華輝小食 (已搬遷)

今晚叫左手撕雞腸粉、撈麵，兩杯飲品！雞唔滑有啲嚡，唔明點解有人會推介，中曬伏！最緊要嘅係個收銀女人西口西面。環境衛生情況欠佳，檯冇人抹！隔離檯個女仔拎自己支水飲啖，個西面女收銀位即場小佢飲外來野。（雖則你有寫唔可以拎外來食物/飲品）但係個女仔有係你店叫左杯飲品呀，你店杯野飲唔啱飲，或者飲啖水漱口姐，就算佢唔啱都唔使係收銀櫃檯度大大聲小人呀，好小事姐！好心睇下呢度D人嘅留言反省吓啦⋯⋯今時今日咁嘅服務態度，嘢食又唔係好食，應該好快執笠⋯⋯…查看更多

想買宵夜睇波，以為要去便利店冇選擇，點知行入大圍舊墟行個圈，先發現原來而家華輝咁熱鬧真係好耐冇出嚟行，原來堂食都開到兩點，但因為睇波，今次買外賣手撕雞撈麵多芫荽係我嘅至愛，仍然保持高水準，最怕撈麵嘅味道太鹹，呢度真係剛剛好加埋個燒賣兼陳皮魚蛋，好懷念嘅辣汁，就係神髓所在搵一晚夜收工，嚟感受吓宵夜嘅氣氛先👍…查看更多

晚上約十時 途經大圍 諗起曾經食過既小食店 華輝小食 之前食過佢手撕雞腸粉 覺得非常唔錯 今次因為唔太肚餓 所以淨係叫左 雞翼尖同蘿蔔牛腩 下次再食腸粉原本想試［醉香翼尖］醉香雞翼尖但已賣哂 當時時間晚上22:45 因為睇到營業時間去到凌晨約兩三點 冇諗到咁早賣哂［香辣翼尖］（$30）香辣雞翼尖⭐️⭐️⭐️食得出雞翼尖好新鮮改善的話 可以醃入味d 淋d［蘿蔔牛腩］（$40）⭐️⭐️⭐️⭐️⭐️蘿白牛腩 牛腩汁出奇地好食（好適合當作沙嗲牛肉拌麵 最最最好食係蘿白！ 超級鮮甜蘿蔔 及好入味！係我願意$40淨要蘿白都接受既程度😋😋😋［無花果雪梨茶］（$28）⭐️⭐️⭐️⭐️…查看更多

成張單夾埋$155 ，只可以講願者上釣。伏 伏 伏 伏 伏手撕雞腸粉，不外如是，純粹手撕雞麻醬加豉油魚蛋燒賣撈麵，冇乜需要評價粢飯，糯米軟糯黐口，肉鬆係最平價嘅肉鬆，粉粉的，冇咩誠意嘅作品檸檬薏米水，算係全店最好嘅飲品，盛惠$28晚上11點經過大圍諗住食宵夜，咁啱門口有車位又見到有人響門口等外賣，就諗住入去試吓，點知問櫃位阿哥係咪要響門口等位，佢話唔知，等咗三幾分鐘覺得唔對路，唔理佢自己攞位坐。到落單叫嘢食問個撈麵大細有咩分別？收銀阿姐答我大概係大，細就係細，咁嘅答案你不如唔好答我，諗住快脆食完就走，算。手撕雞腸粉想加甜醬，問櫃檯阿姐，望一望你繼續做自己嘢，不瞅不睬，一肚氣，決定攞返屋企慢慢食，唔想再望住啲西口西面食唔落。個人覺得七仔服務一定好過佢，所以一定唔會再去。…查看更多

今日買手撕雞腸粉，買咗加大。想確認一下加大加左啲乜嘢料，但係比收銀姐姐得得等等咁諷刺，又喺度話啲客勁衰，又話啲客勁麻煩。好似爭咗佢幾廿萬咁，問多兩句又唔滿意，服務態度勁差，冇下次。…查看更多

巧合要入一轉大圍，順便試下有咩地道美食，網上揾到呢處食店，一家大細幫襯，鋪面得一個年約55瘦身材卷曲髮阿嬸，講野細聲＋鄉下音＋尖酸刻薄用詞。叫咗個1號組合；手撕雞腸粉＋粢飯。同5號組合；燒賣魚蛋腸粉，加埋共76蚊。第一次無睇食評幫襯，感覺都唔平，不過唔緊要，可能味道好食呢。等咗好耐，只系得一盒手撕雞腸粉同一盒燒賣組合……76蚊？！！我即刻問阿姐：我個粢飯呢？阿姐：我無計你粢飯錢呀，你系唔系要呀？要就俾錢。（大佬！我唔要嘅話點解一開始落單要同你講要呢？你系唔系撞聾？）唔緊要，小朋友可能肚餓，嚟一個呀。又俾多二十幾蚊買個粢飯。阿姐鬼食泥咗一下。我問：我粢飯呢？阿姐：頭先咪講咗囉，自己攞！（阿姐，你鬼食泥邊有人聽到你講乜春泥）返埋位，樣樣試下，味道嘛嘛，無咩特別，但系偏貴，街坊覺得好食＋抵食？再睇睇價錢牌，點計都唔明呢3樣嘢用咗我94蚊，我問阿姐，阿姐仲要話燒賣拼盤唔系呢個價錢呀。算，一個經驗，好彩唔系傾家蕩產，不過個阿姐有料，可以令到大家都記得佢。呢間店睇嚟都好極有限…查看更多

【大圍宵夜排長龍｜街坊重口味手撕雞小食🐣】🐨手撕雞腸粉 $40推薦度：⭐️⭐️腸粉即叫即製，配料有別於其他餐廳，選用麻醬及醬油～所以食到最後腸粉會好鹹... 雞肉係預先鹽焗咗再拆成手撕肉，我認為比較嚡口，同腸粉嘅順滑唔夾....辣到可以選擇BB辣至七級辣，小編就嗌咗小辣，大約係譚仔三哥嘅小辣左右，但係佢嘅麻味唔係好出，有啲似辣椒油嘅辣～ 另外$40係唔包嘢飲，所以以小食嚟計都幾貴....加上舖頭姐姐嘅服務唔好，要自助取餐及抌垃圾，枱面又係黐笠笠，成個用餐體驗都一般！小編認為佢出名嘅原因係因為夜晚時間嗰度附近都冇其他餐廳開...——☼——☼——☼——☼——☼——華輝小食📍地址：大圍積福街積壽里4D號地舖🐨推薦度：😋😋/5 💰人均價格：$50或以下🪸環境：👾🗣️服務：👍🏻📸食物打卡度：💡…查看更多

比完錢等攞外賣個時攞錯個signal 制 個阿姐就起哂鋼用惡劣既態度話攞錯 前面個客又吾知做乜無攞個制 甘岩大家買既野又係兩盒 咪容易混淆攞錯 食物質素更加吾使講 腸粉普通 又吾係特別滑特別香 同連鎖小食店無分別 雞又有少少柴 性價比低 甘既價錢已經可以買好既雙餸飯 絕對吾會再幫襯 乃大伏 …查看更多

環境真係唔太乾淨，二點收銀姐姐態度都一般般。今次松油，純粹懷緬過去。唔知由幾時開始有嘅取餐小工具。如有人一人一份分手撕雞手撕雞撈麵$50（小辣）手撕雞份量正常， 辣味就無嘜調味都啱啱好，撈得好均勻，唔會有水係底搞到水稀稀。撈麵煮到啱啱好，唔會太淋唔會太硬。手撕雞腸粉$40（地獄辣）一打開，手撕雞份量少到嚇死人😱二所謂嘅地獄辣，辣味就冇，剩係得浸苦味唯一好處，腸係幾滑。今餐點了一支涼茶飲$20偏甜。…查看更多

食咗呢個手撕雞腸粉，同埋齋手撕雞。手撕雞腸粉就30幾蚊，手撕雞就$50到。可以嗌BB辣到大辣。手撕雞食落去幾惹味，腸粉食落去又淋又爽，撈埋啲辣汁一齊食，雙重享受10分好味，座位雖然唔多，大多數人都係嗌外賣，所以唔使擔心。…查看更多

不好食，腸粉質感不好。雞不是手絲，一大舊甘。。。滿心期待甘來， 滿載失望的離開。will not recommend anyone to come. It is way too overrated. …查看更多

-手撕雞撈麵手撕雞份量足夠，辣辣地幾惹味，雞肉都OK嫩，雞皮爽口，個撈麵就係正正常常嘅營多撈麵-雞腳本身以為係脫咗骨的，原來係成隻上，雞腳好大隻！不過冇脫骨就有啲難去食…查看更多

今日10點幾去到收錢嗰個阿嬸指住芫荽嗰個牌問我要半隻定例牌我話要例牌 然後配腸粉佢腸粉唔知點解分開擺跟住收多咗我$12 明明平時唔係是但啦幾十蚊 可能轉左模式啦我再加咗燒賣$12總共$84 但係我返到屋企一開我得依啲嘢望返個盒芫茜字都冇寫電話又冇 完全無從對症我又唔可以攞返返去專登搭咗幾個站去買點知成肚氣！食過咁多次都冇發生呢啲事！下次我就會攞住呢個食評攞返去同佢講比少左芫茜可能大家會覺得$10雞好少不過係啖氣🤙🏾…查看更多

知道呢間店嘅手撕雞腸粉好出名，但之前食過呢度嘅手撕雞公仔麵，覺得普普通通。今次再俾多次機會佢，食小辣嘅手撕雞腸粉。腸粉好食過公仔麵，但味道唔算好驚艷，正常水準。如果唔使排隊嘅話，大家可以試吓！…查看更多

以前勁鐘意食大圍出名嘅手撕雞腸粉，今時唔同往日了🥺叫咗中辣手撕雞腸粉，味道唔知點解食落有啲奇怪，已經覺得唔對路，食完番屋企坐左成晚廁所😞腸粉蒸過龍，口感好似漿芝麻醬食落似溝水😒冇下次了🙏🏼回頭率：👅性價比：👅👅👅打卡值：👅…查看更多