華嫂冰室 (蝦尾新村)

平日想搵間泊到車既地方食頓簡單午餐，華嫂冰室絕對係熱門之選。一到現場，就即刻感受到人氣爆棚的威力，好多人排隊等位。餐廳室內有冷氣的位子比較少，室外位反而好多，有風扇吹。至於能坐室內還是室外，完全看運氣，純粹考驗你今天的手氣如何。如果你想室內都可以，但要等位等更耐，建議食客們早點出門，或者可以避開午市高峰，否則要等好耐位。我們點了兩款招牌蕃茄湯通粉第一款「豬扒雞翼蕃茄湯通粉」湯底濃烈蕃茄味撲鼻而來，湯底比較濃，酸甜平衡得啱啱好，豬扒好大塊，外脆內嫩，雞翼咬落多肉，整碗通粉吸飽了湯汁，食落去暖呼呼又滿足，絕對是午餐想慰藉胃袋的首選。第二款「鮮嫩牛肉豬潤蕃茄湯通粉」牛肉片薄薄一層卻鮮嫩彈牙，豬潤Q彈有嚼勁，配上那同樣濃郁的蕃茄湯，層次豐富，食完好飽肚。如果你係蕃茄湯控，或單純想食個麵解饞，兩款都好好食，價格親民。每碗約$50-60，這裡絕對值得過嚟食。…查看更多

是劣評，不是ok最唔鍾意去食嘢要受氣，幾好食都係假！你話你由早上到現在都未停過(呢句係個伙計自己講），辛苦嘅話咪休息囉，飲杯凍野，降下火。咁惡聲惡氣對我哋做乜？我入嚟比$食嘢，點解要受你嘅氣呢？你係咁同我講得返「方包多士」，但我咪叫「方包多士」。你個樣不耐煩地，問返我「咩方包咩多士」，真係唔明白你嘅意思！Sorry，我哋真係溝通唔到。食物係茶餐廳正常水準，唔會話係超好味，但至少應該有基本嘅服務態度。同埋，好多把冷風扇圍住吹住你食嘢，吹到我頭暈，根本無法專心享受食物。每次嚟到都係咁，真係冇必要咁對待客人。…查看更多

排隊係常態，我地都等咗成個鐘先入座。其實期望值唔使太高，試過之後覺得算係中規中矩啦。​味道上同內地茶餐廳差唔多，冇話特別驚艷。現烤菠蘿包外皮算鬆脆，不過牛油味淡咗少少，內地做得好嘅店都有類似水準。番茄通粉湯底酸甜度適中，通粉軟硬度就見仁見智，我覺得仲可以。咖喱豬扒飯份量幾足，豬扒炸得唔錯，咖喱汁濃郁度就一般，拌飯夠用。​兩個主食加一個菠蘿包 165 蚊，以呢個水準來講，價錢都算係偏高少少。如果剛好在附近，又唔使排太耐隊，試下都無妨；但如果係專登為咗佢去排長隊，就有啲唔值啦。…查看更多

放假唔知去邊食早餐好，心血來潮諗起好耐無去華嫂冰室，特登過去屏山幫襯下！11點去到要撳飛等位，好彩等幾張就有檯喇！去華嫂冰室必叫「招牌芝士鹹牛肉蛋豬仔包」，芝士同埋鹹牛肉真係絕配，加埋隻煎蛋既豬仔包口感好豐富，暫時就無搵到其他地方有華嫂冰室整得咁好食！仲有「菠蘿包」都係必叫，非常鬆脆！而且菠蘿包係可以有好多唔同既組合，菠蘿油又得！單拼雙拼配芝士、鹹牛肉、火腿、蛋、午餐肉…… 不過最鍾意都係「淨菠蘿包」。食完咸既「招牌芝士鹹牛肉蛋豬仔包」就食下甜既「菠蘿包」，或者一啖咸一啖甜都係唔錯既選擇！…查看更多

平日既中午 突然好掛住華嫂個菠蘿豬扒包 要排隊都值 真係好食過所有澳門既豬扒包 大大份 肉質又多汁又林 最正係配蜜糖芥末醬 菠蘿包鬆軟 外皮酥脆 簡直係豬扒包既世一 ，另外芫荽皮蛋豬膶牛肉米粉都係必點 ，牛肉軟林，豬膶熟度剛好，唔會乾乾柴柴，真係好好味。…查看更多

香港已經開左幾間華嫂冰室，但係最鍾意都係去天水圍華嫂冰室，雖則蝦尾新村位置唔係最方便，不過感覺真係最親切既分店，未搬之前既華嫂冰室好近天水圍站，位置好方便成日幫襯！天水圍華嫂冰室其實可以用隱世去形容，唔係一般人識去，所以去得既多數熟路已經去慣去熟，自動波搵位泊車，再自動波撳飛搵凳坐著等叫埋位，邊等位就邊睇定餐牌食乜好，爭取時間！因為肚餓所以就叫左好飽肚既「豬扒雞翼番茄湯米線」，好濃既番茄湯，番茄湯齋飲已經有少少飽，一邊飲湯一邊食米線，啖啖米線都有濃郁既番茄味。豬扒肥瘦適中，即使唔係分開上，浸著番茄湯但係完全唔太影響豬扒既口感，因為煎得好香！除左有塊豬扒仲有兩隻雞翼，同樣煎得好香，而且醃得好入味！…查看更多

由屏山得一間自家店食到而家本店轉埋地址都間中會幫襯，只食天水圍店，皆因其他店嘅食物水準完全唔達標，但天水圍店就維持到個質素。🔶雞翼煎蛋肉眼筋冬陰公米線 $57 💫 8.5/10湯底勁濃郁酸辣酸辣，勁開胃，加埋香草，重口味人士必愛！肉眼筋好特別，有咬口之餘幾香口，份量仲要勁多，幾抵食。雞翼2隻用鹵水鹵完好入味，但雞肉都勁嫩滑。橙黃色大大隻太陽蛋，拮爆佢食撈麵食一流！🔶皮蛋莞茜豬潤牛肉米線 $60 💫 7/10以前一直食開呢個，而家食又覺得個湯底不及以前咁濃郁，但係足料，有成2隻皮蛋份量，豬潤同牛肉都勁多，牛肉幾嫩。🔶蕃茄豬扒豬潤牛肉出前一丁 $60 💫 8.5/10蕃茄湯底係好濃稠個種，飲落有厚度，會帶D蕃茄粒/蓉，酸甜酸甜，配出前一丁真係超配！豬扒超抵食必點，香煎2大塊，煎到好焦香又軟腍，唔係鞋口乾爭爭。豬潤都幾大塊，偏爽口唔算太粉，冇腥味，厚身得黎有口感，好食！🔶芝士咸牛肉蛋豬仔包 $24 💫 9/10大家記得要叫大火，即係烘燶底，個豬仔包會特別香脆。入面夾住半溶芝士加咸牛肉同半流心蛋，超級完美嘅配搭，真係必點！比起招牌波蘿包，我更愛呢個！🌟總括：星期六日預左要排隊，仲要係講緊起碼半個鐘，但對於住附近既我黎講間中就會想食。咸牛肉芝士包真係好正必叫，食得辣就叫冬陰公湯底，餸要點豬扒、雞翼、豬潤。…查看更多

華嫂冰室呢間嘅菠蘿包，真係熱賣品！！個包身烘得金黃香脆，一咬落去，而入面嘅牛油軟綿綿，同包身配合得天衣無縫，嗰種鹹甜交融嘅口感，真係令人回味無窮。​除咗菠蘿包，店入面其他菜品嘅味道都好掂。好似嗰個豬排，真係嫩到出汁，入口即化，每一口都充滿肉香。我晏晝 3 點鐘嚟到店，都已經過咗正餐時間嘞，但係嚟到都仲要排隊，店入面人山人海，坐滿晒人。呢個場面，就足以證明華嫂冰室嘅魅力所在。…查看更多

坐落在天水圍坑尾村既華嫂冰室 經歷唔少風雨 都可以繼續屹立不倒當然有佢嘅出色之處 咁多年來都依然一樣坐牌筵席 招牌菠蘿油就不再話 其他嘢食一樣有誠意 大愛招牌皮蛋芫荽湯麵+喇沙湯麵飲完都不會口渴 而且份量夠大 最愛配炸豬扒/肉眼筋 今次試新嘢- 蛋沙律治 就有少少失望可能因為本人不是蕃茄喜好者 而且麵包烘得有啲乾都係鍾意鹹牛肉蛋豬仔包多D❤️飲品方面鐘愛奶茶 冰花奶茶碎冰上質地較滑 不過可惜不可走甜 所以通常我都會叫普通奶茶淡奶用黑白牌 香濃茶味夠 絕對合格👍🏽…查看更多

好耐之前喺銅鑼灣一間茶餐廳食過菠蘿包加蛋食完之後返唔到轉頭成日去食直至我搬走咗，唔係住喺銅鑼灣就好少去食。之後去嗰間嘢就搵唔到，應該執咗笠。一路都好想食飯，但係好少地方有。直至到喺華嫂冰室見到有即刻心心眼。😍😍😍食完之後發覺呢度仲好好食，因為佢多咗牛油同埋蕃茄。所以大家一定要嚟食超好食😋😋😋另外佢哋個豬膶牛肉皮蛋芫荽米線都好好食。豬潤同湯底都好鮮甜。飲完啲湯唔會好口渴，應該冇落味精。自己本身好鍾意食餐蛋麵，所以成日都會叫埋所向無敵餐蛋麵。呢度都唔錯。鍾意食麵包嘅可以叫埋鮮奶油多都好食。因為以上嘅嘢未必間間茶餐廳有，所以我哋每個禮拜都盡量抽時間嚟食一次。有時會撞到老闆娘，佢份人好好非常親民。😊我有拍片詳細講，大家可以去YouTube睇kchek852…查看更多

這碗蕃茄雞翼豬扒米粉，好出名，湯頭濃郁酸甜，蕃茄的鮮味與雞翼的香氣完美融合，豬扒嫩滑多汁，米粉吸飽湯汁，口感彈牙。每一口都充滿層次，令人回味無窮。搭配冰涼的凍奶茶，茶香濃郁，奶味順滑，甜度恰到好處，既解膩又提神。兩者相得益彰，帶來滿足的味覺享受，讓人忍不住一口接一口，幸福感滿滿。💕❤️多謝朋友帶我去，揸車入去好似度假咁，好舒服，遠離繁華嘅都市，估唔到朝頭早都好多人，好多熟客仔，食早餐嘅時候都好滿足…查看更多

第一次嚟天水圍店舖，總店搬咗嚟呢個地址，個環境好舒服，亦都有地方泊車。店員服務態度體驗一般，話說我哋一行兩個人去食，當時都仲有好多張枱四人枱係空，所以我哋就提議可唔可以坐四人枱，因為都真係食得好快就走，擾攘之下，佢都安排到，不過同時間，亦都安排另外兩個客人坐喺我哋個枱度，但係周圍嘅枱都係吉，所以個觀感唔係太好，結果我哋食完，周圍啲枱都仲係吉。我明白，有時會太多人去食，所以安排會緊密啲，不過如果情況許可，希望店員都可以靈活安排，等食客食得舒服啲。講返正題，嘢食質素方面，我叫咗蛋牛治，同埋菠蘿豬扒包，覺得質素還好，未去到好驚艷…查看更多

今天早上，與老公由洪水橋出發，跑步去天水圍；約了朋友一家在華嫂冰室吃個brunch，我們一行五人，等了大約20分鐘左右有位。整個餐廳都坐滿晒人，其實同以往一樣都係咁多人，但今天送餐好慢，等咗好耐，差唔多20分鐘才有得食🤧🌼招牌蛋沙律多士$25🌼招牌芝士鹹牛肉蛋豬仔包$24🌼所向無敵餐蛋麵（出前一丁）$31🌼熱奶茶加大$24華嫂冰室的食物一向都保持水準，價錢合理，所以每次嚟幫襯都要等好耐才有位，是值得的😊…查看更多

平日中午來食，不需排隊叫左一個豬扒太陽蛋出前一丁轉蕃茄湯一杯凍奶茶，共$74價錢不是重點，而係一個麵餐由落單1點39分起計，足足25分鐘先到餐以茶餐廳同麵餐黎講實在太慢味道方面，麵是麵蛋是蛋，沒有太多技術含量豬扒只可以講係正常，但無切件原件上，成塊棉被咁大，食起上黎唔舒適蕃茄湯底濃郁唔錯，但未至於係驚艷總結：普通茶餐廳貨色，唔明點解有人要排隊食，同埋等餐太耐，配以此價格是為性價比很低我相信支持者會繼續支持，但我不是hater, 純粹表達個人意見，返出去食牛奶冰室無咁嬲，因為預左係普通野。…查看更多

近排同老公送完小朋友放學，搵地方撐枱腳食早餐，我哋第一時間想食華嫂冰室嘅招牌菠蘿包同埋蕃茄湯底瑞士雞翼豬扒招牌米線～之前舊地址已經成日幫襯！而家keep住好多人排隊～轉咗地方之後，環境大咗座位闊落有室內有室外座位～冇以前個位咁多蚊！服務態度好好！老人家孕婦等等會先入座！唔使排隊！👍🏻呢個值得一讚啊⭐️我哋都係等咗10分鐘就入得，而家有QR code落單超方便！美食⭐️⭐️⭐️⭐️🩵瑞士雞翼豬扒蕃茄湯底米線佢哋最出名就係呢個蕃茄超級濃郁湯底淡淡都係蕃茄🤤瑞士雞翼大大隻炆到好腍身！豬扒有咬口彈性！揼得好鬆，好好食！米線都好滑，啱啱好～🩵招牌菠蘿包菠蘿包夾住流心煎蛋、蕃茄、牛油🧈超級夾好有層次～🩵鹹牛肉包超級鬆軟麵包夾住鹹牛肉餡加流心煎蛋超級惹味～新鮮出爐麵包焗到熱熱地！裏面超級軟熟～🩵招牌奶茶超級香濃茶味～加埋奶超級香滑！一定要點啊！…查看更多