茶廳

之前已堂食過佢嘅手撕雞撈麵，覺得ok!但今晚幫襯買焗豬扒飯，外賣有八折，附送埋例湯，合共$57。講返個焗豬扒飯，茶廳主力推介，我就首度一試！一返到屋企，我就急不及待打開，個飯辣辣，芝士味好香，十分之濃郁，邊食邊拉絲！而啲飯好淋，內裏嘅蕃茄汁和菠蘿，酸酸甜甜， 好開胃！其實我平日都好鍾意食快餐店嘅焗豬扒飯，今晚呢個可謂完勝👍👍👍…查看更多

又係嚟青衣城嘅一日雖然地下有個food court 但我哋最後都冇去嗰度食而我哋揀咗上面嗰一層一間叫茶廳嘅餐廳價錢唔算貴 但都唔算特別平食物嘅質素係茶餐廳質素左右而分別可能就係佢開喺青衣城入面啦應該租金比出邊嘅貴嘅一坐低就一人一碗中湯黑椒汁雞髀煎蛋飯$68望落去賣相唔錯嘅份量睇落都幾多下添個批佢整得算脆口嘅仲加一個煎蛋但係一個好普通嘅茶餐廳款式味道都唔算特別突出但係入邊座位好迫好細環境都唔太好掂衛生感覺都好一般最後我哋係食咗$136即係每人都要$68除咗地點佢青衣城入面之外係一間普通茶餐廳質素有一個好處係佢唔駛等位…查看更多

惡劣收銀員 食物質素差，收銀員當自己係老闆，食物質素差，仲話自己廚師係咁做，冇辦法！佢叫客人唔好再叫，即是趕客。有客人唔要碟餸，佢介紹比剛入嚟坐其他客！咁離譜！下午茶餐同正價份量一樣，正價炒出嚟餸，不知所謂。豬手蚊個碟餸，花生幾十粒，豬手得2-3隻，好似被人偷食左咁！ …查看更多

聽說青衣有得睇紅葉，第一次到訪，原來唔係時候，不過，假日行吓公園都係好活動。好少去青衣城，咁大個商場，行吓行吓，有啲餓，朋友話想飲奶茶，嚟到2期見到呢間食肆，望完有下午茶餐就入咗嚟。由於未食午餐，考慮到食包唔夠飽，所以我哋點了星洲炒米同褔建炒飯。等咗陣就，食物送到。估唔到下午茶份量都唔細。炒飯非常足料，而且有驚喜，有多隻蝦同瑤柱，啲蝦爽彈，仲要唔係切粒，其他餸料有冬菇，紅腸粒，火腿粒，紅羅蔔，翠肉瓜粒，炒底，$52加埋熱飲，又夠鑊氣，又冇重口味，堅推! 星米又係好出色，餸料又係有爽彈蝦，而且火腿絲，红羅蔔絲，青椒絲，加上洋蔥絲，葱絲，顏色配搭加分! 唔算辣，少油，好味! *好耐冇食過咁好食嘅炒嘢!奶茶香滑!服務好!…查看更多

未到萬聖節就推出萬聖節鬼口水歺😱？咁大個仔第一次食呢個菠菜汁焗雞扒意粉可以咁嘅色嘅🤢. C諗S 食落伏諗到呢， 菠菜汁滑潺潺淡而無味😫雞扒白烚仲有雪味， 意粉淋 pat pat ~ 食到o曬嘴 🤢🤢🤢希望各位唔好步我後塵🤣🤣🤣@茶廳😫 青衣城二期 睇路呀🤣🤣🤣…查看更多

今日午飯時間喺青衣城，想來個quick lunch, 見到呢間茶餐廳人少少，幾適合，咁就入去試吓。佢有幾款午市套餐選擇，全部都係$58，我就揀咗「馬來咖喱牛腩飯」。好快就嚟咗個例湯先，原來午餐有例湯送，從味道推測似乎係紅蘿蔔煲豬骨湯，因為湯裏邊只有一嚿小紅蘿蔔同兩粒南北杏，睇唔到有其它嘢，不過個湯好好味，到底落咗乜嘢🤔😆跟住「馬來咖喱牛腩飯」就嚟埋，咖喱牛腩自己一碟，飯另上，賣相都幾好。除咗牛腩仲有牛筋，兩樣味道都Okay。但呢個咖喱係港式咖喱，味道偏淡，冇馬來咖喱風味，食唔到有椰漿或馬來蝦醬嘅味道（一般馬來咖喱嘅材料），叫「港式咖喱牛腩飯」比較適合。不過咖喱相當大碟，食得好飽。杯熱奶茶幾香幾滑。呢個quick lunch不過不失😆…查看更多

有食過幾次青衣城既茶廳，感覺普通，😔但今次再黎食真係幾失望相比其他茶餐廳，呢度的確價錢偏貴，普通菜式大多 $60-80（不過因為係青衣城開鋪，都理解應該大多落左去租金度）所以通常食茶餐就算價錢偏貴都理解，但食物質素真係要有番相對水平常餐 $53🤭茄牛湯粉既牛肉明顯比以前少左奄列厚左，但整到超熟😵好乾😕牛油多士好似擺左好耐咁 都已經唔脆 都係好乾🤩不過唯一要讚係，奶茶幾好飲😂以下係以前既茶餐比大家參考，本來也是普通…查看更多

琴日出去青衣城睇戲，睇完就同朋有友食埋個飯就回家。之前睇戲經過依間茶廳都幾多人排。但可能個肺炎關係，所以琴日下午茶時間就唔洗等位就入得。本身唔打算打食評，所以冇影相，但佢地做咗件事我覺得可以表揚一下。我同朋友一坐低，侍應就比咗一個午餐同下午茶餐餐牌我，之後仲比咗2個紙袋我地放起個口罩，好貼心嘅做法。咁講番食物，我叫咗個午餐，係白汁海鮮焗豬扒飯，我朋友就叫咗個西多士食。佢個白汁海鮮焗豬扒飯仲可以轉做茄汁，我問啲員工佢話因為怕有啲人唔食白汁所以就可以轉茄汁，所以都幾好。佢個茄汁焗飯好大份好足料豬扒有啲咖哩味，唔韌，好好食。西多士我哋就叫咗紅豆西多士，紅豆好多，一切就爆餡，味道不過不失。買單就兩個人$100左右，一個午餐一個茶餐兩杯野飲， 每人$50其實又唔係好貴，但啲嘢幾好食，可以再食。…查看更多

今日，溫完書後去了青衣城食D嘢， 諗住平平哋就去咗茶廳，是第一次去， 叫咗個 咖哩喇沙虾球會意粉同 椰菜馬拉炒排骨加杯冷檸茶少甜。個咖哩喇沙虾球會意粉個汁超好食 同埋嗰個椰菜馬拉炒排骨D汁用嚟撈飯是 簡直一流。 咖哩喇沙蝦球會意粉 👇因為唔記得📸椰菜馬拉炒排骨所以冇相。😅😅 但有一樣嘢貴舖頭需要改善的是某D員工很粗魯差啲倒瀉水，可以在 OpenRice到有攞位服務， 同埋希望有可以在OpenRice 手機落單。希望可以改善以上的。 …查看更多

茶廳青衣青敬路33號青衣城2期1樓197號舖差唔多每日返工經過青衣城，都會見到呢一間餐廳，但係一次都未幫襯過，趁今日得閒諗起佢就入嚟食個早餐啦呢到早餐既選擇唔算多，望晒個餐牌都係得5款，不過我都係鐘情於沙爹牛肉麵，所以對我影響不大，發覺到呢到既價錢出其他茶餐廳比算係偏貴沙爹牛肉麵配炒蛋牛油餐包 $39蚊呢個沙嗲牛肉只係普普通通，個麵就太淋收得呢個價錢但多士都無只有餐包而且只有炒蛋無配多樣腸仔/火腿/餐肉最後杯凍奶茶係好飲既仲用不銹鋼杯有誠意但注意凍飲呢到係加5蚊我覺得真係有d誇張呢份早餐咁就$44蚊平心而論食物質素正常既但價錢真係有d貴，未必會再幫襯啦…查看更多

喱間食店食乜？睇個名就知喇。外觀一般喇，門口有d散座，入面有d卡位咁喇，除四人卡位外，二人卡位同d散座都唔會坐得舒服，預左d客食完就走，尤其繁忙時間。門口有d牌俾你睇倒入面有d乜野食。室內牆上同枱面都有d出品介紹。例湯一般般喇，份量少，不過都見倒有d料嘅。呢碟鴛鴦米冇乜賣點，有米粉同粉絲兩溝，所謂魚香真係唔多覺，而茄子又太少，算係炒得唔太咸就真嘅。呢碟炒一丁個名水蛇春咁長，材料同泡製又係一般般喇。日日食就相當唔健康喇，間中食吓OK嘅。呢個全日早餐，賣相就唔錯，但睇落d食材都係d好普通野，咁嘅價錢算係偏貴，食落唔見特出。總括嚟講，呢間食店出品唔見好特出，但價錢偏貴，繁忙時間d阿姐都幾粗聲粗氣㗎。…查看更多

平時經過這餐廳，常常都有個感覺要試一次，今日有時間一嘗，餐廳不用等位，有三枱客人，坐下叫咗一個咖喱雞飯，一杯凍咖啡，餐廳員工有禮，體貼。餐廳整體環境唔錯，食物一般，價錢比一般茶餐廳貴，但始終在青衣城，租金都比較貴，所以都可以接受，食物份量比一般茶餐廳度偏大，凍飲需要加$10 . 咖喱雞賣相幾吸引，但咖哩汁太少，雞無雞味，炸過的雞太硬，因為炸得太勁，雞硬到好難咀嚼，最後食唔落去，唯有放棄。我老公叫咗一份炒米粉，成為$78 ，味道一般，普通的炒米，十分之普通，唔會再有下次，一次已足夠。…查看更多

My colleague loves to have lunch in this restaurant, but I am the first time to eat here. We both ordered the baked curry rice with seafood. It is on the lunch set with a drink. The curry is exceptionally outstanding. It is in the right level of spicy and the they put a lot of cheese on top. The sea food and rice are also delicious and not overcooked. Definitely will eat in here again…查看更多

第二次食茶廳，之前食過招牌雞飯同撈麵都覺得唔錯，所以今次決定同屋企人係度食晚餐😁首先要讚下杯茶走 好香滑 好岩我呢個奶茶控既口味👍🏻呢個馬拉盞牛肉炒菜，我覺得一般般，個味唔似平時食開既馬拉盞。牛肉就炒得不錯，唔會炒到過熟。麻辣米線有豆卜，魚蛋，牛丸，蝦，雞絲。個麻辣湯底幾唔錯，不過對我黎講有點兒太辣，最後要叫姐姐俾左碗清湯我🤣小朋友叫咗肉醬意粉，好正！👍🏻👍🏻係好傳統港式茶餐廳嘅肉醬意粉味道，下次黎一定會再食整體來講我覺得唔錯唔係好明點解佢會有咁多負評😅…查看更多

第一次黎食早餐，可供選擇款式尚可，但早餐質素真心差。叫左沙嗲牛肉麵配餐包炒蛋。麵算正常，但餐包同蛋就慘不忍睹。個蛋呢，一上檯就已經心知不妙，一舊舊似噁吐物甘，完全令人無食欲，剩低多於一半。餐包又硬又乾，只係食左四分一。飲品叫左凍檸茶，個茶底好混濁。以一個40蚊既早餐黎講，完全吾合格。…查看更多