萬華堂 (已結業)

早上經過柏麗 見到呢度有間厚切三文治🥪小店鋪頭只提供外賣 除咗有厚切三文治仲有咖啡、果汁、飛碟三文治、特色手製意粉🍝厚切三文治種類都好多 挪威煙三文魚、招牌沙嗲牛肉三文治、煙肉白汁碎蛋、仲有厚切午餐肉芫荽三文治 即刻試吓先厚切午餐肉芫荽三文治🥪麵包底有烘過 不過無乜牛油味純粹真係烘底 麵包皮好硬 完全咬唔入口厚切午餐肉好厚 芫荽嗌咗多芫荽不過芫荽味都唔算重 雞蛋唔係嫩滑除咗份量足 整體沒有驚喜 試過一次就算了😐…查看更多

喺英皇新都睇完早場電影, 過栢麗廣場呢間外賣小店, 買咗個厚切餐肉蛋三文治做午餐, 估唔到賣相唔錯, 味道就一般三文治咁, 餡料唔算多, 不過勝在夠大份, 都幾飽肚！有幾位員工喺店舖內即場整, 透明度好高, 不過態度就麻麻...而且因為價錢稍貴嘅關係, 未必會再試食物了, 咖啡下次考慮會試下嘅...留意店舖嘅營業時間唔長, 好多時都唔開, 要小心摸門釘~…查看更多

今日我買咗個飛碟，應該係$22，我見佢門口餐牌都寫係$22，但佢收我$24。我再問多佢一次「乜唔係$22？」佢話：「$24」連張單都無俾到我。我明明上星期買過都係收$22，而佢貼出黎都係寫$22，唔明點解要收我$24。我都費事同佢嘈點知食咗兩啖，個粟米酸既，變壞咗。即刻拎返去同店員講，佢即刻話退錢俾我，好彩佢都肯退返錢俾我。退返$24俾我。真係無下次！好後悔買咗佢呢間，明明個商場好多小食店，搞到我仲要去第二間再買野醫肚…查看更多

栢麗商場外賣店 行過路過見到即叫即整三文治同意粉，仲有好耐冇食過又唔係度度都有嘅飛碟。今次試咗杯咖啡，焦糖鮮奶咖啡M Size $31價錢來說不貴，味道比出面的咖啡店還要好員工耐心解答及介紹我飲什麼咖啡而且外賣也簡單的拉花，絕不馬虎下次會再來試三文治（看見很多人排隊買三文治）…查看更多

以賣咖啡為主打嘅小店，咖啡之前試過ok, 但食物質素一般，長通粉份量唔多，味道偏淡，配飲品要加價，一個lunch閒閒地都超過$60，行遠少少去附近商場會有更多選擇。…查看更多

三文魚蟹籽長通粉 $54，外賣（唔出聲變咗意粉🙄）首先留意到個外賣盒有貼紙被撕走的痕跡，希望唔係用過的😬三文魚好少，蟹籽爆得來有輕微韌，好似唔新鮮。意粉份量可以，但唔夠腍，白汁少，所以似乾柴，要加些熱水才好些，味道好淡，最後幾口要食齋粉，感覺好差。女店員好cool、唔誠實。弄好的食物放入透明外賣盒，無問我要唔要袋便給我，盒底都好熱的，好彩我習慣自備膠袋。離開時走了幾步，才發現長通粉變了意粉，返去問她，佢話唔係長通粉，係意粉，係佢搞錯 (個手寫牌)。（手寫精選餐牌上的幾個選擇，全是 "長通粉"，我落單時亦已清楚講明 "長通粉"，但佢無出聲！） 跟著我指住頭頂的印刷餐牌 (和 Open rice 這裡的照片一模一樣)，印着意粉$52，佢收了長通粉價錢 $54，佢又話個牌錯的!!! ☝️我一向支持小店，但製作無heart、唔誠實，叫人點繼續支持你！…查看更多