荳子 (PopCorn 2)

营业中

休息中

每次行過見到都係排長龍，心諗係咪真係咁好味。點知有朋友話想試，唯有拖埋阿女排隊同佢癲。都算唔係等得太耐就有位入去喇。侍應好好，知道我帶BB，熱心地安排合適的位置。到正餐上場，真心推介焦糖雞翼，外面脆卜卜，裡面好入味。（好味到掛住食唔記得影😂）其他意粉同燒乳豬不過不失。*我杯mocha smoothie 都好好味整體唔錯，可以再encore

唯一好嘅系環境，食物本來冇特別期望，事實都只係不過不失。主要想講服務，好似好多員工，但全部唔識serve等運到, 踢一腳先郁一郁。坐底好耐，唔會問要不要order, 冇比水，食物到明知係share (係小食拼盤）但冇比碟，當然之後也冇再加過水，叫左甜品但被忘記左。.............另外咖啡都只是普通。。

一般不俾差評，但今次真是食得幾難受。同朋友約晚餐，朋友選定Beans，來过一次覺得記憶尚可便再次前來，沒想到打破了所有好印象。今次叫咗一個軟殼蟹意粉，一個開心果豬肉餃，一個蟹肉牛油果tata。蟹肉牛油果tata無功無過，開心果豬肉餃又咸又creamy极为重口，空調開得很大的餐廳環境里馬上就凝結了無法入口。軟殼蟹意粉等咗一個鐘頭別的都吃光还未上菜，旁邊來得晚的桌甜品都上了，催促了三四次。唔應是這個價格應有的食物同服務質素！

七點令鐘黎食，都係例牌要排隊，不過都唔算要等好耐。今晚嗌咗個單骨蜜糖雞翼、安格斯牛肉漢堡同墨魚汁海鮮意大利飯。蜜糖雞翼大推介！好入味！而且單骨方便食啲。安格斯牛肉漢堡牛肉就麻麻，牛肉冇乜肉味，較硬，但係芝士同塊包係幾好食嘅。至於墨魚汁海鮮意大利飯就不過不失啦。不過食物整體嚟講幾好，而且環境幾舒適，啱哂撐枱腳！服務態度都好好。

好味！食完會掛住，我住坑口都要專程踩gobee bike 過去食，雖然經常要排隊但係食物質素高價錢又唔貴，基本上樣樣都好食，如果攞埋酒牌襯返杯啤酒仲正，係飲品比較少選擇啲，但係嘢食就樣樣都好味推介推介

「宇治金時」 ($48)評分；8.5/10.Beans 嘢食出名精緻有心機，今次小試牛刀淨係嗌佢嘅甜品食吓。其實價錢方面比想像中平。呢個價錢其實去糖水舖食 waffle 都係差唔多好欣賞玻璃杯入面芝士燒同綠茶布丁混合嘅設計。望落靚之餘睇得又食得😋 芝士燒似 moose 唔會 creamy 到好似 cheesecake 咁，柑仔嘅酸味亦令甜品更加清新。綠茶碎餅作為點綴好適合，而且增添咗香脆口感👍 餅乾偏向茶味濃但唔甜，好低調咁起到中和作用。雪糕唔算話好驚為天人🤔，但用嚟襯托玻璃杯入面嘅主角又岩岩好。😀 整體上成個配搭感覺都好得宜其實本來想嗌嘅係包括呢個宇治金時在內嘅三色抹茶甜品拼盤，但佢落單時好似誤會咗我意思 (?) 😂 結果俾咗三份一嘅甜品我。不過算啦呢個價錢食到咁精緻嘅甜品都值得嘅

行完山到附近搵野食，呢個餐廳好多朋友都提過，但次次見到條人龍就唔想食，今晚見到人少少就試下，價錢貴但食物質素中規中矩，有少少失望😞凍朱古力👍🏻👍🏻👍🏻朋友叫既，朱古力味濃唔係得個甜字，有驚喜！孜然雞翼👍🏻👍🏻👍🏻一入店，聞到隔離枱叫左呢度小食，就忍唔住叫左，果然冇失望，十分惹味！黑松露燒春雞👍🏻有啲失望，因為一上菜，聞唔到黑松露既香氣，食落去黑松露味又唔重，只係普通既燒春雞，扺讚既係佢有好多菜同薯仔，均衡飲食！意大利豬肉雲吞👍🏻好普通既白汁雲吞，好既地方係佢有西蘭花同蘑菇，繼續努力！

星期六日出街食飯，排隊等係指定動作。等候時間約需30分鐘。由點餐到食物🍝出場也需要10-15分鐘。食物外觀及味道也不錯，但食物份量少得可憐 （比一個女士拳頭👊🏻更小，大家都在🏃🏻‍♀️keep fit?) ，吃完後，胃部仍覺空虛之前平日有set lunch比較抵食

「Beans 荳子」的人龍長年累月都排長龍，有次和「莆田」更邊排，排了許久都等不了，卒之去了莆田。今次到沙田看家俬，難得算早，排了大半個小時，終於吃到。比起「Simply Life」，「荳子」比較大碟，菜式味道賣相都非常不錯，而檸蜜和冰茶是各自特式。沙律 - 新鮮！軟殼蟹黑松露意粉 - 非常讚！軟殼蟹很脆口，一隻分兩半，2人share剛好。碟子放下已聞到黑松露香，配上意粉，非常好吃！牛柳絲意大利飯 - 牛柳絲一般，不夠淋，味道一般。凍檸蜜 - 非常貼心，拌匙是木的，不用鋼鐵，不會令蜜糖失效。夠蜜糖味！好喝！紅桑子拿破侖 - 非常好味，幾次來都是選這個甜品！其他的蛋糕不太吸引。凍檸蜜跟set，蛋糕加$25，沙律加$20/28，埋單只要$290。好味又不貴，內裹裝修又green又young，怪不了長龍不斷！

今晚去將軍澳食母親節晚餐，本身想去另一間，但因為太多人所以改估食Beans, 去到時都已經有人龍，但好似都唔係太多人就改排呢間呢間之前已經食過，不過係荃灣店，印象幾好今次又encore la六個人叫左五個餐，再加一個沙律一個芝士薯條，超飽同滿足跟餐加$20叫嘅芝士薯條，比想像嘅普通跟餐+$20凱撒沙律,呢個幾抵蕃茄汁牛柳絲意粉，呢個好夠蕃茄味，而且上枱時都仲熱，好好味小食拼盤竟然咁大盤，個肉醬薯條出奇地夾同好食，蜜糖雞翼好好味，d蜜糖多到吉起時都難，會痴實隻碟窩夫好正，出奇地香蛋味，外層又夠脆，仲有兩款醬自己揀，個鴨我唔太識欣賞，但好似話好和好正，其實我個人覺得太淡all day breakfast, 好豐富呢個pizza係最普通但總括黎講真係讚多過彈，有機會要再encore

平時經過都見多人排隊，但一直都冇機會食。終於（？）有朋友約喺將軍澳，咁就不如試一試啦！一樣要排隊，但傾下講下，商場內有冷氣又唔太日曬，時間都唔難捱。👌🏻排緊時睇左食評，甜品，all day breakfast 同立體拉花咖啡都吸引⋯坐低諗左一排先決定到食咩：叫左個多士+意粉，一人一杯咖啡。 唔記得影意粉⋯一黎就叉左落去😂 外觀正常，味道正常，係好味既🙂至於咖啡同甜品，靚仔靚女d，所以冇忘記影😜玫瑰咖啡☕️：聞落小小玫紅味，飲落更覺。咖啡味唔錯，唔太濃唔太淡（冇因太濃咖啡因而特別心跳，亦唔會淡到淨係得玫瑰/奶味）下次可能會再嗌😇立體拉花咖啡☕️：冇試飲，但影相靚，放落枱嗰下‘好得意呀’ 都夠啦係咪？我嗰杯☕️ok，其他咖啡應該唔差得去邊嘅⋯甜品：茶多士lava toast ：切開真係流出黎㗎😆麵包夠脆，lava 唔太甜👍🏻👍🏻我幾鐘意～有機會一定再食～可能試下另一款lava ? 😋

每次都見到門口一大條隊，好多人，今次七點幾到，等左25分鐘左右就有得入。裝修好靚，環境好舒服，好岩約朋友食個飯傾下計。嗌左個3D拉花既焦糖燉蛋latte😋😋勁靚好Q🤩🤩🤩每枱限嗌一杯3D拉花🤪 另外野食方面嗌左小食拼盤，水牛芝士pizza，烤豬仔骨半份，同埋黑松露野菌意大利飯。小食拼盤好豐富🤤有黑椒單骨雞翼，蜜糖烤單骨雞翼，肉醬配薯條，炸洋蔥圈。雞翼外皮烤得好脆，好入味，超級惹味！薯條好大份，薯量多，又脆又足料。另外水牛芝士pizza芝士拉到絲🤤啖啖芝士好幸福🤤麵包好軟熟，正！而邊位又夠脆！烤豬仔骨，半份都已經好大份！！肉質有啲過左火，少少鞋，唔夠淋。不過個醬汁好好食！！底下亦有好多薯條最後黑松露飯就唔錯，重黑松露味，菇都多。呢度既侍應好勁，落單唔洗抄低，就咁記到笑容仲好好！侍應服務態度好係會令成餐飯加分

講真食過幾次都覺得食物唔錯，有啲服務員態度亦好好，個個都好smart,佢日日人竗都長。今次，我終於享受到佢地嘅下午茶，真係好抵。兩個人食咗四個餐都係二百幾蚊。我一定會再嚟

一直都想搵機會試下呢間CAFE, 可惜每次經過都係大排長龍, 難得平日放假又未係其他人放飯時間, 可以直接入座!機會黎啦.............飛雲............仲唔入內坐底咩?! (哈..哈......)呢度嘅環境開揚又有自然光入內, 感覺幾令人舒服, CAFE就是要這種感覺及氣氛午市套餐由朝早11點至下午6點, 有多款食物 (麵飽/意大利粉/薄餅/意大利飯/漢堡飽), 價錢都係幾十蚊就有交易, 抵食喎!點了呢客燒黑椒牛肉水牛芝士帕尼尼配薯條 ($58), 份量豐富, 除左原條帕尼尼外, 仲有薯條及沙律菜!主角帕尼尼焗至熱辣脆身, 已切成二件方便進食, 入邊夾住塊燒黑椒牛肉, 牛肉食起黎有濃香黑椒味, 唔算太乾身; 仲有熱溶左嘅軟滑芝士, 倍感滋味!薯條炸得夠乾身唔會油淋淋搞到好快變軟; 食埋個沙律菜平衡番個飽嘅乾度, 實在太滿足餐飲包美式咖啡/檸檬蜂蜜/黑糖薑母茶, 選擇美式咖啡, 杯子精緻, 奶壺仔係暖過嘅, 咁就唔驚倒奶之後令到咖啡變凍, 細心位咪呢D囉!  杯咖啡坦白講普通水準, 咖啡味OK, 用黎止住條咖啡癮係合格嘅!

有朋自遠方來，不亦樂乎！天氣晴朗的星期天，相約由海外返港省親的朋友，來到將軍澳 PopCorn 的輕食意式餐廳［荳子］吃午飯。今次已經是我第三次幫襯這間餐廳，根據過往的經驗，我們11點多鐘就到達了餐廳，排了大約十幾分鐘派到了一個近窗邊的圓檯，過程還算順利👌。三位女生點了三個餐跟三個甜品一起share，外加三杯特色咖啡☕。［芝士焗西班牙辣肉腸茄子薄餅包］HK$ 88 另收加一。碗中裝滿熱辣辣的芝士焗肉醬茄子，上面鋪著一個半熟太陽蛋和四片西班牙辣肉腸，用新鮮出爐的薄餅，蘸著醬吃或者是將醬抹在薄餅上吃，不失為一道濃郁香口好吃的主菜🍕。［黑松露軟殼蟹意大利粉］HK$ 98 另收加一。由外觀已經見到有足夠量的黑松露配合著芝士、忌廉和蘑菇，緊緊裹住碟中的意粉，加上那隻炸得酥香，肉質細嫩的軟殼蟹，這種香濃與鮮美的層次感徹底征服了我們的味蕾😍。［小食拼盤］HK$ 118 另收加一。大大的拼盤中有香脆的［啤酒洋蔥圈］、新鮮炸出爐的［薯條］和厚厚的肉醬、醃漬過的濃味微辣的［香辣雞翼］和外表脆脆甜甜的［焦糖雞翼］，這兩種味道的單骨雞翼雖然味道各異，但不變的是雞翼的肉質嫩滑帶汁，實屬美味之選👍。女生聚餐，一定