荳子 (屯門市廣場1期)

营业中

休息中

終於排到我同朋友入去食，入去前，我想查詢一下門口放果啲酒精噴噴產品，但帶位果位同事聽完，完全無俾反應我，走左去…..咁都得！入到去點餐，叫左啲食物一一送上，其實食物質素我覺得係唔錯，但個all day breakfast送黎嘅時候，無左煙三文魚，唔緊要，你另上補返俾我就可以。食食下無啦啦個職員走埋黎去我地台到講左一堆我地都聽唔到佢講乜嘅野，心諗到底呢間啲員工咩事….之後佢應該係走錯台，去左隔離台客人講嘢。到走時我再問多次關於酒精噴噴產品，今次終於有少少反應答下人，但當再問多少少關於產品上問題，員工好似hang左機，如果唔了解，可請問其他同事，但無左反應，到底你係聽唔聽到客人問緊野定點，真係嬲嬲地，入去前同出黎後，都係咁。事後發現原來餐廳係有下午茶餐牌，但當日下午茶時段就只放左本大menu同甜品menu, 無俾下午茶餐牌。食物質數ok, 但真係唔會再去屯門呢間分店，真係O了幾次咀，啲員工有如未訓醒一樣，啲野做到好甩漏

打算去的Cafe未開，而肚餓得不能忍耐，於是在屯門市中心逛逛，發現Beans一如以往的人龍不見了，又一直想找機會試試，於是不考慮下坐底了。我點了黑松露軟殼蟹意粉，老婆點了豬肋骨肉漢堡。意粉軟硬度適中，黑松露味很濃郁，軟殼蟹炸很脆，味道不錯。漢堡份量很大很足料，豬肋肉很入味，而薯條和沙律菜分量亦相當足夠，相當滿足。最後點了一個檸檬蛋糕，味道唔會太酸和太甜，慕絲味道濃郁，有陣陣檸檬香。服務員態度很好👍🏽座位環境舒適，悠閒拍拖一流。

這店在屯門開業後 一直都很受歡迎店外經常都有排隊人龍今次平日午餐時段難得見到條隊不太長 就馬上選擇排隊好好彩 大概十五分鐘就能入座了🝮主食❥ 黑松露軟殼蟹意大利粉 $𝟾𝟾❥ 油封鴨腿肉意大利飯 $𝟿𝟾黑松露的味道剛好 不會過分濃烈軟殼蟹好食 但份量好少！只有半件 還要是細細舊的🥹意大利飯味道也可以但又是略嫌鴨腿肉有點太少 😢🝮飲品❥ 𝟹ᴅ ʜᴀᴢᴇʟɴᴜᴛ ʟᴀᴛᴛᴇ 加配價 $𝟹𝟺❥ ᴄʀᴇ̀ᴍᴇ ʙʀᴜ̂ʟᴇ́ᴇ ʟᴀᴛᴛᴇ 加配價 $𝟹𝟼選特定款式的ʟᴀᴛᴛᴇ 可以ʀᴇǫᴜᴇsᴛ咖啡師為你加上隨機的𝟹ᴅ圖案超可愛呢❣︎（製作需時 要注意啊）🝮甜品❥ ᴡʜᴇɴ ʟɪғᴇ ɢɪᴠᴇs ʏᴏᴜ ʟᴇᴍᴏɴ 加配價 $28❥ ᴛɪʀᴀᴍɪsᴜ 加配價 $28檸檬蛋糕造型好可愛猶如一個真檸檬🍋內有柚子慕絲 檸檬柚子芝士蛋糕 雲呢拿海綿蛋糕口感細滑 味道清新ᴛɪʀᴀᴍɪsᴜ 也ok 🜚 整體而言 ʟᴜɴᴄʜ ᴍᴇɴᴜ都算抵食餐廳環境不錯 挺舒適的ǫʀ ᴄᴏᴅᴇ下單 十分方便甜品可選擇後上 夠貼心♡︎主食份量能多一點就更好

每次經過都見到人龍，亦曾經聽過2個朋友都話唔好食，唔會幫襯，上星期早上經過，竟然冇人排隊，所以比個機會試一試。叫左3個餐，有2個5-8 分鐘左右都出到有得食，剩低－個french toast 等左40分鐘 才到，期間問左三次，第一次係叫餐後25分鐘問；個侍應妹妹，答我幫你睇吓，之後無回應，再問第二個：答「整緊」⋯再問第三個：答「呢啲係耐」我唔明佢哋用乜嘢方法煮（相信係比較慢），唔緊要，點煑係佢地方法，但係如果個餐係要煑咁耐，建議在菜單上寫明製作時間，係知道咁耐，我－定唔叫！食物味道一般，唔值得排隊食！冇下次。

開左咁耐，每次經過都有一堆人排隊，適逢今日要去銀行做啲野，攪掂晒搵早餐食，見未夠十點就去睇睇多唔多人啦！真係lucky day,可以直入😄😄有90分鐘用餐時間，對我來講食個早餐足夠有餘啦！用QR code點餐，不久飲品先上枱，早餐可以優惠價點飲品！焦糖latte少甜對我來講剛剛好，但聞落唔夠咖啡香！返而杯特濃朱古力好出色，職員放低枱上已散發超香朱古力味，鐘意朱古力嘅朋友會喜歡呀😊😊喜歡早餐會跟上一杯新鮮水果配乳酪，感覺清新唔使啖啖肉法式西多士，外脆內軟，好味😋😋雖然跟左一小杯糖漿，但係我都冇用到，因為本身都已經夠甜了！整體都好滿意，如果午餐晚餐時段都比我遇到少人些應該會再試一試☺️☺️

24.03.2023 星期五 午荳子 (屯門市廣場)星期五下午放假，同事提議到荳子佢都吃午餐，假期人比較多，常常見到一條長長人龍；今日平日下午一時多只有一個人在排隊，等了十分鐘已被安排入座。座位是一張小圓枱，比起二人小枱舒適。一個男職員飛快講了一堆說話，其實一句都聽不到，估計是叫我QR code落單、用餐時間90分鐘…. 但擺枱很整齊。之後問另一個男職員沙律有冇分上，下單後清楚解釋內容，然後主動送上水一杯。軟殻蟹凱撒沙律午餐主要是飯和意粉，這個沙律之前晚餐時段吃過，明明印象中很好吃，怎料今次軟殼蟹又油膩又不香脆，叫人失望。跟沙律有三塊蒜蓉包，相比下還可以。自家製龍蝦海鮮濃湯用白色茶壺盛載，下面有一隻湯碗，之前兩次晚餐時段可能人多，所以急不及待倒湯加收走茶壺，今次放下沒有急忙收走。湯碗上有小帶子、蝦，加上熱騰騰香濃的龍蝦湯，很美味。熱Latte(燕麥奶）咖啡香滑，不錯下午比晚上人流少些，坐得舒適些，但可惜食物質素比上次差，有待改善。

今日兩人去屯門Beans 食午餐，之前食過幾好食唔錯，咪再嚟幫襯。不過，經過今次，以後無下次，見字自己小心。話說坐底之後，已經覺得對正風口好凍。用手提scan 枱面張 QR code, 幾次都唔得，就叫白衫男職員幫手落單。順便同白衫職員講，可唔可以較細少少冷氣。佢話係商場冷氣無得較。咁無la。坐多陣，真係吹得太離譜，咪再問另一位白衫男職員講，回覆都係商場冷氣無得較。………………好la。見到對面有食客剛好起身走人，同時飲品嚟到，我咪同再另一白衫女職員講要調枱去前面未執枱個張。依位女職黑口黑面就講 “坐定咗係無得調枱呀”. 嘩………依間咩餐廳呀？？ 完全唔理食客講嘅野！！凍就繼續凍，坐定吹都頭暈都繼續坐！！ 好la，終於有一位黑衫行過嚟表示，已經把冷氣關咗。而且都有安慰下。Good，終於有個正常嘅職員嚟有少少service。食物正常，都唔錯。最後以為係啲part-time 嘅個别問題。到比錢先知，正常嘅職員，正常嘅service 係依間Beans 係得一個。 比錢簽卡後，發現最初個白衫職員落錯單，用正價價錢賣午市set lunch。嘩！依到咩地方？？？好彩我心算下個總數，唔係比錢走咗la。

見成日排長龍 終於咁啱有一日見冇人龍就入去試吓。卡位都幾窄，尤其冬天著住厚衫。叫咗3個set，加個龍蝦湯係幾得意但冇乜特別。舊豬仔骨又梅又鞋，D薯條空心又硬份牛扒係5成熟，嚟到係全熟但唔熱。又難食又鞋又冇牛味，好失望！！！同佢反映過，但個男仔話你下次一早講我換比你。。。唔切唔食又點會知係咁。。。杯mocha latte算幾難飲件cake一樣都係冇特別，唔算難食但唔係好食。仲有第3個餐，已經冇心機再影。總括而言，3個set $7xx，真係唔值兼難食，冇下次！真係唔明點解日日大排長龍。。。。

依家一直都想去試好耐，次次去到都見到好多人排隊。開左都有一段時間，決定早啲去到排隊食早餐，排隊排咗大概半個鐘，入到去之後服務態度很好，價錢上少少貴可接受嘢食認真唔差，唔怪得咁多人幫襯！一定要試吓佢嗰個all day breakfast 😋

Beans 荳子其實我喺唔同分店ge beans食過好多次，起初喺荃灣第一次試覺得幾好味，仲買過散水餅tim😁今次係食屯門分店，都算新開~入去之前店員叫我哋揀一隻自己中意香味嘅搓手液搓手，幾香幾relax😆焦糖香蕉熱烘窩夫全日早餐雖然話All Day Breakfast 真係度度都差唔多，唔係分別好大，我覺得beans 嘅熱烘窩夫係幾好味，但整體來講個份量比較少。原隻帶子闊條麵闊條麵我係幾中意食，味道都幾好，但係佢個原隻帶子未免太細粒了，夾埋都冇一粒正常帶子咁大😂😂😂😂甜品野飲就叫左「我想和你無所事事」嘅奶蓋綠，可能我叫左微甜，真係好淡味，下次都係叫返普通熱飲。Overall係普通啦，而且都算貴。

今日去左屯門市廣場既beans。平時星期六日都大排長龍。所以就趁平日有空搏下唔洗等。最後真係唔洗等就有位。今次叫左甲羅絲黃金蟹肉意粉。份量足，亦好重鹹蛋，意粉口感亦不錯👍🏻值得一試另外，個英式全日早餐好足料黑松露煎蛋好重黑松露味同埋塊包個底烘到有啲脆脆地 好食另外嘢飲嗌咗個黑糖薑母茶唔會太甜 飲完覺得暖笠笠

Beans由荃灣開幫襯到而家，今日去屯門食早餐，體驗好差。朋友杯咖啡過左15分鐘就到，我杯餐飲足足等左30分鐘以上先到。追左三次單先有，第三次問女職員提問職員係咪不分先後次序落單沖餐飲，因為附近客人遲過黎我地都已經上哂餐飲。最後一次位女職員幫我追到杯餐飲。本來有得飲就算啦，點知無啦啦有位其他制服，唔知係經理又或者可能係老細？走過泥話，水吧得一個人沖餐飲。所以係一定會等好耐，同埋表示佢地係會不分先後次序沖餐飲。會等埋有幾杯先一次過沖係好正常。更表示如果跟落單先後次序沖餐飲，我會等得仲會更耐。不跟先後次序等30分鐘唔通跟先後次序要40/50分鐘？呢間餐廳比較適合慢活嘅人雖然我本身覺得間餐廳幾好食。但我唔慣一杯野飲要等30分鐘甘耐。其實我又無搵人要投訴，唔知佢沖出黎做咩？好無言，本身最後得飲我都無咩野。但因為嗰位唔知係老細定經理？令到我唔會再幫襯。

🥯超抵食高質早餐📣📣📣食完會好滿足又開心一定非佢莫屬🤩煙三文魚羽衣甘藍比高包//..+$10什菌個煙三文魚配埋羽衣甘藍一齊食真心正～好鍾意食bagel個口感🤤開頭擔心bagel唔夠飽專登加什菌點知食完勁飽好滿足♥️炸魚柳.炒蛋.什菌.鬆餅//..+$10吐司炸魚滑炸粉唔會勁厚👍🏻呢份大男人食仲額外加多份吐司🤣估唔到係有兩塊吐司仲好軟熟🤤薄切西冷牛扒.太陽蛋.鬆餅//..牛扒雖然牛味唔重但肉味濃 肉質嫩炒蛋同沙律菜份量都好足食埋個鬆軟鬆餅飽晒😆炒蛋牛油果吐司//..+$10豬肉腸有成半個牛油果🥑連住炒蛋同牛油果一啖咬唔哂仲有酸酸甜甜醬汁同啲菜加埋鬆軟包包 口感又creamy又清新🤤Mocha (熱)//..呢杯個人覺得比較甜(個人口昩不同)口感不錯幾滑 朱古力味較重 姜母茶(熱)//..姜味不太濃淡淡地又唔太甜涼涼天氣飲啱晒 飲完暖笠笠😊卡布奇諾(熱)//..本身無糖 味道不太濃口感香滑帶少少甘香法式焦糖燉蛋拿鐵(熱)//..一上枱已經聞到好香焦糖味🥰要搞混先好飲因為焦糖沉底香滑甜度剛好 仲有2粒咖啡豆點綴🫘(以上食評 只屬個人意見)———————————

等候時間：0秒環境指數：⭐⭐⭐⭐抵食指數：⭐⭐⭐食物指數：⭐⭐⭐用餐日期：30/12/2022用餐時間：6：00 - 8：00用餐人數：5價錢：$585芝士薯條x3任飲橙汁x2（跟餐+$28/人）凍檸蜜（跟餐$0）屯門市中心開了Beans 已經一段時間了，我想試了很久，但是每次經過都排曬長龍，所以都是離開收場。這次因為朋友提議在這裏吃晚餐，所以怕人多的我也要去一趟。今天真的很好彩，我們六點到達，不用排隊，可以直入餐廳內😊我最喜歡這餐廳的其中一個原因是只需要加28元，便可以飲唔飲鮮榨橙汁，平時一杯鮮榨蘸橙汁已經不是這個價錢。正！至於意粉方面，我覺得一般吧！薄餅方面，也可以一試！這裏的環境可算不錯，三五知己聚會，不常是一個很好的選擇！

想去好耐既餐廳，好多時都係失望話說每次經過呢一度都係大排長龍，有日自己出嚟買糧食又得閒咁就人排我有排啦，係我覺得咁肚餓嘅時候應該食乜嘢都覺得特別好味，但係一個main入邊所有嘢都難食真係好犀利！我叫咗個set lunch 北京燒鵝蒸包漢堡，薯條，沙律再加一件Perfect match蛋糕。一個蒸包可以硬過我條命，我相信佢應該係叮翻熱嘅，北京填鴨嘅sauce 少到係得2啖，入面有甘筍絲，無seasoning 過，草腥味不得了，燒鵝份量叫多嘅，但係啲皮好韌，個包唔好食，我都諗住有薯條頂下肚，最犀利係啲薯條係凍同埋硬㗎，沙律菜新鮮但d sauce 都係得幾條菜有。好彩set lunch 加既perfect match 香蕉朱古力，杏仁撻係做得幾唔錯，唔太甜，撻皮做得好食，朱古力層次幾豐富，個cream打得幾輕身。除咗甜品好食，員工都好有禮貌，環境舒服，其他就。。。