華記潮州滷水車仔麵

今日專登去試咗碗潮州滷水車仔麵，揀咗招牌嘅豬雜麵配幼麵，食完覺得相當滿意。個滷水汁絕對係精髓，色澤深沉但入口溫和，鹹度恰到好處。香料味好豐富，食完成個口都係甘香餘韻，證明個滷水膽夠晒火候。豬雜份量十足，有齊豬腸、豬肚、豬脷同豬肺。最值得讚係處理得乾淨，完全無異味。豬腸滷到軟淋入味，豬肚就保持到爽脆口感，一淋一爽，層次好豐富。今次特別揀咗幼麵，麵質爽口彈牙，比油麵更能掛起滷水汁，每啖都食到湯汁同麵香嘅完美結合。幼麵索汁能力強，但又唔會過淋，同濃郁嘅滷水出奇地夾。整體來講，由滷水汁到豬雜再到麵底，每個細節都做得好好。味道傳統得來夠晒平衡，食完成碗真係好有滿足感。鍾意食滷水嘅朋友，呢碗豬雜麵絕對值得一試。…查看更多

落咗單叫外賣，同佢講Number阿姐俾我，返到屋企發現阿姐比錯電話已經聽到佢哋話我自己拎錯，我想講點解我講Number阿姐俾到我？係佢親手拎俾我，唔係我自己喺枱上面拎，佢唔使對Number?好啦之後，我話返嚟換，都唔使佢送過嚟，開頭佢又話收舖，叫我第二日，咁我同佢講我住火炭都出嚟你唔等我？然後佢話好啦叫我出嚟拎，我出到嚟嘅時候佢係將啲嘢擺喺地下，間鋪收咗，外面仲落緊大雨咁樣嘅服務態度，外賣食物係擺喺地下，大家諗吓食唔食…查看更多

我近排網上見有人推介 我就交假去試試 我通常會睇埋open rice既評語既 同 好食唔好食既分數既 今天有時間終於試過野食以食物個價其實係不錯 咁服務既態度上亦唔係評語所講既 我今日都未遇到唔好既服務 我會再黎食🙂…查看更多

在太子旺角附近，看網友推薦而來。麵的選擇很多，推薦牛腩還有蘿蔔，蘿蔔僅在湯裡很好吃，很juice。湯底選擇了滷水汁加腩汁，面選擇了我愛的米粉。兩餸完全夠，三餸有點多了。第二次嘗試了肉丸也好吃！朋友點了清湯，他也很愛！…查看更多

地方較細。飲品種類少，食物種類不算太有特色。要牛腩但又硬又柴，兩碗麵共有十幾嚿只有一嚿可以咬得入，其他的沒有一舊能咬下去😤感覺就是煮得未夠時間，就給客人吃。雞翼尖都是未夠入味。蘿蔔算是入味，但每個都有渣。咖喱大魚蛋只有外邊有顏色但沒有味道。湯底非常一般味精多。其實車仔麵本身就是平民食物，只要很用心製作，客人一定會感受到的。絕對不是香港最好吃的車仔麵，對我來說10名不入。吃過一次就算了不會再去😑…查看更多

落單前因為自己唔食得牛,所以就問清楚,落單姐姐就話清湯會有牛,但佢答得唔係好確定。所以想confirm下就再問收錢哥哥,收錢哥哥話清湯冇牛骨熬湯,有用牛骨熬湯唔係收呢個價錢！再講意思就話…咁驚就唔好食！首先你同事已經答錯咗啦,連咁簡單嘅都答錯！再者,都係問一句姐,真係需要咁樣嘅態度嗎？係因為有客就唔擔心生意？因為本人曾經食外賣覺得唔錯,所以特登帶朋友落舖頭堂食！估唔到態度衰到咁……以後都唔會再食太子分店…查看更多

深藏太子街頭的華記潮州滷水車仔麵，是尋覓地道風味的好去處。其靈魂所在，莫過於那鍋香氣撲鼻的潮州滷水，八角、桂皮等香料馥郁醇厚，深沉誘人。**牛什麵**是經典之選。牛肚、牛膀、牛腸等內臟滷得入味非常，軟糯中帶點嚼勁，毫無異味，盡顯滷水功力。濃郁的滷汁包裹著彈牙的麵條，每一口都飽蘸潮式鹹香。**豬什麵**同樣出色。豬腸處理得乾淨，口感豐腴彈牙；豬肚爽脆，豬肺嫩滑，各部位滷香滲透，與牛什呈現不同的風味層次，卻同樣精彩。小食方面，**涼拌生腸**是驚喜。生腸汆燙得恰到好處，口感極致爽脆，毫無腥氣。拌上微酸帶辣的醬汁，加上蒜蓉、芫荽提味，冰涼開胃，是絕佳的前菜或解膩良伴。**新鮮魷魚鬚**則展現了食材本真。白灼後僅簡單調味，魷鬚新鮮彈牙，鮮味十足，沾點滷汁或辣椒油，更添風味。華記的出品，份量實在，價錢親民。濃香的滷水、真材實料的牛豬什、爽脆的涼拌生腸與鮮甜的魷魚鬚，交織成令人回味的地道潮式車仔麵體驗，是街頭飽腹解饞的必試心水之選。---…查看更多

下午茶時間在太子區想吃點東西卻不知吃甚麼，偶然經過《華記潮州滷水車仔麵》，見店外無人排隊，二話不說推門而入。店子不大，卻因人少而顯得舒適。這裡第一次來卻對這間店早有耳聞，特別是對內臟這類「邪惡」美食格外感興趣的我，終於鼓起勇氣一試。這次選了招牌豬雜油麵，特別加了蔥和芫茜。淨牛雜則選了滷水汁底——香氣撲鼻、帶甜不鹹，滲入每一口內臟的紋理裡。牛潤、牛肺、牛肚、牛大腸、牛小腸輪番上陣，每一樣都有份，每一款都不吝嗇地給足多件。牛腸尤其令人印象深刻，肥膏多而不膩，燜得夠味，邪惡得叫人心甘情願。豬雜方面更是誠意十足——豬大腸、粉腸、豬潤、生腸、豬脷，樣樣齊全。豬腸豬肚清洗得非常乾淨，毫無異味，保留適當油脂，入口香滑又爽口。粉腸有咬口、無渣，豬潤厚薄得宜，粉嫩冇腥，生腸滑溜，豬脷則鬆嫩可口。另外點的煎釀三寶——茄子、青椒、紅腸，全是即叫即煎，魚肉釀得鼓鼓的，香口又有魚味，誠意可見一斑。雖然食物份量頗多，一個人食到尾段也有點挑戰，但滿足感極高。《華記》能夠一次過讓人同時享受到豬雜與牛雜，而又做得美味我暫時仍未能搵到第二間，而且款式多樣、火候到位，每種食物也花不少時間心機烹調才可有這美食。唯一小小的遺憾，是這裡的份量確實大，是無法點選其它名物小吃，若將來可推出小食拼盤或細份選項，對於像我這種「貪心」的獨食者會更友好。這是一餐邪惡卻無比滿足的下午茶。味道好、份量多、處理細膩，是值得專程再來的一間小店。…查看更多

本人不是第一次幫襯，每次都會點蘿蔔。但今次實在令我有點失望，同時店員的反應同樣令我失望。可能有一半出名後的店舖也會忽略咗。從前做食的人，間中也會說：「呢期啲貨唔靚，靚嗰啲又貴，所以咪唔賣住囉，費事做壞個名」今天我向店員反映啲蘿蔔有渣，第二嚿又有啲苦咁我同店員反映，店員就同我講，「換過俾你啊，同埋今期啲蘿蔔唔係當造，所以係咁㗎啦冇計。全世界都係咁」（我怕繼續再講會好似食神咁樣。。。🤣🤣）於是乎我就等佢換俾我誰不知道我差唔多食完啦走啦佢都未換俾我，我就同佢講多一次佢又話換俾我。咁有誠意🙄。我答我走啦唔食。唉，今時今日食碗車仔麵唔平㗎。可以買到兩餐雙餸飯㗎啦。其他食物，就保持到。可能真係食材關係。若果係從前嘅那渣麵就真係冇乜要求。…查看更多

🐑牛雜麵HK$45一碗，白蘿蔔另加HK$10，份量方面，唔計白蘿蔔，HK$45一碗牛雜麵嚟講，真係大件夾抵食。牛腸、牛肚、牛肺、牛膀各從其類，每樣3-5件不等，牛雜當中最矜貴嘅牛膀，就有厚厚嘅三件，一啲都唔孤寒，而白蘿蔔都有3大嚿，佔咗碗面3分之1嘅面積，好誇張，啲餸好似越食越有咁，麵食晒啲餸都未食完，絕對係餸多過麵。味道方面，牛雜全部都清洗乾淨，冇異味，用滷水滷，整體都夠入味，又爽口。蘿蔔好夠甜，冇筋，冇苦澀味。叫咗重口味辣汁，係有咖喱成份嘅辣汁，中辣，都真係夠辣，而且惹味。麵方面，叫咗爽口啲，但都係好淋，係來貨嘅問題。其他餸菜，紅腸柴咗啲；鮮魷魚鬚幾爽口；牛肉餅係壓扁咗嘅牛丸，正正常常啦。…查看更多

數九龍區最出名的車仔麵，華記一定榜上有名。平時路過實在太多人排隊，一見到條長長人龍就立即調頭走，今期有幸見到條隊好似短左少少，於是就決定入去食番個Lunch先。三餸車仔麵 – 蘿蔔好似唔洗錢咁，有3件，仲要係超大舊，大到會想笑，因為真係好巨型，但非常非常入味，最後係一啖都無剩。牛肺，完全沒有內臟那一陣臭味，爽口彈牙。春卷，煙靭入味，也很不錯。最值得一讚當然係個招牌湯底，重口味小辣，唔會勁口渴，係真材實料既。豬雜麵 – 如果唔想揀，可以選擇豬雜麵又或者牛雜麵。豬雜麵入面有豬脷、豬潤、豬肚…總之你講得出既豬內臟都有。但好想講既係，d內臟真係洗得好乾淨，因為真係完全冇平時食內臟都應該會有個浸內臟異味，好勁。豬雜配上咖喱湯底，十分美味。太陽餅 – 蝦餅，炸到非常香脆，食落啖啖蝦肉，十分惹味。下次要份外賣，返屋企配番杯啤酒。新鮮魷魚鬚 – 又爽口又彈牙，配上秘製醬汁，正！…查看更多

車仔麵餸份量很多，抵食晚上九點半後比較少人。🍜牛腩、雞翼、蘿蔔，油麥菜底，滷水加腩汁。牛腩🌟🌟🌟🌟🌟大大嚿，又腍又入味。雞翼🌟🌟🌟不算很入味，但勝在肉質不會燜得太腍。蘿蔔🌟🌟🌟🌟超大嚿，用滷水煮過，不是糖心那種。🍜鮮魷魚鬚、牛肉餅、巨型魚蛋，出前一丁，滷水加腩汁。鮮魷魚鬚🌟🌟🌟🌟🌟口感彈牙，完全不韌。牛肉餅🌟🌟🌟🌟🌟口感彈牙，有驚喜。巨型魚蛋🌟🌟🌟🌟很少地方做車仔麵有大魚蛋吃，幾特別。…查看更多

🌸牛雜河🌟🌟🌟🌟🌟大大杯，份量十足，每一款牛雜均有三件，全部都好入味而且好新鮮，河粉也好滑捋捋，軟硬適中，飲埋清甜清湯，非常滿足。🌸豬雜米加腩汁🌟🌟🌟🌟🌟新鮮豬雜，每款均有三件，全部都好入味，豬脷非常嫩滑，豬心大大片，米粉選了爽粉，配埋腩汁加湯非常好味。🌸涼拌生腸🌟🌟🌟🌟🌟大大碟，生腸脆口的，非常易咬，有少少辣，拌埋芫荽、蔥、及脆卜卜花生，口感非常豐富。🌸新鮮魷魚鬚🌟🌟🌟🌟🌟大大碟新鮮大大條魷魚鬚，用辣椒醬拌埋芫荽、蔥、脆卜卜花生，味蕾非常豐富。🌸王老吉（罐）🌸津路烏龍茶（樽）…查看更多

太掛住牛雜麵，今日約左朋友食晏，就揀呢度三餸車仔麵朋友仔揀左咖喱魚蛋、牛腩同埋魚片頭-咖喱魚蛋超入味，大大粒又彈牙手，口感一流-牛腩大大嚿，有啲牛筋又咬口，加埋啲腩汁又係一絕，店家啲牛腩炆到好腍！差不多入口即溶-魚片頭口感鮮嫰，味道一流招牌牛雜麵選擇彈性，可以根據客人嘅喜好選擇面嘅彈性，汁嘅份量。牛雜非常足料，食到你飽之餘又非常入味，每日新鮮製造香煎太陽餅香脆可口，新鮮炸起，每塊太陽餅入邊仲有蝦隻，好足料，點上酸辣醬吃一流涼拌生腸香辣可好惹味，生腸非常爽脆，配上芫荽和花生粒，食到停唔到口…查看更多

餐廳自設廠房，每日新鮮製造潮州滷水，為切合市場加入車仔麵元素，令市民可以用親民車仔麵價錢食到靚滷水😍豬雜麵 $58 係滿滿嘅膽固醇🤣 豬腸、豬潤、豬肺款款都係我最愛，配個腩汁米粉簡簡單單已經勁好味。專門店係唔同啲，勁多豬腸但個湯底一滴油都冇，食到油香但係唔膩勁正🤩三餸車仔麵 $53 全部餸劃一價錢，想食咩就揀咩。牛肉餅感覺似牛肉丸只係扁少少，爽口彈牙好多汁。牛脷大大塊好厚身好腍好滑不得了。牛肺係牛雜必選，口感軟嫩，跟咗個滷水油麵更香口小食都係必叫，試咗兩款辣嘅涼菜，都配有芫荽、花生同辣油。新鮮魷魚鬚 $52 份量十足，軟滑爽口。涼拌生腸 $30 同平時食開嘅橙色生腸好唔同，新鮮嘅更加滑，加上秘製潮式辣油食到停唔到口飲品都算親民價，有大和豆漿 $11，罐裝汽水都係$8，食辣嘢一定要襯凍嘢飲先得…查看更多