茶皇殿

我们这只非常好，5斤多，可以说是我在香港吃到最新鲜，干净，美味的一只，而且还便宜。去之前看了网友评论有点忐忑，想着亲身试下，上当就一次，吃完坚定了想法，会再去吃。看周围街坊点的小菜也很诱人，下次要试埋。…查看更多

見到長腳蟹做推廣 $198/斤，覺得好抵，就同老公去撐台腳。明白特價蟹可能未必會好實肉，但真喺估唔到會蟹身可以變一個小水池，蟹腳就 ‘jit‘’得出水。我覺得呢隻四斤蟹，其中一斤多係比水費。同部長和經理反映，佢哋不約而同都係話係咁㗎，其他客嗰啲俾我果隻更水🥲聽完佢講我先明白，原來我哋算係不幸中之大幸😤雖然經理有offer整過隻，但佢話可能係一樣。最後好掃興，唯有退咗隻蟹，淨係找咗燒鵝同茶芥錢，就離開了。…查看更多

點一碟鳳爪加一個特惠拼盤。鳳爪醬汁不辣，但夠味既~菜苗餃個皮稍厚。整體點心普通，但見過價錢；山竹牛、鳳爪、叉燒包已經係大點30.8有點貴（地點屋村酒樓）特惠拼盤，廿蚊幾吸引。我閒日去，一支公加兩籠點心，承為六十一！^^起初比壺茶我，我一上手就覺得油立立。望真D，原來餸菜汁跡…於是叫待應…好快手同我換過壺……查看更多

馬拉糕排骨飯叉燒包牛肉球仲有一個特色小食紅豆包包嚟講呢所有包都係幾鬆軟啲餡料中規中矩唔算多唔算少但個排骨飯呢就有啲普通啦，啲排骨都唔算多個飯亦都冇飯焦香味都唔夠入最後食咗個飯後甜品呀嗌咗個雙皮奶啦但個質地好奇怪奶味同甜味都唔係好足夠有少少似蒸蛋輸蝕咗啲其他都冇乜嘢特別啦，但係服務態度就真係麻麻上菜又慢見到我哋揮手又唔過嚟仲有幫我哋收碟嗰陣時唔小心倒咗啲豉油喺我件衫度唔識講⋯⋯仲要冇任何賠償價錢亦都唔係平性價比一般…查看更多

服務員態度差，都算，但連收銀員都不講規矩，竟主動叫後面她認識的人打尖落單差這樣對中間排隊的人公平嗎？收銀姐姐旁邊相信是一位男士經理，目測整個過程都諸事不理，環境是可以…查看更多

Weekend夜晚約人出嚟食飯環境算舒服因為其實已經吉咗大半個場但係上菜乜都漏叫個半值set漏飲品漏糖水員工櫃檯西口西面食千幾蚊嘢貼錢買難受怪唔得大把人返大陸算啦味道其實係唔差食材都好可惜樓面員工超唔掂完全唔識冧客真係祝你好運！…查看更多

星期一至五，晚市有特價。是日星期六，但我點單時一直覺得係星期五，以為有$1特價，所以落單時同侍應講：'‘要$1乳豬’‘，佢都無糾正或者提醒我😡個阿姐仲推薦海鮮+小菜，話抵，其實2個人根本食唔到咁多最後2個人消費$528重點係味道好一般，龍躉2味一啲都唔好食，雪藏貨。乳豬有莊味😤😤😤…查看更多

我係住附近嘅，呢間酒樓前身係明星酒樓，一大班員工個個都好似已經厭世唔想做咁，响果度飲茶，基本上都係自助式，因為根本都無侍應睬你。後來裝修又換咗呢間茶皇殿，服務係好咗一排，最近唔知係咪又搵以前嘅員工，打回原形，好心講句，唔夠人，請到嘅員工真係又老又無心機，衛生意識低，服務態度差，個廁所本身裝修後整靚咗，而家唔到5年已經又殘又污槽。無得揀只有呢間酒樓，真係食一次嬲一次。…查看更多

男朋友媽咪生日，嚟食佢嘅生日飯⭐️.✨鴻運燒味大拼盤 & ✨頭抽三皇走地雞個大拼盤有：燒肉、叉燒、油雞、燒鴨、青瓜👈🏻。我最鍾意燒肉‼️好欣賞個燒肉好少肥膏，少有嘅瘦肉😍叉燒好食；雞鴨入味.✨豉油皇海生蝦好似軟殻蝦咁，我就咁食埋啲殼，唔錯.✨紅燒竹笙海皇羹好特別，裡面有好多「蝦仔」，質感+味道上 就好似翅咁.✨順德脆奶卷拼金磚豆腐簡單講就係炸鮮奶同炸豆腐，我最鍾意呢個‼️整得好好食😋👍🏻外皮好酥脆 鮮奶同豆腐本身嘅味仲保留到😙😙.✨清蒸大紅東星斑OK啦，我覺得魚味好似冇咩🤔.精美甜品: ✨杞子桂花糕聞落好香，食落甜甜地 幾清新，質地上好似jelly咁，有種微微煙韌感😳🙈.✨萬紫千紅泡田園蔬 ✨瑤柱蛋白炒飯 ✨XO醬翡翠螺片我冇食到 所以比唔到食評🙈😂不過聽佢地講「萬紫千紅泡田園蔬」啲菜、「XO醬翡翠螺片」嘅螺片係幾好食。.其實我覺得食物係普通嘅，不過都係自在有個氣氛 有個環境聚下餐🤔服務員都幾好嘅，主動同老人家傾計💬…查看更多

蝦餃燒賣、蒸叉燒包、蝦腸粉都係冇咩特別啦～同普通茶樓嘅味道差唔多😗😗Umm蝦腸嘅擺盤可能特別少少🤏🏽而自己最鍾意個炸魷魚🦑‼️魷魚炸得好酥脆，少少辣🌶️，咬落個魷魚都幾脆身 幾有咬感（呢道菜式比我扣分嘅位 就係上菜時間過長，已經食曬所有嘢+hea咗一陣 都未出呢碟魷魚，催單又冇用，準備走嗰陣 先黎上菜🤨）…查看更多

7:30入開茶開咗15分鐘，7:44落單，嗌咗三樣嘢一隻乳鴿、粉絲牛肉煲、仲有啫啫唐生菜，8:00嚟咗一隻乳鴿，等到去8:30完全冇嘢食到！只見廚房不斷出菜，全部都係一圍圍嗰啲龍蝦伊麵乳豬嗰啲。態度極差…查看更多

中午光顧呢間連鎖式酒樓，當時7成滿客人，酒樓員工由上至下啲服務都係咁。沖茶等10分鐘，叫伙記收點心紙又等10分鐘。上菜時，碟放一半枱面，紅豆糕嚟到居然好似俾人咬咗一啖咁。最攪時係，所有伙記明明見到你，都扮見唔到，去扮做其他嘢。香港再係咁，唔好話俾新加坡趕過，其他二線城市都贏唔到呀。…查看更多

一行三人去飲茶, 服務真係幾差首先伙計眼見舉晒手入單都唔理行左去, 一個好似高級小小擺緊位都要走來接單, 都唔知收個10%加一服務費服務左D乜.講番野食先.... 咸水角幾脆 - 係餡小左D, 唔錯!牛肉腸粉 - 皮好薄牛肉唔小, OK!櫻花蝦潮州粉果 - 料好足, 小小櫻花蝦幾特別口慼, OK!豉汁鳳爪 - 味道好濃, 唔算辣, 鳳爪夠淋, 正!胡椒豬肚 - 唔太辣豬肚夠淋咸菜爽, 湯辣辣地, 飲完冇口渴, 唔錯!椒鹽魷魚鬚 - 外皮好香脆, 魷魚爽口, 必食!脆皮豆腐 - 外皮勁脆, 內裡豆腐香滑, 食唔停口! 要小心豆腐好熱...竹炭流心包 - 包夠熱奶皇流心唔夠流, 不過都OK食物尚算合格, 不過服務拖得好低! 要進步需要改善服務!…查看更多

過時過節叫佢啲餐，到叫咗先至同你講呢樣冇果樣冇叫你改！好似老馮要改咁仲覺得自己好啱🥲幾千蚊一肚氣又唔係特別好食😖職員又唔係好禮貌簡直係貼錢買難受😖呢間嘢真係🙃🙃🙃…查看更多

我係叫外賣 喺點心檔到外賣我叫一個點心佢哋嘅職員喺我面前將我要嗰份點心俾咗其他人，然後同我講話冇晒我要嘅點心啲態度差到爆我非常之唔推介嚟呢間食 環境好好 位置好好 但係個別員工語氣差到爆，好似我欠咗佢咁 我去嘅時候係朝頭早去七點幾 如果你哋係喺入邊食，咁我會推介你哋入去食，因為入邊嘅職員都好好，如果你哋係外賣拎走我非常之唔推介，尤其是係點心姐姐着住白色衫企喺海鮮檔前邊門口，右手邊嗰個阿姨態度非常之唔好呢個就係我嘅推介…查看更多