菊一壽司

🐷📌 #豬西食沙田 #豬西食石門.小編最近發現京瑞廣場入面有好多嘢食！見到呢間外賣日式餐廳 鬼咁多人排隊同埋等緊所以小編就試吓佢！！.🐷火焰三色丼包括有三文魚、鰻魚、蟹棒🥹個份量我就會話係對於唔太大食嘅我嚟講算係適合/ 有啲多但係大食少少嘅朋友仔而言就未必夠但係呢個價錢我就冇乜投訴嘅！我就覺得三文魚雖然經過炙燒 但係三文魚嘅味道唔算好突出 可能因為選擇嘅三文魚油脂唔夠豐富 🥹 如果可以在香啲嘅話就正啦除此之外 仲有鰻魚 個份量叫做正常咁樣啦～ 都係嗰句呢個價錢冇投訴！！蟹棒其實就係兩條幾好食嘅蟹柳🤣上面有三文魚子、蘿蔔、薑🫚等等嘅配料撈埋一齊係幾好食嘅～但經過炙燒過嘅魚生我expect可以再香少少🤣🤣 薑嘅份量好多 但係我就唔係幾鍾意食嘅 變咗啲薑同啲飯撈咗少少味：（ 下次我會記得走薑😹.菊一壽司📍沙田石門安群街1號京瑞廣場二期一樓118A2號舖.#香港#沙田#石門#京瑞#京瑞廣場#壽司#丼飯#石門美食…查看更多

好多網友，影片分享平台介紹黎石門掃街必食菊一於是叫左兩個手卷，一個軟殼蟹手卷，一個甜蝦手卷軟殼蟹正常發冇乜特別甜蝦手卷見到果下真係呆左的了，得兩隻超迷你既蝦毛仔係面到，佢既size 絕對係你平時食甜蝦壽司既蝦再細一半，真係冇下次當然一分錢就一分貨，但都不至於細隻都咁掛。。。。。。。。。。。。。。。。至於其他野我就冇試，果段時間亦都一個客都冇，所以睇唔到其他既食物樣。。。。。。。。。。。。。。。，，…查看更多

走入《菊一》嘅門口，第一眼睇到嗰陣食物，已經心諗: 呢啲食物睇落實在有咁的勁! 我揀咗個汁煮豬軟骨叉燒飯，靓仔服務員送上手嘅一刻，即刻香氣四溢，芝麻撒喺面，賣相吸引到五知呀！飯底湧出嗰股醬汁香，舖天蓋地，啖啖叉燒，肥瘦適中，豬軟骨腍滑得嚟入味，重點係個seafood mix入面嘅蟹肉棒，鮮嫩彈牙，感覺到廚師幾番工夫。翌日，揀咗個浦燒鰻魚飯，啖啖入味嘅鰻魚，簡直就係一絕😍！肉質厚實，同淋上蛋花嘅醬汁一齊襯底，每一啖都滿滿嘅滿足感。呢間鰷魚燒得係屬於岩曬我口味嗰款，👍🏻厚切去骨鰷魚，每一口都好滿足。喺呢度食，真係感覺到每樣食物都做足咗功夫。手卷嚟講，螺肉手卷真係有驚喜，唔似平時外賣店嗰啲冰山冰山嘅感覺，今次食落啱啱好，唔係凍，又揭到海鮮鮮甜真材實料嘅本色。總結，《菊一》畀我嘅感覺就係嚟自廚房嘅誠意同專業，無論係叉燒定鰻魚，每樣嘢都做到位，讓人食落心情都好。搵食唔用落大陸斧，頂級享受都可以平民價格。下次再黎，必須要繼續搵食佢地其他拿手好菜！🍴👌🏼🥢…查看更多

係隔離壹茶叫完嘢飲，有啲啲餓，就幫襯下佢隔離呢間壽司鋪，菊一。一睇menu，嘩，學生價，十令廿蚊有件手卷。因為好快就到晚餐時間，我決定簡單叫件三文魚手卷（$14）攝下牙罅就算。因為係平日下午，客流算少，都唔洗點等乜濟，五分鐘唔洗就有得拎，店員仲非常好禮貌地雙手遞比我👍一拎上手，三文魚有光澤，新鮮嘅象徵👍視覺上開左個好頭。一咬落去，嗯！鮮味！店員加嘅豉油恰到好處，唔會太多搞到搶左三文魚嘅鮮味，反而幫手釣多少少鮮味出嚟。而且塊三文魚唔係薄薄一片鋪面就算，係整個手卷去到底都仲有三文魚，無欺場，呢度加好多分！紫菜我欣賞佢夠正常，唔會淋pat pat，已經係幫個手卷加分。飯粒同樣係普通壽司飯，正正常常。整體嚟講，手卷由三文魚一嚿魚擔大旗，紫菜同飯正常發揮。以$14蚊呢個價嚟講，刺身有呢個水平，可謂超水準發揮，無投訴啦。下次一於試下其他貝類系列先☺️…查看更多

🦀 軟殼蟹膏手卷 👅.好食😋 一拎到快啲食！！！紫菜好快淋，行到去電梯食第一啖就feel到🫣..等約8-10分鐘 (估計因為即炸)...附有一張紙巾🩵温馨提示🩵建議一拎到紙巾立即把紙巾移至手卷底部再食用因為店員已經落咗䜴油係入面有機會會滴 (特別愛著白衫既人要小心喔😘…查看更多

今日同大家介紹我嘅石門飯堂，菊一～基本上每次做完瑜伽都係會去買佢哋嘅手卷，佢哋都已經認得我啦次次我都係會叫一個蟹籽沙律手卷，同埋一個三文魚手卷！有時肚餓嘅話，就會叫三個手卷哈哈哈如果真係以手卷嘅標準嚟講，佢哋味道方面唔算特別高質素，因為佢哋片紫菜好多時都係好淋～但係我覺得佢哋都叫做好足料！同埋味道符合我嘅口味！that’s why I have encores many many times!!而且可以打定電話叫佢哋整，去到就可以即刻攞啦，非常方便…查看更多

作為喺附近返工嘅打工仔，我最鍾意發掘石門又平又好食嘅店舖呢間壽司店性價比都算高，特別lunch送用外賣App落單仲有折扣添講返食物，我食開三文魚親子丼，三文魚好鮮甜，加埋蟹籽 同有醬汁嘅三文魚碎，整體配搭好開胃…查看更多

今次係星期五嘅中午時間，門市很繁忙，入面廚房都有三四個人幫手，下單後需要等10多分鐘，店員事前已經有提醒我，給客人心理準備。今次點左角切魚生飯，白飯係底 ，面層除左有啲魚生外，亦鋪上蟹柳蟹籽碎，之前買都好似係撈好咗，今次就係自己撈。唔使落豉油都夠味。壽司飯的溫度略為有點暖，比較喜歡吃冷一點的壽司飯。魚生切得較為細小，略嫌欠一點口感。不過$50來講已經算很經濟了，會繼續幫襯，支持小店🤙🏻🤙🏻💪🏻💪🏻…查看更多

突然想去石門覓食，記得之前係商場見過呢間小店，想食丼飯手卷，於是就去睇下。晚上8點，晚市禁堂食之下，好多店都冇開門，好彩呢間仍然有開。禁晚市堂食下，丼飯外賣自取每個減$5，又即刻覺得抵左。丼飯一個五六十蚊左右，減埋$5都算係抵食之選。首先估唔到係個丼飯入面會有蛋，個蛋都唔算，有少許流心。飯方面，非常好因為係醋飯，個飯好夠醋味，亦唔算話好凍，所以都唔會凍到硬晒刺身方面，都幾新鮮帶子肉都算幾厚，而且非常鮮甜，好有味，唔係又淡又冇鮮味個D三文魚都好香魚味，有口感魷魚都唔錯，唔膠亦唔淋，平時食丼飯魷魚最怕就係D魷魚一堆膠咁咬都咬唔開以呢個價錢來說，整個刺身飯既份量都唔算細，仲有三款刺身仲有蛋，而且三款刺身都唔差，尤其帶子又夠厚，非常抵食…查看更多

突然想吃刺身丼，呢頭平價日本野選擇唔多，係開飯搵到呢間日式小店就試吓。我叫左一碗<<角切魚生丼🍱>> (自攜餐盒♻️)落完order，店員會即刻新鮮製作，比較少見既做法係店員會現成即刻用個大碗先撈勻啲蟹籽,蟹柳,玉子,豉油,壽司飯等，撈好之後先上碟。睇過之前啲評論話三文魚唔多，但我覺得ok wor，起碼我每一啖都會食到有一粒三文魚，魚生切得細粒係真既，但係因為飯已經調味好(無需再自己落豉油)，撈勻一齊食又覺得ok。食到最尾都幾飽，而且食到最尾兩啖都仲有魚生(唔會好似爭鮮嗰啲食到最尾得返白飯)。以$45(晚上六點後減左$5)黎講，質素好ok ! 下次會再試吓其他丼 。😋…查看更多

呢排都好少出去出去食飯⋯最多都係叫外賣今次即管試吓呢間小店每次經過都見佢哋好多手卷賣 原來外賣仲有丼飯 .汁煮豬軟骨叉燒飯估唔到呢間既熱食都好好味！日式叉燒同豬軟骨都煮得好腍😍好軟好香！.極上角切魚生丼好足料！蟹柳同蟹籽多到鋪滿哂成個飯面✨仲有帶子同甜蝦刺身 食落都好新鮮👍🏼 完全無雪味…查看更多

因為疫情，近來的中午飯都改為買外賣回公司吃了。所以，我係冇乜心機去探索石門區的新食店架。不過，小生活區中有一類食店，反而吸引到我去一試。這就是一些專門做外賣，也可以說，只能做外賣的小店。這一次，我決定一試小區中的外賣店老字號，《菊一》。這是一間純提供外賣服務的小店。沒有地方堂食，門口雖設有幾個位，但似乎都只是為了客人等外賣而設的。第一次來，我點了一個汁煮豬軟骨叉燒飯。一半是叉燒，一半是豬軟骨，再加了海帶、青瓜同醃蘿蔔。入盒前，店員再加上很香的芝麻粒，令到這一個汁不多，但充滿醬香味的丼飯更添香口。叉燒同豬軟骨都好香口。丼飯看起來好似冇乜汁，其實，所有的汁已經滲入飯中，極可口。第二日來，我點了一個浦燒鰻魚飯。此店的鰻魚飯分了兩種，一是原條的，一是這樣一份的。中午的辦公室一人餐，就不用吃一整條啦，似有半條魚份量的一個鰻魚丼已經很足夠飽。醬烤的鰻魚，肉厚而甜美，那醬汁伴在飯同碎蛋一起吃，更是香甜。值得一讚就是他們炒的蛋，佢地係點樣可以炒到一粒粒咁既呢?我多點了一個手卷在等餐時邊行邊食。這螺肉手卷的味道不錯。最重要螺肉不是嚴重地凍。以前試過一些 feel 得到是雪櫃拿出來的，入口凍冰冰的，不太好。是日的螺肉，是室溫的，味道也香甜，感覺不錯。簡單地經營的日式壽司、丼飯外賣店，味道好，用料也新鮮。在石門，簡單地買個日式飯盒，簡單地買回公司座位，上上網吃吃飯。開始習慣了這種中午生活，感覺其實不錯。…查看更多

今次經過就嗌左芝麻八爪魚手卷（$12）紫菜係脆 唔係放左好耐好淋既飯係用日本珍珠米 每粒飯都好均勻地食到有醋味芝麻八爪魚份量比較少 食兩啖已經無曬😗但上面灑左少少芝麻 令到食落比較香口經過石門又想食下手卷既都可以嘗試一下其他款手卷😋…查看更多

有一家早利亞需要買外賣時便會想起的日式小店，當中至愛 B3 汁燒豬軟骨叉燒飯 $47，雖然是外賣飯盒，但食材擺放得細心，打開外賣碗倍感賞心悅目，豬軟骨腍滑入味，三件叉燒份量十足，個人非常喜愛紫蘇葉獨特香味，這丼是早利亞9成必點之一。另一選擇是刺身丼，新鮮甜美，只是購買後要盡快享用，睇情況自己預時間啦。手卷也是招牌菜之一，平日見不少大人小朋友也喜愛，或許在外賣的同時，先來品嚐一件手卷也不錯，下次可以留意。…查看更多

呢間位於石門嘅小店主打手卷🍣款式應有盡有，平均都係十幾蚊，即叫即製，而且仲好足料！今次試左三文魚帶子，同三文魚蟹子玉子手卷，兩款嘅刺身士好新鮮，性價比幾高~作為quick lunch就啱哂！下次試埋佢啲丼飯先😍…查看更多