茶房別天神

营业中

休息中

收工和朋友來到康怡廣場搵美食，見到別天神出面一排排靚靚茶具就入咗去。呢度主推兩款拉麵，我比較喜歡🦐🦐🦐，選擇了蝦味噌豚骨湯麵，還配了最愛的溏心蛋。等了5分鐘多就上菜，急不及待喝了一口湯，好清甜，本身仲怕太咸，但蝦味鮮，又幾配合豚骨湯底！麵條都幾彈，不會太痴。溏心蛋就正常表現，因為我喜歡熱辣辣的，但我朋友讚不絕口說好甜好好味我覺得一碗最重要就是湯底，只要湯底好飲，就順利成章整碗麵都好食！如果叉燒係肥叉就更好喇，雖然清淡一點也不錯。

今天與小雲同小吉影相， 途經吉之島二樓，才發覺原來裝修後，別天神搬左上二樓，座位比裝修前多左闊左，這裡還有可麗餅買，一大排櫥櫃放滿了精緻的茶杯，很靚喎見到餐牌上有很多選擇，才發覺有點肚餓，所以我又食野啦！未裝修前試過別天神拉麵，今次就試蝦味噌套餐配餃子啦！桌上有齊所以醬料，自磨芝麻，最特別是用個木手提箱裝著點菜不久，一碗熱辣辣的拉麵就上枱啦！大碗，勁多櫻花蝦，叉燒入味，粟米甜， 湯味濃，麵條彈牙，蛋流心味道足餃子：煎得皮脆，肉汁鎖住，一口咬落去外脆，裡面juicy，沾埋醋食，味道更好

做完瑜珈好肚餓，但又不能吃太多就和朋友周圍找輕食，發現康怡有間拉麵館，睇睇menu湯底幾吸引就入去。我點了別天神套餐，包括豚骨湯麵半熟糖心蛋和小龍蝦蟹子沙律。豚骨湯麵係幼面掛湯，不會太淋，加上豬骨湯底好濃、好滑，但絕不油膩！溏心蛋都好甜好好味，叉燒雖然瘦但豬肉味十足，最後我整碗湯渴下。小龍蝦蟹子沙律一個雪糕球份量，用附上的紫菜卷起來吃，就做到外面脆卜卜，內面龍蝦肉十足，肉質結實吃落頗有口感！湯底真係太令人回味，下次做完瑜伽再來吃！

為行Aeon而來，看到中途看到2樓的拉麵店就進去醫肚。有飯類的餐牌，但拉麵就只有2款。蝦味噌豚肉湯麵 套餐$115 (麵+小食)朋友食這款加櫻花蝦，我就食豚骨湯麵。別天神 豚骨湯麵 套餐 $105 (麵+小食)半熟蛋的流心蛋很滑，在日本蛋中這個蛋黃是中度濃郁。叉燒很入味，是瘦叉的關係因此略欠油份的甘香。木耳爽口湯底一般般有色無味，沒有豬骨湯的香。全個麵最差是麵，不是「湯麵」的意思是否「不是拉麵」，麵質似中式麵條，麵質似中式麵條，沒有拉麵的煙韌度，就是沒有想繼續吃。套餐的小食有兩款選擇：餃子、小龍蝦蟹子沙律，我們就各一份都嚐試。湯麵、小食中，最好食是這個「小龍蝦蟹子沙律」！沙律混合粒粒蟹子、龍蝦肉，卷進紫菜中一口一件，香脆的紫菜、爽脆的蟹子與微辣的沙律醬的組合很夾。跟餐的餃子有4隻，皮煎得剛好，是菜肉餡餃子，味道就一般般，不會有深刻印象。這裡是零服務，禮禮貌貌的落單，但負責落單的中年女人黑口黑面，說話悔氣親　我哪裡得罪了你?建議負責落單的中年女人態度要再培訓

今日同媽媽黎個快閃晚餐 地點選太古 因為有吉之島同隔近既小商場 食完晚餐去行街減減卡路里最好不過！叫得'快閃' 所以決定揀間快之餘又唔會代薄肚皮既餐廳 唔同設計既杯排列係窗 目測起碼有一百套杯碟 而且每隻設計唔會重覆除左拉麵 呢到亦會提供飯類同沙律 不過每款選擇唔多！黎到當然要食拉麵喇 （餐廳裝修簡潔 而且環境舒適）～蝦味噌套餐拉麵 & 別天神套餐拉麵～即叫即煮 柯打完5分鐘內就黎到！賣相唔錯 尤其見到黃澄澄既溏心蛋好吸引！食麵前先飲啖湯 兩碗都鮮味濃郁 尤其蝦湯底 味道非常濃郁 而且飲完唔會覺得口渴 我諗呢d就係真材實材既湯底 絕無味精麵身偏幼 入口感覺好順滑 咬落有些少煙靭感！配角溏心蛋攞足一百分 蛋黃呈膏狀 咬開一半仍然有蛋黃液流出～餃子&蟹子沙律～煎餃皮薄 口感酥脆 因為裡面仍有肉汁所以食時要小心爆汁！蟹子沙律出乎意料到好 估計應該有蟹子粒+沙律醬+蟹棒組成 因為蟹子多所以口感一粒一粒 幾特別！個人建議可加些少wasabi增強味覺 而且成個沙律會更開胃

落狗屎咁大雨,係太古AEON行完買完野,又累又餓行行下就聞到好香既拉麵味,好似有吸力咁,呼喚我個肚入到去坐低就梗係望下個餐牌啦,雖然門口都大大個豎立左係度,咁都要望既睇左10秒已經決定左.點左個別天神套餐同蝦味噌套餐別天神套餐就係豚骨湯麵蝦味噌套餐就係蝦味噌豚骨湯麵另外加餃子,小龍蝦蟹子沙律豚骨湯麵--湯底夠清,豚肉唔鞋,真係豬肉有豬肉味,係新鮮個隻而隻蛋流晒心咁,一野放入口慢慢流,麵唔會太林,一個字正食到我連湯都飲埋蝦味噌豚骨湯麵--口味同豚骨湯麵唔同佢個湯比較濃味,蝦隻細細隻都幾香口,蝦夾粟米加湯一野隊入口,簡直爽,豚肉同豚肉湯麵一樣小龍蝦蟹子沙律--超香口,包埋紫菜食就係FIT到爆餃子--都幾香口,唔算好油膩

Aeon Style 真的好好逛，平日逛就最舒服😉行完就當然在商場內食最方便啦！今晚都算早食，6:30pm就食，肚餓呀!! 見門面光鮮及門旁的一排杯碟裝修頗特別，就光顧它吧!!枱夠大，不算太密集，椅子也是designer feel那種style, 簡潔而舒適。也有bar table, 可望到廚師的一舉一動😊我點了一個別天神套餐，有小食也有拉麵。餃子 - 有4隻，皮煎得脆，餡料也多，所以餃子是脹脹的。豚骨湯麵 - 大碗而麵多，有溏心蛋，厚切义燒2大塊，大量的日本蔥及黑木耳。溏心蛋 - 蛋白滑，蛋黃creamy。麵的軟硬度合我心意附有不同的醬料: 芝麻，胡椒，紅薑等等。還有辣味芽菜👍餐廳的餐牌總結而言，坐得舒服，味道在我期望以上，價錢在我預算以內。

變身後的康怡aeon百貨公司真的好好逛。逛到累了，記起二樓有一間拉面店。平時經過都聞到好香了, 今日記起就過來了。一來到門口就見到隻可愛招財貓裝修簡約環境都乾淨舒服。開放式設計有令人感覺較寬敞的感覺。今晚大約六點零鐘到，平日的關係都不需等候入座。拉面分兩款，豚骨湯面以及蝦味噌豚骨拉面我地二人都想試拉面但又兩個拉面都想試。最簡單方法，點了兩個拉面。其實還想試試咖哩飯拉面拉面，讓人一口想吸入整個的拉面點了兩個。豚骨湯面（上）蝦味噌豚骨拉面（下）先一起喝一口湯。笑了，因為味道夠濃厚但又不會過咸。又不會像某些拉面有一大片油。蝦味噌味道比普通豚骨更濃郁。有幾個不同味道層次。叉燒是一賣點，做到非常軟身入味。半熟糖心蛋更令整碗面加分。糖心效果出色。面條都能掛湯，有口感的我覺得要在香港找一間好吃的拉面都幾難。但這間水準是不錯的小食方面有兩個。點了小龍蝦沙律，餃子。沙律感覺幾新鮮。推介放在紫菜上一口吃入。爽脆的口感與沙律配個得不錯。餃子都做得不錯，煎得剛好，一個接一個吃得十分滿足餐廳還有咖啡甜品。下次來到一定要試，好想吃吃那個crepe!

自從AEON裝修過後，都未嚟食過野，今日身痕好想食拉麵，但又好大雨，原來呢度開咗茶房別天神喎，落地鐵即刻走過嚟啦，唔洗行出街耷濕晒吖。入到嚟，嘩比灣仔分店闊落好多，檯凳之間有好多空間，正呀！蝦味噌豚骨湯麵 ($115)有好多蝦鋪喺面，差不多每一啖麵都沾咗好多蝦，為平淡嘅拉麵增添唔少口感；湯底係落咗蝦去煮嘅味噌豬骨湯，有淡淡嘅蝦味，湯底黏稠度啱啱好，感覺唔係好油膩；半熟蛋有流心，蛋黃好香，其實半隻就真係唔夠食嘅！叉燒肉質軟腍，肥瘦適中；麵好煙韌又唔黏我鍾意別天神套餐 ($105)有好多木耳絲及蔥，勁爽口又香，湯底味道香濃但唔油膩，鹹度適中，比蝦味嗰個湯黏啲；見隔離有咁多調味，又點可以唔加返啲呢？我加咗七味粉、芝麻及生蒜蓉，超正！小龍蝦蟹籽沙律佢並唔係係一個普通嘅薯仔沙律，而係加咗小龍蝦及蟹籽，用新鮮紫菜包住嚟食，口感一流餃子即叫即煎，外皮煎得香脆，餡有菜及肉，好juicy好味非常方便又美味嘅拉麵店，弊在轉頭仲要食下午茶，下次有機會先嚟試埋佢哋嘅蛋糕及茶啦

自從康怡aeon裝修後，親戚朋友都讚口不絕。除左裝修靚同購物選擇多左外，大家都話食店正。今日難得同肥仔兩個都收早，就去康怡見識下。行完超市見肚餓，就去食碗拉麵啦。以前為於food court 嘅別天神搬到二樓corner位，雖然搬入左，但勝在位置多左又寬敞，唔洗等位等到2046.之前食過小龍蝦蟹子沙律，一試難忘。所以今日都係食呢個。賣相似雪糕嘅沙律，夾起啖啖龍蝦肉，鮮味爽口。咬咬下又有粒粒蟹子卜卜脆嘅感覺。每一啖都先用香脆紫菜包住，再放入口，味道更有層次。店內提供好幾款調味料，我就只磨了點芝麻，唔想蒜或辣味搶左湯底嘅味道。豚骨拉麵豬肉湯底一直係我食拉麵嘅首選。湯底好濃又無味精，奶白色嘅湯飲落有點黏口，可知湯底非常足料。麵條方面我個人比較喜歡幼身，而別天神正正用左幼麵條，麵條軟硬適中，爽滑彈牙。叉燒也好入味，肉質嫩嫩而且肥瘦適中。而溏心蛋都岩岩好，不會過熟。

自從Aeon廣場大裝修後都沒有來過了，今天難得有時間來到太古，就來到這裹閒逛一下再吃個晚餐。Aeon 翻新後，多了不少新的餐廳，當中位於2樓的茶房別天神，光鮮的店面吸引了我進去品嚐美味的拉麵。半開放式的店面，裝潢簡約清新，整體感覺整齊乾淨。其實別天神在香港有不少的分店，但茶房別天神有一特別之處，就是多了咖啡跟甜點，這也是吸引我進去的主因！事不宜遲，先來拉麵套餐，2個人剛好每款拉麵跟小食都要一款。小龍蝦蟹子沙律意想不到，龍蝦肉很多，味道很清新，用紫菜包沙律吃起來味道很夾。日式餃子，餃子皮偏薄，煎餃底部金黃又酥脆。主菜豬骨湯麵湯底很黏稠很濃，不會太鹹叉燒比較厚身，口感會重咬感，啖啖肉。經典的流心蛋，超美味沒有特別要求硬身的麵條，麵身就偏粗和腍。蝦味噌豚骨拉麵根本上跟豚骨拉麵是一樣。但用多了蝦熬製湯頭，而且多了櫻花蝦來調味，令到蝦味很濃郁。喜歡蝦味的朋友必試！最後想來本店特色之一既甜品來結尾，無奈小食跟拉麵的份量很多，再吃不下甜品了。唯有下次再戰這裡的咖啡跟日式班戟。結帳每位110元

這天晚上約了人在附近看電影正值晚餐時間所以food court 都擠滿了人我們不能錯過電影時間所以只好上其他樓層看看有沒有不用排隊的食店來個「快餐」這開放式的食店放眼望去就看到還沒客滿 我們選了吧台的位置坐下一方面食物一弄好就放到我們面前直接開吃 一方面也可以欣賞師傅的手藝餐牌的選擇不多這跟很多日本傳統的拉麵店很相似專心做一款出色的 待它成了老字號 客源就會源源不絕所以毫不猶豫就點了那兩款獨二無三的拉麵別天神套餐（豚骨湯麵＋小龍蝦蟹子沙律） 105配料挺多的 不會覺得單吃拉麵很單調這是朋友點的只喝了一下湯頭乍看之下湯頭好像比較清淡但喝下去滿濃郁的 而旁邊的小吃相當出色裡面真的有一顆一顆的龍蝦肉 彈牙鮮甜  蝦味噌套餐（蝦味噌豚骨拉麵＋餃子四隻） 115這一碗比普通的豚骨湯麵貴十塊錢事出有因 我覺得真的比較好吃裡面有叉燒 玉米粒 一分為二的糖心蛋 青蔥 還有撤滿面上的櫻花蝦櫻花蝦撘配柔韌的麵條一起吃 來個雙重口感叉燒是比較瘦的叉燒  怕胖的女生多吃幾塊也不會有罪惡感但個人還是比較偏好帶點肥滋滋的叉燒餃子就平凡一些值得一提的是糖心蛋我自己本來很少接觸蛋黃 覺得很腥但糖心蛋這種造法的雞蛋我就

今天放工約了朋友來到這裡吃晚餐..我們想找在太古附近的..看到這裡有拉麵吃.位置又在AEON2樓..好方便..拉麵的選擇不是很多..所以我們各點了一個套餐..我吃的是蝦味噌湯拉麵..拉面表面放滿了櫻蝦乾..還有很多粟米和幾片豚肉..絕對不馬虎..先喝一口湯..有很濃的蝦味..這是我第一次吃蝦味拉麵..好鮮甜..原來蝦與拉麵也很配..豚肉也很'淋'..煮了很久..👍🏽我朋友吃的是豚骨拉麵..湯是傳統的豬骨湯底..味很濃🤤另外..這個小龍蝦蟹子沙律真是一流..小小的沙律有龍蝦肉..配埋蟹子..再用紫菜包著..吃下很鮮甜..很清新..很醒胃👍🏽餃子也煎得很香..吃了拉麵和小食..已經很飽..這間店的另一推介是班戟..但這次真得吃不下去..留待下次再來試✌🏽

我是銅鑼灣別天神的常客，知道太古康怡廣場開設了新分店並且增設了甜品餐牌，所以決定去逛街看戲再吃拉麵。拉麵餐牌跟其他分店一樣。《小龍蝦蟹子沙律(跟餐，如單點$35)》小龍蟹肉加上薯蓉撈蟹子香口有咬口，伴以香脆紫菜吃很開胃惹味。《餃子四隻(跟餐，如六隻單點$35) 》餃子皮厚薄適中，煎得香脆。餡料多菜少肉，不失肉汁。《豬骨湯麵 單點$75 套餐$105》豬肉湯底一向不會令我失望，無味精又不失味濃，必定會把湯底喝得乾乾淨淨。麵條屬幼身，軟硬度適中，彈牙爽口不黏身。兩塊豚肉很嫩滑入味，而溏心蛋保持到溏心效果，口感軟腍，不錯。《蝦味噌豚骨湯麵 單點 $85 套餐 $115》豚骨湯底加上蝦仔來淆製，所以味道加倍豐富。豚肉及溏心蛋跟上述一樣。環境：比其他舊有分店寬敞，跟一般細心的正統拉麵店不同，餐桌上沒有放上紙巾，這點有些扣分。肚子太撐所以沒有品嚐甜品，唯有留待下次才試。

Aeon康怡店變身成為Aeon Style Store之後, 雖然有好多新食店進駐左, 但都保留左比較有質素嘅食店, 所以我同老婆假期都多左好多去Aeon Style Store搵食😋茶居別天神係其中一間Aeon變身後仍保留嘅食店, 更升格由地下food court去左二樓, 位置好左好多, 而且裝修亦華麗左👍裝修後新店係二樓, 地方大左, 坐得舒服好多☺配合茶居呢個主題, 店面放置左好多好靚嘅茶杯☕, 老婆係排隊時仔細睇過, 應該每一隻都唔同😁雖然呢間店改左叫做茶居別天神, 不過黎到都係想食呢度出名嘅拉麵😁, 拉麵主打都係兩款: 招牌別天神拉麵同蝦味噌拉麵。 套餐任選小食小龍蝦沙律或餃子其中一款, 雖然我同老婆都鍾意食餃子, 不過如果兩個套餐都揀餃子, 8隻咁多驚食唔哂, 所以最後改左一個沙律🙈別天神各店都有好多款調味料俾食客先行加配, 最正係有我最愛嘅攪攪芝麻😍之前從未試過自己係拉麵加蒜蓉, 另有一番風味👍老婆最愛👩小龍蝦沙律好快送到, 非常驚喜😃 小龍蝦肉都唔少, 好彈牙, 沙律混有蟹子, 清爽之餘有口感, 配搭紫菜好脆口。 好彩有點呢份沙律😋餃子皮香脆, 可惜試唔清楚, 因為不