荳子 (朗豪坊)

早1日訂位，平日夜晚嚟到，設90分鐘用餐時間。餐廳似逆市奇葩，平日仍持續有人排隊，不過幸好餐廳夠大，最後，我同朋友都可以坐耐啲。餐牌上的主菜/飯/意粉都跟餐飲，但飲品選擇少，只有冷/熱檸蜜、咖啡或黑糖薑茶，其他飲品及餐湯可-$8，各式甜品則+$30。以湯、飯/意粉、特飲同甜品咁計，連加一~$250/位。另外，仲可以+$30選配小食。牛肝菌湯：上菜時以茶壼裝住，由侍應席前倒入一隻放咗2小瓣牛肝菌的闊口茶杯；份量唔少；湯色飽和度高，入口亦濃稠，雖然頂多只係以蘑菇製成，但味道唔錯，鹹味適中龍蝦海鮮濃湯：上菜時冇牛肝菌湯的花臣；湯入面有海鮮料，如蜆；朋友話味道可以但冇乜特別羽衣甘藍藜麥雜菜沙律：+$30換的小食，份量竟然有啲睇頭，唔孤寒；配酸甜柚子蜜，開胃焦糖蕃薯條：+$30換的小食，份量大，滿滿的一桶；蕃薯條色澤金黃，入口香脆，表面淋咗蜜糖（但冇焦香），香口、好食，不過，餐廳竟然跟埋個蕃茄醬，配搭非常古怪荳子超級食物沙律：唔平，冇跟餐飲，唔抵食；顧名思義，食材係人所共知的各款超級食物，純素；沙律菜幾新鮮，牛油果略熟，味道尚算軟滑但已呈輕微瘀黑，藜麥、穀物的份量唔多，feta cheese正常，青蘋果、腰果只係點綴；全碟最好食係紫洋蔥，生食、好甜；沙律唔細份，但食飽就講唔上（飽肚的殼類太少）美式手打牛肉漢堡：幾個朋友share嚟；$170+只係咁真係幾令人失望；朋友冇話唔好食，我就試咗薯蓉同沙律菜，正常；個漢堡包好細，配菜佔咗隻碟的3/5，性價比低西班牙海鮮飯：同樣係朋友食，賣相可以，但飯量少，雖然如此，朋友都食剩1/4，話唔算好食千島醬海鮮薄餅：以為餐廳賣麵包，pizza應該好耍家，但當見到係厚批時真係好失望（個人喜好問題）；薄餅的用料唔多，賣相麻麻，蘑菇片明顯係罐頭直出再放上餅面，焗製亦唔到位，焗完啲蘑菇仲帶濕，而且颜色蒼白，不過，薄餅單價唔高，如果想點樣嘢食飽個肚，可考慮Tiramisu：同朋友點咗4款甜品，呢款最好食；朋友本身唔想點，話太細杯，的確係，幾個人分，每人1匙；質感軟滑，有酒香特濃開心果杏仁蛋糕：喺餐廳門口見到凍櫃display，朋友已經話必食；送到上檯，覺得佢勁迷你；味道方面，1個字：伏！蛋糕唔好食，冇開心果味，開心果碎「淋」曬；未食過咁差的開心果甜品美式特濃朱古力軟心蛋糕：大件夾抵食，尺寸大到嚇一跳，1-2個人唔太建議點，3-4人就好適合；有香濃朱古力味（未到「特濃」），朱古力忌廉同朱古力海棉蛋糕層層相夾，食完會「漏」但滿足到想食甜品的慾望卷。奧樂蜜C蜜糖檸檬：擺盤有心思，蜜糖伴碟，味道香甜；卷蛋入面的檸檬味忌廉同檸檬果凍令層次豐富咗，同時亦中和到蜜糖的甜味，值得一試f熱鮮奶拿鐵：好飲，雖然一杯的份量唔多，但咖啡味香濃亦有奶香（加$3轉十字鮮奶），不過，呢啲都關乎咖啡師的手勢，因為喺Beans將軍澳分店都飲過淡而無味的咖啡食完就明點解餐廳可以逆市吸客：（1）環境：枱與枱之間有啲距離，座位舒適，餐廳溫度適中，坐得舒服；（2）服務：侍應的服務態度非常好，有求必應、冇甩漏，部分侍應好年輕，態度亦好，動作勤快，每次飲完水時，侍應會主動斟水，亦好頻繁地清碟；（3）食物：但凡加錢的食物、飲品水準唔錯，份量唔細，哪怕只係小食，賣相都令人impressed，不過，主菜係有啲「搶錢」。如果2個人嚟，不妨點1個餐，然後加餐湯、小食、甜品，轉特飲，再單點多1杯飲品同甜品，計落~$160/位，性價比高啲。…查看更多

🍽️ 今日我同friend嚟咗朗豪坊嘅 Beans 食晚餐，呢間餐廳前身係點心店，依家變身做簡約設計風Cafe，裝修簡潔得嚟有品味🪴，坐位舒服，雖然限時90分鐘，但都好啱小圈子傾偈放鬆～🍜 我哋叫咗三杯雞燴日式沾面，啖啖雞肉香濃惹味，配埋日式棉質麵條，口感彈牙唔似一般意粉，真係幾有驚喜😋；手撕豬仔骨漢堡就係重口味之選，焦糖洋蔥甜甜地，配埋太陽蛋🍳，一咬落去肉汁爆晒出嚟，仲可以揀沙律、薯條或鮮忌廉薯蓉做配菜🥗🍟，我哋揀咗薯蓉，滑到好似雪糕咁～🍹 飲品方面叫咗蜂蜜檸檬水同蜂蜜薑水🍯🍋，前者清新解膩，後者暖胃又有少少薑辣，食完重口味主菜飲返啲真係啱晒～💬 整體嚟講，Beans係一間食物有質素、環境舒服嘅餐廳，唔使等位已經加分💯，價錢雖然唔算平，但食物份量足、味道有層次，偶爾嚟享受下都值得～…查看更多

朋友為我慶生，選了這間連鎖餐廳，說這裏食物不錯，生日個位有疍糕贈送餐廳位於朗豪坊四樓food court內，服務員為我們安排一個類似廂房的特別卡位，比較安静我們從Lunch set中選了兩個餐，朋友選了黑松露軟殼蟹意粉，我則是和牛肩胛扒（太陽蛋）（番薯條），兩樣都好好食，餐飲則選了黑糖薑母茶生日者可從玻璃櫃內選一款自家製蛋糕服務員送上生日蛋糕，說生日快樂，同時送上一張生日賀卡。卡里有齊該餐廳服務員的簽名，此窩心舉動令人心裏特別温暖總結在這裏的用餐感受，食物質素好，員工服務態度好，環境好，卡位坐得舒適自在，CP值高，值得推薦！…查看更多

本身懷着非常之興奮嘅心情嚟食呢餐嘅餐廳。 之後order咗了佢menu上面嘅rose latte three d效果，非常之期待，個侍應話要等20分鐘我地覺得ok嘅都，因為我哋通常食飯都係約一個鐘應該冇問題。點知等咗一個小時接近，個杯咖啡先到，仲要問咗好多次。。而來到佢嘅咖啡杯係非常之普通好似普通餐廳嗰啲奶茶咖啡咁樣，普通玻璃杯，同佢嘅menu嗰個一d都唔同，個杯基本嘅都唔一致。。而杯咖啡係唔好飲的，非常之失望。。注：另外我地order左佢既豬手，點知非常之鹹。。性價比好低，非常之失望。。…查看更多

黑松露薯條 - $30黑松露醬好夠多而且都幾香黑松露味薯條一到熱辣辣仲要條條都炸到好脆柚子牛舌燴沾麵+焦糖芝士 - $136有驚喜嘅麵牛舌咬開淋身無臊味沾麵爽口彈牙調味帶有少少辣都幾開胃豪華英式早餐 - $136個煙肉唔會煎到好乾好脆好符合我嘅口味炒滑蛋都幾滑而且好大份但個Bagel就有少少過韌有少少失色焦糖雞翼 - $62原來係單骨雞翼好方便進食焦糖做得好好唔好太甜同埋唔會痴口不過雞翼就有少少硬開心果芝士蛋糕 - $30有好濃嘅開心果味中間好實心係濃滑嘅芝士蛋糕但食完一啲都唔會飽濟鍾意食開心果product嘅人一定要試吓橙汁暢飲 - $28因為好口渴見到又有呢個任飲橙汁所以就叫咗呢個Refill得都幾快係有橙肉粒粒嘅橙汁都唔會Hea人-凍檸蜜正常發揮…查看更多

今日收工同個frd係旺角食餐飯，諗緊食Beans定係牧羊少年好，最後揀左係朗豪坊food court入面嘅Beans食飯時間都要係門口排隊入去，以為係foodcourt環境會麻麻地，但原來係畫左個角落出黎，裝修都幾chill，不過冇用板間開就會吵啲食物種類好多選擇😍價錢由70-100幾都有選擇，想省啲又得👍🏻同埋每個main都可以用優惠價加配小食同飲品，人均100多啲就有薯條同一杯飲品，食物味道都好食，性價比好高橙汁加配$28，仲要係無限暢飲👍🏻大推佢個番薯薯條🍠超級好食🥹外脆入面甜甜地嘅番薯，呢個真係值得一試…查看更多

今次lunch揀咗喺旺角朗豪坊食，店員喺每個人入去之前，都會好細心咁叫客人揀適合自己味道嘅酒精搓手液去消毒雙手先入座。🔹焦糖香蕉熱烘窩夫全日早餐 $94跟餐飲凍檸檬蜂蜜呢個all day breakfast有啲似兒童版all day breakfast🤓窩夫有兩件，好香蛋味，不過做唔到外脆內軟。另外有兩條焦糖熟香蕉，熟得濟既炒蛋，同埋兩塊煎香左既煙肉。🔹黃金蟹肉意粉 $89跟餐飲凍檸檬蜂蜜黃金蟹肉意粉好重鹹蛋黃味，蟹肉味唔係好突出，但意粉整體上唔錯。佢將洋蔥絲、菇同埋啲意粉撈埋一齊，食落去好有口感。…查看更多

而且不用另外加钱！！和普通咖啡一个价[黄金薯R]不仅可爱也很好喝o 很香浓搭配一个brunch开启元气满满的一天吧[萌萌哒R]P2豪华英式早餐（begal版份量很大 我一个人都吃不完而且种类好丰富有炒蛋、三文鱼、西红柿、培根、香肠等等搭配黄豆酱和蛋黄酱都美味🤤P3北京烤鸭蒸包汉堡（薯蓉版（应该是第一次以这个形式吃北京烤鸭？分享我的个人吃法把沙拉菜和薯蓉铺在烤鸭上hhh口感更加丰富啦还点了两个甜品焦糖拿破仑 和 椰汁西米露慕斯夸夸这个慕斯 甜度适中[心心眼R]表面一层啫喱包裹着里面的慕斯、椰奶冻和蛋糕底下次打算试试他们和十字合作的限定甜品他们家还有很出名的散水饼！进门时候的还会让客人自选香香消毒液也是让人心情很愉悦位置就在朗豪坊4楼美食区来旺角逛街可以去试试！…查看更多

呢間Beans 既前身好似係間點心店Beans既餐廳裝修簡單得來有設計感坐位舒服，雖有限時90分鐘但都適合小圈子吹水渡時光今日點了手撕豬班尼迪（配一塊酸種多士）+荔枝玫瑰茶手撕豬酸酸甜甜，幾令人開胃，配2隻蛋加多士，如食晒一整份，很飽啊，同埋有點膩，如2個女仔share食就剛剛好，味道方面不錯，如配點沙律🥗就更好，清清膩感好彩叫了壺玫瑰花，餐廳用茶包，但聞到陣陣荔枝玫瑰香，幾好👍🏻用餐完，坐左接近1.5小時，終於等到約人的時間，走得，埋單136 （連加一）呢間係一間幾好坐，食物又幾好食的餐廳，只是價錢貴了一點點點😆…查看更多

兩口子行完朗豪坊見到Beans個蛋糕柜有我的至愛Carrot Cake 🥕👍叫咗兩份Tea Set :檸檬蜂蜜薑母茶成2大厚切薑片👍👍真材實料👍自家製美式甘筍蛋糕 🥕👍👍好鬆化！好新鮮👍😋Afternoon Tea Set🍰蕃茄肉醬意粉👍😋…查看更多

餐廳員工讓寵物和主人感到用餐非常不愉快，食物咩味道都食唔出啦，不是寵物餐廳為什麼要話自己係寵物友善？規矩非常反智，員工盲目執行，真心不如取消寵物友善呢個標示。謝謝…查看更多

今晚喺旺角行街，喺朗豪坊想食西餐，呢間都係唔錯嘅選擇，好彩唔使等位，即刻衝入去。我哋叫咗牛舌粒蕃茄肉汁會沾麵，焗三重芝士通粉，卡邦尼煙肉意大利闊條麵。牛舌粒蕃茄肉汁會沾麵：話牛舌粒，其實牛舌片，仲要有好多片，肉味夠腍，感覺好抵食。:)棉質比較彈牙，同平時意大利粉有分別。焗三重芝士通粉：超級勁芝士味，真係要快快食，耐咗就芝士就開始凍，會開始硬，芝士就會好漏。:(雖然我係芝士控，不過呢個芝士太厲害，頂唔到。😅卡邦尼煙肉意大利闊條麵呢個汁好好味，面頭嘅芝士片好味，係正常發揮。:)不過旺角太多選擇，喜歡西餐嘅可以一試。…查看更多

旺角分店嘅裝修簡約又有文青feel，坐低即刻有種慵懶chill感~食物同飲品都超有驚喜💯【豪華英式全日早餐🌞】窩夫🧇真係超！級！鬆！軟！咬落去有微微蛋香，仲可以揀太陽蛋或炒蛋🍳煙三文魚卷🌯鹹香惹味夾埋沙律菜好fresh～肉腸🌭皮脆肉嫩咬落juicy；香煎培根🥓煎到微微焦脆，鹹香得嚟唔會過油份量夠兩個女仔share👯【法式吐司🍞】吐司表面煎到金黃酥脆，淋上加拿大楓糖漿🍯，甜度perfect match~面頭兩條煙燻培根🥓嘅鹹味平衡返甜膩感旁邊嘅水果杯🍈清新解膩，完美balance～✨【3D玫瑰拿鐵☕】拉花唔係普通心形，而係立體小狗頭🐶Q到唔捨得飲！入口先係玫瑰花香🌹，跟住榛子糖漿🌰嘅堅果味慢慢滲出，濃郁得嚟唔會膩咖啡底偏nutty唔苦澀，仲有十字奶嘅濃滑加持🥛，奶泡綿密到掛杯☁️【椰汁紫米露慕斯🍰】面層係晶瑩嘅啫喱🍮，切開見到層次分明嘅慕斯、椰奶凍🥥同蛋糕底🍰甜度控制得啱啱好💜椰香濃郁但唔會漏喉，煙韌嘅紫米香混搭椰香，食完完全唔覺滯🎉…查看更多

3D咖啡打印的风终于吹到了朗豪坊，‼️不需要额外收费，正常一杯咖啡💰趁着三月份朗豪坊的CHIIKAWA活动，赶紧来体验一波～ 不得不说，这家店的Brunch颜值杠杠的💯，随便一拍就是ins风📸 🐟三文鱼班尼迪三文鱼搭配流心的水波蛋和荷兰酱 一口下去，层次感直接拉满！ 🍞法式吐司朋友特别喜欢外酥内软，淋上蜂蜜和奶油甜而不腻，口感丰富 早餐吃这个，一天都感觉幸福💖 🍟黑松露薯条薯条炸得刚刚好，外脆里嫩 搭配黑松露酱料，吃完口齿留香☕️伯爵茶拿铁 & 🌹玫瑰拿铁这家店的招牌！咖啡上的3D，每一杯都是艺术品，拍照打卡必备！ ⚠️因为3D拉花需要用到多奶泡，因此可以3D打印款甜度会比较高🍫🍰特浓朱古力软心蛋糕，巧克力控必点！ 黑芝麻麻薯慕斯，口感绵密，芝麻香超浓郁 📍环境✨ 朗豪坊的Beans Coffee环境真的没得说 虽然在food court一角，但是洞穴风设计…查看更多

去咗Beans食早餐~ 叫咗兩個Deluxe All-day Breakfast有煙三文魚､煙肉､豬肉腸､蕃茄､茄汁豆､黑松露炒蛋､雜菌 然後可以揀窩夫/Bagel 都幾豐富價錢$136 包咗一杯Americano/ 黑糖薑母茶/ 檸檬峰蜜～ 性價比唔錯🤪…查看更多