華嫂冰室 (皇廷廣場) (已搬遷)

🇭🇰🍜🥢觀塘排隊粉麵店觀塘嘅呢間華嫂夜晚唔開門，每一日都只係做到5pm, 我星期六上晝11:30嚟到門口已經有人排緊隊，有好多內地遊客，但係都有本地人，唔算好多人排15分鐘左右就有得入。單人嘅話如果坐二人枱都要搭枱。✨qr code落單✅豬扒檳城喇沙湯 -$63豬扒份量好多！有4大片，舖滿了成個碗面，吾算薄而且吾會好韌。我點了米粉，也可以選米線/通粉，出前一丁、烏冬果d要+$3， 轉菜底嘅話要加$5。個喇沙湯都幾濃味，唔會好辣，有少少椰香味，都幾正。而且配料都幾多，有芽菜、豆卜、半隻烚蛋、芫荽、生菜，米粉我叫咗扣抵，但係份量都仲好多。下次試吓其他湯底。✅熱奶茶呢個麵餐本身跟一杯熱飲，凍飲要加$3。我叫咗杯奶茶，正正常常。…查看更多

因為黑雨，出左去附近餐廳搵食見到翠屏河有間新餐廳，就入去睇原來華嫂冰室轉左鋪位。比之前鋪頭位置又大，坐得又舒服，唔會覺得迫。當然佢地嘅粉麵餐質素冇變仍然夠足料同分量多👍👍最欣賞員工非常細心因為下雨天比較涼，已經關了幾部冷氣。午市套餐，仍然包一杯熱飲黑雨中附近仍然有開嘅餐廳唔多所以午市，吸引唔少附近住戶或商廈打工仔來食lunch👍💛今次order了豬扒雞翼番茄湯通粉及雞翼煎蛋肉眼筋冬陰公通粉冬陰功湯通粉已經order少辣，但湯底仍然都有強烈嘅冬陰功味,非常吸引。值得再試👍👍…查看更多

見呢間新搬遷的大間華嫂又係長龍但應有位，於是試一試， 服務係好嘅。 但碗豬扒喇沙同雞翼， 真係咸到要洗胃，大佬， 一直煮住， 就要加水架， 真唔明有咁多人排😌😌 佢哋真係受到😱😱 豬扒都係梳打粉到爆但加重鹽醃， 又實又冇味。 都係， 唔明點解咁多人排隊。…查看更多

今次去咗華嫂午餐，我叫咗秘製雞翼香嫩入味，醬汁微甜微辣，係絕佳嘅開胃之選。 醬汁滲透米線 ， 好好味鮮嫩牛肉米線配冬陰功湯底， 這裏的秘製 酸辣平衡， 令人一試上癮，牛肉嫩滑，吸收湯底精華，每一啖都滑， 不會太韌， 絕對係好新鮮 最後仲叫咗杯嘢飲， 絕配呀鮮油奶多焗至金黃，牛油香氣撲鼻，奶香濃郁， 咬落去好爽脆 ，入口即溶 這個絕對是 值得推薦 整體，華嫂 一直都有水準餐廳，份量適中，口感豐富， 餐都出得好快手唔會等太耐， 值得下次繼續再幫襯…查看更多

講真經過觀塘分店好多次都無特別的興趣試可能因為人太多排隊🤣今日經過比較早見即刻有位就入去食個早餐諗左好耐食咩好豬扒雞翼都吸引的但早餐時間就未想食我係餐肉迷所以試左午餐肉+太陽蛋+豬潤（+$10）湯底揀左皮包芫茜湯底凍奶茶是每日必飲整體來說午餐肉煎得脆口好好食🤤湯底皮蛋非常多，幾好飲不過就唔太夾😭😭😭唔怪得個個揀蕃茄湯底可惜豬潤就一般😛無咩味埋單$64都唔平當係食左一個車仔麵🤣如果再光顧，我應該會試菠蘿包🤣…查看更多

🍜豬扒槟城喇沙米线，上桌嘅瞬間，賣相確實唔錯，望住個喇沙汤，金黄金黄，濃郁嘅香氣撲鼻而來，椰香夾雜住各種香料嘅獨特味道，輕輕一嗅就知用料唔馬虎。再睇嗰塊豬扒🥩，外皮煎得金燦燦，咬落去“嘎吱”一聲，酥脆十足，裡面嘅肉質嫩滑多汁，每一口都能感受到肉汁嘅迸發。可惜嘅係，米線嘅口感稍欠火候，唔夠彈牙，冇想象中爽滑嘅感覺。配菜方面嘅搭配缺乏新意，總體食落冇咩特別驚艷、令人回味嘅地方，感覺就好似差咗少少火候。🍅番茄浓汤鸡翅猪扒通心粉，番茄汤嘅表現可圈可點，夠濃夠酸，那股酸甜嘅味道超級開胃，肉眼都見到湯裡面密密麻麻嘅番茄蓉，用料十足。鸡翅焗得皮脆肉嫩，一口咬落去，“卜”一聲，皮同肉輕易分離，口感一流。豬扒嘅質量亦都算合格，至少唔會柴口。但係通心粉就有啲令人失望，煮得有啲過軟，失去咗通心粉原本應有嘅爽口口感，成個搭配落嚟，味道只能話中規中矩，冇咩突出嘅亮點。😔至於個菠蘿包🥪，初初望上去，酥皮焗得確實好靚，金燦燦嘅，裂紋都好均勻。咬落去嘅第一口，“咔嚓”一聲，酥皮如雪花般散落，酥脆嘅口感令人滿意。中間夾嘅煎蛋🍳、番茄🍅和牛油🧈嘅組合好有新意，煎蛋煎得恰到好處，金邊圍繞，蛋心嫩滑；番茄鮮甜多汁，為成個口感增添咗清爽嘅元素；牛油遇熱慢慢融化，滲入包身，本應相得益彰。但問題就出喺包身，偏干唔夠松软，好似欠缺咗啲水分，大大影響咗整體嘅口感，食落有啲噎喉😐總括而言出品唔算特别出彩，冇達到令人拍案叫絕嘅程度，但都有一定嘅水準，食材尚算新鲜，口味普普通通。如果大家順路經過，又突然想食返啲港式嘢，入去試一試倒也無妨，但若要專門排長隊去等，就唔算太必要啦，畢竟同類型嘅餐廳市面上都唔少，選擇多多🤔🤔…查看更多

附近酒店入住，睡醒找早餐醫肚，經過這華嫂冰室，我這個沙爹牛肉出前一丁粉𢇁，雖然想點別的也忍不住又盯上了它。上桌後看似平平無奇的一碗麵🍜卻驚喜萬分！香溢沙爹汁撲鼻，香濃沙茶、花生醬和其他調味不但恰到好處，牛肉嫰滑，量多像吃不完，麵質軟硬度剛好，幾條生生的洋蔥看似只用來點綴，但一口咬下去又可調和濃烈的沙爹味。真的很久沒吃過這麼好味的沙爹牛肉丁了！店內裝修雖簡單卻乾淨，侍應有禮貌，老板也非常誠懇，應該是對食物的堅持和熱誠👍🏻…查看更多

平時lunch time經過都見到好多人等位今次12點幾尚早 等咗兩枱就有位😃值得一讚係店員好快手又好醒落單會問係咪兩個人食 知道啲嘢會share落完單之後自動被杯水洗餐具又主動俾兩個碗仔 真係好識做👏🏼本身餐牌啲嘢價錢都好親民仲要見到每碗粉麵都勁大碗 飽到😮‍💨招牌菠蘿包 ($22)一嚟到已經見到切開咗兩份🤩方便我哋share 入面有流心蛋蕃茄同埋極邪惡嘅牛油！所有嘢夾埋勁好食 好菠蘿包又脆流心蛋同埋蕃茄都好Juicy秘製撈米線 ($51)呢個簡直係份量十足有豬扒、紅腸、餐肉同埋青瓜撈米線加咗啲芫荽 個醬有少少辣吊味涼拌style 米線做得爽口👍🏼唔係好重口味 味道啱啱好食得辣可以加佢個辣椒油 都唔錯都有好多餸 兩個人share啱啱好！冰花奶茶 ($22, 粉麵加配價 $18）冰花奶茶即係啲冰變咗碎冰飲落就會好似食緊奶茶刨冰咁個茶底好香濃 比想像中好飲雖然唔記得叫少甜 但係又唔係話勁甜睇落又好似唔係好大杯 但飲晒又好飽😂叫呢兩樣嘢share 加一人一杯飲品真係飽到嘔 性價比十分高👏🏼…查看更多

呢間冰室由元朗開到觀塘食咗好多年水準依然keep到好多嘢都好好味莞茜湯底勁好飲滷水雞翼好入味其次最愛喇沙湯底鮮油奶多又係勁好食咸牛肉芝士豬仔包都好食奶茶茶味好出又好飲…查看更多

香港非常出名遊客茶餐廳，每日午餐都長長人龍，非常多棒場客!!主打各款麵食及包點，非常地道!! 🧳- 豬膶牛肉莞茜皮蛋米線 HK$51 🍜莞茜控必叫!!份量非常誇張大大碗盤!!豬膶脆爽無臭味，熟度剛剛好仍保持到細嫩口感。牛肉柔軟順滑，微微肉香。超多莞茜皮蛋，啖啖都充滿莞茜清香，超幸福!!…查看更多

行過諗住搵早餐食，見佢門面好似幾吸引，正常茶餐廳feel, 10:00am 入到去搵早餐牌好正常丫😅點知將個餐牌反轉再反轉都搵唔到一個早餐，原來呢度係冇早餐的。見到入邊餐牌有正常茶餐廳湯粉麵，亦有啲特色湯粉麵，又有啲包類三文治類。最後我揀咗一個招牌菠蘿油+凍奶茶。凍奶茶： 有茶味（叫咗佢少冰少甜又做得到👍）招牌菠蘿油：熱辣辣脆卜卜，流心蛋一流。😋 見隔籬枱，叫咗個紅腸雞翼出前一丁麵！都好鬼正，等我下次再去食先。😅…查看更多

睇TVB後去了觀塘試食，搭MTR觀塘站落車，行5-10分鐘就到，舖內坐唔多，比較緊迫，下午茶時候都幾多人，叫了招牌芝士鹹牛肉蛋豬仔包，豬膶魚肉米粉芫荽湯底，豬扒芝士腸麵。食物質素…查看更多

午飯時間都排住長長人龍，不過食飯時間排20分鐘算係值。湯粉麵算係出色。有几款湯底可以揀。試咗芫荽皮蛋湯底牛肉豬膶米線，份量十足，味道十分可以。牛肉嫩，豬膶熟得啱啱好。芫荽皮蛋湯底亦好味，芫荽份量十足，皮蛋大大件，食完唔口渴鍾意芫荽嘅，唔好錯過。另外蕃茄湯豬扒雞翼米線亦十分出色，豬扒大大塊剪開，一啲都唔柴，雞翼亦好味，唔係嗰啲一睇就知鹵過時，一夾就溶溶爛爛嘅蕃茄打成蓉，冇一塊塊蕃茄，但清清爽爽，唔咸口，冇話強加好多茄膏茄醬人工加重味道，如果連埋通粉食，絕配。但呢度配飲品要加$12，比其他茶餐廳小貴。去開附近可以再試。…查看更多

今次試咗檳城喇沙湯肥牛出前一丁，真係非常驚喜！呢個即食麵加咗喇沙湯，湯底有濃郁嘅椰漿味道，辣度岩岩好，肥牛煮得岩岩好，嫩滑又有咸香味，肥牛又唔會太老太硬，整體口感非常豐富。配搭嘅凍奶茶亦都非常好。奶茶味道香濃，甜度適中。整體而言，呢個組合既有新意又夠滿足，值得一試！…查看更多

我嘅最好味冰室！完全係觀塘飯堂、極低食之選！每次嚟到都一定有人排隊，但排得好快，侍應都安排得好周到，認人好叻，做嘢上心。斷斷續續，隔幾個月先食，食咗四次，第三次已經認到了~ 有啲客真係成日食，見到佢哋係記得個客叫乜，好親切試過晒佢所有包，全部都好好味，必食兩款！Top 1 沙嗲牛肉豬仔包 毫不吝嗇，勁多料，啖啖沙嗲牛夾喺脆嘅熱狗包入邊！啲沙嗲牛好濃味、多醬！因為佢個包烘到好脆，啲芝麻食到好香(今次冇食到、用返張舊相(左下角))Top 2 招牌菠蘿包超脆菠蘿包加片牛油，添加少少奶油香，再夾返住蕃茄同蛋，好Fresh！建議即上即食，免得片牛油溶晒，少咗冰火交融嘅口感。但如果怕太油膩都可以等佢溶咗啲先食，都一樣好好味嘅！另外麵款必食！Top 1 秘製撈米線同樣毫不吝嗇，勁多料！又有豬扒、又有紅腸、午餐肉、青瓜，食極都食唔完每次都要分一半。好喜歡有一大堆肉類，但有青瓜夾雜着，可以解除下膩感，好fresh。啲豬扒係醃得好入味、午餐肉同紅腸正常味道，咁多料又好味，好抵食！個麵有啲醬汁同埋啲炸蒜粒撈埋一齊，好惹味。不過佢偏濃味，可能有人會嫌鹹、同油~(今次冇食到、用返張舊相(分咗一半))…查看更多