茶房別天神

营业中

休息中

別天神喺香港開咗唔少分店, 其中呢一間設於太古康怡商場內, 行街行到攰攰哋, 一於入嚟充充電。別天神套餐 $105招牌套餐用嘅係豬骨湯底, 湯色奶白, 掛上直身幼麵, 入口味道濃郁, 但又唔會太膩。叉燒切成薄片, 質感十分軟熟, 油脂分佈平均 。 半熟蛋 帶點酒香, 蛋黃流心。套餐小食可選小龍蝦蟹籽沙律 或 日式煎餃子, 我同朋友不約而同都揀咗餃子。餃子皮夠薄, 煎得焦香, 餡料係椰菜豬肉。朋友點嘅蝦味噌套餐 ($115), 分別就在於豬骨湯底加咗蝦味噌同櫻花蝦, 鮮味提升之餘, 味道亦更有層次。

突然Lunch好想食拉麵，所以就去別天神！除咗好味之外，食完之後仲可以行街嘛！雖然餐廳唔算大，但勝在人流快，好多人食完野就會走，好易有位！其實響別天神入面，我最鍾意食嘅野唔係拉麵，而係小龍蝦蟹子沙律！用紫菜包住啲小龍蝦蟹子沙律一齊食，真係好好味，簡直係perfect match！另外，我覺得蝦味噌豚骨拉麵都好好味！個湯底除咗有豚骨味之外，仲有好香嘅蝦味！不過啲叉燒嘅水準就唔算keep得好好，有時會好「鞋」，有時就好肥，有時就ok！店主真係要留意吓！不過小龍蝦蟹子沙律實在太好味啦，為咗佢，我都會繼續幫襯嘅！

仲記得嗰時初初識M佬，我哋都未開始拍拖，佢帶咗我去銅鑼灣食別天神拉麵（竟然係拉麵，而唔係浪漫西餐廳囉），但呢間拉麵確實又唔錯，濃厚嘅豬骨湯底真係同M佬一樣咁迷人！而最喜歡又點少得佢嘅辣芽菜呢！我哋成日都去回味，睇住佢由小店經營，到依家越嚟越多分店，今次就去到太古康怡廣場嘅茶房別天神再度回味。辣芽菜放在枱上嘅調味料都值得介紹？呢個就係別天神嘅魔力。辣芽菜香口彈牙，加落去拉麵度係超好味。不過，有時嚟到會無晒存貨，好彩今日仲有半樽，食晒再叫店員refill。蝦味噌豚骨湯麵呢到嘅拉麵選擇貴精不貴多，分別係豚骨湯麵同埋加入咗櫻花蝦嘅豚骨湯麵，我同M佬都一樣鍾意蝦味噌豚骨湯麵，因為蝦味同豚骨味好夾，令到成個湯底味道大大提升，好濃郁好有層次。除咗櫻花蝦，仲有一隻開邊流心蛋，兩塊厚切叉燒，紫菜同粟米。當然麵質都好彈牙，掛湯力高。餃子皮煎得夠香，肉汁都保存到，都唔錯。

昨晚同朋友去左太古城中心睇Line friends 展覽，睇完之後就去左Aeon個邊逛一逛同埋食番個晚餐🥣，朋友想食拉麵🍜，所以就揀左茶房別天神！😋別天神套餐$105，配餃子🥟四隻：豚骨湯拉麵🍜個湯底係豚骨加純水製成，超香濃既湯底，麵身好爽滑，加左拉麵胡椒同埋芝麻係面更加滋味，好多粟米、蔥粒同木耳，特別爽口，再食埋好唸身既豚肉，oishi呢！而小食餃子🥟煎得好甘香，餃子肉熱辣辣仲好juicy! 期間限定蝦味噌套餐$115，配小龍蝦蟹籽沙律：櫻花🌸蝦再加自行調教既拉面汁、蒜蓉、辣芽菜變成特濃湯底，拉麵爽滑更加有口感，溏心蛋好有蛋香味；而小龍蝦蟹籽沙律🥗好新穎，將沙律包左紫菜片上面，小龍蝦肉好鮮甜再加上紫菜十分脆口，唔錯既健康新食法！😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

Long weekend最後一日食返d comfort food補充下。黎到太古好happy因為好多野睇，見到呢間拉麵門口好多人考慮梗，我拿拿臨入去拎定個位，之前都食過呢間分店同西環分店。相比起西環分店，西環應該上有人情味，呢間就集團既應覺重d. 拉麵有兩款，我最喜歡豬骨味，唔油，飲落順口。麵係白色幼身，偏軟身。食多多都唔油膩。叫個餐仲比散叫多隻蛋，呢個糖心蛋做得很標準，我也收貨。西環店有辣雪菜，呢間有辣芽菜。可惜當晚生意好已經食哂冇貨。拉麵料算多，有紫菜 ，蛋，木耳。蝦味噌更有粟米。跟餐既小龍蝦沙律不過不失，因為係小龍蝦既關係我唔多食既，但幾欣賞佢有五塊紫菜提供。另外個餃子同西環店外觀不同，而味道一樣地好食。個餃子汁酸酸既好正。同場見到人地食咖啡飯亦好香。以同區黎講呢個價錢好抵。

aeon除左food court，其實上兩層都有其他好野食!~今次就黎左茶房別天神!同朋友每人叫左個餐，我食別天神豚骨湯麵既套餐($105)，朋友就食左蝦味噌豚骨湯麵套餐($115)，一個配餃子一個配小龍蝦蟹子沙津咁一齊share!蝦味個款真係超多蝦乾，好夠味!材料十足!粟米都好大手咁落!配料黎講份量真係好充足!豬骨湯都好飲!奶白色味道清甜一d!木耳絲又係勁大量完全唔孤寒!流心蛋我覺得都好味既~正常standard!兩片肉都算適中，唔係厚切，但都算大塊~但我覺得個麵底都幾掛湯，食完d湯都清晒咁濟!我同朋友最鍾意係沙津呀！好開胃好有鮮味!有蝦肉係入面又食到一粒粒蟹子!配紫菜食或者配麵食都好夾!~❤餃子就係拉麵既最住拍檔啦！所以都唔洗多講，呢間餃子既皮都夠薄，餡又夠!平時食拉麵都要快走，因為通常d座位都排到唔特別舒服，好易聽到隔離講野，但呢間d座位setting幾好，舒服又可以傾耐d計! 佢牆上有教點樣用d調味料配搭令拉麵更好味!大家可以去發掘下，我跟住配同個湯調味都覺得幾好味!

今日同女友係太古shopping完，行到累累地黎到二樓呢間餐廳茶房別天神。係吉之島旁邊，非常方便。首先點左個別天神豚肉套餐，我選左跟餃子，啲餃子好脆口，好好味。碗麵方面，啲湯底好濃郁，用好多料煮成，所以啲湯底特別香濃好飲，個溫泉蛋都好好味，賣相好靚，睇見都流曬口水。豚肉都唔錯，面底又夠彈性。如果重口味既話桌上有好多配料可以自己加入去，我個人好鐘意食蒜蓉，所以加左好多入去，非常濃味可口。女友就選左蝦味噌豚肉套餐，湯底有小小唔同，今次加左啲蝦咪醬，係祕製既，香味濃郁，我女友非常喜歡。女友就跟左個紫菜沙律，個沙律酸酸甜甜，好開胃，夾咪啲紫菜一齊食真係令一返風味。

假日來再aeon shopping, 又到了晚飯時間，小女生想吃拉麵，那麼就到《別天神》去 。六點鐘，不用等位就可以入座。除拉麵外，也有咖喱飯選擇。拉麵店座位不多，拉麵只有兩款選擇。我們點了兩個套餐，分別點了餃子和龍蝦沙律。餃子皮尚算薄，煎香了的部份香脆，沒有煎過的部份煙韌可口，肉也多汁，整體不錯。至於龍蝦沙律，實在讓人感到驚喜，入口很香，相當惹味，用紫菜包著吃，外脆內軟，讓人停不了口，如果份量多一點就更好了。別天神拉麵的湯底是奶白色的，是把豬骨用壓力煲制成，是真正的超白豬骨濃湯，入口有濃香的豬味道，湯底很甜而且不會太咸。有多款配料讓你加入，讓拉麵變得更加不平凡。而另一款是加入了櫻花蝦，味道較濃，更惹味。麵是幼麵，軟硬適中,可能麵條較幼，未能完全掛湯。叉燒軟稔，配上糖心蛋，木耳同蔥花，及不膩的超白濃湯，吃一碗十分飽，也讓人十分滿足。

在商場逛逛後肚子餓了，看見這家有拉麵還有pancake的店子便進來吃一個early dinner。基本上都不用等位，很適合逛到累了來補充體力，我們點了兩個套餐，豚骨湯面和蝦味增豚骨湯面，湯底都算清的很合我口味，如想吃濃味一點的可以加入不同的調味料。但湯的溫度略嫌不夠熱...個人比較喜歡吃熱騰騰的拉麵🍜另外套餐還配有餃子小龍蝦蟹子沙律，沙律很好味，加入了蟹子口感很特別😋配埋紫菜包住一起食好好味👍吃完了兩碗麵和小食麵已經很飽肚了，容不下pancake了，還是下次再嚐吧!

拉麵- 由麵既質素、粗幼、軟硬；湯頭既味道、濃淡、質感和配菜分怖等等影響製成既一碗功夫麵。正好今日收工同朋友經過太古AEON，見到有別天神就入去試試。見到Menu上有兩款套餐，分別係別天神拉麵套餐，同埋蝦味噌拉麵套餐，雖然睇落去選擇少，但原來呢兩碗拉麵都好出色！佢除咗拉麵仲有飯同甜品添我食既就係蝦味噌拉麵套餐，選擇了小龍蝦蟹子沙律。先講講沙律，味道十分鮮味，沙律醬配上些許芥末醬，帶出小龍蝦🦞既蝦味，用紫菜包住食減輕沙律醬肥膩既罪惡感，吃個不停！小龍蝦蟹子沙律 （單點$35）餃子本來有四粒 ，食咗兩粒先記得影相蝦味噌拉麵暫時係我在香港最愛吃既拉麵，湯頭濃濃既豚骨湯，再配上一堆櫻花蝦，達成一個完美既比例，拉麵質感偏硬，有興趣既朋友一定要黎試試！蝦味噌拉麵 （單點$85）佢既拉麵仲可以俾食客自由添加蒜蓉，薑，拉麵胡椒，芝麻，仲有不得不提既辣芽菜，味道配湯頭極佳。鍾意食拉麵嘅你一定要黎試試！

今天下班後前往AEON STYLE選購家居用品,完畢後見時間不早了,就決定在別天神快速吃碗拉麵🍜曾光顧過藍田的別天神覺得一般,可能這次沒有抱著期望,這次感覺食物質素進步了不少🤗👍餐牌內容很簡單,主食拉麵基本上只有兩款🙆‍♀️可加錢轉套餐或加配料和飲品🥤套餐小食有日式煎餃子或小龍蝦蟹子沙律~二選一🙂雖然餃子煎得不錯,但我會推薦沙律,不會太膩,而且吃得出來的粒粒小龍蝦肉很讚👍我們各點了一客豚骨拉麵和蝦味噌拉麵,前者湯底較清淡,後者較適合喜歡濃味一點的人😘但兩款拉麵由拉麵,叉燒,到味玉等配料都是非常有水準的👍可能餐牌選擇不多,拉麵師傅更能專注做好這兩款拉麵👨‍🍳我特別喜歡店家提供多款調味供食客自行調較出適合自己的味道😋除了一般的七味粉和拉麵胡椒外,還有辣芽菜,蒜泥,拉麵汁等等還有自家貼士較你如何調較隱藏口味🤓離開時還發現有crepe,外賣堂食皆可😍😍下次可以一試!

我經常經過康怡Aeon，今晚就去左係Aeon裡面2樓既茶房別天神食晚飯，叫左一個蝦味噌豚骨湯麵同一個別天神套餐，即係豚骨湯麵配煎餃或沙律。想加其他野可加錢配d小食我唔鍾意太濃味，所以揀左豚骨湯麵，味道岩岩好，唔會太咸，麵既軟硬度亦適中，口感幾好老公就食蝦味噌豚骨湯麵，佢幾鍾意個湯底，而且有好多粟米粒佢哋既煎餃亦做得唔錯，好香脆香口，但又唔會太燶其實我見到佢地既甜品好吸引，我好想試，不過今次食飽左，留返下次再試

同媽咪行AEON👩‍👧行到攰攰地就想搵間餐廳坐下，經過2樓嘅 茶房別天神 見到就快滿座就知到哩間拉麵店應該幾高質🥰原來除左拉麵之外，餐廳仲有咖哩飯同日式班戟 都好吸引🤤 經過一輪嘅選擇困難症後，最後都係叫左佢嘅兩個招牌拉麵套餐試試別天神套餐（豚骨湯麵+小龍蝦蟹子沙律🦞）$105平時最怕d拉麵湯底好油膩，但哩個白雪雪嘅豚骨湯底係一d都唔油!! 麵嘅質地亦適中，唔會話淋曬而係爽口的。 至於配料方面，有兩塊大豚肉、木耳同溏心蛋。我就最中意個溏心蛋🍳 除左令拉麵賣相加分，亦令味道豐富好多紫菜包小龍蝦蟹子沙律🥗 有驚喜！啖啖都有龍蝦肉架 激讚👏🏻蝦味增套餐（蝦味增豚骨湯麵+餃子🥟）$115基本上同豚骨拉麵差唔多，但哩個蝦味增湯底更！好！味！更濃郁！仲有d小蝦仔係入面架，鮮味十足🍤🍤🍤至於餃子嘅外皮煎到金黃，幾香口，唔錯👍🏻（雖然餃子都唔會差得去邊...）另外，值得一讚每張檯都擺放多款醬料，例如拉麵胡椒、辣芽菜、薑、七味粉、蒜蓉等，可以按個人口味加落湯底原本想試埋日式班戟🥞但真係食得太飽，唯有等下次再到訪啦

茶房別天神menu比較簡單，拉麵有原味同海兩款，另有咖哩飯同crepe。套餐可以揀餃子或者小龍蝦蟹籽沙律。沙律入面嘅小龍蝦好爽口彈牙，食落去啖啖肉，味道開胃。原味湯底只用豬骨同水熬製，鹹度適合港人口味。海老湯底表面泛住粉紅色油光，味道較濃陏。鍾意辣嘅人都可以加埋辣芽菜食。九州直白身拉麵富麵粉香，夠韌度。溏心蛋無論蛋黃定蛋白都富醬油香。薄叉燒肥瘦適中。跟餐餃子有四隻，即叫即煎。位於太古Aeon百貨，位置便利，食完仲可以行街。

吉之島每個星期三都有超級優惠，很多時候我都會在星期三來購物！今天正巧是星期三，先到2樓吃過晚飯。2樓比起在G/F的超市人少很多，找食店都較為容易！茶房別天神除了拉麵之外還有咖哩飯及班戟。肚子餓得很，點了蝦味噌豚骨湯拉麵，套餐配送餃子四隻。先嚐一口豚骨湯，味道非常濃郁；添加了櫻花蝦，吃拉麵的同時也可為骨骼加補充鈣質哩～餃子是即點即製，送上桌面來還是熱騰騰的！桌上還有好幾款調味醬料，可自行加添調製個人口味。個人推介是加添蒜蓉醬及芝麻粒；還有一點點辣芽菜，非常惹味啊～