茶魚飯后

茶魚飯後這間店挺有古早氣氛，雖然不盡是我杯茶，但應該有人欣賞和喜歡。這裡頗像高級三餸飯。點了椒鹽豬扒豆角，味道比想象中好，趁熱吃真是不得了，豬扒又香又嫩皮有帶點脆。豆角軟綿綿，很腍，容易入口，蒜等料頭很香口，不會覺得它辛辣，各司奇職，很好吃。建議趁熱食用，否則豬扒會變得硬韌，皮也變得沒那麼脆。這道小菜有驚喜，我喜歡。凍朱古力有點失望。明明點了少冰，但都覺得味道淡，是加水稀釋了的味道，明顯不夠濃郁，而且有種鐵鏽味，想不到最基本的反而炒車。亦點了黑椒茄子牛仔骨。黑椒的味道稍重，我個人覺得可以輕手一點， 點到即止便可。茄子夠軟，但煎炸得不夠香口，還有再更好吃的空間。牛仔骨相當嫩滑，比較難咬斷， 斷口性如果再改善就更好了，例如可用刀背先剁幾刀以助咀嚼，這個老人家來說比較重要和更貼心。蒜子則炆得很軟糯，不用怎咀嚼，是到位的，而味道方面可再炆久一點讓它更入味。二人餐份量算合理，茄子煲真心比較細煲，還好我們食量並不大，而豬扒則好吃，覺得意猶未盡，但都算是挺滿意的，兩碗白飯就沒有什麼好爭議，建議點一些比較下飯的餸菜，椒鹽豬扒比較乾身，雖然好吃，但不算很下飯就是。…查看更多

連續3日，到今日真係忍唔到3/9下午茶餐 叉燒韭黃炒蛋，食到一半有類似鋼絲刷入面嘅鋼絲係蛋入面，補番餐蛋治俾我，算數4/9豬軟骨餐肉煎雙蛋飯黎左 豬柳漢堡餐肉煎雙蛋飯同佢講黎錯，佢先話無豬軟骨。話咗佢兩句，照食。5/9咖喱牛腩飯，黎咖喱牛肉。一問，又係無哂牛腩，又唔_講？唔打感想，唔會再有下次。以上敘述如有誇張，歡迎對質。…查看更多

今天約了朋友在附近吃飯，沒想到彩明中心3樓的這間餐廳都頗多人去食午餐，而餐廳的裝修以卡位為主，中間有圓桌，藍色沙發搭配古色古香的階磚，給人一種復古的氛圍。菜單上選擇豐富，不僅有燒臘，還有魚蛋粉、雲吞麵、小菜、煲仔飯等多種茶餐廳經典美食，但價錢偏貴一點比起將軍澳區。我點了出前一丁麵，可選三款餸：豬扭漢堡、煎蛋、火腿。面條彈牙可口，真是美味！朋友則選了**叉燒蛋飯味道不錯，但份量稍微少了一點，飯也有些冷。飲品方面表現尚可。叉燒蛋飯 （$57）🍵 熱檸水全日一丁餐豬扭漢堡、煎蛋、火腿 （$52）☕️ 熱奶茶📍茶魚飯后（彩明）地址：將軍澳調景嶺彩明街1號彩明商場3樓307A號舖 交通：港鐵調景嶺站 A1 出口，步行約4分鐘…查看更多

今晚返去食飯四個人又唔想煮去到茶魚飯甜后見到得二人餐，但冇四人餐就不如叫兩個二人餐，四個人食啦佢個二人餐有好多野食包兩個餸，兩個白飯🍚🍚兩個中湯，兩杯飲品🧋🧋仲包多一個菜🥬✨京都肉排🥩肉排有六大塊有菠蘿🍍，洋蔥🧅墊底個汁又酸又甜同啲肉排撈埋一齊，好開胃✨魚香茄子煲🍆茄子同埋肉碎份量好多茄子唔會煮到好淋茄子好掛汁，好好食✨沙嗲肥牛粉絲煲🐮🍲打開蓋就聞到好香沙嗲味肥牛同埋粉絲食極都仲有亦有三色椒墊底🫑🌶️🥕撈飯一流✨潮式煎蠔仔餅🦪蠔餅摺埋咗，有三層每層都有好多蠔粒同埋芫茜🥬炒埋一齊又鹹又香✨白飯🍚🍚中湯🍵🍵白飯中湯各有四碗每碗都係滿滿的中湯飲落唔鹹✨餐飲🧋🧋凍奶茶，凍檸茶各兩杯全部要求走甜，都有走到✨蠔油菜心✨腐乳通菜菜嘅份量合理煮到剛剛好，唔會太硬冇青草味又冇渣二人餐加埋個菜等於二人餐有三個餸🤟🏻亦有白飯中湯餐飲好有誠意店員態度好好，好有笑容😄二人餐性價比亦高外賣自取亦有優惠🤟🏻會繼續幫襯👍🏻…查看更多

20/07/2024去將軍澳調景嶺彩明商場嘅「茶餘飯後」食晚餐，我哋兩個叫咗個二人餐，分別嗌咗椒鹽鮮魷同小炒王（因為見到隔籬嗰碟炒得好靚好多料，之後問左侍應係咪小炒王先落單），跟住上咗湯同嘢飲之後就嚟錯左個尖椒腩片，之後同番侍應講佢落錯單，搞左一陣之後換番單，然後椒鹽鮮魷嚟⋯嘩！成浸油溢味！我完全睇唔出佢係椒鹽鮮魷？！一係炸過龍，一係番炸，仲有D炸粒係凍！咁嘅樣，完全以為自己食緊第二樣嘢，仲要係食緊碟返炸又番炸嘅油溢野！咁我都忍佢🥹之後終於嚟小炒王，嘩！仲嚇死我😳呢碟叫小炒王？幾條西芹油淋淋上邊撻兩條老魷再加幾粒鹹到不得了嘅蝦米，難食到嘔又鹹又油😤而且完全唔係小炒王！連啲腰果都係淋🥲好作嘔🥹跟住見到經理行過忍唔住同佢講話啲食物質素真係好差，我話：「唔緊要我係同你反映啫，錢我照俾。」跟住個經理就即刻發爛渣話唔啱食就換，又話從來冇人投訴過，就收咗兩碟餸，跟住再叫我哋再嗌過！佢係非常之大聲呼呼喝喝，我話你可唔可以細聲啲我唔係聾嘅，佢話「我係咁㗎啦！」咁跟住我話咁你俾個餐牌我啦，佢話喺呢度㗎啦！我話咁你推介我啦，費事一陣間嗌返嚟又話係咁㗎啦😤佢話咁咕嚕肉囉，而且仲專登越嚟越大聲，跟住我終於忍唔住大聲番過佢，然後佢就話使唔使咁大聲，我話你咁大聲我唔大聲驚你聽唔到🤣跟住我就話唔食啦！買單走人啦，之後佢仲喺度呼呼喝喝又話唔使嚟俾錢，不過我哋照樣俾錢。之後去廁所行過離遠仲聽度佢係度鬧緊！我忍唔住行返入去睇返究竟佢叫咩名，原來係叫唐X 鷹經理，跟住我問佢攞返張單收據。再之後，今日我上OpenRice一睇⋯嘩！！！原來好多人投訴佢哋食物質素同埋啲服務態度差！尤其是個經理非常之差，唔明白點解個經理仲可以生存咗喺呢間餐廳咁耐？同埋啲食物質素比人投訴咁耐仍然都冇改善？…查看更多

豆腐火腩，打個唔知乜嘢欠啲獻，獻汁杰到可以黐牆紙，黐埋一嚿，血肉模糊得過咸字。肉質鞋颯颯，絕對唔係燒腩部位；反而樓面阿姐服務還可以。不過食嘢唔係食服務，半年內唔會再幫襯！…查看更多

服務態度非常惡劣，食物偷工減料，要走配料又冇走，飲品凍奶茶有大半杯茶渣，配料不齊全，外賣餐具該比又吾比，外賣亂咁包，成日包錯曬啲野，次次檢查次次都有錯漏，差評！…查看更多

食物大眾化, 小菜餐都不錯，菠蘿包皮脆分量足，湯粉面檔及格，但服務態度值得讚揚，特別是年長高高的經理，以身作則，禮貌態度一流，帶領全店員工亦態度禮貌很好👍🏻待客之道可作為香港榜様👍🏻👍🏻👍🏻…查看更多

I ordered a ham omelette, however the first time it came there was a hair inside, and then the replacement had 3 eyelashes inside! (Context: I went with 4 friends) We ate $53 dollars each, so total $212. One of us used octopus to pay for the meal, and three of us paid cash. I gave the Cashier $120, my friends gave $55 and $53 each. To my utter disappointment, the cashier gave us $16 dollars back in change! There was $51 missing. I told her, and she said I was wrong. All 4 of us checked whether we had given her a wrong amount, but we had not. She refused to check if the extra $51 had fallen to the floor, and said she wouldn’t trick students. We went back and forth for 15 minutes, but I left after that because I was busy.…查看更多

😅今日打電話嗌外賣冇睇到時間確實係我嘅問題 2點58 59分先打過嚟啱好過咗3點趕唔切落唔到order我可以理解嘅我只不過多口問多一句仲可唔可以落到order“唔得呀！你睇下依家都零幾分啦！落唔到呀！會俾人鬧呀！”跟住就即刻cut咗線😅使唔使咁唔耐煩咁燥底呀？ 我諗都唔至於咁大脾氣啩？我打過嚟嚟嗌外賣咋 唔係搵仇家呀 以前嗌咁多次都未試過遇到你咁嘅態度如果你壓力大心情唔好麻煩你唔好聽電話啦 放假俾自己休息啦 嚇到我以後都唔敢打過嚟叫外賣啦😅真係諗都諗唔到我openrice第一條評分居然係因為啲咁嘅事祝貴店愈做愈好啦😅…查看更多

之前帶小朋友參觀完消防局經過這家餐廳，看到還有下午茶叫了個焗腸仔肉醬意粉 $52還有金菇肥牛炒烏冬$50價錢也是正常茶餐廳收費但食埋個肉醬意粉味道也有點奇怪，不太好食🤮應該不會再有下次…查看更多

由E一間茶餐廳係彩明苑出現開始唔嬲都會去幫襯原因只不過係唔想行遠啲去再搵茶餐廳, 一路以嚟有好嘅員工有唔好嘅員工,食物又唔係話好好食,只不過係一般,但係員工嘅態度真係好過份不過大部份都係冇嘢嘅,最黑人憎嘅只不過係經理對住自己嘅員工又唔好禮貌,對住啲顧客又係好無禮貌,我真係好想問經理大曬？ 連尊重別人都唔識,真係不知所謂,最想提出亦都只不過係經理嘅問題,因為經理而令到顧客唔想再去…查看更多

這間茶餘飯後，外表看來沒有特別，但一試他的早餐之後，真的深深愛上了，大家如果早餐諗不到吃什麼，可以嘗試去這間茶餐廳，都會有驚喜的！❤️❤️❤️❤️有一次早餐去點了他的牛扒吃，牛扒非常大塊，而且牛扒汁都是非常入味，而且我很喜歡吃烏冬，他的早餐會有一個榨菜肉絲烏冬，烏冬都是幼幼的麵條，大人小孩都啱吃，當然不少得是他的奶茶，茶味重，而且香濃，能夠保持茶餐廳的質素✅✅✅✅另外，餐廳門口出邊可以買麵包，每一個麵包都是大大個，像傳統麵包店一般好吃及抵食！…查看更多

中午飯市見無乜人，諗住入去試下，餐廳內本身唔多人，有好多吉枱。咁正常人見呢個情況都唔會想搭枱，點知個經理就話一定要搭枱，仲話食唔食唔食就算數。做左幾十年人，未聽過有餐廳咁招呼客人。#飯市無客係有原因的…查看更多

今日好早做完曬公司所有嘅事,就返將軍澳諗住食lunch,但係返到去都已經下午茶時間所以就去咗茶魚飯后食飯,我就嗌咗個星洲米,價錢都唔係好平,但係個份量都畀到最唔算係一分錢一分貨！屋邨嘅茶餐廳你講嘅話差唔多啦！…查看更多