蕃滿門

大熱天時胃口不佳，於是提議去蕃滿門，諗住蕃茄呢類酸酸甜甜嘅野會比較開胃。叫得蕃滿門，餐牌當然俾蕃茄佔據，款式同茶餐廳唔有太大分別，只係以蕃茄做主打。牛肚炆得好「林」，份量頗多，辣味十足，唔食得辣嘅朋友唔好輕易試，我食到出哂汗...湯底幾濃蕃茄味，偏甜唔夠酸，至於螺絲粉同湯底幾搭，亦唔會浸到漲哂，唔錯。其實唔記得名稱同確實價錢，叫總匯係因為咩都有，鴨胸、蟹柳、牛丸等等，湯底叫小辣更加惹味，但公仔麵本人應覺冇螺絲粉咁夾。同埋呢碗份量大好多，女仔一個絕對食唔哂！蕃茄湯幾夠味，最愛係上面嘅滑蛋，多了點蛋香同口感。雖然唔連飲品，但價錢合理，質素都唔錯…查看更多

蕃滿門愛好吃蕃茄的我今天來到這家以蕃茄作主打的餐廳脆皮鹹豬手特色蕃茄濃湯螺絲粉先呷一口蕃茄湯蕃茄味不重偏酸湯底裏頭有少量蕃茄粒感覺是蕃茄膏蕃茄蓉再加上新鮮蕃茄混合而成的新鮮蕃茄的比例沒有佔很多蕃茄湯上的炒蛋炒得香滑脆皮鹹豬手有兩大件味道不錯外皮炸得QQ但肉質較乾身鮮雜菌忌廉芝士焗西蘭花入口即化完全不需要用嘴巴咀嚼用叉子拮上來西蘭花立馬變得支離破碎相信是在放入焗爐之前早已經水煮得熟透我覺得好吃不等於你純屬個人意見愛分享…查看更多

因為喜歡蕃茄所以特意去一趟，不過有點失望。午市都多人，地方不大，所以比較逼，香港地無辦法。叫了兩個蕃茄餐，一個牛肉湯飯一個香酥雞扒米線，後者比較有睇頭，外脆內軟，推介。蕃茄湯欠蕃茄味，又偏甜，作為招牌主打接受不到，都不會再去吃。因為份量較少，都不夠飽，要叫多一個餐，黑椒牛扒蘑菇炒蛋，配搭比較新鮮吧～ 黑椒汁都比較穩陣，果然沒有中伏，都算不過不失，但是兩人要叫三個餐先飽，都是接受不了（大家正常食量）。…查看更多

元朗教育路個邊好多野食，其中一間專以蕃茄為主題既蕃滿門，用蕃茄泡製唔同菜式，之前去過食lunch，感覺都幾健康。招牌蕃茄滑蛋濃湯 $42可以選擇意大利粉､長通粉､螺絲粉､米線､ 公仔麵或飯， 覺得螺絲粉同蕃茄湯夾d所以揀咗螺絲粉。有原味､ 微辣 ､小辣､中辣､大辣､巴辣湯底選擇，加$2可轉麻辣湯底，唔食得辣，都係揀番原味。每款蕃茄濃湯包咗一款餸， 額外加餸$6一款，$10兩款，一碗份量都好多下，所以淨係要左一款餸，午餐肉同腸仔之間揀左午餐肉。蕃茄湯好香濃，而且好多蕃茄粒，應該加左茄膏味道有D酸，不過都幾好味。螺絲粉份量多，男仔都夠晒飽，不過就腍左小小。午餐肉唔算切得薄，算係咁。反而炒蛋炒得幾好幾香滑，又唔會過熟，加埋香草幾好食又有驚喜。特式蕃茄滑蛋濃湯 $48粉嘅種類同湯嘅濃度同樣有得揀，選擇同招牌一樣， 揀咗長通粉同埋原味湯底。滑蛋同樣炒得滑溜，而餸就有十款 upgrade選擇， 牛肚､鴨胸､雞胸､牛扒､雞扒､豬扒､咸豬手､ 餃子同素食， 揀咗香酥雞扒。 雞扒外層炸到好鬆脆， 仲好香口，雞肉又唔會太乾，淡淡肉幾唔錯。加$8有杯熱飲， 揀咗紅棗蜜同山薑蜜， 不過就甜左少少。…查看更多

同朋友係元朗行完街就走左去蕃滿門食晚飯叫左兩個餐兩個都係蕃茄濃湯滑蛋意粉配豬手，微辣個豬手有兩件，兩件都好大份，我同朋友都食唔哂，個豬手真係幾香口，個皮好脆，小小咸但係配埋個醬就岩岩好蕃茄湯好濃郁，好好飲，有小小辣都okay ge仲要好夠熱次次食佢都會食唔哂，份量好大好夠食…查看更多

終於行完菠蘿山到下白泥啦，唔係好識路，又多蟲蟲，搞到屈小姐有d驚添，要食d好野同佢定下驚先啦係排隊等車既時候，經過我地小隊既商議，今日既主題係…蕃茄! 而講到元朗出色既蕃茄料理，除左華嫂(但已跌watt), 賴生就只係諗到蕃滿門! 反正之前都食過太和間總店，今次就係元朗試下分店啦!我地到既時候都8點幾啦，係晚市時間，同樣地，蕃滿門為左serve更多客人，佢晚市係會搭檯既。我地叫左 2樣野，分別係:1) 焗鮮茄豬扒黃薑飯 (4星)- 蕃茄味好正! 汁夠晒多同濃! 而且炒飯底好大個- 豬扒冇骨嫁，而且香得黎唔會乾，幾好- 面頭好多芝士！- 係總店，我地會推介食呢個，而呢間分店係值4星啫，因為佢黃薑味唔夠, 帶唔出個層次! 總店個飯好夠薑，香得黎又唔會搶左蕃茄味，令蕃茄味更出，可惜呢間做唔到，但純粹當鮮茄焗豬扒飯食呢……佢係好ok既!2) 鮮茄濃湯螺絲粉 (小辣) 配香煎雞扒，什菌及芝士 (4.5星）- 芝士同什菌加落呢個湯係0違和感，超夾，芝士會溶到變拉絲，而什菌好重菇味，仲加添左螺絲粉既口感- 個湯加左小辣就係最盡嫁啦，唔好加太辣，太辣會遮左個蕃茄湯既味! 不過d辣佢加唔平均，側晒係一邊如果想蕃茄味出啲，叫微辣就岩岩好啦- 香煎雞扒超好食呀，煎得超脆，不過總店再脆d同入味d, 千祈唔好點雞醬食，會浪費左嫁! 佢好細心幫你分開上，而且好多嫁，有2大塊!雞肉略嫌乾左少少，屈小姐覺得將雞同蕃茄湯螺絲粉一啖放落口，就無咁乾得尼又有脆脆地嘅口感！大滿足總括黎講，呢間分店都食得過，但總店更佳!（不過依加最舊果間太和總店搬左果兩條街，下次要去試下仲keep唔keep到水準先！）#蕃茄mood#蕃茄同好者…查看更多

好耐冇食同又好想食佢地既豬手,所以今日就去左食但係佢今日個豬手好燶,皮又好硬,差D啃死我,不過都OK既同埋今日個蕃茄湯無左以前果隻鮮蕃茄味,就好似用茄膏整咁樣.我男朋友就食黑椒鴨胸,我都食左佢一舊,都幾好食,好淋又唔油.重點黎啦,呢兩杯 一杯係菠蘿乳酪特飲同熱情果乳酪特飲, 菠蘿乳酪特飲好有菠蘿味好好飲,我每次黎食都必叫,而家重有買一送一優惠好抵飲!…查看更多

蕃茄濃湯好多地方都有，唯獨呢度俾到我專門店的感覺，菜式好大部分都同蕃茄有關，最like當然是濃湯通粉，可以加辣而覺得好味的真係唔係度度都有，而且辣得黎唔會搶晒蕃茄味，早餐都製作得好精美，最讚梗係杯咖啡，估唔到食物好食，飲品都唔差，仲有其他少量特飲供大家選擇添，難怪舊舖應接不暇，要開新舖增大枱數，新舖新裝修亦比舊時寬敞不小…查看更多

經過咗呢間鋪頭幾次，今次就決定入去試下有咩好嘢食。就咁睇招牌，應該係一間以蕃茄作為主打嘅餐廳。睇睇個午市餐牌，點了個鮮茄蓉芝士豬排焗薑飯。上枱時熱力十足，很香茄味。表面的蕃茄醬跟芝士焗的帶點焦香(焗飯應該就這才像樣)。盛載的碟就差了一點，有些崩缺，對整體賣相減了一點分數。 味道方面蕃茄醬不會太酸偏向少少甜，而薑飯的香氣亦很吸引，有薑的香氣但沒有其辛辣，跟豬排芝士一起就起了一種消滯的效果。豬排帶點咸味，跟蕃茄醬的微甜在味道上多了個衝擊，整體上算是不錯。…查看更多

其實一直有點兒抗拒來這家餐廳🤔，因為元朗廣場附近冰室已有美味的蕃茄湯粉，有天聞說其實除了焗飯外🤔，此店還有其他粉麵餐可一試。點了個香酥雞扒炒蛋螺絲粉，不久端來了，看來湯底也不算太兒戲😯。蕃茄味挺濃，沒有甚麼味精味，鮮茄粒粒隨處可見，螺絲粉煮得不算太軟林，剛剛好。螺絲粉還有點上湯能力，算是非常不錯。除了湯粉之外，有一碟兩件的香酥雞扒。皮有點兒厚，炸粉不算薄，內裏雞肉也不覺特別鮮嫩，普普通通，但份量夠多，兩大件長雞扒。就是沒有飲料，頂多只能說是兩餸湯麵，在元朗收費近五十不太划算🤔。…查看更多

入到黎元朗，另一間最愛餐廳係蕃滿地呢間既蕃茄湯湯底！一試難忙！好濃好正！仲有大 中 小辣比你簡我自會加小辣再加埋佢地既炒蛋！ 好味！今次我叫左鹽酥雞扒 我覺得就有d硬 不過唔差另外佢地既小食 唔貴又好食！呢間不妨一試鍾意蕃茄既人 一定會喜歡！…查看更多

近來悶熱又下雨，本人根本沒有什麼胃口。午餐時候又到，一定要進食少許以防胃病再發作。腦中突然浮現酸溜溜的蕃茄，今餐決定選它！今次光顧這間以茄作客的餐廳，以濃湯足料見稱，每天無論下午或晚飯，一定排隊到車水馬龍。不知是否天公是否憐憫我，稍等一會已經可以入內。地方狹小，容納枱數甚多，稍肥胖少少也坐得不自生。心想味道最緊要，位置是次要。味道好可以勝過一切。我點了「茄汁長通粉配煎雞排」，稍稍一會兒已經端上香氣濃郁的番茄通粉。笳湯汁是這通粉的靈魂，我相信廚師是落足䉒茄膏去泡製湯水，用湯匙輕輕挖起，已經感到非常稔身，上層已經佈滿一粒粒半溶的果肉，心裏已經感到滿足。再細心一看，原來有鮮嫩的炒蛋融入其中。我相信這炒蛋一定倒入一些牛奶而造成化學作用，否則不會那麼嫩嫩滑滑。我已經不能再等待，一口把它們放進口裏，長通粉是巨型，吸收豐富湯汁，美味可口，而且本身質感粉稔可囗，十分感動。另外，大塊雞排是另外一個傑作。當然要用刀切成細細塊，一切落去，就已經見到雞排外面個層卜卜脆的外皮裂開，雞排的肉汁在入面流出，肉質鮮嫩。當然附有泰式辣椒醬，酸酸甜甜的效果，令到油炸的雞排減少左一層油膩感，真是令人食指大動！…查看更多

成日經過都想食, 但係就總係揀咗第二D嘢食。你知啦, 元朗真係好多嘢食, 有時真係行行下就走咗去.今日2個人終於可以放低細路一陣去食哩個豬手好多人叫, 見隔離叫所以叫黎食。你如果同扒房比較一定無得比，所以蕃茄為賣點0既鋪黎講, 一舊豬手個皮脆, 上枱夠熱, 味道唔太咸, 份量適中，我已經覺得合格!哩兩個都係茄底通，一個辣一個唔辣，好食, 加分係因為我愛茄。而且又係果句, 夠熱。(可能因為太多鋪頭依家上枱D嘢都凍凍地, 中伏太多, 所以我覺得一定要係夠熱先好食 [哈])杯熱朱古力D CREAM都幾好食, 食開茶餐廳覺得大驚小怪, 原來熱朱古力可以整成咁....哈哈....初初以為係普通一杯熱飲tim~唯一可能要彈0既就係位太迫, 而且無BB椅。但服務0既姐姐真係好好, 我叫完餐又轉哩轉路佢都好好聲氣。真係唔話得!!!!…查看更多

今日同朋友於蕃滿吃下午，點咗下午蕃茄牛肉蛋公仔麵$38，香酥雞扒蕃茄米線$48。蕃茄湯底唔錯，朋友話偏甜，不過我就覺雞蛋+蕃茄簡直一絕！香酥雞扒味道一般，不過勝在夠脆！凍檸檬茶好多泡，古怪，朋友飲2啖唔再飲！我嗰柸蘋果沙冰尚可…查看更多

每次行過都見好多人排隊，咁多年都冇機會去試，今日午飯時間行過門口見冇排隊，拿拿聲同相公坐低。由於第一次幫襯，唔知叫咩食好，睇完餐牌都係冇頭緒，見隔離枱碟焗飯好似好好味，但肚裏的早餐還未完全消化，所以都係食粉麵算數。我點左蕃茄滑蛋濃湯雙拼餃子米線小辣，相公點左蕃茄滑蛋濃湯香酥雞扒飯。等左一陣就有得食啦，不過，炸餃子過火了所以好鬼硬，而煎餃子又唔夠乾身所以唔得脆口，失敗好在個蕃茄滑蛋濃湯係幾開胃，濃淡得宜，但米線却煮得過淋...下次都係點通粉好了。相公嘅香酥雞扒飯原來係湯飯，不過份量足夠，而且雞扒外表夠脆口，內裏又夠juicy，相公都話好食不過間舖冇咩冷氣，食到我地一身汗。…查看更多