茶走

「茶走」係香港茶餐廳的術語——以濃香煉奶取代尋常用嘅淡奶，調出更醇厚、更絲滑的茶底。同朋友經開旺角買嘢，見到呢間「茶走」，心諗茶底應該有小心思，地道港味帶入現代手搖杯，幾得意，試吓先！店舖同時有幾款小蛋糕售賣，啱晒行街行到攰攰哋，喺鋪頭出面張掛牆式小長枱前，飲杯奶茶嘆個cake唞唞。眼見茶飲店仲有偶像明星佈置應援，撞啱係自己鍾意嘅明星應該幾開心！✔️黑糖珍珠奶茶$30煉奶入茶感覺真係順滑啲！而且煉奶和紅茶比例啱啱好，加上烤黑糖的焦香味，香香甜甜，作為奶茶愛好者嘅我表示不錯！✔️荔枝青茶$36荔枝清香和靚茶茶韻配合，杯底仲有新鮮荔枝肉，清涼解渴。✔️阿華田脆脆盒子$34充滿麥芽可可香的阿華田慕斯，與輕盈鮮奶油、軟綿綿蛋糕層層交疊，頂部仲有脆粒，有多重口感。✔️提拉米蘇$34近期最鍾意嘅甜品係提拉味素，真係去到唔同地方都要試吓。呢間嘅提拉米蘇都唔錯，可可粉的微苦正好中和甜品嘅甜度，不會太甜，奶香又突出。…查看更多

和友人行街口渴想食嘢，旺角最出色就是乜都有，有間叫茶走，唔通係茶餐廳嗰啲？！食件cake飲杯野慢慢聊天。🥰.招牌茶走茶餐廳風味，必叫之選！🫶🏻香濃回甘，茶味濃郁，甜度剛剛好👍🏻，原本食飯時想飲，現在剛好。.港式愛玉檸檬茶叫了少甜少冰，店員給檸檬不吝嗇，會問我們需不需要吉檸檬，十分好。😍.港式鴛鴦盒子一層鴛鴦蛋糕，一層cream，面上更有鴛鴦果凍，有口感，滿滿鴛鴦香味，和友人分享好開心。…查看更多

呢幾日真係熱到爆！出街行一陣就已經想搵啲冰涼嘢解暑😵‍💫。岩岩喺「茶走」歎咗一個小時，感覺成個人都chill返晒～ 第一眼見到「茶走」舖名都覺得幾有型，直頭忍唔住要入去試下佢哋招牌飲品！我叫咗杯白桃烏龍同招牌茶走，再加埋一件巴斯克蛋糕做完美配搭。 🍑 白桃烏龍茶香好清新～入口夠清爽，唔會死甜，夏天飲真係正到飛起，適合怕甜嘅朋友！招牌茶走用煉奶整，滑順到痴線☁️，比起普通奶茶更有層次，奶香同茶味夾到啱啱好，飲完勁滿足。🍰 巴斯克蛋糕外層脆脆，裡面滑到入口即融，甜度啱晒香港人口味，唔會食兩啖就膩，配飲品一流～ 整體體驗sooo good！下午嚟呢度消暑超級舒服，環境舒服又唔嘈，特別適合同朋友坐低chill住歎吓。下次一定再嚟試埋其他新口味😋！夏天午後唔想焗住喺屋企，快啲嚟「茶走」涼住歎返杯茶走！…查看更多

平時喺茶餐廳都會叫茶走嘅我最近發現旺角有間叫「茶走」嘅茶飲店絕對可以一解想飲奶茶嘅心！加多件巴斯克蛋糕做下午茶就最啱啦( ´▽` )ﾉ🔸 茶走香港人經典飲品！茶底濃郁有茶香 同奶香完美融合 入口順滑 就算係凍飲都不失奶茶嘅風味正宗嘅港式滋味 🔹 白桃烏龍茶烏龍茶底清香 配上白桃嘅果香令飲品清爽之餘不失甜美 非常適合炎夏嘅消暑飲品🔸 開心果巴斯克蛋糕巴斯克蛋糕面層微微燒焦 帶有香氣蛋糕入口綿密 creamcheese 打至軟滑開心果香氣完美地融於creamcheese內每一啖creamy而不膩 🚩茶走旺角山東街50號地下D及E號舖…查看更多

招牌茶走 $28呢個就係港式茶走嘅精髓。茶走即係加入煉奶做茶底，又滑又香，煉奶代替淡奶令口感更濃郁滑順，煉奶嘅甜度啱啱好，真係充滿懷舊情懷！白桃烏龍 $23清新系必試！淡雅幽香嘅白桃果香與柔和甘醇嘅烏龍茶香交織融合，口感清甜帶豐富白桃風味。茶湯順口唔苦澀，果然喺夏日解膩perfect choice切件巴斯克 $35口感濕潤入口即化，奶香醇厚濃郁。好烘烤出焦糖般香氣，內部半熟綿密柔軟，帶濃郁乳酪香嘅內餡，唔錯喎…查看更多

「茶走」位於香港旺角山東街50號地下D-E鋪，是一家以港式茶飲及輕食為主的小店。店名「茶走」源自港式奶茶的術語，意指以煉奶代替淡奶和糖，帶來更香濃順滑的口感。餐廳環境簡潔舒適，提供多款特色飲品及甜品，適合逛街後小憩或與朋友輕鬆聊天「茶走」雖然店面不大，但食物和飲品的品質都令人驚喜。價格合理，地點便利，適合快速外帶或短暫休息。推薦喜歡港式奶茶和輕甜品的朋友前來一試！🥢招牌茶走💰28這杯「招牌茶走」絕對是店內的必試之選！茶底濃郁醇厚，帶有淡淡的烘焙香氣，煉奶的甜度恰到好處，不會過膩，反而提升了奶茶的層次感。入口順滑綿密餘韻悠長，非常適合喜歡港式風味的奶茶愛好者🥢白桃烏龍 💰23這杯白桃烏龍茶清新怡人，烏龍茶底香醇而不苦澀，白桃的果香自然清甜，兩者搭配得恰到好處。喝起來非常解渴，口感輕盈，適合喜歡水果茶香的人🥢切件伯爵茶巴斯克 💰40這款切件巴斯克蛋糕表現出色！外層微焦，內裡綿密濕潤，芝士味道濃郁而不膩，口感細膩順滑。每一口都充滿奶香和焦香，搭配茶飲非常合適。40元的價格雖然稍高，但質素對得起價錢，絕對是甜品愛好者不能錯過的一款✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻總評：加🔟服務費：❌👭🏻推薦指數：🌕🌕🌕🌕🌖👭🏻回頭指數：🌕🌕🌕🌕🌖👭🏻環境評分：🌕🌕🌕🌕🌘👭🏻服務評分：🌕🌕🌕🌕🌖✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫💰人均消費：$30…查看更多


招牌茶走：
茶走即係加入煉奶做茶底，以前喺茶餐廳飲過，又滑又香，估唔到呢度可以將呢份香滑重現，而且比茶餐廳嘅茶走更滑，更好飲。雖然加咗冰變凍飲，但嗰一份奶茶嘅濃郁仍然保留住，飲落去茶味好出，好好飲！白桃烏龍：
飲唔慣奶茶嘅都可以試吓呢杯白桃烏龍。白桃味同烏龍結合後，烏龍嘅茶香令到白桃嘅甜味變得更加清新。建議可以揀正常糖少冰，咁就唔怕啲冰融咗之後溝淡咗白桃嘅甜味啦！朱古力巴斯克：
朱古力味唔會太甜，食落去好滑，配合埋茶走一齊享用，好夾！！下次嚟想試埋伯爵茶同開心果味！…查看更多

今日同朋友係旺角行街，經過呢間手搖飲品店覺得好特別，所以買左杯黎食先。順便食下佢個巴斯克蛋糕先。我叫左佢杯招牌茶走少甜少冰🩷🩷🩷🩷🩷佢個茶香味幾出色，飲到個奶味都幾順滑，好特別個茶味，同平時飲開既奶茶唔同左。我會比較中意佢呢個茶味。另外叫左杯白桃烏龍🩷🩷🩷🩷🩷佢個烏龍茶係向清香味，唔會太濃得黎個茶味有少少回甘，好正！再配埋甜甜地既白桃香味，夏天消暑飲一流。我哋再叫左個原味巴斯克蛋糕🩷🩷🩷🩷🩷佢個流心做得超好，同埋佢又唔會話太甜過滯，而且芝士味夠濃，同埋咬落去好綿滑。估唔到呢間飲品鋪啲甜品都做得咁出色，下次再食埋其他口味同埋試吓飲其他飲品先。…查看更多

前幾日行旺角發現新開咗間茶飲店 —「茶走」🤩🤩小店主打多款港式特飲🇭🇰，包括招牌茶走、鴛鴦、飛沙走奶、杏仁霜等，好多選擇！即刻買返兩杯試下先～～🍹招牌茶走 $28✨茶走係指用煉奶取代淡奶同砂糖的奶茶，入口香醇奶滑，奶茶味香濃！傳統港式風味，推介大家試試👍🏻👍🏻🍹白桃烏龍 $23✨茶底清新，每啖充滿白桃同烏龍茶的香氣🍑！而且大大杯，飲完好解渴😋😋🍰伯爵茶巴斯克 $40✨小店仲有提供巴斯克蛋糕，有多款口味選擇～蛋糕濕潤綿密，帶濃郁的伯爵茶香！味道甜而不膩，唔錯❤️❤️…查看更多

奶茶茶走 茶走是港式奶茶的變奏 加入煉奶代替淡奶 口感更濃郁滑順 煉奶的甜度恰到好處 不會過膩茶味偏重 帶有微微澀感 與煉奶的甜味形成強烈對比蜜桃烏龍茶 蜜桃香氣清新自然與烏龍茶的香形成層次初入口是蜜桃的果甜隨後烏龍茶的回甘慢慢浮現 清爽不膩 適合炎熱天氣飲 非常解渴朱古力芝士蛋糕結合濃郁朱古力與綿密芝士口感豐富朱古力的苦甜與芝士的鹹香完美融合 入口即化 使用了黑朱古力層次更分明…查看更多

旺角波鞋街最近開咗好多茶飲店，其中有一間具有香港特色嘅奶茶- “茶走”茶飲店。 🤩舖頭裝修好有香港feel ，霓虹燈嘅設計，種貼滿香港明星照。餐牌除咗有奶茶外，仲有唔少沙冰、咖啡等，仲有唔同口味嘅巴斯克蛋糕，選擇多多1）🧋招牌茶走 - 紙杯印有香港街道畫風，好可愛！奶茶夠香滑，茶底夠濃味。 朝早飲返杯一定夠醒神。2）🥤茉莉綠茶 - 紙杯印有香港夜景，好美麗！夏日之選，有清新嘅綠茶香氣，飲落透心涼3）🍰朱古力芝士巴斯克蛋糕 - 巴斯克蛋糕好 fluffy ，有香濃嘅朱古力味。 唔會好甜，做下午茶啱曬！ …查看更多

行咗一陣旺角，真係熱到頂唔順突然同朋友見到路邊一間寫住「茶走」嘅外賣舖，招牌好搶眼，即刻買咗兩杯降降溫☀️呢間喺旺角山東街，同普通台式手搖店有d 唔同wow，主打一啲港式特飲新口味。menu上有招牌茶走鴛鴦、飛沙走奶、菜蜜等經典位，仲有思樂冰再加入台式元素，搞出幾款有趣配搭，好似港式愛玉檸檬茶、西洋菜蜜蘆薈、芋圓杏仁霜咁，都幾有創意～我哋揀咗招牌茶走、港式愛玉檸檬茶同伯爵茶巴斯克，伯爵茶巴斯克係方便帶走嘅切件甜品🍰 招牌茶走，茶味比較醇厚，奶感平衡，整體感覺有啲像茶餐廳水準嘅茶飲 仲點左切件巴斯克蛋糕蛋糕軟滑綿密，芝士味濃而不膩～岩晒做下午茶或飯後甜品…查看更多

呢排天氣好熱，最近經過旺角，好多都係台灣/大陸茶飲店，難得見到新開既港式茶飲店【茶走】就試下啦。招脾茶走：茶底濃郁滑溜，煉奶甜度剛好，唔會太膩～「茶走」冇用砂糖改用煉奶，傳統港式風味，飲完成個人醒神！薄荷巧克力沙冰：夏天期間限定飲品。薄荷清新而朱古力濃郁，沙冰打得好細滑，裏面仲有朱古力碎，多重口感，夏日消暑必飲～切件巴斯克：奶茶味巴斯克巴斯克。蛋糕外層微焦，內裡流心，奶茶味香濃唔假，甜度適中～配茶走一齊食，雙重茶香享受！…查看更多

路過旺角，無意間發現一間港式格調的小茶飲店，霓虹燈招牌好吸睛！店內有張小桌子可供擺放食物，比較適合外帶或短暫小聚～但不得不讚，職員親切有禮，點單速度快，就算人多都無壓力！設計走簡約潮流感，適合打卡，特別有港式風格，很適合逛街路過來上一杯！---🍴MY PICK♡🫖 招牌茶走絲襪奶茶香氣夠濃！煉奶取代砂糖後茶味更柔滑～一喝就感受到港式茶餐廳的靈魂，解渴又不膩，不愧是店內的招牌～特別推薦給港式茶底控！🍑 白桃烏龍茶色金黃，入口清新果香～烏龍茶底香氣突出，桃味不會太甜，炎夏喝起來超爽快！🍰 切件巴斯克蛋糕蛋糕軟滑綿密，芝士味濃而不膩～搭配茶飲很適合當下午茶或飯後甜品～…查看更多

飲咗期間限定既西爪椰汁沙冰 本身以為冇得走甜會好甜 但完全啱啱好 飲到清涼既西瓜味之餘又飲到balance得好好既椰汁 兩者夾得好好 珍珠都好食 終於搵到大陸同連鎖手搖店以為既正野了 推介…查看更多