茶飯廚房

入座無人理，坐低個枱面好多飯，叫先搽枱。試下叫佢皇牌鐵板喎，一試之下係失望。菜式：帶子西冷薯菜，西湯。上枱已經見到塊鐵板係裝飾品帶子一食就知係普通貨色，急涷帶子煎返煮熟。西冷叫五成，上枱已經半塊九成熟左。西冷無牛味仲叫唔叫西冷。有三分一塊都係根鍵位，完全切唔入，只好叫待應換一換，換來一塊普通薄切牛補數........ 大佬，我叫西冷喎..... 算，千祈唔好同厨房佬計較。薯菜未食就收走左，俾返件生番茄。個湯係普通到爆雜菜扮羅宋。上次食佢茶餐係出色，點知鐵板中伏。做唔釨嘅野不如唔好做，專心做好自己出色嘅野啦。寧缺勿濫。…查看更多

老壇酸菜烤青江魚🐟原身清江魚嫩滑、啖啖肉、炸得夠香脆、小骨配料：薯粉、枝竹、萵苣、蓮藕、酸菜、芹菜、辣椒乾湯底比較濃郁😋另加配枝竹同鴨血鴨血比較爽口，索晒湯汁非常入味枝竹口感有咬口😍炸鮮奶🍼外表是用方包，炸到脆卜卜內裏嘅鮮奶帶點甜，也有奶味嘅香大埔名物🥪巨蛋手切牛肉三文治味道超惹味，雞蛋煎得夠香加入左嫩滑手切牛肉，三文治還有烘底。啲野食真係幾啱胃口🥰唔錯唔錯😆仲有好多野未試😍下次必須要再嚟❤️要搵多幾個朋友仔，試多啲嘢先得😂…查看更多

外賣等成半個鐘，唔吹都唔走入廚房問。眼見前面仲有幾張單，張張單都起碼等咗半個鐘以上！做唔切落單時可以出聲同個客要等耐啲。但重點係我落完單之後入坐嘅客都已經食緊但我個外賣未有？返到去個外賣啲野食係凍嘅！吉列魚柳無跟沙律醬，炒蛋天一半地一半，一半炒蛋放喺薯餅上面，一半炒蛋放喺魚柳下面，塊薯餅冧哂。收銀話廚房新手，其實都唔係新唔新手，廚房有冇心做嘢一睇就知，見咁多花牌以為可以試吓，結果無下次，眼見嗰個外賣都係燥住走！！…查看更多

來到大埔工作，看見一間剛開業不久的茶餐廳。就是見它是新開，所以今天便決定去試一試餐廳環境光猛，因為是新開業不久，所以感覺非常新淨，而且裝修設計擺設也有特色，天花層架擺放了舊式80年代小電視，令人感覺新舊交替，既懷舊，也帶有點現代感餐牌上看見「招牌芝士鮮茄焗豬扒」是餐廳推介，既然寫上招牌，又是推介，所以我便二話不說，立即點了「招牌芝士鮮茄焗豬」我叫的是下午茶時段，是屬於輕盈。不過，我覺得份量並不輕盈，一塊大豬扒配上份量都挺多的炒飯。焗飯一要要配炒飯底，這間餐廳已主動配上炒飯，而不是炒飯。再加上大量鮮茄汁，令每一啖飯，也不會很乾。豬扒亦煎得香脆，整個「招牌芝士鮮茄焗豬扒」都很美味…查看更多

大埔運頭塘商場新開咗間「茶飯廚房」，裝修光猛乾淨，坐得幾舒服，唔會逼逼狹狹。今次試咗幾款基本嘢，睇下佢基本功得唔得。巨蛋手切牛肉三文治個名係誇張啲，但件蛋治真係有驚喜。麵包烘得脆身，入面嘅炒蛋夠厚身，咬落去仲有少少流心。手切牛肉唔係求其用碎牛肉，真係有肉味，同蛋嘅滑溜夾得幾好。係茶記少見有誠意嘅三文治。乾炒牛河一上枱就聞到鑊氣，河粉炒得夠乾身，唔會油淋淋。牛肉醃得幾嫩口，芽菜同蔥段嘅份量啱啱好。唯一挑剔係豉油可以再落重手少少，味道會更出。焗豬排飯個茄汁底調得幾平衡，唔會太酸或者太甜。豬排厚度適中，咬落鬆化，唔會韌。飯底炒過先焗，有少少焦香，呢個細節位做得幾好。梅菜扣肉飯呢個係傳統口味，五花肉炆得夠淋，梅菜嘅鹹甜度剛好，送飯一流。如果鍾意食濃味啲嘅朋友，應該會幾滿意。總括來講，雖然全部都係常見菜式，但每樣都做得穩陣，有啲位仲有少少驚喜。新開張有咁嘅水準算係唔錯，可以encore。價錢都係大眾化，lunch time經過運頭塘不妨試下。📍大埔曉運路10號運頭塘商場地下26A及26B號舖…查看更多