫做大嘅商場裏面嘅餐廳，啲服務態度差到咁樣！不知所謂！…查看更多

QR code落單 嗌咗個西冷同羊扒 雞翼 兩杯嘢飲，同一個白飯 雞翼10分鐘上到嚟 隔咗1分鐘白飯都拎埋上嚟 個侍應帶住藍色手套 手掌掂住個飯拎俾我哋 一隻手指插落咗碗度 好 唔緊要 但係主菜西冷同羊扒都未到 都知要等得耐但冇諗過要等成半個鐘 連個飯都凍晒 半個鐘唔緊要 西冷嗌5成 出到嚟變成全生肉 最後拎入廚房 幫我哋整熟啲 點知佢哋嘅整熟啲 淨係用火槍燒 個重點係淨係燒一邊 另一邊依然全紅 因爲真係太肚餓 照食 但係點知咬都咬唔開 跟住準備走 突然有個侍應過嚟俾水 本身仲以為嗌咗嘢飲就會唔俾水點知原來係唔記得 。…查看更多

限時75分鐘，用餐約半小時後，侍應就開始不斷埋檯收碟，即使隻碟仍然有食物，侍應亦會問你食完未 。真係好煩！既然你定得用餐時間，就唔好做咁多小動作去趕客啦！冇下次啦 。…查看更多

同同事出去覓食，試咗越南牛肉河粉，午市套餐幾抵食🤤。湯底濃郁得嚟唔油膩，牛肉肉質嫩滑，河粉索晒湯汁好入味🍜。 餐廳環境有東南亞風情，服務都幾周到。不過份量對男仔嚟講可能細咗啲，要加個小食先夠飽。整體嚟講係唔錯嘅選擇。…查看更多

門口有位高高瘦瘦男士(不知道是接待員定老闆)睇落幾斯文 我同佢講兩位 佢當睇唔到 隔左2分鐘左右先抬高個頭問有咩幫到你等既期間聽到佢同隔離個同事係到笑啲客點點點輪到我地入座 比張飛佢 一野拎過去(勁冇禮貌)埋單時又係佢做野 啲態度差到飛起唔想做飲食業咪鬼做啦…查看更多

今日去青衣有啲嘢要做，好少嚟青衣嘅我，都試下入嚟搵食。大部份都係連鎖店餐廳，心血來潮又想食辣嘢，所以搵咗一間泰國菜。我哋叫咗一客一人冬陰功湯，一個西貢鮮茄蟹肉海鮮湯檬，一個鮮蟹肉扎肉炒粉絲。冬陰功湯：正宗冬陰功湯，夠酸夠辣，特別一讚，入邊有兩隻大蝦，幾新鮮彈牙。西貢鮮茄蟹肉海鮮湯檬：湯底幾濃味，蕃茄酸酸哋都好開胃，蟹肉都算多，我覺得好食嘅。鮮蟹肉扎肉炒粉絲：粉絲太濕，好少扎肉，蟹肉都ok。不過粉絲實在係炒得太濕，所以影響質感。我覺得可以改善一下。…查看更多

好耐冇嚟青衣城，發現呢間舊年新開的餐廳，點咗菠蘿豬頸肉炒飯，用新鮮菠蘿，腰果很酥脆，飯乾身好食，美中不足是豬頸肉太硬有筋。火車頭湯河抵食又好食，湯好好味，河粉幼滑，抵讚👍🏻再加咗馬拉盞炒通菜 好食食曬加22蚊 有青木瓜沙律，很好性格比很高，下次嚟青衣會再幫襯，希望keep到質素😍…查看更多

​香茅黃咖哩雞，又香又濃又滑的黃咖哩，雞肉沒有雪藏味，而且很腍滑。鮮蕃茄香草牛腩湯粉，牛腩香軟腍身入晒味，湯蕃茄足，好飲!馬拉盞炒通菜，套餐加$42的份量足夠，馬拉盞恰當炒也很惹味，通菜嫰不是好粗好老那種。…查看更多

今日放假同媽咪亞哥一齊食午餐，之前都食過一次覺得不錯越南春卷炸到香脆可口，紅白蘿蔔絲跟酸甜醬汁，咁啱有三條仲可以一人一條呢～菠蘿豬頸肉炒飯淨係睇個樣都都知道好食，炒飯唔油膩，有好多豬頸肉粒、菠蘿粒、腰果、提子乾..旁邊仲跟埋八分之一份燒菠蘿～香茅黃咖哩雞飯雞肉薯仔洋蔥份量都好多，黃咖哩唔算太辣，啱晒我唔食得辣既人～香煎蝦餅扎肉撈檬蝦餅彈牙蝦味濃郁～五款食物都好大份和好好食呀，下次放假 lunch聚腳首選～…查看更多

今次嚟到青衣城覓食，咁啱見到呢一間人流幾多嘅越南菜～雖然係假期但就算下午三點都幾乎滿席❗️見食物價錢都合理～而且裝修都幾新淨🙂‍↔️ 所以就試吓啦❗️呢間越南菜嘅食物款式好多，除咗基本嘅牛肉河粉同撈檬外，仲有菠蘿炒飯、炒金邊粉、越式手捲同越式風味三文治～基本上越南食物嘅種類佢都有，而且佢上菜速度超快，唔洗5分鐘就上咗嚟，一開始有少少驚，但好彩啲麵都仲係熱嘅————————-**西貢鮮茄蟹肉海鮮湯檬粉 $70蕃茄湯底鮮甜又淡淡嘅海鮮味，有好多蟹肉喺面，仲有兩隻蝦，粉嘅質感正常，可惜個湯底冇得揀少少辣，所以食落味道比較清淡，如果可以再濃味少少就更好啦❗️**金不換香辣牛肉炒金邊粉 $82金邊粉食落去煙靭，牛肉嘅份量都好多，辣味嘅調味都足夠，我會認為炒金邊粉比湯檬粉更加值得一試🫶🏻…查看更多

I visited a Vietnamese restaurant and decided to give it a try for afternoon tea, of course. The waitstaff had some rules and pointed out that we couldn't sit in certain areas (even though there were many empty seats at the time). It didn't really matter; mistakes happen. However, we had to place our bags and newly purchased items on the table.We ordered a green curry with pork neck and a yellow curry beef brisket with tendon rice. The flavors were about decent, but since we were still a bit hungry, we wanted to order some dessert. Unfortunately, the waitstaff informed us that during afternoon tea, we were only allowed to order items from the afternoon tea menu, not the main menu. 🤔 There's nothing we could do about it. The prices weren't exactly cheap, but I felt that if the service could improve, it would be great. Many restaurants have significantly improved their service attitudes nowadays. I hope this restaurant can keep up with its peers, make some progress, and treat customers better, so we won't leave feeling unsatisfied. 😓In a Restaurant's ShadowIn a corner booth, we sit and wait, With hopes for warmth, but met with fate. The service lacks a gentle touch, A hurried glance, it doesn’t mean much. The plates arrive, a vibrant sight, Yet flavors dance, just out of light. A hint of care could make it shine, But all we taste is missed design. Dear chef, please hear this humble plea, With kindness served, your food could be A symphony of taste and grace, Transform this meal, enhance the place. Let every guest feel seen and known, In every bite, let love be sewn. For in the heart of every dish, Lies room for growth, a brighter wish.…查看更多

今天下午行咗去青衣城，期間經過2樓，見到有一間新開的越南食肆， 即管走行去望望他們放在門前的餐牌，見到這裡的下午茶餐牌都幾抵食，而且有很多選擇，所以就入去幫襯下!餐廳內的裝修格調傾向柔和色彩，看起來很舒服養眼! 這裏的下午茶餐大概是由$56起至$70不等，而餐牌主要是越式湯粉類、撈檬類、炒粉麵及飯類等，包一杯飲品，最啱等食late lunch 嘅朋友仔當正餐食!!小妹就order咗個「炭燒豬扒扎肉撈檬」加 一杯熱咖啡。炭燒豬扒肉質夠晒腍，但可惜冇乜肉味，又食唔到有炭燒味! 而扎肉就沒有太大特別，味道一般!至於杯咖啡，一心想可以飲到的是越南咖啡，但可惜只是普通咖啡，令小妹有少許失望!總括而言，這間越南食肆在青衣城來説，性價比一般，不過不失，份量都算OK，侍應服務也尚可以，但食物質素則有待提升，要繼續加油!…查看更多

第二次惠顧，但唔會有第三次。上次已經覺佢似係“青悅”2.0，不過覺得佢服務同食物尚可，就算了。（而青悅已經係我們發誓唔會再去既餐廳，因為食物與服務係負分！後來青悅終結業。）結果今晚再食，就發現新開呢間根本係同一個老板既出品！青悅既續集！今次服務雖然ok，但食物品質退步驚人：（1）蕃茄牛腩煲-一煲連唔識煮野既人都會覺得好求其既野！牛腩少，用蕃茄仔同紅蘿蔔充撐場面！仲唔夠熱，稀稀的！（2）蟹肉札肉粉粉絲-蟹肉少無可少，粉絲算粉過啲囉。。。（3）牛油薄餅-得1塊可憐好細既超市版薄餅咁囉！（4）通菜-不過爾爾。（5）馬來白咖啡-‘’白x場‘’沖包一杯。性價比0。同青悅“品質”相同！服務相信都會每况愈下。只是今晚少人，尚可。總結：無心做既，就唔好再開。必然無第三次幫襯。…查看更多