荳子 (PopCorn 2)

营业中

休息中

4點幾 好多餐廳都會落場。見到Beans 仲有好多人 姐係有下午茶啦🤩Menu 既afternoon tea set 有6至7款選擇 主要為甜品多👍🏽岩哂女士們1.抹茶麻薯流心多士 岩哂抹茶控 上面有一球抺茶雪糕配上 熱辣辣既多士 口感一流👍🏽 兩個人share 又唔會太膩2.柚子芝士蛋糕食到淡淡既柚子味。只係份量太小 每淡都好淺嘗另外叫左兩杯特飲 Rose latte 幾特別，唔係假既藥水味 有驚喜Vienna black coffee 正正常常冇乜太大驚喜下午茶黎講都幾寫意 傾下計飲杯野

對於鍾意飲咖啡嘅我⋯Beans一定係必須去的仲要係經常去. 去食嘅機會係極高。因為佢哋嘅咖啡打卡1流同埋出色;)每次去必食焦糖香蕉窩夫佈滿脆脆焦糖嘅香蕉. 自家製窩夫夠熱同軟綿綿加埋佢哋清香嘅蜜糖: 出色咖啡方面最愛玫瑰Latte清香嘅玫瑰味. 咖啡同奶既比例又好: 唯一係可能人多個奶泡今次打得差咗少少另外朋友叫咗rainbow latte 好靚好靚同好靚阿. 七彩繽紛嘅顏色令人心情愉快咖啡有陣類似炭燒嘅味道. 有少少苦甘嘅味道;)依間鋪經常多好多人排隊. 但真係值得一食;)

平時一人係好快可以入坐。 星期六中午時間都要排隊，所以同朋友立即轉外賣算，不過外賣都要等30分鐘😅 -我地total 叫4個餐，30分鐘都接受到既。厚豬扒、牛肉漢堡、大蝦龍蝦汁伊面、什菌意大利飯。 每一款都好好食😋而且擺盤都唔差👍🏻 特別要讚下個risotto, 真係唔油，飯夠淋身，而且好足雜菌，呢我呢vegetarian 黎講真係好正。 個意粉都好夠味，好吸晴。 豬扒個網紋燒得好靚，食落唔乾，岩曬食肉獸。burger 搭條青瓜好funny 🤣Bean 一向質素唔差👍🏻合乎期望👏🏻

今日放工經過哩間餐廳 睇睇餐單款式都多同平時去食連鎖西餐廳下午茶差唔多價錢 之後就入咗去試試 大家睇下啲相就知啲食物都打得下卡 叫咗兩樣野食分別係黃金蟹意粉同埋豬骨肋骨漢堡 意粉軟硬適中 不過味道個人覺得偏淡 個蟹蓋感覺似道具 因為都感覺膠膠地 漢堡個度就麻麻地 可以因為係用豬肋骨拆肉整 啲肉一絲絲都鞋鞋地 環境都唔錯坐得都幾舒服 性價比都幾高 非常適合鍾意打卡人士 因為見到其他食物都好吸引下 唔食野飲杯野都唔錯 有機會都會再來試試

同友人喺西貢出到將軍澳諗食乜醒起BEANS喺Popcorn有分店就試吓去Walk in睇吓有冇位下午差唔多四點依然好旺場嗌咗一個下午茶餐千島醬蟹棒蟹子帆立貝pizza $76正常發揮主菜係士多啤梨窩夫 $58諗返起幾年前第一次去荃灣BEANS食呢個窩夫 果陣覺得驚為天人地好食 所以今次未坐低就已經諗住encore 擺到上枱打咗一輪卡先捨得食個冬甩shape嘅窩夫實在太太太太太軟熟 夾埋其他toppings 食好好味 重點係一啲都唔貴 cp值好高食完十分之滿足如果BEANS開分店去港島就好喇🥰🥰

「3D立體貓貓咖啡」Address: 荳子 (PopCorn) (將軍澳)將軍澳唐賢街9號PopCorn商場1樓F95號舖大家應該見到我成隻貓咁嘅姿態，應該知道我係一隻不折不扣嘅貓奴！今日去開將軍澳就嚟咗呢一間beans去食個light lunch同講是非。價錢都係正常價錢，食物水準都係正常嘅，但係我係真係為咗隻立體貓而嚟㗎！但係隻貓⋯⋯可能餐廳已經太耐無人主動要貓，佢已經生梳晒，變咗隻北極熊呀陰公豬。😝性感指數：💋💋💋/5

本人同身邊嘅朋友都好鍾意食beans，尤其是佢平時啲下午茶真係好抵食，最鍾意就係佢地嘅粗薯條，今日試咗呢個包都好正，望落以為會好乾，但入面夾住肉有好多肉汁，所以食落好juicy, 佢嘅份量連男仔都覺得飽㗎。

📍 Beans 約咗朋友係將軍澳吹水，見到Beans冇乜人排隊就去咗食tea,因為我個陣未食過野就叫咗個All Day breakfast +20數要多個沙律🥗兩位朋友就叫左杯rose latte 同cappuccino! All day breakfast 窩夫係好食嘅一放上枱已經聞到佢嘅香味好吸引，黑杯露炒蛋都好食，好濃烈嘅黑松露但又食到蛋香，其他嘢就普普通通，但係成碟嘢最扣分係煙三文魚，難食到我吐返出黎！🤮Beans 要處理一下，冇三文魚味，又出晒水，佢係熟同唔熟之間，同埋食落仲有啲冰！好複雜😵‍💫Rose latte 朋友見到有3D 貓嘅泡泡就叫左一杯打卡等左半個鐘黎到完全唔覺得係一隻貓，似熊仔多啲😂係杯latte 加左玫瑰花，少少玫瑰味🌹Cappuccino 好飲嘅啲奶泡滑嘅！🙈

每次去必點龍蝦湯！呢到嘅龍蝦湯上菜時幾有心思，係會比個裝着海鮮同料嘅湯碗你，然後會喺個茶壺到倒出龍蝦湯落個湯碗咁，真係好有儀式感！雖然呢度嘅龍蝦湯嘅料就比較少啦，但係飲落去都好有味道值得一試啊

唔怪得之成日都咁多人排隊！其實每次經過都想入去食，奈何太多人排隊，帶住個小朋友等咁耐始終唔係咁方便。 今日見到人唔係咁多，排咗一陣就入到去食。 環境舒適坐得舒服， 感覺空間唔會太迫，侍應服務亦非常禮貌，可能因為是午餐時間，所以用餐時間只限90分鐘，不過呢一個lunch同個女都真係食得好開心。「黃金蟹肉意粉」$78淨係咁賣相都值回票價，蟹肉多而且意粉軟硬適中！而且非常好味！ 白汁加左咸蛋黃味道有同蟹肉非常之夾！ 而且質感亦都唔錯。 「千島醬蟹棒蟹子帆立貝薄餅」$76作為一個厚批底，個批底仍然好鬆軟，醬汁唔會特別多，但係啲帆立貝就真係多！好味道，而且非常之適合小朋友食。

見之前有唔同frd都介紹beans, 今日行街經過就試下叫咗一碟$78黑松露軟殻蟹意粉，尼到嘅時候幾香，貌相都唔錯，但點知一食....淡而無味. 我同男朋友r哂頭，唯有叫waiter俾鹽同胡椒我哋自己加番先叫有番味. 真係有啲失望😥另外見佢夷家同Häagen-Dazs合作，推岀咖啡+雪糕set, 其實$48都算合理，加上係雪糕fans, 所以就叫黎試下. 但等咗一排都未尼，就問其中一個waiter幾時到，佢一聽就答: 呢個係要整耐啲咖. 我再問佢大概要整多幾耐 我有少少趕時間，佢就問個咖啡師，然後個咖啡師就答5分鐘內整到😂 我再等啦，見佢好快沖完杯咖啡，再拎個雪糕筒，然後就一邊不雪糕一邊同啲員工吹水！！hello???原來要啲時間就係俾你哋吹水？其實幾句都ok, 但佢哋傾成幾分鐘，仲要見到佢不球雪糕都幾馬虎，放上個雪糕筒個時睇落都好易跌下，但佢完全冇諗過重新整過一球完整小小嘅...就直接俾啲waiter上菜... 我又再失望多一次🥲我試飲杯咖啡，普普通通，好多冰，起碼佔成杯嘢飲嘅三分之一. 至於雪糕，食完上面’球’雪糕之後就要乾啃個筒😑 如果你都係雪糕fans, 你應該會明白我嘅感受.

🍽Beans the backyard今次呢間beans cafe聯同#我想和你無所事事 整咗個crossover🤠beans cafe跟餐嘢飲可另加錢轉飲😛感覺好新穎✨千島醬蟹棒蟹子帆立貝薄餅 $102估唔到既係佢個餅邊食落去係好脆口既😧仲以為會係好硬既添 整體上都ok👍🏻黃金蟹肉意大利粉 $108蟹膏味好濃 食落去好creamy🤤小編幾鍾意呢個意粉嘅口感 唔會太軟/過硬😛食曬成個意粉會好滯😂黑松露薯條 (跟餐+$25)黑松露醬好濃 整體上正正常常🤣黑糖珍珠鮮奶拿鐵 ($29-8)珍珠嘅口感好Q彈🤣黑糖味同鮮奶都好夾🤤初夏初戀總是美荔枝桂圓四季春 ($32-8)呢杯感覺飲落去好清新✨荔枝味都好突出🥸

1730去到仲有午餐set叫，午餐至到1800，好人性化🤭叫咗兩個午餐，一個正價餐，雞胸肉藜麥飯，好食，味道好夠，雞肉都煎得好香🐔牛扒七成熟，好食～🐃牛扒底啲蔬菜都好好食～🥦千島海鮮pizza，個批底好鬆軟，🍕好食～～～蜂蜜檸檬好飲🐝🍋加$25車打芝士薯條,好好食❤️🍟食物好食，賣相靚～叫咗三個餐，埋單連加一$500，抵食又好食🥰員工服務好好，值得一讚❤️食得開心❤️❤️無嘢挑剔～～下次必定再來🥰

#去到邊食到邊系列 #將軍澳食咩好_🌟黃金蟹肉意大利粉 🦀🍝$108味道正常，覺得遜色咗少少，因為味道比較淡冇乜味，鹹蛋同蟹肉嘅味道唔係好出，但係個賣相真係好靚好吸引👍🏻_🌟千島醬蟹棒蟹子帆立貝薄餅 $92🍕🍕薄批！🥰芝士熱辣辣可以拉絲，千島醬嘅薄餅真係冇得輸！其他材料都好足，味道唔錯，兩個人食每人兩塊啱啱好~~_🌟Caramel Banana Waffles 🧇 $58材料超豐富，有蜂蜜窩夫、焦糖香蕉🍌、菠蘿粒🍍、吉士奶油、雲呢拿雪糕、純乳酪(˶‾᷄ ⁻̫ ‾᷅˵)兩個人食都好夠，佢個窩夫唔係一格格嗰啲，係圓形好似bagel咁，雲呢拿雪糕係Häagen-Dazs🍦有埋菠蘿酸酸甜甜好好味😋_🌟YUZU 柚子芝士慕絲、焗伯爵茶芝士蛋糕 $42 (套餐+$25)🍰味道唔會太甜唔會好漏，芝士味道好濃郁🧀超正，全部野嘅賣相都好靚，加上伯爵茶係我嘅fav🤎__#意大利粉 #芝士蛋糕 #手工薄餅 #柚子芝士蛋糕 #伯爵茶蛋糕 #beans #waffles 荳子 (PopCorn) (將軍澳)將軍澳唐賢街9號PopCorn商場1樓F95號舖

見佢而家同隔離台式飲品-我只想和你無所事事crossover緊😯就入咗去醫下肚同試野飲😛冇記錯嘅話好似係嗌主食再叫嘢飲就原價減$8～GG黑糖珍珠鮮奶拿鐵 ($29 -$8)成餐飯最鍾意就係杯嘢飲😛🤣🤣 珍珠軟熟彈牙，嘢飲嘅甜度會有啲偏甜 但唔係好假嘅死甜味 小編喜歡🥰初夏初戀總是美荔枝桂圓四季春 ($32 -$8)相比起黑糖珍珠鮮奶，佢飲落就清新好多💓荔枝味會比桂圓突出 千島醬蟹棒蟹子帆立貝薄餅 （$102）佢個餅底網落好大個好厚 但原來食落都幾香脆😯😯不過我覺得佢個千島醬唔係咁好味 冇咗嗰種追吃感 食幾啖就有啲濟😥 整體來講不過不失啦唔會話特別推介～黃金蟹肉意大利粉 (忘記咗價錢🥲～$110？）呢一道菜已經食過好多次～蟹膏味好香濃 面條掛住濃厚嘅忌廉汁真係好滿足🥺 不過又係好滯嘅一道菜😂😂一定要同朋友share 先可以試多啲唔同野黑松露薯條（add on $25）黑松露醬好濃郁～ 薯條就略嫌外殼硬身咗少少 不過整體都屬於中上💓