茶木‧台式休閒餐廳 (iSQUARE國際廣場)

营业中

休息中

星期日一行9人入去吃過茶餐，等左30分鐘先有野食，服務態度仲要勁差，係唔係廚房同侍應有仇😝啲侍應好似知道發生咩事咁，清一色全部匿埋，有野飲就出，出完飲品後又返去後面匿埋，係要幾枱人係到嘈先開始出餐，服務水準真係垃圾中的垃圾，仲要的侍應態度不可一世，難怪啲人要回深圳😒

今天外面下着淅淅沥沥的小雨。在这种阴雨天吃顿火锅是最好的了。我们一家三口，点了两个火锅，一个三杯鸡。火锅整体口感还可以，但份量比较少，感觉性价比一般。三杯鸡比较咸，味道可以淡一些。服务方面，店铺本身环境比较嘈杂，因为我们坐在靠近厨房上菜位，有年轻店员不时在旁边说笑，感觉比较吵闹且对我们食客态度一般。后来经提醒，服务有所改善。希望以后可以继续改进菜品和服务，适当调低价格或者增加份量，多考虑食客的感受和意见，谢谢。

因為去I square睇戲，咁諗住係睇戲之前係商場食埋野，咁就嘗試食茶木，真係隔左好耐再食。🥚培根油條香蔥蛋餅 （$48）熱焫焫既蛋餅包住蔥、煙肉、油炸鬼係幾好食既，再沾醬食，會覺得味道剛剛好😋同埋蛋餅整得幾乾身，吾會有油淋淋既感覺，不過覺得可以濕潤少少，因為今次食覺得愈食愈乾台式烤香腸 （$50）最鍾意蒜頭加台灣腸咁食，正常發揮，但覺得擺盤可以擺靚啲😂上碟時見到空咗一忽覺得有啲搞笑。😋手撕鹽水雞椒麻手工拌麵［自家製］（$80）係而餐飯的mvp，係我覺得仍然keep到水準嘅一碗拌麵。椒麻味好香，係微辣嘅口感，面質亦都彈牙，要改善係配料豆腐浸到淋左啲

呢日係附近做完嘢行入商場搵野食咁啱見到餐牌$38茶餐都有好多選擇而且以商場嚟講真係好抵食囉！！餐廳環境座位寬敞乾淨又舒適閒日下午茶時間竟然都有唔少人。。。今次點咗「福州魚丸紫菜湯米粉拼鹽酥甜不辣」升級珍珠奶茶🧋再另外+小食，呢個價錢真係超抵食！份量亦唔少相當豐富！超滿足！自己一向很喜歡吃新竹米粉，配搭魚丸紫菜湯鮮甜味道，好食又健康！甜不辣口感煙韌，味道也不錯！茶木台式食物質素一向都有保證，呢個套餐性價比真的很高㖿！

去isquare睇戲,開場前時間唔係太多,喺isqaure搵野食,見茶木下午茶都幾吸引就揀茶木. 叫左鹽酥雞拌麵. 超好味. 個雞炸得好鬆脆,個拌麵個汁少少辣好香,好特別嘅味道. 個汁份量啱啱好,令到d麵條條有汁又唔會太水. 拌麵仲要係暖既. 我唔鍾意食凍嘅拌麵. 真係超驚喜. 😊

今天相約朋友到 iSquare 睇戲。睇戲前想先去醫肚，由於天氣不太穩，我們選擇在商場內用餐較為安全。餐廳環境寬敞闊落，坐得舒適，非常適合聚餐。📌TeaWoodⓇ紅燒牛肉麵湯底濃郁，牛肉軟嫩入味，入口即化，手作麵條彈牙有咬口，紅白蘿蔔都煮得十分軟腍，鮮甜可口。📌黑糖冬瓜茶(凍)選擇了少冰少甜，味道恰到好處，非常解渴。📌鹽酥排骨肉燥飯肉燥飯的肉汁濃郁，肉燥略帶少許肥膏，入口惹味。可惜鹽酥排骨的味道比較淡口。雖則外皮酥脆，但調味略嫌不足。📌堂飲限定★$8黑糖小芋圓奶茶(凍)只需加$8便能享用，真的非常抵飲! 選擇了少甜，茶味雖略淡，但小芋圓軟糯Q彈，令人滿意。整體而言，這餐非常豐富及划算，讓我們在睇戲前果腹又滿足了味蕾。

好耐無食茶木了，去到Isquare 廣場，比佢下午茶餐低至$38吸引到😍雖然價錢咁平，但誠意十足，$38餐有鹽酥雞、飲品（可以揀一啲特別飲品，例如冬瓜茶）和福建魚蛋紫菜米粉，可以話相當豐富。另外仲有好多其他選擇，全部都係$40零$50內，值得大大力支持！

今日要晏啲先可以食晏，於是索性去食下午茶餐。 去到茶木點左兩個餐：路邊攤小食濃香咖啡 三杯牛肉拌手工麵拼魚丸紫菜湯凍黑糖珍珠奶茶路邊攤小食（ 包括雞排，魚丸同台灣香腸）雞排啲粉好厚，於是留番最後先食，最終無食哂。魚丸正常，台灣香腸一如以往同其他台灣香腸一樣都係好味另外三杯牛肉拌手工麵拼魚丸紫菜湯手工麵厚實彈牙，配沙茶醬牛肉味道不錯。但魚丸紫菜湯既魚丸就一般 兩個茶餐每個都係50蚊加一，仲要有飲品，大件抵食。喺下午茶唔錯嘅選擇。只可以試下其他餐。

吃饭也是茶香三文鱼汤渍饭 入口的香醇是茶汤和各色小料碰撞的旋律🎶，虽然吃起来很有仪式感，但是这个茶汤并不香，搭配的小虾米还带着些糊了的苦味，味道就比较一般…红烧牛肉面 果然还是招牌，🐮牛腩软嫩弹牙，仿佛在亲小baby的脸蛋，而面条是圆润又筋道的那种🍜，两种口感的碰撞在口中激发出鲜香，但是整体稍微有点咸⚛️总的来说无功无过吧，还阔以

雖然好耐無去食呢間野，但都無諗過重溫之下居然難食左咁多。同個朋友上去食dinner, 叫左牛肉麵，鹽酥排骨麵同鹽酥雞小食。鹽酥雞九成係炸粉，少少雞肉都食唔到。呢樣都做唔好都唔好意思叫自己做台式餐廳啦。至於鹽酥排骨，又係至少7成係炸粉，內里舊豬扒都唔知擺左幾耐，完全無肉味又好重雪味，真心想嘔。好彩係碗牛肉麵叫做食得落，正頭正落。真心講句，無諗過咁差，知佢係x興旗下品牌，咁搞餐廳遲早步x華後塵。咁既質素同趕客無分別。真係無得揀的話，勸大家食牛肉麵算啦。

今日食評✍🏻茶木@國際廣場午餐、下午茶餐乜都有基本上冇乜時段之分有好有壞好嘅係客人多選擇壞嘅係花多眼亂唔知點叫最抵食今日就就係遇到咁嘅情況我哋點咗一份午餐一份下午茶餐一份小食下午茶餐38蚊有一碗麵一碗丸子紫菜湯加豆漿小食紅油抄手竟然要58午餐就一定係貴啲但份量就足夠飽肚一碗牛腩麵腐皮卷素雞一杯凍飲唔趕時間的話可以睇清楚menu才落單·無論大鋪小店我哋都會盡試盡講Follow我哋bw.foodie

又到lunch,不過今次要食得好快，因為要買個cake比生日的同事😝，食得好快速🙂‍↕️以簡略的木材為主要方格另外一面就似茶餐廳，不過都可以啦，牆壁的畫紙都特別入面都相對闊，不會好擠迫。 口感鮮嫩多汁，帶有海鮮的鮮甜味道，搭配著軟綿的飯粒，蚵仔的鮮味與肉碎的香氣完美結合，每一口都充滿濃郁的海洋風味，蝦乾經過曬乾後，散發出濃郁的海鮮香氣，魷魚乾則有著嚼勁十足的口感，搭配香氣四溢的調味料。雞排搭配香氣四溢的麻醬，入口即化。手工拌麵Q彈有嚼勁，完美吸附著麻醬的風味，每一口都充滿濃厚的香氣和鮮美的滋味。雞排的鹹香與麻醬的香辣相得益彰。甜滋滋的糖小芋圓搭配香濃的奶茶，口感綿密順滑。每一口都充滿濃濃的奶香和芋頭的香甜，讓人回味無窮。糖小芋圓Q彈有嚼勁，搭配奶茶的香氣，帶來絕妙的口感。

今天好友相約在isquare看電影《盜月者》， 因為朋友介紹說很好看， 看完感覺像是一套搞笑片，主要是姜濤的演技令我和好友也感覺他似在搞笑； 此齣戲內如果單以Mirror成員來看，演技最出色的都算是Edan， 而Anson Lo 就一般般啦；張繼聰和白只的演技不用說吧👍，差點認不出白只， 跟他在《金手指》 的造型是兩個樣，同樣出色。散場剛好是下午茶時間， 因為又要趕着前往好友家晚膳，只有一小時空閒，所以找了最近電影院的「茶木」吃下午茶。我們都不想吃得太飽，所以選了一個較為輕便的可頌窩夫，朋友說現在很流行吃可頌窩夫，於是我就試一次。 做法就是把牛角包 (法文: Croissant 國語: 可頌) 壓成窩夫模樣，再在上面唧滿吉士和加上不同的水果而成。~ 草莓吉士可頌窩夫~ 雜莓可頌窩夫食後感：1. 吉士太多， 厚厚的吉士蓋滿整個可頌窩夫，根本看不到下面是一個可頌窩夫；見到咁多吉士已經覺得膩滯，需撥走八九成吉士才能入口，加入吉士亦不見得好吃；2. 壓成窩夫的牛角包🥐，缺乏了空氣，失去鬆軟口感，看看餐廳給你一把大鋸刀，就知道牛角包被壓得實實既程度🤦‍♀️；3. 上面的士多啤梨🍓亦不太新鮮，水份亦

年初五都係情人節，7:00上到去冇人等位非常之一流，同侍應姐姐講兩位， reception嗰個姐姐態度都幾好，唔知係咪初五咁嘅樣，帶位同事嘅態度就真係非常之差⋯不過唔緊要冇影響我今日過嚟嘅主要目的去咗茶木特登去食佢嘅吐司，好多時佢都賣晒對我來講茶木嘅吐司到而家都仲未搵到任何一間可以媲美到佢嘅脆卜卜程度不過今次叫佢嘅時候就發現原本雪糕下便應該係忌廉嘅時候佢變咗吉士吉士嘅味道仲要怪怪地，我將成坺嘅吉士都搬走咗錯晒啲味道錯晒少少失望啦，因為忌廉先至帶到佢嗰陣甜得來唔將口嘅感覺，而家轉左吉士之後味道同口感變咗Heavy得滯 我嚟到茶木嘅話淨係食過吐司就已經飽就係我嘅一餐♥️不過同場嘅朋友都嗌咗個晚餐set，都幾抵食但係佢個餐牌嘅晚餐七，同佢QRcode 顯示出嚟嘅食物都唔一樣，喺餐牌想要嘅嘢食，入到個電子點單程式入邊係冇嘅，本身想食佢個雞，最後叫咗紅燒牛肉😎不過太可惜我唔食牛個紅油抄手開就偷咗兩粒嚟食

尖沙咀間唔中都會黎行下食下野，isquare都會搵下野食既，今次黎左茶木食，呢間都年幾前食過，而家就再試下啦，不過今次午餐真係比較失望，份量唔多之餘都唔抵了，質素又唔太好。點了，鹽酥雞扒肉燥飯，凍柚子蜜茶。鹽酥雞扒肉燥飯， 鹽酥味唔夠，真係無咩味道，雞扒口感就變得一般份量都唔算多。飯唔夠熱，肉燥正常。d配菜食落就一般，味道唔吸引。凍柚子蜜茶，無咩柚子味同無蜜既味道，淡了一點。呢個午餐加埋一要88蚊，呢個質素呢個價錢唔抵了，有點失望。相比之前既質素大大下降了。