葡景軒

同幾個friend再去澳門覓食，今次專程試咗氹仔舊城區呢間以藍白外牆聞名嘅「葡景軒」。餐廳環境幾舒服，服務幾周到，我哋4個人叫咗幾個菜試下，食完都幾滿意。🔹 白酒炒蜆白酒炒蜆賣相好吸引，粒粒都開哂口，蜆肉沒離殼而且飽滿，食落無沙，本身已經食得出牛油同酒味，如果想更加開胃，建議加埋檸檬汁，味道就更豐富😋🔹 咖喱軟殼蟹咖哩軟殼蟹份量充足，有3隻軟殼蟹配上蔬菜同白飯一豌，夠哂我地幾個人分黎食，軟殼蟹炸到脆口，咬開後裡面都有蟹肉，唔會得一層炸皮。咖哩本身帶D香辣，加落去軟殼蟹或者白飯都好好味🤤🔹 葡式烤乳豬乳豬皮燒得超脆，但肉質依然保持到嫩滑多汁，點埋醬汁食就更加有風味。最欣賞係調味恰到好處，唔會太鹹，食到豬肉本身嘅鮮味 😍整體而言，呢度嘅食物質素幾好，環境同服務都唔錯。如果係周末或者假期嚟，建議提早訂位，因為真係幾爆場。今次試咗幾款菜式都滿意，下次會想試埋佢哋嘅海鮮飯同其他招牌菜。…查看更多

葡景軒充滿異國風情，今次試咗兩道招牌菜，真心覺得抵過遊客區嘅高價餐廳🎉 炙烤馬介休 MOP$248🐟魚皮烤到金黃微脆，～入口先係煙燻味衝擊😱，跟住湧出鱈魚嘅奶香，估唔到葡式烤魚可以咁有層次🥰，連鋪底嘅薯仔都吸盡魚油精華！烤乳豬配薯條 MOP$289葡萄牙直送乳豬仔🐖，外皮脆到咔嚓聲，肉質嫩滑到唔使點咬👍🏻！最正係個秘製辣醬，帶少少檸檬酸香，平衡返個油膩感，伴碟嘅薯條仲吸滿乳豬肉汁，邪惡到極！…查看更多

也閃氹仔舊城區，食返餐特色葡式風味葡國菜葡景軒▶️白酒炒蜆蜆肉肥美結合了蜆的鮮甜鹹味與白酒的香氣，並帶有蒜香、牛油香等，蜆肉肥美，口感鮮嫩多汁，風味鮮美而不膩▶️馬介休球經過鹽醃製的鱈魚同薯仔，搭配洋蔥、青椒等碎料，做成欖形，經油炸後形成外層香脆、內裡鬆軟綿密的口感，口口帶有魚肉的鮮味和淡淡的鹹香，鮮美十足▶️經典西式海鮮燉飯米飯吸左海鮮的鮮甜再加入濃郁湯汁同番紅花獨特香料味道，每一口就有西班牙的風味，帶子鮮甜肉嫩，青口爽口，蝦肉彈牙餐廳環境舒適，服務周到，可以感受葡國菜的傳統風味…查看更多

難得黎到澳門，當然要細心品嚐一下正宗嘅葡國菜😍！今次我揾到一間環境優雅、服務周到、食物質素一流嘅餐廳，真係讓我驚喜連連，迫不及待想同大家分享！▪️ 薯絲馬介休🥔這道薯絲馬介休絕對係我今次用餐嘅亮點之一！馬介休選用新鮮的魚肉，經過醃製後，味道鮮美，鹹香濃郁。薯絲炸得金黃酥脆，外脆內軟，搭配馬介休的鮮味，兩者相得益彰，令人一試成主顧。每一口都充滿了海洋的味道，讓我忍不住想再點多一份！▪️ 葡式烤乳豬🐖烤乳豬係葡國菜中嘅經典之作，這道菜品味十足，讓我驚嘆不已！乳豬的皮炸得特別脆，裡面的肉質則保持著濕潤和嫩滑，搭配特製的醃料，味道香醇，讓人欲罷不能。每一塊肉都帶著香料的芬芳，吃上一口就好似置身於葡萄牙的傳統餐廳，實在令人陶醉！▪️ 經典西式海鮮燉飯🥘這道海鮮燉飯也是一絕！米飯煮得剛好，吸收了海鮮的鮮味，讓每一口都充滿濃郁的海洋風味。裡面有多款新鮮海鮮，包括蝦、貝類和魚肉，每一口都充滿了海味的鮮香，再配上少許的香草，海鮮愛好者必叫！📍葡景軒 (氹仔舊城區) 地址：氹仔舊城區客商街23號地舖…查看更多

平時去澳門都係食中餐或西餐，🐷話要帶我食正宗葡國菜，地點易搵，餐廳環境都幾好，有幾款菜式食完都想食多次白酒蒜蓉炒蝦蝦鮮嫩多汁，配上白酒嘅香氣，味道好清新，蒜蓉嘅香味又提升咗整體口感，而且白酒同蒜蓉無蓋過蝦既鮮味葡式炒牛肉粒炒牛肉粒真係好有味道，肉質鮮嫩，香料味濃郁，特別係配上葡式嘅調味，唔單止有肉香，仲有一陣微辣，菜式都幾特別 頂級肉眼扒配香烤大蒜及手工地瓜脆條肉眼扒真係頂級，肉質滑口，汁多味美，配上香烤大蒜，味道更加出色。手工地瓜脆條就添咗一份脆口感，整體食落去，口感層次非常豐富，而且必點!下次必回訪♥️…查看更多

高質葡國菜！有驚喜發現✨ 上星期同朋友快閃澳門🇲🇴帶咗我食葡國菜😍😍Order 咗幾個菜式～ 味道都相當唔錯😋😋🐙 炙烤八爪魚及黑毛豬柳串→ 八爪魚外脆內軟糯，黑毛豬油香爆棚 → 串燒醬汁帶微辣超開胃 🥩 頂級肉眼扒配手工地瓜脆條→ 五成熟粉紅色切面完美 → 地瓜條灑滿葡式香料，脆過薯片 🦀 主廚特製蟹肉釀蟹蓋→ 蟹肉多到滿瀉！混合洋蔥芝士烤香 → 附檸檬角提鮮唔膩口 🍚 經典西式海鮮燉飯→ 用葡式辣腸代替傳統臘腸 → 飯粒吸飽龍蝦湯精華，每啖都掛汁…查看更多

今日過嚟澳門玩，食咗呢間葡國菜，點咗幾個經典嘅葡國美食，朋友都話幾好食，而且份量十足馬介休球🥔🐟 外層金黃酥脆，入面係鹹香綿密嘅馬介休蓉，唔會太乾，帶淡淡橄欖油同香草香，食落層次豐富，好適合作小食或配啤酒。葡式烤乳豬🐖🔥 皮脆到卡滋，肉質嫩滑多汁，帶微微香料同蒜香，風味濃郁又豪華，係宴客嘅亮點。經典西式海鮮燉飯🍤🍚 米粒吸滿海鮮高湯，口感略帶彈牙，蝦、帶子、青口鮮味十足，番紅椒同香草提味，整體鮮香濃郁又滿足。…查看更多

嚟澳門試咗呢間葡國菜🤩番茄濃湯🍅番茄濃湯真係好正！酸酸甜甜，番茄味好濃郁，質感仲好滑溜，有種暖胃嘅感覺～開餐飲一啖，成個胃口都開返晒！葡式烤雞配地瓜條🍗必試之選！烤雞皮脆肉嫩，香料味滲入晒雞肉入面（夠香濃～配埋地瓜條一齊食，地瓜條外脆內軟，又有少少甜味😋真係正！經典西式海鮮燉飯🥘呢個燉飯真心正，飯粒吸晒啲海鮮汁，夠晒入味！仲有蝦、青口、蜆嗰D海鮮料，D鮮味係食到停唔到口，份量又夠晒足👍🏻…查看更多

今次過大海覓食，誤打誤撞喺氹仔舊城區搵到呢間隱世葡國菜「葡景軒」！餐廳隱藏喺小巷入面，一入去已經俾佢個復古藍色葡式裝修吸引住，牆身掛滿傳統葡式瓷磚同懷舊照片，成個環境充滿異國風情，即刻忍唔住瘋狂打卡先～頭盤必點嘅白酒炒蜆真係令人驚艷！啲蜆大隻飽滿，粒粒都爆開晒，完美吸收咗白酒同蒜香嘅精華。最正係個湯汁鮮甜濃郁，帶住淡淡白酒香氣，真係一滴都唔可以浪費！侍應仲好貼心提醒我哋要趁熱食，先能夠品嚐到最佳風味。主菜炙烤馬介休絕對係全場焦點，外皮烤到金黃香脆，裡面嘅魚肉仲保持到嫩滑多汁。師傅話佢哋用咗傳統葡式醃製方法，配埋特製橄欖油同烤薯仔，味道層次豐富到令人想encore！魚肉嘅鹹香同薯仔嘅綿密形成完美配搭，每一啖都係享受。雖然價錢比普通茶餐廳貴少少，但係環境舒適、服務貼心，食物質素絕對值回票價。下次去澳門唔使再頭痕搵唔到好嘢食啦！🙂🙂…查看更多

在澳門氹仔舊城區的葡景軒，地道的葡式風味，每道菜都很有特色，已經食過好幾次了必須推薦🌟葡式海鮮飯🦞濃郁的湯汁完美融合了海鮮的鮮甜，米粒飽滿入味，每一口都是滿足。章魚沙拉🐙清新爽口，章魚彈牙鮮美，搭配檸檬汁和橄欖油，簡單卻很開胃。葡式炒牛肉粒🥩火候恰到好處，牛肉軟嫩多汁，搭配薯角十分香口，讓人忍不住一口接一口。葡式炭烤八爪魚🔥更是一絕，外層微焦，內裡軟糯，炭烤香氣十足，口感層次豐富。這裡環境舒適，服務親切，價格合理。四道菜都展現出葡國菜的精髓，值得專程來食呀👍…查看更多

今日去澳門玩～去埋氹仔舊城區，咁梗係順便食返餐葡國菜啦🛎️ 馬介休球 我第一次食呢就菜，有驚喜！呢個馬介休球外脆內軟😳搭配特製醬汁，唔會覺得油膩，仲越食越開胃🤣🛎️ 葡式鴨飯 鴨肉好嫩滑，勁易咬唔會覺得油膩，反而係香氣十足米飯吸收曬鴨汁嘅精華🥹勁邪惡。。呢個真係必食🛎️ 葡式烤乳豬 我地仲食左葡式烤乳豬，外皮金黃酥脆，又夠大份✌🏻我地兩個男仔都勁飽～～～連伴碟嘅薯菜都好好食！唔怪得知係招牌菜🥹…查看更多

早排同幾個friend過大海去澳門玩，講到食，又點可以錯過地道嘅葡國菜呢？ 今次我哋揀咗位於氹仔舊城區、藍白外牆好搶眼嘅「葡景軒 Alma」 。餐廳由葡萄牙名廚 Henrique Sá Pessoa 主理，佢喺里斯本嘅同名餐廳 Alma 更加係米芝蓮二星級，所以今次我哋都抱住好高期望！ 餐廳裝潢充滿葡式風情，氣氛浪漫得嚟又幾舒服，服務亦都好貼心，例如會主動幫客人打開濕紙巾，呢啲細節位真係要加分。我哋一行四人，叫咗幾道菜share，試下佢嘅功架。頭盤小試：經典與創意嘅碰撞 🐙🦞🦀炙烤八爪魚及黑毛豬柳串 (Octopus Black Pork Fillet)呢個串燒一上枱已經好吸引，八爪魚烤得啱啱好，口感非常軟腍，完全唔會韌，仲帶有微微炭燒香氣。配埋肉質豐腴嘅黑毛豬柳，油香十足，兩者味道好夾，絕對係必試嘅頭盤，冇得輸！龍蝦湯 (Lobster Bisque)龍蝦湯係西餐嘅經典，而呢度嘅版本亦冇令人失望。個湯非常香濃creamy，每一啖都充滿龍蝦嘅鮮甜味，質感幼滑，飲得出係用足料熬製而成。如果配埋餐廳自家製、微溫香脆嘅餐包一齊食，簡直係完美。咖喱軟殼蟹 (Soft Shell Crab with Curry)呢道菜就比較有創意，將炸到金黃香脆嘅軟殼蟹，配上特調嘅葡式咖喱汁。軟殼蟹啖啖肉，炸漿夠薄脆，而個咖喱汁就帶有香料嘅複雜層次，微辣惹味，非常開胃。呢個配搭幾有驚喜，值得一試。主菜登場：份量十足嘅海陸盛會 🥘🥩海鮮大燴飯 (Seafood Paella)講到葡國菜，又點少得海鮮飯？我哋叫咗個中size嘅Paella，份量足夠四個人分享。一上枱已經聞到好香，飯粒吸滿晒海鮮湯汁，濕潤得嚟又夠味。入面嘅海鮮配料都好豐富，有蝦、青口、蜆等等，全部都好新鮮。 味道層次豐富，鮮味十足，係一道令人食得好滿足嘅主菜。頂級肉眼扒 (Prime Rib Eye Steak)呢餐嘅重頭戲就係呢塊頂級肉眼扒！我哋叫咗Medium Well（七成熟），切開之後見到熟度控制得啱啱好，外層焦香，內裡依然保持到粉嫩多汁。 牛扒肉味非常濃郁，口感軟腍，簡單用鹽同黑椒調味已經好好食。雖然單據冇寫，但根據網上其他食評，通常會配埋炸番薯條，外脆內軟，成個配搭非常高質。 518蚊MOP呢個價錢，食到呢個質素嘅牛扒，絕對係物有所值。…查看更多

【📍澳門｜海鮮控必食必試餐廳】🐨葡式炭烤八爪魚推薦度：⭐️⭐️⭐⭐八爪魚炭烤到焦香，而且唔會好乾身保持到濕潤咁，食落有咬口唔會好韌！！而且輕輕用蒜頭調味，所以食落非常惹味～加上佢有大量配菜，包括薯仔、西蘭花、蕃茄仔等，有助去除呢個餸嘅油膩感！.🐨葡式海鮮飯推薦度：⭐️⭐️⭐️⭐️⭐相信大家淨係睇相已經見到呢個葡式海鮮飯嘅震撼感，海鮮非常之多當中有青口大蝦帶子魷魚等，最緊要就係每一樣海鮮都係非常之鮮味，而且唔會霉。特別值得一讚嘅就係佢哋嘅帶子，一咬落去係爆汁嘅鮮味，絕對係小編至愛～最緊要因為下面係海鮮飯嘅關係，所以白飯都吸盡咗海鮮鮮汁嘅鮮味，淡淡都好濃郁好鮮甜～真係幾個人share食都未必食得晒，但係又會想encore嘅菜式🦐🦞.🐨芝士海鮮意粉推薦度：⭐️⭐️⭐️⭐⭐芝士海鮮意粉，同樣擺盤都係非常靚，海鮮都係有蜆魷魚同埋大蝦，但係同海鮮飯明顯調味略有不同。佢選擇咗用芝士相對鹹香味比較濃郁，令到食海鮮嘅時候層次鹹香更加豐富！鍾意濃味嘅朋友就會比較鍾意呢款意粉多啲啦～——☼——☼——☼——☼——☼——葡景軒📍地址：氹仔舊城區客商街23號地舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB澳門 …查看更多

去左澳門既葡景軒食野，其中兩款野食，都幾好食！章魚沙拉好清新，章魚切得啱啱好，唔會太厚太韌，口感彈牙但唔難咬。配菜有亦好開胃，酸酸地好正，食完成個胃都醒晒，係嗰種你會想再叫多一份嘅沙拉。炙烤馬介休就比較有層次感，外皮微焦，帶少少煙燻味，入面魚肉鹹香但唔會死鹹，仲保留咗魚本身嘅鮮味。整體味道唔複雜，但好有質感，係嗰種簡單但做得好嘅菜。如果你鍾意葡式野食，呢兩款真係值得一試，葡景軒值得去試！下次去澳門必試…查看更多

最近去咗葡景軒食飯，真係有驚喜！環境好舒服，坐得又唔逼，服務又好有禮貌，成個感覺好chill。我哋叫咗綜合小食拼盤、酥皮蘑菇湯、葡式烤乳豬同非洲雞。小食拼盤啱晒一班人share，炸得夠香口又唔油膩。酥皮蘑菇湯好正，酥皮脆脆地，湯又夠濃，飲完暖晒個心。葡式烤乳豬真係必食，皮脆得嚟唔硬，肉又嫩，啖啖都好滋味。非洲雞就有啲辣辣地，但唔會太誇張，仲有椰香味，好特別。整體嚟講，食物好有水準，價錢合理，服務又唔錯，下次一定會再嚟 😋…查看更多