茶木‧台式休閒餐廳 (德福廣場1期)

营业中

休息中

相信好多人都去過茶木幫襯，茶木永遠給人感覺舒適，係三五知己休閒聚腳地。這次放工約了舊朋友嚟德褔，再嚟茶木，食物品質依舊保持水準。👍三文魚濃湯漬飯- 依舊保持水準。三文魚表面煎得好香脆，肉又好juicy, 再加埋3款配料，注入上湯。好好味呀！💖甜品必食- 🌟🌟🌟🌟🌟新出“鮮果綠茶流心歐軟“～超好味，水果新鮮，麵包烘熱香脆，中心有綠茶醬流心，雪糕拌碟，最好味係入面有麻糬，點埋綠茶醬，超正。紅蔥醬燒豬軟骨麵- 充滿台式風味，酸酸甜甜，非常開胃。😋😋😋鹵味拼盤，樣樣有。溫泉蛋，五花腩肉，牛展，牛栢葉，豆腐。一次品嚐唔同口味。芒果吉士窩夫👍🌟🌟🌟🌟🌟-跟餐加少少錢，就可以有啦！都係超值之選。另外，我仲加錢要金黃香酥雞同埋櫻花蝦魚湯蛙蛙菜。相信唔駛好耐，又會嚟幫襯啦。

今日同屋企人一齊食我最鍾意嘅台灣餐廳！我地嚟到德福店進行大吃大喝之旅😆👍發現茶木多左好多菜式 仲有好多fushion 菜呀😎今日點的餐如下：✨ 羅氏蝦龍蝦汁手作麵🦐（套餐） 🍝手作麵- 隻蝦好大隻 係爆膏既狀態💦- 麵既質係手作麵偏向彈牙啲😬- 龍蝦汁籠罩住成個麵 好夠味 - 仲有啲秋葵跟蕃茄仔 令到整體更健康 🍦冰淇淋- 係珍珠奶茶味既雪榚🧋- 珍珠夠哂彈牙- 好有特色既甜品 滿足到又想食甜品又想飲珍珠奶茶既朋友仔 🥃有機台灣高山茉莉龍珠茶- 打卡一流！ 勁似飲酒咁 餐廳比左杯裝住個圓形冰 同埋 以酒樽咁樣裝住既茉莉茶🍵- 個茶好清香 解膩👍😚✨ 烏魚子元貝手作麵（套餐） 🍝手作麵- 有2粒大大粒元貝🤤- 奶油味既汁好香😚- 配料仲有啲毛豆 蕃茄仔 菇 很新鮮 🥗前菜沙津- 沙律醬加埋啲生果（士多啤梨🍓藍莓🫐）加埋麻醬很開胃 🌹玫瑰紅棗桂圓茶- 養生之選！- 啲紅棗跟龍眼勁甜😎同埋唔會好甜- 勁暖胃除外我地麵有叫到啲小食跟甜品share ✨ 櫻花蝦魚湯浸娃娃菜（半份）🥬- 個魚湯好清甜 🥣- 娃娃菜好淋✨ 310溏心蛋🥚- 餐廳很貼心地切開了一

今日同老友行街街 ，行到好肚餓 ，老友話要食台灣嘢， 就走咗入嚟呢度 。坐得舒服又多嘢食， 仲唔貴， 啱曬我哋啲大食精 。坐低即刻掃碼點菜， 好肚餓自然就要食麵食飯， 台灣菜最出名當然係紅燒牛肉麵， 首選， 次選係墨魚鮮蝦藜麥飯， 跟住每人一杯飲品 ，我要 黑糖冬瓜茶， 係呢度嘅特色飲品， 老友就叫左杯台灣黑糖奶茶，跟住又要咗個街邊小食， 同埋一碟炒椰菜花 ，最後甜品當然係少不了，叫咗個綠茶甜品 ，好多生果 ，有好脆嘅多士， 仲要好大份， 超抵食。💥💥 紅燒牛肉麵 經典之作， 幾舊厚厚嘅牛展又淋又入味， 啲麵又香又煙韌 ，仲有啲芫茜喺面， 有幾舊炆得好林嘅蘿蔔 ， 超好味。💯💥💥 培根樹子炒椰菜花用煙肉同埋樹子嚟炒嘅椰菜花， 有啲特殊嘅香味， 椰菜花炒得好爽口 ，仲有少少酸酸地嘅味，非常之開胃 ，好似落咗意大利醋 ，但係我諗應該係啲樹子嘅味道，非常之特別 ，畀滿分。💯💥💥 墨魚鮮蝦茶香藜麥飯用咗墨魚丸， 鮮蝦， 茶葉來炒嘅藜麥飯， 第一次見呢個組合， 感覺上係好健康， 都幾好食。80分💥💥 綠茶鮮果流心歐軟呢個甜品個樣非常之靚， 就係因為佢個賣相揀佢， 見到張相以為好細 ，點知上到嚟係

基本上一想食台灣菜 就會諗起去茶木🤤今日放工後就跟屋企人去茶木食勻想食既菜式😋呢到用qr 落單 超方便！見到個2人餐真係好吸引好超值😚 個餐$258 有小食又有主菜又有野飲☺️決定就叫呢個2人餐😎小食方面 叫了 蒜香麻辣豬耳朵同埋 紅油抄手雖然佢寫左半份 但小食嚟講份量都唔細架😙仲追加埋黃金鹽酥雞(半份）蒜香麻辣豬耳朵好爽口👍辣度剛好 是個開胃小食❤️ 紅油抄手總共有4舊 唔會好油 而個皮都好滑！風味超正😎果然醒胃😆😆黃金鹽酥雞酥脆 keep到水準😎至於主食就分別叫了 台式麻辣半筋半肉手工拌麵 🍜同埋 黑醋味冧豬軟骨地瓜米粉🍲先講個手工拌麵 我真係勁欣賞佢個麻辣拌麵👍麻辣度十足 麵質又唔會太淋🤤食落口又唔會濟☺️ 同埋個半筋半肉豬肉真係好腍😃仲要好大舊呀！之後到個豬軟骨地瓜米粉 真係好特別 餐廳特意比左個蠟燭🕯️燒住個豬軟骨煲 （煲裏仲有紅蘿蔔白蘿蔔） 令佢一直keep warm 十分細心！個米粉好似幼絲咁幼 勁入味😙😋除外 我地一入門口就見到靚靚waffles 所以仲追加左黑朱古力杏仁可頌窩夫 同埋 芒果吉士可頌窩夫🧇2個可頌窩夫都係微熱 且由牛角包壓出而成🥐所以勁鬆化！芒果🥭仲要好甜呀！在

聽講茶木重新裝修，用新嘅形象新嘅面貌重新呈現，平時行過德福呢一間裝修望落去好舒適，今晚就去食下台灣嘢啦😍選擇好多，從小食到飲品甚至主菜，花多眼亂，最後喺dinner menu做選擇，加錢升級變成套餐，包埋飲品同埋甜品，再加錢要小食😎上湯櫻花蝦娃娃菜&紅油抄手加錢要咗兩款小食，上湯娃娃菜非常清甜，入味又好稔，紅油抄手好多餡，如果再辣多少少就更好啦👌🏻招牌紅燒牛肉麵食台灣野點少得食signature🐮牛肉煮得非常淋，完全係入口即溶，而台灣闊麵就好煙靭有咬口，湯底非常濃郁又唔會太鹹👍🏼酥炸椒鹽雞扒肉操飯外皮炸得非常之脆，雞扒唔會好厚身，薄薄的雞肉好嫩滑，咬落去一絲絲，係我好鍾意嘅雞扒口感🥰值得一提個糖心蛋係畫龍點睛!櫻花蝦花枝餅 呢個係推介item，所以我哋都order咗試一試，普通花枝餅偏薄，呢個加咗櫻花蝦，口感豐富啲，而且非常香，食落都咬到花枝粒，I recommend this !!奶蓋芒果沙冰&檸檬愛玉高山烏龍茶兩杯高質嘅飲品🥰估唔到係半個芒果放喺面，打卡打卡! 高山烏龍茶入口非常甘甜，絕對有驚喜😍

星期四同呀媽係九龍灣德福行街食飯。行行下想飲珍珠奶茶又想食鹽酥雞，咁唔使諗台灣野係不二之選。係香港食台灣野黎講，應該無乜人唔識有勁多間分店既茶木。晚市套餐配可頌窩夫 :✨台式麻辣半筋半肉手工拌麵 $112牛筋腍身得黎帶少少煙韌，仲有成3大嚿。牛肉就相對就無咁腍，有少少韌手工拌麵口感唔錯，有咬口。晚市套餐配可頌窩夫 :✨麻辣鴨血旺配地瓜米粉 $112個麻辣味唔會太重，係大部份人都接受到既辣度。鴨血無腥味，滑捊捊好軟嫩。仲有好多配菜，豆卜、萵筍、牛柏葉etc晚市套餐可跟小食，最多揀2款。$22一款，$42可揀2款。我地有2個餐所以揀左4款小食，每款都好食。✨溏心蛋(1隻)✨黑麻油雞翅(2隻)✨紅油抄手(半份)✨櫻花蝦魚湯娃娃菜(半份)✨路邊灘小食 $68台式香腸 : 甜甜地，可配蒜片一齊食。酥炸雞扒 : 擺左一陣先食個雞皮仲係脆既，雞肉亦都嫩。肉丸 : 外面似係花枝丸，但咬開有爆汁既肉丸，有驚喜。✨滿杯珍珠鐵觀音奶茶 $44(套餐+$15)如其名有爆多珍珠！煙煙韌韌。奶茶少甜，令茶味更突出。✨珍寶茶凍雙重鐵觀音奶茶 $44 (套餐+$15)呢個係奶茶沙冰，一樣有茶味。仲有成5,6粒珍寶茶凍

今日去咗我最愛嘅台灣餐廳，見到餐牌好多咗好多新菜式，所以就同男朋友叫咗好多嚟試下。之前一直去開第二間分店，第一次來到九龍灣分店，裝修好靚好文青，牆身仲有茶葉用嚟做裝飾，好特別，我哋首先分別叫咗兩個套餐：鹽酥排骨肉燥飯 鹽酥排骨好大塊，啖啖肉，外皮炸得好酥，排骨都幾厚。好容易咬，一啲都唔會韌，調味都適中。配埋肉燥飯啖啖肉超邪惡超好食。古早杏飽三杯雞配肉燥飯見到呢個又有雞又有菇，當然要試下啦。上枱嘅時候好精緻，有個迷你火仔，會熱住啲雞，所以食落口嘅時候會好嫩，杏鮑菇超級多汁，調味好雞肉都好嫩滑櫻花蝦魚湯浸娃娃菜 娃娃菜比較細塊，浸滿濃濃嘅魚湯好好食台式滷味拼盤 呢個滷水拼盤同樣好足料，有糖心蛋 ，牛肚，牛展，牛腩，雞翼等等，好入味 櫻花蝦花枝餅 呢一個櫻花蝦花枝餅 ，入面啖啖肉，都食到粒粒花枝， 好惹味金萱鮮芒果奶蓋冰 出乎意料超好飲，原本以為應該會好甜，但係結果甜到好適中，超級清新，奶蓋奶味都幾濃，上面仲有芒果畀你食脆脆黑糖珍珠鮮奶 呢杯飲品完全可以同出面台式飲品舖比， 黑糖味好濃 ，上面嘅脆脆口感好豐富， 又唔會太甜。叫套餐仲會有包埋甜品我就揀咗窩夫同埋珍珠奶茶雪糕，嗰窩夫係嗰隻牛角包

同屋企人經過九龍灣德福，想食台灣野，於是就去咗茶木，裝修舒服，環境乾淨。軟殼蟹龍蝦汁手作麵套餐 軟殼蟹炸得十分香脆而不油膩，咬落去軟熟多肉，而佢個手作麵十分有驚喜，咬落去彈牙，又掛汁， 而龍蝦汁都十分香濃，估唔到台灣fushion嘢都咁好食精選可頌窩夫套餐仲加送窩夫，加熱後嘅窩夫鬆脆可口，加上甜甜的朱古力醬，係一個不錯飯後甜品。四季青萱鮮果茶真係要讚一讚他們的飲品，同坊間飲品鋪味道大不同，果茶十分清甜，飲完後，甘香的茶味慢慢飄出來，入面水果用料很足。櫻花蝦魚湯浸娃娃菜 娃娃菜都很清甜。鹽酥雞扒肉燥飯 另一個餐，我們叫了鹽酥雞扒 炸得十分香脆，炸皮不會太厚，味道剛剛好，不會過咸，入面的雞肉十分鮮嫩多汁，肉燥也十分好味，很下飯。紅油抄手抄手大大粒，入面啲肉都好鮮嫩，加上辣辣的紅油，令人不禁一啖接一啖。茶木珍珠奶茶冰淇淋奶茶味十分濃郁珍珠，加上煙煙韌韌的口感，正。佛手柑水果茶佛手柑畀人的感覺就更加潤喉清甜，喺水果茶上面加上了回甘。 整體來說是次用餐不錯，款式選擇多，飲品有驚喜。

茶木餐廳讓我又一次驚喜。除了裝修簡約清新外，餐牌也有了很多新菜式。紅燒牛肉麵，紅燒牛肉入味亦幾鬆軟，湯底濃厚，麵條薄身得黎又好滑，配菜蘿蔔都煮到入哂味！我們品嚐了櫻花蝦枝餅，炸得金黃酥脆，咬一口彈牙十足。路邊攤小食拼盤，炸雞扒香脆可口，食到雞扒的肉味及肉汁，幾美味，其他小食也不錯。茶木餐廳的水果茶也是一大特色，我選擇了高山金萱烏龍茶，甘甜帶清新感，非常好喝。整餐用餐體驗非常滿足，價格也非常合理。我會推薦茶木餐廳給朋友們。

茶木係我成日去既台式美食店，不過通常都係去將軍澳那間。今日經過九龍灣德福發現呢度既茶木好特別，好新淨，裝潢有別其他分店。原來連餐牌都有少少不一樣，所以一試！未到平日7pm都幾乎滿坐，應該幾好食。今日同行朋友唔太愛好甜品，所以唯有影相當食左。真係好想試個茶味蜜糖磚塊呀！點了兩款台灣小吃，香腸甜甜地，皮脆内juicy,唔錯唔錯。同生蒜及生菜一齊食好夾，食唔停口！滷水拼盤有我最愛既溏心蛋同牛肚，牛肚牛展好入味，好食😋溏心蛋煮得剛剛好，只是麻油落重手了一點。其他就中規中矩。到主菜上場，見OpenRice 好多人都讚呢度既手作麵，所以就試下啦，估唔到真係幾特別、幾好食。唔好以為係意粉口感，佢係台灣麵、煙煙韌韌咁，龍蝦汁夠多夠味。有成隻軟殼蟹，脆卜卜，點少少汁會更好食。另一主菜係甜酸肉，之前好幾次都好想試，但最後無揀，今次終於揀左。果然無揀錯，甜酸肉外脆内有口感，肉質結實彈牙，配上各種水果真的好滋味。加$10有肉燥飯，味道也不錯。呢間店有幾款特製既茶款，這款高山巨峰烏龍茶吸引了朋友的眼球，茶香味道不太濃，有淡淡的巨峰香味，但飲落又無巨峰味，幾特別。個設計幾似飲緊酒仲點了一杯櫻花特飲，呢個外表好靚，

茶木好食就係人都知，但近來嘅二人餐抵到不得了，性價比極高👍🏻👍🏻只係$258就包左兩個小食兩個主食仲有兩杯野飲！因為想試多啲唔同小食，所以以優惠價追加左兩份小食😋一次過試曬鹽酥雞、雞翼、紅油抄手同娃娃菜，兩個人share非常唔錯👍🏻主食方面有曬佢招牌菜，唔會好似其他餐廳咁因為套餐而比其他無咁熱門嘅菜🫠招牌紅燒牛肉麵超好食，牛肉煮到好淋，半筋半肉唔會咬橡筋咁，而且好入味，好有台灣嘅風味。另外再叫左個新嘅烏魚子元貝手作麵，元貝勁大粒，又鮮味，奶油忌廉底加上烏魚子辣辣地，完全唔膩，係誠意之作👍🏻👍🏻最後太飽唔想食麵包類甜品，就追加左個雪糕，本身以為都係普通雪糕，但原來係黑糖珍珠奶茶雪糕😍😍😍超驚喜又好食！完全為呢餐畫上一個完美嘅句號💙

今晚同老婆到teawood食晚餐，跟以前食過的茶木感覺煥然不同，裝修簡約清新了，感覺清爽左，就連餐牌也改變了👍🏻。見到隔籬枱有個茶香三文魚茶漬飯賣相幾吸引，我也order先😚，三文魚好厚肉，將湯加入飯後，再加上有三小碟（脆蝦米、木魚花、脆米）口感非常豐富😋，老婆點了台南海鮮之旅-軟殼蟹龍蝦汁手作麵，👍🏻麵吸收晒龍蝦汁，再加上脆口的軟殼蟹，美味😋。再來個小吃炸蝦餅，炸到金黃色，最緊要咬落去，超彈牙🤤。正爆👏🏻👏🏻。黎得茶木，又點可以唔飲水果茶呢，而家水果茶的茶底都有得選擇，我揀了高山金萱烏龍茶，甘甘地有清新感覺，不錯👍🏻。最後要食甜品😎，芒果吉士可頌窩夫，睇樣都知道好食，窩夫仲係脆口的👍🏻，今餐好滿足，而且價錢合理👏🏻👏🏻👏🏻

又再去食茶木多數都係因為想食佢個手作麵第一次去德福呢間茶木食入面原來咁多位、空間感十足見到佢哋最近出咗新menuBIG爆奶茶系列勁吸引今次試咗濃厚起司奶蓋鐵觀音奶茶🥤兩杯飲品都唔錯不過覺得用返正常啲杯會靚啲終於食到呢個菠蘿咕嚕肉上次去黃埔分店賣哂最鍾意佢入面咁多水果好特別入面有勁多菠蘿、仲有火龍果、士多啤梨🍓酸酸甜甜好開胃好啱送飯次次都會叫嘅手作麵、唔多介紹枱枱都會叫紅油抄手都唔錯、但覺得可以辣啲黑麻油雞翼都幾香今次試吓第二個甜品我記得好似都有好多味道揀都唔錯、下次再試吓其他味道

第一次食茶木既下午茶，今日係九龍灣睇完戲，經過見到下午茶感覺幾抵食，平過平時正價之餘仲有野飲😝即刻同朋友入去食個late tea。德福店嘅裝修好靚，行簡約木系風，加埋台風字句，好relax😆*軟殼蟹龍蝦汁手作麵 $108*呢個主食有少少類似台灣crossover西式咁，龍蝦汁有意大利風味加埋軟殼蟹配上台式彈牙手作麵，又出奇地夾喎😏*路邊灘小食 $58*小食包含鹽酥雞排、鹽酥福州魚丸及台式烤香腸，份量都非常足夠，好大份。鹽酥雞排值得一讚唔會好乾，亦夠鹽酥，夠味👍🏻第一次食福州魚丸，類似貢丸咁包左啲魚肉係入面，有驚喜🧆*台式肉鬆起司香蔥蛋餅 $46*蛋餅入面係煎蛋配埋芝士片青瓜絲同肉鬆，肉鬆喜愛者表示可以接受更大量既肉鬆🤤*(凍)有機臺灣高山茉莉龍珠茶 跟餐+$21*食完啲熱氣野配番杯冷泡茶就岩晒了☺️呢個造型滿分之餘，平時好驚冷泡茶唔夠即沖熱茶咁茶味香濃，不過呢set 茉莉龍珠茶就唔會啦，因為佢加埋茶味既冰粒，一路飲都夠冰涼同會淡味🍵*濃厚起司奶蓋鐵觀音奶茶 跟餐+$17*呢杯野飲係為了慶祝 茶木10週年，特登炮製既升級版😍下面既奶茶底好夠茶香，配埋上層既起司奶蓋甜度岩岩好，非常夾🧋好解渴

鍾意食台式磚塊，當中茶木可以話係性價比最高，今日黎到呢間未黎過既分店，都幾有驚喜裝修一貫舒適黑麻油雞翅有陣陣麻油香，雞翼肉質嫩滑金黃鹽酥雞炸到金黃香脆，入面亦唔乾身，好有台灣夜市風味烏魚子元貝手作麵幾有驚喜既一個主食烏魚子勁香勁惹味元貝煎封得唔錯手作麵係介於意粉同日式炒麵之間既感覺，幾特別古早杏鮑三杯雞地瓜米粉杏鮑菇同三杯雞都好惹味地瓜米粉口感同味道都同米粉好相似，但係口感更清爽草莓蜜糖磚塊食過咁多間茶木，呢間既磚塊應該係做得最好佢真係做到脆得黎唔硬，高質黑糖冬瓜茶食完咁多熱氣野最好就飲杯冬瓜茶下下火