薄餅博士

第一次網上外賣，都落幾大雨，送到來無濕，包裝好好，還熱暖的，也好好吃，有楊桃耶！！哎，就叫了一件雞肉烤肉味pizza，還有個黃色那個應該是定住的，挺贊！哈哈！棒喔…查看更多

下午3點15分路經黃大仙中心北館，見到有間pizza hut新開，滿心歡喜諗住同屋企人食個下午茶，等位時間只係用左5分鐘，埋位之後落單嗌左3樣野食：焗蘋果酥配雲呢拿雪糕、芝士白汁雞肉意式蕃茄包、威尼斯迷你批。本來野飲嗌一杯紅莓夢幻同埋一杯青檸魅力(跟餐送3杯野飲)，落完單後A侍應係無覆單(連會員卡都無問)，就問我係咪可以即刻上，我答佢即刻上，佢就行開左。隔左約5分鐘，侍應返黎話紅莓夢幻同青檸魅力得返熱飲，於是我就轉為2杯汽水忌廉，侍應又話無哂，只好嗌左2杯七喜。5-10分鐘後，2杯七喜好快就到左，3點48分，B侍應拎住盤心太軟埋黎想擺低，之後我同佢講我地無嗌心太軟，佢先去禁張單比我地，但張單將奶油批落錯左為心太軟，然後B侍應話拎返張單去改(之後無比過張單我)。4點12分，第一樣野食奶油批到左。4點20分，C侍應經過我座位旁邊，我同佢講：我等左咁耐連單都無張？佢先去印過張單比我。4點30分，奶油批又黎多左一次，我話已經黎過，佢就拎返走。4點31分，白汁雞肉包(配既薯條已經凍哂，5點03分，D侍應拎住碟蘋果酥(最後一樣野食)放低，我同屋企人拿拿臨食完就比錢走人。P.S：等既途中有數名客人話坐既位置吹正冷氣，要求換位。]…查看更多

偶爾也有一天不想外出，總想貼在床頭，看着心愛電影，翻着時尚雜誌，感受時間慢慢地過去。感謝母親總會在這些日子，帶來一個美味的pizza。千島海鮮大批pizza,老實說味道當然不能跟Pizza Express,Wild file等等pizza名店相提並論，但整體來說味道還是不錯，千島醬加上菠羅等等惹味配料加上香脆厚底pizza,一家四口一起吃確實不錯，吃的最主要也是家庭味隨著pizza hut分店越來越小，ＰＨＤ已成為港人吃ＰＩＺＺＡ的主要選擇了…查看更多

諗住買M記午餐的我，心血來潮竟突然想食PHD，想做就去做，就PHD啦。去到門口好多人呀!! 個個都圍住門口睇住店內的師傅們整 pizza，很有趣吸引嗎? d人真係奇怪。。。我叫了 粟米白汁海鮮意粉，當然是外買啦。- 粟米白汁海鮮意粉- 可樂- 加多一個脆爆雞粒粟米味道不夠，純粹似是白汁意粉，海鮮很定料，味道都可以的。脆爆雞粒好味道呀! 外皮炸過脆脆的，但不會硬身，而且內有肉汁，感覺真好。…查看更多

原來黃大仙呢個分店係冇堂食，後來我就上網叫外賣。網上登記好方便，成個過程都好簡單。最後落完order個網頁會話你知大概幾時會到，我個order好準時，比網頁上預計時間快5分鐘!叫左兩個大批，一個燒烤雞肉，另一個火熱墨西哥。兩個大批共$193，上網訂滿$180送四條炸春卷。D料以咁既價錢算合格。兩個批味道都OK，燒烤雞肉有少少甜味。而火熱墨西哥其實一D都唔辣，不過都唔錯!餅底唔厚，幾好 (我最怕D底太厚，食麵粉食到飽)。炸春卷好細條，好似一隻手指咁長，裡面都係雜菜，有一個似千島醬既醬送。不過始終春卷係送既，所以我對佢冇乜要求。可惜既係送到唻既時候已經唔係熱而係微暖。兩個大批夠4個唔大食既人食。總括：懶懶地唔想出街又想半個鐘有得食就不妨試下。…查看更多

今日唔想出街諗住打電話叫外賣點知噏個地址比佢聽之後佢話唔送我開頭唔明點解後尾諗諗下 係咪佢呢間分店太細 電單車都冇呢......跟住唯有自己去攞叫左個二人餐+一件雞我體重50KG 自己食曬相入邊既嘢 名符其實飽到上心口 唔知算唔算有少少大食呢......PIZZA揀咗最基本既多寶 個人認為味道偏淡 而且經過一段運送時間 溫度同質感都有所下降都係堂食好 不過呢間分店太細 冇得堂食紅色果盒係拿破侖海鮮意粉 茄醬帶子魷魚蝦仁+不明小型貝類快餐店質素 唔好抱太高期望件雞仲有少少脆 不過都係略嫌淡口沙律唔算新鮮 不過不失最好食都係個布甸 質感細滑 味道香甜帶豆既清香 落咗少少朱古力粉係面 更加好味 值得推介…查看更多

見有傳單就諗住叫啦買滿＄６０就免費送外賣上網再睇下..網上落單滿＄１６０送蒜蓉包ＴＩＭ咁我叫２個＄１９３咁梗係上網落ＯＲＤＥＲ啦大約４：３０ＰＭ落完ＯＲＤＥＲ個網有寫話５：０５ＰＭ左右會送到之後仲收到ＥＭＩＡＬ確認訂單５：００ＰＭ左右真係送到黎。。。仲好熱ＴＩＭ。。:chopstick火熱墨西哥有辣肉腸、火腿、雞肉、五香肉粒、菠蘿、辣椒、紅椒粉食落去好多汁。。好香。。仲會唔知幾時食中辣椒。。辣到跳舞肉食大王 五香肉粒、免治牛肉、辣肉腸、火腿、雞肉 未食。。。嗅落去都好香因為屋企有焗爐。。所以可以放係雪櫃。。留返餓先食蒜蓉包不過不失個樣就差小小如果要加＄１５去買就唔會要ＬＵ係網上ＴＩＣＫ左比＄５００。。要找錢。。。黎到無得找。。…查看更多

自從Pizza Hut多了一條副線PHD，往後叫外送速遞也只有找薄餅博士解決，因為選擇較Pizza Hut多，價錢亦便宜少許。我們有4個人，當然是點選一個4人套餐最便捷了。4人套餐內容包括了任何手拉薄餅 (大批1個)、意粉 (1客)/ 飯 (1客)/ 雞翼(8件)、小食拼盤 (1客)、1.25 公升百事或七喜(1樽)／湯(4客)／香滑豆乳布甸(4杯)，只買$202，頗划算啊。手拉薄餅選擇了燒烤雞肉，因為番茄醬汁和千島醬汁很多時也吃過，原本黑椒醬汁也是不錯的選擇，只是我們當中有人吃不了辣，所以，燒烤醬汁就自動當選了。燒烤醬汁有兩款味道，燒烤牛肉或燒烤雞肉，要了後者，都沒有甚麼特別原因，餡料有雞肉、五香肉粒、青椒、車厘茄。厚批批底幾軟綿，餡料也下得不少，最滋味還是芝士底下的燒烤醬汁！芝士配滑豆腐雞皇飯，以前曾經吃過，所以今次也介紹其他人試下，芝士做得滑溜，滑豆腐又好嫩滑的，配以雞皇飯，很不錯的配搭哩！小食拼盤，有脆薯角、脆香雞翼(3隻)、脆蝦春卷(4件)和、雞寶(4件)，各款香口小食，好吃但一定很熱氣啊！不過，始終經一段時間才送到來，口感會是差一點點的。揀了香滑豆乳布甸，好白好滑，滑到好像有點溶溶似的，但就很濃豆乳香，也算是不錯的甜品。另外，加了一個升級優惠，就是+$15可多要兩客忌廉雞蓉粟米湯，比起要升級優惠的香滑豆乳布甸便宜幾元。忌廉雞蓉粟米湯不過不失，很重忌廉味的！…查看更多

一個無聊的星期日, 心血來潮, 去了黃大仙閒逛. 午餐時候, 正值在龍翔中心, 剛好路過此店, 見外賣自取半價, 大批原價$138, 現只是$69, 實在很抵, 於是便買了個試試看. 買了PHD多寶後, 由於是即點即製, 需時15分鐘. 拿了薄餅後, 立即在附近找個位置品嚐. 新鮮出爐的薄餅, 打開盒子時, 香味撲鼻, 令人食指大動! 薄餅已經預先切閞八件, 比pizza hut 的大批還要大件! 多寶包括雞肉、辣肉腸、蘑菇、五香肉粒、洋蔥、青椒, 每塊薄餅的餡料也不少, 而且分佈平均, 大小也很一致; 辣肉腸的味道偏辣, 黑椒味很重, 蘑菇是大片的, 其他的餡料味道也不錯, 配上水牛芝士 入口味道香濃; 薄餅上的蕃茄醬, 中和了芝士和肉類餡料的飽滯感, 所以吃起來一點也不滯; 厚批底不單香脆而不油膩, 而且也很飽肚. 一個薄餅, 足以使三個人吃飽, 實在抵吃! 唯一要改善的便是芝士份量, 如果可以多一點的話, 無論口感和"拉絲"的效果也較佳!後來才知道, 原來PHD是pizza hut的second line, 個人認為兩間的薄餅水準相約, 但如果加入了價錢的因素的話, PHD肯定佔優得多. 有機會的話, 不單會再次光顧, 而且還要試試店員大力推介的雞件, 看起來好像很不錯呢! …查看更多

晚餐吃了PHD，外賣自取半價實在非常便宜。打電話落單後，十分鐘可以去拿，極有效率。我們吃了～PHD珍寶：原價$138，外賣自取半價後只是$69，超級「抵食」！芝士尚算足夠，味道與某些外賣要百多元的薄餅無異呀！正！雞尾腸配燒烤醬：原價$26，同樣是外賣自取半價，只需$13便有八條雞尾腸，外皮很脆，物超所值。葡汁雞皇飯：$32包一碗湯。葡汁甜甜的，很適合拌飯，飯的份量亦足夠，有些軟。肉醬意粉：價錢同上。肉醬頗多，意粉軟硬適中，質素正常。忌廉湯：雖然未能與我心中最愛的必勝客的白湯打成平手，但味道亦不過不失。整體而言，這頓晚飯食物很對口味，最重要是價錢真的很實惠，佳！…查看更多

PHD 係 pizza hut 既 2nd line.而 pizza hut 同 肯德基 都係 yum 集團既一份子所以當初以為 PHD d 雞應該同 肯德基 d 雞一樣點知大錯特錯!一睇就知唔同 一試就更加不得了有冇搞錯 咁好食既 多肉汁 香口 鬆化 啖啖肉最離譜既係竟然好食過專賣雞既肯德基!真係意想不到. 不過再好食都好大家都要適可而止因為呢d大量生產既雞肉一定有唔少激素幾個月食一次就差唔多多謝大家收睇.…查看更多

今晚晚飯就係PHD 外賣PIZZA叫左個$192 set, 一大批+意粉+雞翼, 抵哦!如果外賣自取仲平呀!準時7點送上門, 外賣仔仲好有禮貌, 多謝前, 多謝後。野食打開仲係熱la la‧我地要左個珍寶批, 鍾意佢多料, 唔記得左轉做芝心批, 唔係應該更加好食。意粉要左肉醬意粉, 普通啦。蜜糖雞翼有8隻咁多, 好味。佢真係比pizza hut 抵好多!…查看更多

匆忙間想買點食物，在此店外賣了迷你PhD珍寶迷你批。配料配搭得宜又豐富，吃下香口滋味，餅底焗得香脆，好吃！有機會再試其他的。服務方面，有多部收銀機，不用等太久便能落單了，服務員亦說明了取外賣的大約時間，使食客不用站在店前等候，不錯呢!…查看更多

PHD...name of this pizza shop is so funny,is that mean 《pizza's博士》?想當年呢3個英文字，我用了幾多心機心血先得到！今日同太太返阿媽度食飯，經過見到好多人！！有窗口仔open kitchen, 見到個師博好利害個pizza飛來飛去好多人圍觀定唔知等緊買野,橫掂見時間尚早，買個PIZZA食下先買左個大的PHD多寶，太太重加左個PHD雞翼比錢個陣個小姐話自取半價，原本2張$100紙，可以收返埋一張，感覺非常良好！$100唔駛...有個大PIZZA食,去邊度都找唔到啦.係唔係因為黃大仙區所以咁平呢！？(真係要讚下,去完洗手間出來,應該10mins都未夠就有啦！返到樓上，一開盒好香芝士味和！成班人衝埋黎...唔駛30秒，乜都無哂！我剩係食得一件pizza囉！！！！btw係幾好食，雞翼連掂下的機會都無就比人食哂！極之受歡迎！遲幾日家姐生日都係叫阿媽唔駛咁辛苦啦,一於叫PIZZA食啦！生日PARTY再試下其他味先！重有我食唔到個PHD雞翼...好想食呀！…查看更多

墨西哥薄脆昨日叫左間PHD速遞個墨西哥薄脆雖然等左60分鐘先到，但一啲淋既感覺都無，很香口和脆口，值得一試，但如果唔點汁就一d味都無囉!推介，推介！(真係好食到)千島海鮮雖然賣相麻麻地，但本貓就覺得好食過PIZZA HUT喎都值得一試。呢個真係麻麻地，可以不理會，D飯淋PAT PAT，唔係太GOOD整個套餐都算OK啦!$136真係抵食，係等左耐少少....!!…查看更多