茶舍 (MOSTown新港城中心(5期))

呢间餐厅平时行过一定大排长龙，今日平日晏昼三点几行过，终于冇人，唔使排队，可以直接行入去。望咗一阵下午茶餐牌，拣咗猪扒包，佢话氹仔风味，配上薯条，加杯冻饮。猪扒包几好食，无骨，唔使惊咬崩牙。系咪氹仔风味我就唔知啦，我未去过氹仔食猪扒包。薯条算系中上啦，啱口味𠮶只，唔会太幼，外边都仲有少少脆嘅，未做到外脆内软。茄汁就系预先包装嘅茄汁。值得一赞系个冻饮嘅纸饮管，唔系有味𠮶只纸饮管，适合直接饮用，其他纸饮管我会直接掉咗佢。…Read More

今日喺新港城中心行街，饿饿哋入咗茶舍试佢哋嘅焗粟米海鲜饭，果然冇令人失望！一上枱已经闻到好香嘅芝士同奶油味，见到面头焗到金黄色仲有少少焦斑，真系忍唔住即刻舀一匙！一拉开不得了，芝士多到拉到丝，仲要系两种芝士混合，咸香得嚟奶味好浓～饭底系港式白汁做法，creamy得嚟唔会太漏，每粒饭都沾满酱汁。海鲜料比想像中多，有爽口虾仁、鱿鱼圈、蚬肉同带子，全部都好新鲜，唔会韧或者有雪藏味。最惊喜系仲有啲翠玉瓜同蘑菇，增加咗口感同清甜。个焗饭份量十足，女仔一个人可能食唔晒！价钱百零蚊连饮品，以商场餐厅嚟讲算系好抵食。环境光猛干净，服务都几快手，啱晒行街行到攰想医肚嘅街坊。…Read More

行完山揾地方医肚，撞入马鞍山呢间「茶舍」，本来对食物无咩期望，点知佢个千岛酱烟肉菠萝Pizza一上枱，就彻底改观我对茶餐厅Pizza嘅看法！一上枱已经闻到阵阵烘焙香气，饼底焗到金黄微焦，卖相相当吸引。最大惊喜系个饼底，唔系一般茶记那种厚粉团，反而系薄脆得嚟带点烟韧，咬落去「咔嚓」一声，口感相当讨好。配料配搭先系精髓所在！烟肉咸香十足，菠萝粒经过烘焙后甜味更加突出，仲保持到 juicy 口感。最正系佢哋落嘅千岛酱，唔系就咁唧两条就算，而系均匀铺满成个Pizza，酸甜滋味完美中和咗烟肉嘅油腻感。三种味道夹埋一齐，咸咸甜甜，味道层次丰富到不得了，完全系意外地匹配！虽然话系邪恶之选，但菠萝嘅清新感令成个Pizza食落一啲都唔滞。每啖都同时有烟肉嘅香脆、菠萝嘅清甜同千岛酱嘅微酸，三种味道系口腔里面碰撞，真系会令人食到停唔到口。以后喺马鞍山想食个有诚意嘅Pizza，呢度绝对系个好选择。呢个配搭证明咗，只要用料足、功夫到，茶餐厅都可以做出令人惊喜嘅Pizza！…Read More

今日下午大约4点，我买左2份下午茶外卖，返到屋企，即刻攞d外卖出嚟，点知发现俾少咗个肉酱意粉，咁我即刻打电话去茶餐厅，我话买左外卖少咗个肉酱意粉，我听到个员工系电话问佢嘅同事有冇人摆漏嘢，个员工话肯定摆齐晒，喺电话入边个员工好冇礼貌咁同我讲，话佢同事肯定摆齐嘢，唔会搞错，态度极之冇礼貌，言下之意好似话我讲大话，真的没有下次帮衬🤬🤬🤬，今时今日咁嘅服务态度，真系把鬼，自己员工摆漏嘢，死都唔认，…Read More

咖喱牛腩焗饭 卖相吸引，饭面舖满大大件牛腩。再加上焗嘅金黄芝士铺面，焗出嚟嘅表层仲有微微嘅焦香。咖喱酱汁浓稠香滑，辛辣味适中，香料味浓，味道非常浓郁，拌饭食啱啱好，越食越开胃。牛腩煮得嫩滑，浓郁牛味。焗饭嘅饭粒好干身，吸晒咖喱汁嘅精华，不错。蛋黄烟肉卡邦尼长通粉 意粉煮得刚刚好，口感弹牙又够实净，每条都沾满浓郁嘅蛋黄酱汁，香味四溢。烟肉煎得微微香脆，卡邦尼酱汁嘅浓稠度调教得非常之好，唔会过稀亦唔会太厚，食几啖都唔会觉得腻，奶香十足。蒜蓉汁鸡扒滑蛋包饭 滑蛋真系做到丝滑般口感，香浓又顺口，份量刚好。鸡扒煎得啱啱好，外层香脆，内里肉质非常嫩滑多汁，加左甜甜地嘅烧汁，滑蛋捞一齐食，非常惹味。份量亦相当足。…Read More