荳子 (屯門市廣場1期)

今天下午，我到Beans新界屯市廣場一期UG樓42-43&45號舖，想試下佢哋嘅下午茶。喺呢個舒適嘅環境下，我點咗兩份下午茶，蕃茄肉醬意大利粉，味道真係夠鮮！另外，我仲試咗特漫卡邦尼意大利粉，濃郁嘅奶香，配埋煙肉，真係一流！為咗配合呢頓美食，我仲叫咗一杯熟美式咖啡，唔要糖唔要奶，正好提神。最後，再加一杯熱美式咖啡，完美嘅下午茶就咁完結啦！#Beans #新界屯市廣場一期UG樓42-43&45號舖…查看更多

門口的香薰很香。黑松露軟殼蟹意大粉軟殼蟹外酥內嫩，裡面唔係太乾身仲有少少濕。意粉煙韌配上黑松露的幽香。黑松露忌廉醬汁沾滿每條意粉。焦糖蕃薯條外層微脆，帶有一點點焦香，完美包裹著蕃薯自然的甜味。會上少許蜜糖甜而不膩，美味的小吃，停不了口千島醬海鮮Pizza芝士三重奏：馬蘇里拉的拉絲、車打的濃厚、巴馬臣的鹹香，互相交融，鋪上帆立貝、蟹柳和洋蔥。惹味的千島醬與海鮮極匹配。pizza底勁脆口。香蕉拖肥杏仁撻 朱古力杏仁撻底有點硬但很香。中間夾住拖肥焦糖忌廉配上香蕉。頂層鋪滿軟滑忌廉。甜而不膩，拖肥醬帶濃郁果香。推介很好食。 熱黑糖薑母茶黑糖的甜蜜，薑母的微辣夠暖身，更養生加$28竟然可以暢飲橙汁。無限添飲。任飲橙汁到9pm。好抵。…查看更多

平時長期都有人排隊的，行過見到lunch set 都幾吸引，時間尚早沒人排隊可以馬上入座，選擇了#京式燒鴨饅頭漢堡#手撕豬仔骨漢堡焦糖洋蔥太陽蛋薯蓉 飲品配凍檸蜜及凍美式咖啡（不用加錢）兩份漢堡搭配的醬汁各有特色，也開胃好吃，薯條香脆，薯蓉味道也佳，各樣配菜也配搭適宜！職員有介紹入會，入會有迎新禮物是甜品一款，選了#Creambrûlée 擺碟及味道不錯，法式焦糖燉蛋不太甜，配搭了朱古力蛋糕及爆谷，熱熱的朱古力蛋糕很好吃！…查看更多

叫左兩個pasta, 一個係蟹，一個係牛舌，兩個都好好味，超大份， 兩個女仔真係食唔晒， 叫一個pasta 都夠我地食， 另外一開始其實都有d 擔心，睇d 食評話d waiter 服務態度唔好， 咁去到又冇wow, 都幾好幾helpful, 另外有睇到話bb 車唔比入， 淨係得兩個位可以放bb 車係隔離，但係我地都照入到，佢出面有個話可以放bb 車，薯條我地都係一人叫左一個， 好好味， 外脆內軟， 但係都係太多， 兩個人叫一個就夠…查看更多

以前好鐘意落樓食beans早餐，唔太貴坐得舒服但近排食感覺差左食物就一時熱一時唔熱，好多時都只係微溫，食一陣都涼哂。 eg 牛扒/番茄/煙肉，呢d全部都唔熱預制都應該翻熱/keep warm先比客。（想食個暖粒粒早餐都唔得）希望有改善…查看更多

今次到Beans 食晚餐。但是在不同高場的店。今晚試了一個對我來講是新的菜式。「珍珠圓貝蝦醬燴沾麵。」及「紅酒牛面頰意大利飯」首先，講一下個沾面，沒想到，蝦醬竟然可以變成「西式晚餐」真係萬萬沒想到！效果都不錯！沾面彈牙有口感！有淡淡的蝦醬味，感覺都算夾！好特別嘅一個味覺體驗！不錯！很有新鮮感！😆😆ok!之後到「紅酒牛面頰意大利飯」，賣相是吸引！可是當我把飯送到咀裡時。便大感失望😞！個飯實在太軟身。口感好奇怪。番茄🍅味都不是十分濃郁。牛面頰肉，有1/3 都還好。但2/3 都比較偏乾身。佢只係把牛面頰肉直接放上意大利飯上面。兩者本是同一碟菜式內，但食落好似各有各的感覺！並沒有肉同飯融合在一起的感覺，因此，這道菜，便真係麻麻地。甜點，有兩款。#焦糖燉蛋#tiramisu這兩個甜點🍮便好好👍🏻食😋…查看更多

服務態度奇差，不明白裏面嘅服務員係服務人呀，定係客戶服務佢。俾錢買難受。我們一班人難得出去食飯，還要受服務員的氣。送餐時，只放在同一位客人的枱面，要求客戶傳遞食物到其他客戶，但明明很多位置可以給服務員直接送餐到其他客戶。只看到服務員的懶惰，不會行多兩步。另，不斷challenge客戶意見，反駁客戶。不會再光顧。食物品質一般，價錢不便宜，性價比10分低。如果喜歡「食」裝修的人，及喜歡被服務員罵的人可以光顧哈。…查看更多

第一次跟朋友入屯門行到隻腳有啲攰，跟住見到一間餐廳呢外觀很漂亮，於是我哋入去坐低食嘢，意式香草烤五花腩饅頭漢堡，五花腩好juicy好好食，龍蝦湯味道好濃香，另外海鮮好足料一定要order，下次會再嚟食非常滿意😋…查看更多

又係星期日自然醒空肚食早餐 唔想太飽去巿中心兜下搵食先咁啱未到rush hour可以直入叫咗焦糖香蕉加bagel煙肉同bagel都好硬🙈希望下次有改善啦再到Eggs Benedict可以接受嘅 起碼個蛋汁襯到個muffin不過個兩舊蕃茄 可以醒神少少會好d😂好似夾硬襯落嚟伴碟咁 有d hea個沾麵我係加單落order嘅不過我無諗過會等20分鐘😅我知你哋想保持新鮮我見起菜嘅時候 有4碟一樣嘅一齊出人手係咪不足？所以咁樣安排？如果係其實可以講聲唔係淨係用QR code落單就當溝通掛？入門口就識叫我哋試香薰產品😅😅兩杯咖啡都可以嘅 整體來講 食物係合格但個質量開始無乜特別咁樣好容易被淘汰價錢當然係偏貴啦服務就一般啦 可以接受嘅多啲雙向溝通會好啲囉(以你哋嘅巿場定位來講)…查看更多

同朋友一齊去beans食飯，之前食過好幾次都覺得啲員工服務好好，係唯獨今日唔知係咪兩位小姐都黎m，語氣態度都表演出心情唔好。今日（19/12）夜晚6點左右黎食beans，門口同事都好有禮貌，帶左我地坐左係較入的卡位位置。野食都好好味，湯好飲，咖啡拉花都好好睇！開頭都還可以，直到後面想叫同事幫手攞胡椒粉，著住短袖衫圍裙同事好似聽唔到我講野，望到佢係counter位好似睇緊電話，叫左幾聲先聽到。當佢攞胡椒粉黎果陣就開始聞到有陣臭味，係臭狐味，開頭都冇為意係呢位同事既，但係之後佢再黎收碟既時候又聞到，非常影響食慾。另外，呢位同事係著住緊身衫似係crop top，緊到申直隻手會見到胳肋底，希望餐廳加強對員工儀容標準，如果員工有體味或者臭狐希望佢可以用止汗劑，同埋唔好著緊身衫，收碟見到胳肋底真係會冇灑胃口。最後埋單見到佢地都冇乜笑容，講野語氣又唔係咁好，隔住口罩都feel到佢地唔想做咁。除左呢樣野之外，餐廳既食物都好唔錯，會再去，希望公司會注重下呢樣野，因為再好味既野食都會比員工及儀容同埋態度影響。…查看更多

生完小朋友出黎放風 行入去bean 想食個tea chill 下獎勵自己Order 左waffle 餐牌寫等20-30 分鐘 Waiter 過黎話等20 分鐘 我okay 等左20 分鐘開始有d焦急 忍到30 分鐘開始催單 唸住轉外賣番屋企食結果40 分鐘都未黎屋企有初生嬰兒喊緊 要趕番屋企cancel 單但佢要Charge我 野飲要比hkd 51 最後剩係飲左朱古力 正常但唔值咁貴個餐就hkd 80 蚊因為趕時間冇時間同佢理論 但嬲到爆 難得生完小朋友一個鐘出行自由時間 全程冇放鬆過 好唔開心失望冇下次！…查看更多

與友人去餐廳午餐，限時90分鐘。其中點了帆立貝Pizza，餅底非常硬，好似生冇焗過咁，非常難食，賣相又差，其實廚師唔識整Pizza，建議店舖不如唔好賣向經理反映完沒有提供任何服務，淨係識叫客人Openrice寫食評，滿意了吧？…查看更多

試過幾次唔同branch嘅BeansCan confirm that Bean's coffee really is not my cup of tea 😂😅I am a coffee lover but only for quality coffee... I don't like the coffee from Beans... I have tried cappuccino, hazelnut mocha, creme brulee latte/coffee... I like none of these. I would give it an unpassed score and I could only finish half cup of it due to the flavour and the coffee temperature.The environment/+sitting of Tuen Mun branch is ok. I had breakfast this time and the temperature of food is soso...The waitress was so(too!) aggressive that she asked me if I was going to pay the bill 😢😱while she only saw me getting something(not wallet) from my bag but I still had half cup of unfinished coffee on table plus had zero action/sign to look for staffs 😱整體而言， 我只會給僅僅合格分數(given that no need to queue up at 8:30am) …查看更多

今日早咗起身，想食一份豐富嘅早餐，決定去未食過嘅早餐店荳子，10點前去到已經好多人，好彩唔需要排隊，最後揀咗煙肉班尼迪蛋，因為感覺上雞扒牛扒魚柳茶餐廳都食到，估唔到都有啲驚喜，個驚喜就係週末食要貴$20蚊😂✨煙肉班尼迪雙蛋 $78+$10加腸+$10加黑松露炒蛋+$10加雜菌早餐好抵食，加item都係$10蚊，班尼迪醬汁好開胃配埋煙肉，同埋水波蛋嘅蛋黃流晒出嚟，一啖食落去超級滿足，鹹香惹味🤪 但係個鬆餅都冇乜特別，至於雜菌都炒得好好食，有陣牛油香味。腸就一般般，黑松露幾香，但炒蛋就唔滑。✨凍榛子Mocha(+$18)有cream嘅Mocha好滑，但咖啡味唔算好重，朱古力味較突出，整體嚟講都可以接受…查看更多

平時屯門嘅餐廳荳子，人氣非常旺，經常需要排隊入座，所以我同朋友今次都試吓呢間人氣餐廳。餐廳裝修風格偏古典又帶點典雅，座位之間距離充足，私隱度高，用餐嘅環境舒適。香煎石斑魚柳荷蘭醬主角魚柳煎得外脆內嫩，荷蘭醬酸甜嘅味道都令人開胃，但魚柳略嫌有點偏小開心果馬蘇里拉芝士薄餅配蜂蜜呢個薄餅嘅特色在於馬蘇里拉芝士同開心果結合，再加上蜂蜜帶有甜味，豐富薄餅嘅層次感，但當中的芝士及蜂蜜味道較濃厚，不太感受到開心果味。蜂蜜味道甜，落太多會變得似甜薄餅，所以食之前需要調節蜂蜜量…查看更多