蕃茄仔

已經係第二次食啦！上次都係食呢個蕃茄雞，不過上一次就係食麵，今次係食飯😋😋先講蕃茄湯，十分濃郁，如果食麵嘅話就會掛住啲麵，但係泡飯，可能因為啲飯本身比較大粒，食落都係有啲硬。雞排就一如既往地滑！雞皮好香，本身想健康唔食皮都被打敗😭整體嘅份量對我嚟講好大碗，不過同行朋友話唔夠飽，我諗可能都係大食細食嘅分別🤣🤣另外，朋友都推薦食吉列豬扒，現場即刻製作，熱辣辣炸得好好食～可能下次都會試試佢🙌🏻🙌🏻…查看更多

今日Lunch嚟咗九龍灣搵食，見到蕃茄仔好耐冇食過啦，見排隊唔係好長就拎飛先，等左十分鐘左右有位坐。座位都少少迫，不過張櫈夠大坐得都舒服。用QR Code 自助落單，今次見有新嘢就試咗佢地嘅咖哩雞胸飯，咖哩汁都估唔到有少少辣，唔係日式果種甜咖哩，不過香味層次唔算好豐富，辣味點到即止。雞胸一如既往出色，香脆又軟嫩。下次要再食返蕃茄湯😍…查看更多

又掛住佢個番茄湯底叫左豚三寶同牛魔王雙拼番茄湯底超濃厚，不過建議唔好揀刀削麵，麵質唔太掛湯，推介上海麵，配番茄湯底真是一個字—正！豚三寶配番茄湯上海麵 。一如既往好食，番茄酸甜配上炸蒜，好夾！豚肉不過不失，仲有豬軟骨，口感豐富！牛魔王雙拼配麻香惹味拌麵味道都夾，啱哂鍾意重口味嘅人！牛肉香、牛𦟌有咬口！晏晝諗唔到食咩，呢度係個唔錯嘅選擇。唯一小彈係服務一般般，略為慢熱，但佢唔收加一。總括係間會令你成日諗起嘅餐廳！…查看更多

今日黑雨但係都要返工🙈🙈🙈, 所以今日在九龍灣食lunch 已經冇人頭湧湧嘅情況出現了，今日試吓食依間蕃茄仔，我同同事兩個人包場咁😅😅😅, 叫咗個芝士牛脷刀削麵, 另外叫咗一個牛肩蕃茄湯飯用蕃茄做湯底一定易入口⋯⋯除非整得好難食啦，食完之後都覺得唔錯，好易入口，另外上菜出得快，好啱九龍灣返工食lunch 快上快落嘅感覺.牛舌得兩片但厚切嘅，但係都唔差；另外嗰個牛肩胛啲肉都幾腍，不過份量唔算好多…價錢方面都唔算好平，我同事$80我$90，但九龍灣食晏價錢係差唔多，除非食兩餸飯嘅啫……查看更多

同朋友喺九龍灣睇完戲，嚟到蕃茄仔食飯，點咗蕃茄仔嘅自家鮮製蕃茄濃湯刀削麵，味道真心正！湯底濃稠，滿滿蕃茄酸甜香，無重味精感，飲落好順口。刀削麵煙靭掛湯，咬口一流。配料叫咗煙燻芝士雞柳，煎得微焦，外脆內嫩，芝士味濃郁，邪惡又好食。我地仲點咗秘製豬扒，肉質鬆軟，調味惹味，配蕃茄湯好夾。必食忌廉蟹餅一客有三件，外層炸得金黃酥脆，內裡 creamy，雖然蟹肉感唔太明顯，但整體味道香濃，當小食好正。蕃茄湯同配料都好出色👍🏻…查看更多

最近在餐廳嘗試了番茄仔的炭香脆嫩雞扒，並選擇將配搭改為稻庭烏冬，實在是個明智的選擇。這道菜的雞扒外表金黃酥脆，咬下去的瞬間，肉質鮮嫩多汁，炭香味四溢，令人垂涎欲滴。番茄味濃郁的醬汁完美地襯托了雞扒的風味。這種獨特的搭配，讓人感受到意想不到的美好。當我將雞扒與稻庭烏冬一同享用時，口感的層次感更加分明。稻庭烏冬的滑順與雞扒的香脆形成了絕妙的對比，讓每一口都充滿驚喜。雖然需要額外加$8，但這個價格絕對值得。稻庭烏冬的彈性和吸附醬汁的能力，使得整道菜更加完美。每一口都能感受到番茄的清新與雞肉的醇厚，讓人忍不住想多吃幾口，強烈推薦大家來試試！…查看更多

絶對係冒名而來，主要試佢出名的🍅番茄湯麵和忌廉蟹餅。炭燒雞扒湯麵🐔$70：湯底係🍅番茄，應該儕把番茄打爛，所以稠身，容易掛在麵上，味道剛好，不會太酸或太甜，不知不覺間便把番茄汁吃完😋，正👍。份量適中。雞扒皮真的有點炭燒香味。忌廉蟹餅🦀$30：3件一碟，外脆內軟，creamy饀，但完全無蟹味，亦吾覺有蟹肉，3件中僅有1件，裡面有1條紅色肉絲，猜假蟹柳吧😅。價格吾算貴，但個人覺得可試可吾試。不用加一，自己用QR下單，有🍋檸檬味的水，自己倒，任飲🤣。衹接受現金支付。星期六中午來，所以吾多人，不用排隊。…查看更多

喜歡蕃茄湯的筆者，早早已bookmark了這間「蕃茄仔」。趁著今天約了好朋友到九龍灣看電影，便乘機提議到這裡吃lunch。蕃茄濃湯是餐廳自家製。湯頭質地濃稠，入口充滿蕃茄的酸甜香味，而且沒有太大味精感，忍不住邊吃邊飲。麵底選了刀削麵，帶少許煙韌口感，也非常掛湯。配餸方面，2碗分別配了煙燻芝士雞柳、秘製豬扒。雞柳煎香至微焦，外層脆身，加上煙燻芝士，邪惡又香口。而秘製豬扒同樣惹味，肉質更是非常鬆軟。忌廉蟹餅有3件。外層炸至香脆，入口crispy。內餡則是creamy口感，忌廉味都幾香濃。不過蟹肉可能已混合在內，不太吃到有蟹肉絲的感覺。…查看更多

係九龍灣返工，同同事下午去商場覓食，上次網上外賣平台叫過一次外賣，今次係堂食，感覺都係堂食好食好多，不過人流真係多，都等左陣位~~芝士雞柳上海麵由於我係芝士控，所以我特別對於「芝士」兩字有情義結，今次叫左呢個芝士係有輕輕燒焦的熱熔感，都充滿了整個雞柳上，份量亦不錯~~芝士牛舌上海麵招牌所以叫，牛舌大大三塊厚切的，都鮮嫩易咬，但是偏咸了！因為成間店都係主打食蕃茄湯底，所以基本上全場的湯底都係一樣，都係稠身的，唔會好酸好甜，所以成件事好健康的感覺，我撈幾下麵基本上D湯都索晒，就可以光盤左一碗麵！…查看更多

出街食得多，自然會想揀啲睇落健康啲嘅食物，番茄湯真係幾唔錯選擇，一個湯就好似食左好多菜咁，九龍灣哩棟大廈係德福隔離，lunch時間好多打工仔呀，不過都快有位炭烤風味雞扒雞扒個皮燒得幾脆，雞肉正常唔鞋，小油脂但唔算膩，個番茄湯真係幾好飲，係可以好似日本食拉麵咁飲晒成碗湯嘅程度，番茄味好濃，睇到都覺用好多個番茄打出嚟，保持到有番茄蓉口感，幾開胃同感覺幾健康，刀削麵幾幾彈牙，唔會煮到過腍，有啲咬口不過價錢黎講有啲小貴，不過係好食嘅，都會再回訪…查看更多

作為蕃茄愛好者，一早已經聽過蕃茄仔，但一直都未去食過，啱啱個星期六終於有機會去食，lunch時間都未full，可能因為假日而果頭又大部分係寫字樓。叫左個原味蕃茄湯配雞扒刀削麵，個湯底質地介乎蕃茄蓉同湯之間，味道係淡淡嘅新鮮蕃茄味，唔會好酸，亦唔會太濃味，係好食又好健康嘅感覺，我幾乎係清哂成個湯。加埋個雞扒都非常嫩滑，味道都係啱啱好，正啊。朋友仔仲加左枝茶走，包裝幾得意，不過味道就比較普通，無乜特點，價錢都相對貴，下次就未必會加點啦。整體非常不錯，有機會再經過都會想再食。…查看更多

📍 Red Object 🍅位置係一堆商業大廈附近所以星期日去食係好靜冇咩人落單係掃QR code必試蕃茄濃湯底（原味）亦都可以加辣，不過要加錢麵食方面有得選擇上海麵同刀削麵個人比較鍾意上海麵覺得會比較索湯🤤而麵量唔少🤤今次叫豬軟骨加上海麵呢個組合 $80豬軟骨調味有點太鹹但略嫌煮得唔夠淋身不過呢個只係配角主角係個蕃茄湯底🍅唔會太鹹，係可以飲得既湯底湯底係好杰身，將好多個蕃茄打成蓉既感覺蕃茄控必試湯底 有得揀走蔥或者走乾蔥但個人認為加左呢啲配料個湯仲好飲🤤…查看更多

為左夜晚要去食自助餐，中午就去咗呢間蕃茄仔食麵，同個friend都好鍾意食蕃茄，特級牛魔王，未點之前都唔知原來個分量咁大，有牛骨髓、牛肉片、牛𦟌、牛舌，食咗好大支牛骨髓都覺得自己好補，個湯底好蕃茄好多蕃茄蓉，好濃郁，同埋食完之後唔會覺得口渴，面底啦我就揀咗烏冬㗎，唔會吸晒啲汁囉，夾一啖烏冬掛晒汁好滿足，一路食都尾都仲會有湯，叫一個set會包埋嘢飲小食同埋個甜品，其實個價錢都OK嘅，比較真材實料。…查看更多

蕃茄仔紅色誘惑沒法擋🤤🤤套餐的亮點無疑是牛肩胛和和牛𦟌，這些部位因其絕妙的肉質紋理和豐富的風味而聞名。肉質的新鮮與否是品鑑此道料理的關鍵，適度的油脂分布使得這些切片在麻辣蕃茄湯底悄然煮熟後風味獨特，既保持了肉原有的鮮嫩，又吸附湯底的辛香。麻辣蕃茄湯底小辣的選擇，對於喜歡辣而又怕辛辣過頭的人來說，提供了一個絕妙的平衡點。湯底的蕃茄清甜解膩，麻辣的溫和刺激則為味蕾帶來振奮。特別讓人印象深刻的是厚切的牛舌、牛骨髓以及讚岐烏冬的搭配。厚切牛舌的嚼勁，多汁而不失口感堅實；而當牛骨髓在舌尖融化時，它那濃郁的鮮味與烏冬面的Q彈口感形成了奇妙的對比。雜香果菊花茶（凍）是一款清新的選擇。凍的狀態能夠提供一個為舌尖降溫的機會，尤其是在品嚐麵食之後。茶中微妙的果香與菊花香氣能夠有效地淨化口氣，並帶來一種舒緩的感覺。忌廉蟹肉薯餅，凸顯了菜單的多樣性。兩件薯餅外酥內軟，忌廉與蟹肉的結合呈現出奶油的濃厚和蟹肉的細膩，充分滿足了口感與味覺的豐富度。豆腐和秋葵本地鮮豆腐質地柔軟且能吸飽湯汁，使其成為了小寶石。而秋葵則以光滑而微脆的口感，進一步豐富了整體的食用體驗。65度有機溫泉蛋被視為日式料理的瑰寶，此處擺盤精美，蛋黃如同琥珀般閃耀，溫度恰到好處地保持了蛋黃流心的狀態。…查看更多

近排想食啲酸酸甜甜嘅嘢，經過EASTMARK，啲嘢食睇落都幾豐富，一於就試下先！對比起德福，EASTMARK真係少好多人啊所以去到都唔使等位~今次叫咗兩個麵配一款小食~賣相睇落都幾靚，同埋都大大份特級牛魔王 $128一上枱就忍唔住「嘩」一聲！呢碗牛魔王有 牛肩胛、牛展、牛舌、同牛骨髓~ 大大條牛骨髓插喺麵入面，睇到都覺得好震撼 牛肩胛同牛展食落正正常常，不太特別。牛舌雖然係厚切，但煮得夠淋，入口即融，牛香味都重。牛骨髓一食落口滿滿牛油香味，抵讚不過由於太多牛，同埋好重油香味，食食下都有啲膩，配返枝茶飲會好啲~炭香脆嫩雞扒 $70(+$6 轉葛絲)雞扒個外皮燒得幾香口，但肉質唔算滑，味道偏鹹。本身我幾期待個葛絲會吸晒啲蕃茄味，但可能個湯係似蕃茄蓉質地，就唔係好吸湯，加上個湯比較濃稠，加埋葛絲似撈麵多過湯麵。如果鍾意食蕃茄嘅人，應該會好鍾意個湯底，因為食落無咩其他調味料嘅味，感覺充滿濃濃嘅新鮮蕃茄。忌廉蟹肉薯餅(2件)咬落好脆口，入面啲忌廉蟹肉都幾豐富，好食嘅個麵嘅份量好大，加上個湯好濃稠，所以更加飽肚。呢個價錢嚟講都高CP嘅鍾意蕃茄嘅話可以一試…查看更多