茶記研究所

营业中

休息中

食早餐我好鍾意食湯米粉，不過唔鍾意食粗身款，鍾意食幼身果隻。我問茶餐廳姐姐，米粉是粗的還是幼的，她以肯定的語氣回答說是幼的，但是結果是粗的，哈哈。粗身的米粉真的一點也不好吃。兩人都要了太陽蛋，太陽蛋OK不太油抵讚，應該是用模具令到佢圓形，所以沒有脆邊。多士是薄多士，牛油是人造牛油/植物牛油，不喜歡。用QR code 下單，多士都可以揀大火，很好。豬扒以前很大塊，現在細很多了。這家茶餐廳早餐的時間很多人，坐了在門口的小圓枱，坐得不太舒適。一定要讚他的奶茶，其實我也是因為他家奶茶是附近比較好飲的，所以來吃早餐。服務不錯的。

茶記研究所茶記研究所門口見到他們的二人餐,168元, 可以選兩餸之外, 還有白飯﹑飲品和甜品, 可謂是高級兩餸飯。他們的優點是一出油塘地鐵站口便見到, 對於我們這種老是趕時間的上班族來說, 真是相當方便, 而且他們的餸菜不像兩餸飯專門店般全部都攤出來, 感覺衛生很多, 因為真的吃過那些兩餸飯店的餸菜已經餿掉, 這樣的用餐體驗很差, 這裡則完全不同。而且他們提供的是非一般的餸菜, 獨特之餘用料又好吃, 例如酥烤芝麻醬豬胺條, 很喜歡這種用心的創意料理, 而且用的是加拿大無激素豬鞍, 用料相當好, 而且不是預製菜, 而是即叫即煮, 所以不是一般的兩餸飯, 而且味道是相當的好, 食完有驚喜。

最近同朋友去咗 茶記研究所 Cha Kee Lab 食晚飯，啱啱新裝修完，環境清新光猛，坐得好舒服，感覺有啲新派茶餐廳嘅味道。我哋嗌咗個晚市二人餐，性價比高，只需$168，有齊：一碟炒時菜（我哋叫咗馬拉盞炒時蔬，辣度啱啱好，炒得香口，菜保持爽脆，送飯一流）兩款主菜兩碗中湯（當晚係瘦肉紅蘿蔔湯，味道清甜，無味精口感）兩杯飲品兩碗糖水（紅豆沙，夠綿密，唔會太甜，食完正好清一清味蕾）主菜方面：半條鹹鮮黃花魚蒸肉餅：魚肉鹹香入味，配埋手打肉餅一齊蒸，啖啖肉香，鹹香味滲入飯度，幾有阿媽煮飯feel。菠蘿咕嚕肉：選用加拿大無激素豬梅肉，炸得外脆內嫩，酸甜醬汁掛得勻，加埋新鮮菠蘿，成碟菜食落幾開胃。整體嚟講，Cha Kee Lab 呢個晚市套餐真係抵食又有質素，餐廳環境乾淨企理，有番茶記應有水準但又唔會太舊式。之後都會再返嚟試其他款式。

最近去咗一間油塘隱世小店，食到幾道驚喜嘅美食，真係要打卡同大家分享一下！🥄 羅宋湯：入面啲蔬菜多，仲有實實在在嘅牛腩粒，一啖落去真係感受到誠意。🍜 喇沙牛肉嘇嘇：麵可自由選擇（嘇嘇/米粉/油麵），湯底香濃，花生味＋椰香味完美融合，牛肉份量足夠🥩 鐵板煎牛扒配煎蛋薯條＋洋蔥汁：牛扒厚切，咬落去啖啖肉感，配埋香滑煎蛋同薯條，幸福感直線上升。🍋 檸檬水：清新解膩，冇苦味，真材實料，簡單但舒服。🍫 阿華田：唔係普通早餐店嗰種稀到似水版本，而係濃厚，好足料，飲完真係有種被療癒嘅感覺。🏡 環境＋服務：店內有播音樂，座位舒適，店員態度好親切總結：呢間店真係有種「食完會記得」的魔力，打算約埋朋友下次再嚟！

今日要出去油塘做嘢，但係又唔係好熟路，早咗到，順便同同事喺附近食早餐，經過見到呢間選擇多，賣相都幾吸引，就入咗去試吓.常餐-香煎雞扒通粉，配炒雙蛋加多士走牛油：炒雙蛋好滑，半年熟狀態，連埋多士一齊食，味道唔錯，通粉份量都唔少，雞扒大大塊，煎得香脆可口， 食完成個餐都已經好飽，還配有一杯飲品勁蔥鹹牛肉炒蛋三文治： 非常足料，中間啲餡超多，咬落啖啖旦香味，大大份，食完好滿足而且價錢都好實惠，兩個餐夾埋都唔使$100，味道又唔錯，值得推介

茶記研究所(香港)地址: 香港油塘高超道38號大本型LG2樓202-203號舖油塘是放工由中環轉mtr 返綠色觀塘線架必經之站！今日心血來潮，走不尋常之方法，在油塘落車行下食完dinner 先返家。qr 落單方便快捷$108 大滿足雜扒鐵板餐，有牛雞豬香腸，加埋一大堆呀！ 淋上汁即白煙同香氣飄出來！ 仲有湯同餐包，勁勁勁豐富！湯是紅羅宋湯，小甜餐包附牛油我仲加多個$8 糖水呀 ，星期五放工就放肆一下啦！轉凍飲加$3 dollars 😆健康凍檸檬茶走甜，香港人架好多野食, dinner 仲有中式餐

茶記研究所(香港)地址: 香港油塘高超道38號大本型LG2樓202-203號舖電話: +852 92132113油塘是放工由中環轉mtr 返綠色觀塘線架必經之站！今日心血來潮，走不尋常之方法，在油塘落車行下食完dinner 先返家。qr 落單方便快捷$108 大滿足雜扒鐵板餐，有牛雞豬香腸，加埋一大堆呀！ 淋上汁即白煙同香氣飄出來！ 仲有湯同餐包，勁勁勁豐富！湯是紅羅宋湯，小甜餐包附牛油我仲加多個$8 糖水呀 ，星期五放工就放肆一下啦！轉凍飲加$3 dollars 😆健康凍檸檬茶走甜，香港人架好多野食, dinner 仲有中式餐

餐廳以牛油果綠為主調，配合淺木色系餐桌，舒服優雅。每款早餐都可以自由配搭，彈性高。勁蔥咸牛肉炒蛋三文治 $34烘底（+$2）的三文治麵包帶來微脆的口感，搭配濃厚爆滿的嫩滑炒蛋、鹹香的牛肉，濃郁的蔥香，層次豐富且味道濃厚。雪菜雞絲米粉 $40米粉吸收了雞絲、雪菜的微酸與鹹香，另配雙熟蛋和微烘的牛油多士，好滿足。熱檸蜜甜中帶微酸，口感輕盈而爽口，帶來清新的甜香。香濃羅宋湯通粉 $42羅宋湯濃郁厚實，帶著微微的酸香配上牛肉，通粉滑順吸湯，碎蛋沙律增添細膩的口感，整體滋味豐富而飽滿。搭配牛角包和薯餅（+7）牛角包外層酥脆，內部鬆軟，有淡淡的奶油香氣，薯餅金黃香脆，豐富的早餐好滿足。熱抹茶鮮奶（+$24）微苦口感順滑，甜度適中。

平時都去開呢間野食lunch，驚喜發現新出咗款飲品叫「開心溝綠茶婊」，究竟係咩黎😆原來係開心果特飲！今次午餐點咗咸魚雞粒炒飯餐加杯開心溝綠茶婊，當係飯後甜品咁食下咸魚雞粒炒飯好夠獲氣，炒得粒粒分明，雞粒厚厚的，好似雞扒咁，口感一流。仲有煎香嘅蛋絲，香味四溢，食完真係想再嚟一碗！至於開心溝綠茶婊，即開心果沙冰，沙冰好細膩，配上大大球嘅綠茶雪糕，仲有牛油果沙冰，味道真係好好，清新又唔膩，食完心情好晒。

間嘢喺油塘都幾出名咁，見到佢個鹹牛肉炒蛋三文治，下午茶忍唔住試吓😋鹹牛肉炒蛋三文治🥪 ($30)嘩，真係冇介紹錯，鹹牛肉炒到好香，隻蛋又夠滑溜，夾埋喺烘底麵包入面，正到爆！🔥 不過講真，個三文治如果可以再多啲餡就好啦，咁就更加抵食😉迷你沙嗲牛肉太陽蛋飯🍛 ($38)另外個迷你沙嗲牛肉太陽蛋飯都唔錯，啲沙嗲牛肉都幾入味，撈埋隻半熟太陽蛋🍳 啲蛋汁流晒出嚟，撈飯一流！不過呢，我覺得個飯嘅份量可以再多啲，咁就啱晒我呢啲大食嘅人啦！總之，呢間嘢都值得一試嘅！😙🙌🏻推介指數：⭐️⭐️⭐️⭐️

大本營其實都幾好行，餐廳都好多選擇，呢日去茶記研究所食晚餐，估唔到都好驚喜。茶餐廳有拉花咖啡，仲有好得意嘅貓貓拉花，菜式比較特別有別於普通茶餐廳。二人餐百零蚊送埋甜品喳咋，相當抵食。晚市二人餐 $168- 半條鹹鮮黃花魚蒸肉餅- 豆卜臘腸蒸雞- 自灼時蔬- 兩碗白飯- 兩碗湯- 兩碗糖水- 焦糖鮮奶咖啡 +$25- 抹茶鮮奶 +$25我鍾意鹹鮮黃花魚蒸肉餅，黃花魚係一夜乾，都好嫩滑，肉餅汁撈飯超好味。豆卜臘腸蒸雞份量都唔少，兩杯喜出望外嘅咖啡，都好高質。下次要再嚟試其他菜式，咖啡拉花咁靚，下午茶嚟食都好啱。

放假去開大本型，比茶記名(茶記研究所)吸引，入左去食左個午餐!首先叫左個黑松露炒蛋三文治，柔軟具奶香的麵包盛裝滿滿餡料，結合了綿密口感的滑蛋、洋菇、洋蔥等食材，加上少許黑松露碎提鮮，滋味豐富，香軟迷人！而且份量多得驚人，一共有兩份三文治，堪比一份正餐份量!跟住叫左個假日限定香草白汁吞拿魚焗通粉，白汁加埋香草perfect match，真係正到爆, 再加埋吞拿魚既香味同鹹味，真係冇得彈!餐飲都好有香港本土茶記特色，正到庳!

吉日嘛, 梗係去 Aeon 血拼啦…我地決定 要食飽先~瑞士雞翼 酸菜湯 出前一丁 +時蔬配 檸檬茶 $58勁蔥雙丁 配港式凍奶茶 $53呢個基本上係我地必叫, 炒得乾身 唔會成咀油, 調味啱啱好, 恰好的過隱~炸麒麟髀 拼 薯條 配 港式奶茶 $39外皮炸得好脆 唔油膩; 肉 keep 到啱啱好, 下次會再叫!好在我地見下午茶開始了, 唔去買嘢住, 行快幾步入黎, 落完單, 直接滿座了…p.s.由開張到而家, 都係咁乾淨企理! 同事們都係咁友善親切, 總係笑咪咪的; 空間感好好, 用餐過程愉快, 好抵讚!

與朋友行山前先吃點東西，到小清新的茶記研究所。🐣黑松露炒蛋三文治 $34軟熟的麵包烘過，外層脆身，中間有厚身足料嫩滑的黑松露炒蛋，香氣十足，啖啖滿足🤤🤤🤤推薦❤️🐄沙嗲牛肉即食麵 $45香濃醇厚的沙嗲牛肉，帶有微微的辣香，搭配即食麵，是每次早餐看到都想點的組合！套餐選擇了香煎午餐肉、太陽蛋及酥脆牛油多士，豐富可口😍飲品選擇了☕️凍港式奶茶（+$3），茶底濃郁出色，奶香順滑，冰涼爽口🤤🤤🐓香煎雞扒 $45雞扒煎至香口，中間多汁，套餐選擇了香煎腸仔、嫩炒蛋、酸甜的茄汁豆及酥香牛油多士，是不錯的早餐選擇👍🏻🍵抹茶鮮奶 +$23抹茶甘香濃郁，與奶香交織，甜度剛剛好，口感細膩順滑，更有漂亮的拉花💕💕

茶記研究所提供多款價錢實惠菜式小炒、蒸魚、扒餐、常餐係到通通都有得食✌🏻今晚收工又來食返快餐先！係正油塘大本營商場入面📍位置好方便⭐️打拋豬肉煎太陽蛋飯 我轉左做轉全熟蛋配埋微辣香口打拋豬肉好下飯！跟餐加9蚊有碟油菜 ⭐️馬來喇沙材料豐富：有魚蛋、魚片、蝦仁、豆卜麵底簡左摻摻：米粉+黃麵 口感豐富跟餐熱飲不用加錢：港式奶茶茶走 ～ 茶味濃香熱西洋菜蜜 ～ 甜度剛剛好茶記研究所 (油塘)📍油塘高超道38號大本型LG2樓202-203號舖