荳蔻年華

看到祖藍力推的荳蔻年華紅豆糕好評如潮，決定去試試！果然是我吃過最好吃的紅豆糕！紅豆多到爆，粒粒飽滿，很有質感，有嚼勁！淡淡的紅豆香，非常好吃！而且每件只需$6，便宜又好有童年的感覺！經過或來香港旅遊的朋友值得一試！溫馨提示：星期一、二休息…查看更多

除左SSP 坤記，聽過呢間糕點好耐，但一直未有機會試下，10月中旬的星期日經過，竟然有開！！因為據太子街坊講這店不定時開門，甚至試過番鄉下，幾個月都唔開既！咁又冇人買野，就試下啦！點知我買完，就有幾個人望下望下跟住買啦！這就是香港人，瘦田冇人耕買6件有個盒，就買左兩件紅豆糕（聽講最出名)，然後芝麻卷，白糖糕，綠豆糕，千層卷。所有都試晒！紅豆糕係最多料既，不過d豆幾硬下，冇想像中咁好食，又冇紅豆香味，只係知道要用好多牙力去完成！反而芝麻卷出色過同區“暖X芝X”,勁有芝麻香味的菲林卷，而綠豆糕因為加左海帶，算比較特別！千層卷又係冇味既，可以skip! 事隔一個月，發現原來明星介紹過，好多media 又狂煲呢間野，11月上旬，weekday 下午已經排到癲！未試過可試下，排幾個都還可以，咁長龍就不了！…查看更多

1108am到達，排隊到1126am，輪到我買不過原來白糖糕要2點後先有總共買咗六盒糕五盒(每盒：紅豆2件 綠豆1件 紅棗糕1件 千層1件 黑芝麻1件)1盒(紅棗6件)每款都不過不失，唔太甜👍🏻好食不過係綠豆糕內發現有鋼絲🫠🫠…查看更多

我是紅豆控，試了祖男極推的 “ 荳蔻年華” 紅豆糕，果然跟對了，紅豆多到爆，很有質感，愛吃軟豆的可能會嫌它略硬，然後糕底非常軟滑；而海帶綠豆糕質感都非常好，只是如果臭草綠豆我會更愛，因海帶有一點點海水腥味。$6/件…查看更多

Openrice 見到好評，所以一試。室溫情況下試食..覺得不是太好食..唔諗住再幫襯。隔夜一天，都諗住食埋佢唔好浪費。估唔到叮番熱食又幾好食啵..可以再買：）今次買左白糖膏 - 口感好QQ紅豆糕 - 大粒紅豆🫘，有豆沙口感紅棗糕 - QQ..有紅棗味，外表好看千層糕 - QQ芝麻糕 - 芝麻咪濃，但口感唔夠QQ綠豆糕 - 大粒綠豆，但口感太硬…查看更多

呢間小店係街坊隱藏寶藏，懷舊糕點 $5 一件抵到笑！試咗幾款，款款有驚喜，以下係我嘅試食筆記：* 紅棗糕 🍑：紅棗味清新濃郁，甜度啱好，Q 彈唔黏牙，食完暖入心* 綠豆海帶糕 🌱：綠豆多到誇張，加海帶絲，似濃縮綠豆沙糖水，咬口豐富好新奇* 紅豆糕 🫘：紅豆粒粒肥美，唔過腍仲有沙沙口感，CP 值爆燈好滿足* 千層糕 🍰：9 層紅糖整成，蜜香滿口，甜而不膩，完勝酒樓單調甜味* 白糖糕 🧁：QQ 彈牙，甜度適中無怪味，似深水埗坤記嘅古早味* 芝麻卷 🌾：似細個酒樓嘅「黑膠菲林卷」，芝麻味有但唔夠濃，$7 略貴質感硬行家 #暖心芝作 芝麻卷 🌾致勝之處$25有6條：* 勁量級芝麻味，好香好濃好滑，軟硬適中有質感，仲唔會雪到死實實，新鮮
💰 價錢：除咗芝麻卷 $7，其他 $5 一件，性價比超高！環境簡單有街坊味，糕點質素同價錢無得輸，值得一試同推介畀朋友！
#港式糕點 #古早味 #平民美食 #香港隱世店…查看更多

原本喺隔籬街諗住試吓啲黑芝麻雪糕，點知行到埋去想排隊，店員冇禮貌話我企喺度你都知唔使排隊啦……咁緣份安排，轉過彎見到呢間小店一樣有芝麻糊芝麻糊，為咗頂下癮買嚟試吓。有驚喜 ！好味！一樣好濃嘅芝麻糊唔使排隊又抵食，除咗芝麻糊，仲有其他手工製作懷舊糕點甜品：綠豆沙、紅豆糕、腐竹雞蛋糖水……。不過睇嚟係小本經營的商店，所以地方細小未有堂食提供，這是一個可惜之處。但係Lun味道同埋用心製作，的確值得一讚，所以推薦俾大家。而且老闆兩夫婦非常友善。…查看更多

最近，深水埗街坊就介紹我往西面行，會找到呢間荳蔻年華。此店位置比較偏僻，不過我幫襯咗2次，2次都見到啲街坊排隊買，似乎好受街坊歡迎👏🏼 以下喺我食過嘅糕點款式(以我喜歡的排名，只供參考)：🍪 紅棗糕 (HK$5/件)．紅棗味香濃，口感Q彈不黏牙，雖然手感比較黏手🍘 綠豆海帶糕 (HK$5/件)．好多料，啖啖都有綠豆及/或海帶，好似食緊綠豆沙糖水咁．有清熱功效，不過對身體比較寒喔，小食多滋味呀🍪 紅豆糕(HK$5/件)．同樣多料，令每一口都有紅豆，紅豆有起沙口感，也似食緊紅豆沙糖水🍘 千層糕 (HK$5/件)．看得見有9層糕組成，滿紅糖香和甜味🍮 熱豆腐花 (HK$8/碗，外賣 +HK$1)．店員從木桶𥚃𢳂出一殼又一殼的絲滑口感豆腐花，拎到回家都仲熱的，正👍🏼．唯一只係店員落咗比較多黃糖，不能自己調味，對我來話是比較太甜🍪 芝麻卷 (HK$7/件)．一卷卷的似小時候的黑膠菲林卷．有些少芝麻味，不過我覺得偏甜，所以不是我首選🍘 白糖糕 (HK$5/件)．唯一糕點係「三角派形」，味道正正常常…查看更多

荳蔻年華，活潑好動?價錢也是可以!吃糕點尤如吃下糖水!紅豆糕和海帶綠豆糕十分足料!紅豆糕的紅豆好「擠擁」，紅豆佔了九成，糕佔了一成! 紅豆的質地及豆香佔據了味蕾，好滿足!「擠擁」紅豆之間偶爾會嚐到糕，紅豆結實夾雜彈牙如啫喱，天作之合!海帶綠豆糕宛如海帶綠豆沙的凝結版，我還可嚐到海帶的微腥!芝麻卷 甫打開盒子，芝麻的香氣撲鼻!芝麻卷好滑，質地好薄，差點以為正在吃粉皮!味道和質地好輕盈，絕不沉重!…查看更多

見個鋪頭好舊式 又見啲人話唔係成日開 見佢啲糕點都放左係個櫃到 幾乾淨咁 所以就買左幾款試紅豆糕 綠豆糕 好似同食紅荳沙綠豆沙咁差唔多 意外的綠豆糕有埋海帶 但個人鐘意糖水既口感多啲紅棗糕 幾清香 有紅棗味 但咁岩食到一粒核 大家食個陣都要小心啲芝麻卷幾香軟 不過媽媽大人鐘意深水埗既出品多啲白糖糕正常 每款的糕點都唔會好甜 外賣番到去都沒出水 沒變酸 除左芝麻卷要七蚊 其他都係五蚊 算幾抵 可一試但唔會好似深水埗咁做到一個checkpoint…查看更多

位置唔算好方便，見到D人話佢地營業時間都好講彩數，今日好彩行到黎有開門之餘，又唔太多人排隊，今次叫左:芝麻卷大推 $7 一條 好滑溜香甜，甜得黎又唔係死甜，仲有好香既芝麻味，食落口感好軟滑而唔係死實。紅豆糕 勁足料勁多豆 大推!!綠豆糕又係勁多豆得黎介有D海帶絲，係綠豆沙既糕點版紅棗糕紅棗味偏淡，同埋有一件放左第日食已經變硬了。食起黎味道似年糕。行開既真係可以買黎一試，價錢真係好抵，份量十足~佢地仲有其他甜品，下次再黎試下。…查看更多

呢度嘅紅豆糕同芝麻糕呢係我食過最好食嘅一間。佢嘅紅豆糕同平時酒樓食嘅唔同，因為佢全部都係紅豆，所以質感比較硬身啲，冇咁重奶味，亦都唔係好彈牙嗰種。芝麻糕好有芝麻味，煙煙韌韌。價錢方面，紅豆糕$5一件，芝麻糕係$7一條。呢間舖頭嘅位置有啲偏僻，喺太子地鐵站再行多幾分鐘先到，店舖門面比較細同埋唔係好顯，係舊式的糕點舖。除咗紅豆糕同芝麻糕，佢仲有其他甜品，例如臭草綠豆糕同埋豆腐花。呢度嘅甜品甜度唔算好甜。只有外賣。…查看更多

因為地理位置比較不方便，她 介乎在太子站和深水埗站之間的白陽街只因在附近的診所覆診，才無意間發現她的存在不過有幾次經過也吃了閉門羹，開店時間有點難捉摸也可能因為疫情關係？？今次再次經過，看見也有不少人排隊，所以決定要買多一試紅豆糕 $5紅豆糕紅豆粒非常多，口感綿綿但也因為紅豆很多，不太吃得出糕的本體味道不會太甜，有紅豆味，而不是紅豆的臭豆味只是紅豆煮或浸得不夠，偏硬了點和乾了點如果可以煮淋一點，口感會好紅棗糕$5雖然真材實料，紅棗味出， 不死甜，清香微甜彈牙口感，少少煙韌可惜太多渣， 建議可以隔走啲紅棗皮味道媲美坊間不少被人吹捧的中式糕品店 但仍有不少進步空間，款式也夠多元…查看更多

佢豆花自己整，豆漿有黑豆味揀，有得揀大樽細樽，真係正。菲林都好好食，好有心造，去開嗰頭食飯一定去呢度買嘢。:)價錢又相宜。店主年紀唔細，應該多支持下佢，唯一就係唔知道佢幾時唔開，有時真係摸門釘…查看更多

深水埗有間好出名的店賣中式糕點但已經名過其實了 經屋企人推薦下 難得食到更好食的糕點買左紅豆糕 芝麻糕 薑汁千層糕睇相都見到紅豆糕好大件成件糕都有紅豆 分佈得好好 唔會無料紅豆唔算太淋 同塊糕的口感好配比起紅豆沙 紅豆糕能食到更多粒粒紅豆芝麻糕有芝麻香是捲捲的有一層一層的感覺糕有點滑身唔粘口 同時唔會好甜好似食緊固體芝麻糊一樣千層糕最嚼口粘口薑味唔算好重 有點普通 有時糕點太薄身就會影響口感薑汁千層糕勝在糕夠大件又厚身入口的口感好好…查看更多