茶狼 (已結業)

🍑日本山梨縣鮮桃四季春 $43貴為茶狼嘅期間限定 顏值可以話係頗高漸層嘅淺粉紅色 少女心爆棚!!味道酸酸甜甜挻開胃 因為冰含量好高所以都幾快融食到啲桃肉同埋一絲絲嘅纖維飲到底啲會透出茶味甜度亦會約嚟越低飲到陣陣茶的味道，桃同茶的味道都不會互搶對方，在夏天飲真係消暑之極🍊水果四季春 $36四季春味道涼爽順口香味濃郁帶微微甘苦味配搭好多鮮甜嘅水果蘋果青檸 西瓜 香橙 熱情果同埋士多啤梨 好啱食完飯飲翻杯解膩…查看更多

有個短頭髮冬菇頭，講嘢態度好差，服務態度咁差，點做服務性行業，我地問多一次就好大聲，咁唔耐煩唔好做呢行，影響公司聲譽和形象，希望請人有所改善，啲嘢飲係幾好飲，遇到呢啲職員，乜嘢心情都冇晒…查看更多

凍珠珠鮮奶烏龍茶 難得凍飲係無冰，menu無寫有奶蓋都有少少奶蓋係面，叫左無糖所以飲落有d苦。不過本身奶蓋、鮮奶都有少少甜味，珍珠都甜，所以越飲就開始習慣，唔會覺得苦，珍珠好煙韌彈牙。熱珍珠薑汁朱古力烏龍奶蓋 3分糖 尼杯係季節限定，熱飲係微暖，奶蓋唔會融，味道好豐富，但成杯味道配搭唔夾，薑汁味太重同有啲辣，飲完仲有啲辣味係口，好適合冬天飲，飲完即刻暖左，朱古力味都出，但茶味就被蓋過，整體感覺有啲奇怪。…查看更多

講到飲有生果ge茶飲，相信茶狼係呢度附近ge不二之選，難得行過唔使排隊。 個人嚟講啦好鍾意有柚子味道ge飲品，呢杯紅柚柚子四季春就啱曬我口味，柚子清新但又唔會蓋咗茶嘅香味。…查看更多

行下想飲嘢 二樓見到有呢間 呢度主打係茶 !!好多唔同的生果matching 都有 今次想飲甜甜地fresh d 嘅 ~~落單後3分鐘就有 好快手 ♥︎水果鮮甘蔗清茶 $38生果有橙片🍊 西瓜🍉 士多啤梨 🍓青檸好豐富☺︎︎ 好重鮮甘蔗味 茶味好清不太覺 ♡´･ᴗ･`♡ 正常size都好大杯 飲唔哂可以座係度慢慢飲 都幾闊落 坐得幾舒服牆上有好多woof的wall paper 想坐户外都可以行幾步落樓梯 去德福花園平台 有陣陣微風༼ つ ◕◡◕ ༽つ …查看更多

早幾日食完Lunch經過見到茶狼，見到鋪頭有好多款水果茶嘅選擇。當中包括一啲期間限定嘅水果飲品！呢間既水果飲品都係用新鮮既水果調配（唔係用果汁）見牛油果飲品唔係到到都有得賣，就試試佢。📌牛油果白露茉莉茶 $36牛油果香滑冇渣，茶底帶有清香花味但冇苦澀嘅茶道。面頭鋪上一層芝士奶蓋，奶蓋厚身綿密又帶點芝士鹹香，非常濃厚唔會好快溶落茶底到，配合白露茉莉茶非常搭配，必試！📍茶狼九龍灣德福廣場1期1樓F11號舖…查看更多

🥤熱紅柚柚子薑四季春 ($32)🥤茶狼🦊會定時出一D期間限定飲品, 今次就有呢杯熱紅柚柚子薑四季春☕️, 飲落有微酸既紅柚同柚子香, 😜跟住就有陣陣既薑味散發出黎, 有種飲完暖入心既感覺, 下次可以試埋凍飲有咩唔同呢! 👅😋味道: 8/10——————————————————————————————🥤Hot Grapefruit Yuzu Four Season Cha with Ginger ($32)🥤Cha Long 🦊 launches different kind of seasonal edition drink from time to time, and this time one of the offer is Grapefruit Yuzu Four Season Cha with Ginger☕️. It has slightly sour taste from the grapefruit and yuzu in my first sip, 😜after that the ginger smell came out and warm up my body, next time I could try the cold version as well!👅😋Taste: 8/10…查看更多

茶狼奶蓋係好飲但個人覺得除左奶蓋，其他都一般，茶底唔係話特別香，但至少係飲落係清唔澀，但呢個價錢略嫌有點貴，但如果鐘意奶蓋嘅，我建議幾多幾蚊double奶蓋會比較滿足😛…查看更多

同同事吃飽飯經過見到以前經常要大排長龍的 「茶狼」，而家竟然不再需要排隊，所以抱住一試無妨的心態試下由於現在疫情高峯期，店內一個人也沒有，全部也是外賣，但見到店內裝修好特別，分別著有唔同衫的狼，如果可以坐係到飲下野傾下計應該都幾chill 😎 隻狼好立體，而且有唔同造型，設計好有心思，平時可以坐係 sofa 到，中間張枱放野飲我和同事點了兩杯飲品外賣返公司飲，我點了凍珠珠鮮奶烏龍茶，加 $4 upgrade 大杯，少甜少冰，我同事點了四季春奶蓋烏龍茶，少冰，正常 size總括而言，我同我同事都覺得呢間啲野飲幾好飲，凍珠珠鮮奶烏龍茶D珍珠好軟好彈牙，好有咬口，但我飲唔晒下次都係叫返正常size，我同事話佢嗰杯四季春奶蓋烏龍茶都幾好飲，不過太甜，連平時飲開正常甜度嘅佢都覺得甜得滯，下次可以試吓少甜…查看更多

見有杯特價就嗌黎試下係京都抹茶仙草凍嗌左熱飲 好驚喜通常得凍$22好抵飲 都幾濃抹茶味 甜既唔記得嗌小甜 不過都幾好喎！未係甜到漏個種同埋都幾大杯係平時既大size呢個價錢真心抵有機會再飲haha!…查看更多

呢幾日熱辣辣，唔飲杯凍嘢點得呀🥤🥤.今日飲嘅係茶狼嘅牛油果白露茉莉茶. 可能叫咗微糖，飲落無乜味，連茉莉茶味都唔算突出，但因為加咗牛油果，口感夠rich 夠creamy，似飲緊奶昔，總括而言都係清新之選.茶狼 (九龍灣)九龍灣偉業街33號德福廣場一期1樓F11號舖…查看更多

📍茶狼琴日同朋友去開九龍灣嗰邊 行下行下覺得好口渴所以見到呢一間飲品店 而自己之前未試過 就去買黎試吓🙈-凍京都抹茶仙草白露 （$22）抹茶仙草白露我之前喺其他飲品店都未試過🙈咁啱見到茶狼做緊推廣優惠原本好似$28一杯，而家只需$22就飲到😆所以就嗌咗一杯凍嘅試吓😛佢有得調整糖嘅甜度同埋冰嘅多少👍🏻我就叫咗少甜 少冰～仙草嘅份量都幾多 因為我少咗甜我自己飲落都係甜甜地 所以概括左抹茶嘅苦澀味😹 下次如果有機會嘅話我可能會試吓叫30%糖😹咁樣抹茶味應該會濃啲🤟🏻不過整體我覺得幾好飲😻下次如果再有優惠嘅話會再試！凍黑糖珠奶烏龍茶（$28+$4）呢杯係我朋友飲嘅 我試一啖😹珍珠嘅份量唔多唔少啱啱好 不過我覺得黑糖珍珠奶掩蓋左少少烏龍茶味🤏🏻 所以烏龍茶味都唔太出 但係成杯嘢飲唔會好甜 我覺得佢嗰個黑糖珍珠鮮奶係幾好飲嘅😍佢原本普通size係$28，我朋友加$4加大左一個size🤭但係其實我發現加$4都唔會大好多😹雖然個杯嘅size高身左 但係佢個闊度比普通size嘅杯係會窄DD 所以個人唔建議加大size🤣✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝價錢💸：$54外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ ★ ☆…查看更多

今日叫咗一杯牛油果白露茉莉茶🥑(少甜、少冰)無一般台式飲品咁甜，佢雖然標榜牛油果味，但味道非常淡，但咁樣反而仲好，因為太濃味顯得仲假，佢無奶蓋咁杰，無咩冰又唔會令杯飲品太快變稀，消暑飲品來講係一個唔錯既選擇…查看更多

茶狼嘅季節限定飲品：蜜瓜梔子花茶返嚟喇。今年都係用咁日本靜岡蜜瓜，配上梔子花茶，口味清新宜人。同舊年一樣，可以揀有/冇奶蓋。得就叫咗杯有奶蓋嘅嚟飲喇。奶蓋可以先打開蓋飲。芝士奶蓋少少咸味，口感幼滑。之後將奶蓋撈渾，蜜瓜梔子花茶加上奶蓋，口感棉滑。☺️☺️一如既往嘅推介，建議大家走甜，可以飲到蜜瓜同梔子花茶最原始嘅味道。😁😁官方未有寫蜜瓜梔子花茶最後銷售日期，相信都係去到年底啦。🤔中意飲嘅朋友唔好錯過喇。…查看更多

台式飲品店茶狼, 分店四處可見. 這天午餐後, 來到九龍灣德福茶狼店. 和其他台式飲品店一樣, 有果茶, 芝士奶蓋茶, 也有冷泡茶. 台式茶一向吸引, 茶狼特別在可以選擇暖的茶, 不一定是凍茶. 落單後, 走到隔離等飲品. 店舖的後方有座位可以坐下, 影下相, 休息下, 貼牆有一系列的影相位. 我地就影就好耐, 燈光都幾好! 四季春奶蓋芝士茶一心以為茶底是暖的, 但出來是熱的. 所以芝士茶好快就溶了我的芝士引抵不住好快就成為一杯淡淡的奶茶. 鮮橙白露茉莉茶朋友點的, 她說很甜的她飲到一半, 整杯都是碎冰可能鮮橙本是橙汁冰坐位枱子沒有人清理枱面都是粘粘的…查看更多