茶寮 京都仁王門 (已結業)

1 起身已經係下午茶時間。樓下諗下食乜？見到有甜甜嘢，開心🥳T la me tu 疏乎厘。加焙茶豆漿，1 個甜再飲個茶味重 嘅豆漿。好配合軟軟嘅。有蛋香。如果份量大d就 滿足d…查看更多

經過上水中心搵餐廳醫肚，正值下午茶時段見到呢間日系Cafe都有唔少人食，於是就試吓啦。餐廳門面光猛，乾淨企理估唔到餐牌都有好多選擇，因為我哋都好肚餓，一人叫咗一份定食先，又好想食甜品，咁啱撞正下午茶時段可以揀份量較輕盈嘅迷你疏乎厘，滿足到我哋想食甜品嘅心上菜速度都好快，首先就嚟咗個鰻魚定食，套餐包咗湯日本茶同埋泡芙。鰻魚蓋飯原條上，大大啖食好滿足，食落唔算好多骨，鰻魚汁撈飯一流。我本身好鍾意飲麵豉湯，而佢係超足料落咗好多紫菜，正！芝士吉列豬扒蛋包飯可以揀配白汁或者咖喱，我哋今次試咖喱，甜甜地唔算太辣，啱我口味吉列豬扒入邊有芝士拉絲，好邪惡出邊天氣落大雨，陰陰凍凍咁，好適合飲返壺水果茶，加配價$40份量都好多最後上埋甜品，芝士奶蓋疏乎厘，非常有創意嘅料理，冇幻想過會配芝士粒同埋鹹脆片，疏乎厘好香蛋味，有一球雲呢拿雪糕。…查看更多

被餐牌吸引，點了下午茶：明太子雞肉忌廉烏冬+焙茶黑蜜豆乳餐廳位置普通，在商場的open area，扶手電梯旁。周圍人來人往，行過的都望入來，很不自在，就是不太舒適。這個價錢應該是比較舒適的空間，坐落在這個位置十分差。明太子雞肉忌廉烏冬：份量很少、味道偏淡、雞肉沒有味，整體麻麻。焙茶黑蜜豆乳：加$10換的，略甜，但很香焙茶味。侍應態度：很好，有禮貌，主動收起碗碟。整體來說，這個價錢略貴及收+1服務費。…查看更多

平時剩係去開上水廣場食野，今日先發現到上水中心開左呢間日系cafe!!店舖門面乾淨企理，枱既數量都多餐牌既選擇都幾多!!揀食咩都揀左一段時間🤣🤣🤭我地今次就嗌左個鰻魚定食，包左一杯日本茶、甜品同埋麵豉湯鰻魚既份量都好多，冇乜骨幾好幾好鰻魚既上面又舖滿鰻魚汁 配埋飯一齊食 真係好好食 杯日本茶其實都幾好飲 啖啖既茶香又解到鰻魚飯既少少油膩:)另外，我地都叫左份芝士吉列豬扒蛋包飯，估唔到豬扒既份量都幾多!! 佢炸粉唔算落得好多 啖啖肉另外我地揀左配咖哩汁 撈飯黎食真係好夾好好食 當然依個定食都有包埋日本茶同埋麵豉湯🤭之後就到重頭戲!!!梳乎厘啦 要預翻大約30分鐘前order 因為佢真係即製既 夠哂新鮮!!今次我地揀左創意系列既芝士奶蓋梳乎厘tryrty首先梳乎厘既口感幾鬆軟 幾好食，配埋芝士奶蓋同側邊既脆脆 少少咸味 一齊食 都幾特別!!!本身都驚會唔會好漏食奶蓋，點知又唔會喎 愈食愈好味🤣…查看更多

(*˘︶˘*).。.茶寮 京都仁王門 :*♡好想去日本好想去日本好想去日本重要的事當然要講3次，不過既然未有假，去茶寮 京都仁王門都可以解我相思之苦，仲可以一石二鳥，一次過食齊輕定食同梳乎里！-這次我們點的豚肉生薑燒定食和芝士吉列豬扒蛋包飯都好有驚喜！豚肉生薑燒定食的豚肉好入味，配上薑汁醬汁，味道帶微微辣度帶惹味，0仲有鴨胸沙律都好清新芝士吉列豬扒蛋包飯炒蛋好滑嫰啊！-吉列豬扒都厚切有肉香，咬落卜卜脆。個人當然會留肚吃這裡的Souffle Tiramisu 梳乎理口感非常綿密每一口都像在品嚐一朵雲，軟綿綿的 咖啡的苦味和酒香與梳乎厘的都Perfect Match，好味好味！最後不要忘了這裡的朱古力豆乳和Match Latte-跟餐七折呢～-茶寮 京都仁王門上水智昌路3號上水中心2樓2043-2044號舖…查看更多

放假天，來到上水探朋友，我們相約到「茶寮 京都仁王門」，一邊吃一邊閒聊。 餐廳位於商場裡，裝修簡約，環境舒適。店裡除了必食的梳乎厘班戟外，還有定食、日式蛋包飯、揚物…等等。 😋是日選擇：1️⃣鰻重定食🔸湯、日本茶、甜品（跟餐）🍽大大塊的鰻魚，配上醬汁，令整體味道提升。2️⃣豚肉生薑燒定食（烏冬）🔸湯、日本茶、甜品（加18元轉定食）🍽薄切豚肉經過洋蔥、生薑、調味料調味後，鹹甜適中，配上沙律菜，解除了油膩感。3️⃣提拉米蘇梳乎厘班戟（期間限定）🍽賣相已很吸引，班戟內裡柔軟輕盈，還有雪糕、朱古力碎片、杏仁，增添一份特別的甜蜜感。…查看更多

日本美食確實讓人難忘，身在香港都想吃頓美味日本菜，茶寮 京都仁王門，就像在日本走著著走著而入的日式餐廳，簡單地享用一餐，有種滿滿幸福的感覺。茶寮 京都仁王門就只有上水和荃灣有店，這次去了上水店，從地鐵而出直入商場，都很容易找到。餐廳位於商場內，以開放式格局，讓人安座，環境也讓人舒適。餐牌以不同日式餐食為主，如揚物、丼物、蛋包飲、麵食，配上甜品班戟供應。飲品還可以7折享用，有花茶、咖啡、汽水、梳打、奶昔、豆奶等特色飲品選擇。下午還有下午茶時段，價錢實惠，食物賣相都吸引。班戟有正常和迷你版，迷你版比正常少一塊班戟，味道上還會推出期間限定新口味，當然要一試。溫泉蛋牛肉丼飯 HKD78，牛肉份量都不少，溫泉蛋伴著牛肉一拼吃，甜甜醬汁都幾美味。整個餐還有麵鼓湯和綠茶一杯。麵鼓湯食材都不少，和茶一樣都是熱熱的，很暖胃。芝心豬排蛋包定食 HKD108，有2款醬汁選擇，我們要了咖哩汁。飯餐一樣跟麵鼓湯和熱綠茶一杯。咖哩醬汁還有不少薯仔，咖哩味香而不辣，豬排炸得外脆，內裏芝士還有拉絲狀態，好吃又滿足。迷你提拉米蘇梳乎厘班戟 HKD58，期間限定新出口味，賣相都很吸引，還跟上一小杯咖啡汁，以增加咖啡香味。班戟口感鬆軟，又有蛋白香味，又不會很甜。以朱古力碎片和杏仁粒伴碟，伴著雪糕一起吃，感覺滿足。抹茶黑蜜豆乳 HKD25，以優惠價享用，黑蜜豆味較重，帶出少少抹茶味。抹茶奶昔 HKD40，以優惠價享用，加入紅豆有紅豆清甜，抺茶味香濃，整杯飲品又不會很甜，好喜歡抹茶香味，喝上口感覺幸福。…查看更多

今日接朋友放工食飯，見到呢間餐廳有疏乎厘班戟，二人精選套餐又好抵，決定試吓佢！兩款小食選了🌟北海道芝士年糕（$36）😍😍😍呢個堅好食，芝士軟腍香濃，配埋煙煙韌嘅年糕，正 👍🏻🌟天婦羅海苔魷魚（$34）難得吃到海苔味👍🏻👍🏻🥘極上漢堡扒蛋包飯定食（$118）估唔到份量都幾多！漢堡扒厚身好香，滑蛋好味，配埋咖喱汁好食，仲有幾舊薯仔添👍🏻原來仲跟埋個麵豉湯和日本茶，個麵豉湯都幾多菇👍🏻👍🏻🥞疏乎厘班戟：宇治抹茶班戟（$108）至於最期待嘅疏乎厘班戟，賣相幾靚，可以配個抹茶汁、紅豆蓉和抹茶雪糕一齊食👍🏻兩杯仁王門特飲：🍸草莓青檸梳打（$38）🍹柚子鳳梨梳打（$38）我和朋友都很喜歡這兩杯特飲，非常清爽開胃😍😍散叫的話，這裏已經超過$370，但套餐價是$306，所以真係好抵👏🏻👍🏻（另外加一服務費）…查看更多

想不到上水都能吃到鬆軟的日式疏乎厘pancake，這間位於上水中心的日式餐廳，採用日式簡約風，以及開放設計，環境舒適。.🐖豚肉生薑燒$68 （升級定食+$18）豚肉肥瘦適中，煮得好入味，配上洋蔥和醬汁下飯一流，而且份量不少，伴碟還有新鮮沙律菜、粟米、鴨胸。定食可選烏冬或飯，更配有麵豉湯、泡芙、日本茶，十分豐富。.🐷芝士吉列豬扒蛋包飯 $108吉列豬扒新鮮即炸，外皮香脆，入面肉質嫩滑，更包著拉絲芝士，十分惹味。蛋包飯蛋皮好嫩滑，蛋香十足，配上香濃惹味日式咖哩醬汁，味道層次豐富。同樣配有麵豉湯、日本茶。.🥞宇治抹茶班戟 $68疏乎厘班戟下午茶時段不到百元，班戟口感鬆軟，充滿空氣感，上面有一層抺茶粉，充滿抺茶香氣，配上抹茶雪糕、白玉、紅豆蓉等，整體口感和味道層次豐富。下午茶餐更配有日本茶。…查看更多

今日嚟上水做嘢，順便食埋下午茶，嚟咗呢間茶寮京都仁王門。鰻重定食都有啲驚喜竟然有鰻魚飯食。賣相好靚仔，超大塊鰻魚，下面鋪咗啲日式紫菜，鰻魚汁好濃味配埋日本珍珠米，非常正。溫泉蛋牛肉丼飯牛肉飯都幾大碗足料，牛肉鋪滿晒成碗飯牛肉味好濃厚。加埋溫泉蛋同埋蔥花一啖擺晒落口，超滿足。迷你提拉米蘇梳乎厘班戟呢個疏乎厘非常邪惡又不能抗拒。鍾意食Tiramisu嘅人，值得一試。咖啡味好濃郁，加埋啲朱古力碎同埋果仁甫喺面，其實成個甜品唔算好甜，伴埋個雲呢拿雪糕一齊食，不得了。食到好食既甜品心情真係warm左😹…查看更多

茶寮 京都仁王門主打和式洋食，仲有梳乎厘Pancake😚呢日見佢地晚市有二人優惠套餐，價錢都幾抵咁，一於就試下啦🤭💫 仁王門二人餐 $268二人餐可以選前菜/小食×2、主食×2同埋飲品2杯😝基本上主餐牌既都可以揀🤤包括主食既丼飯同蛋包飯🍳而飲品亦可以揀特飲添(花茶/沙冰要+$10)小食揀左蜜糖芥末薯條🍯同雞棒兩食🤤蜜糖芥末薯條係即炸!勁香口~而且份量都幾多下! 雞棒兩食係新品，其實係雞軟骨串配燒雞汁蔥花&蜜糖芥末🤭口感帶點卜卜，陣牙有嚼勁☺主食則揀左2款蛋包飯🍳包括漢堡扒蛋包飯(配28辛京都風咖喱)同🧀芝士吉列豬扒蛋包飯(配奶油菇菌)~漢堡扒大大塊之餘頗厚身，肉質軟淋😆咖喱係日式甜咖喱，只帶輕微辛辣，配菜有薯仔同紅蘿蔔～煎蛋質地亦細嫩，完全覆蓋係白飯上面～🍳另一款吉列豬扒亦係即炸，內層呈現芝士拉絲既效果🧀醬汁係奶油菇菌，奶油味道突出香濃，配搭菇菌香氣，有另一番滋味😝飲品揀左絲滑既焙茶黑蜜豆乳(冷)🍵同清爽既白桃梳打🍑…查看更多

茶寮京都仁王門係具有超過60年歷史的京都和菓子老店「京榮堂」旗下嘅新品牌，呢度吾單止賣日本傳統甜點，仲提供一系列既精緻熟食。以日式甜品茶寮為概念，店內裝潢典雅而舒適，而呢度嘅招牌就係日本班戟，一直都吸引吾少甜品愛好者黎品嚐.溫泉蛋牛肉丼飯 $78呢度既招牌之一，牛肉片薄而嫩滑，每一啖都可以感受到肉質嘅鮮美同醬汁嘅完美融合，溫泉蛋令丼飯更加滑順，輕輕一戳，蛋黃緩緩流出，好治癒呀，牛肉同米飯融合埋一齊，令人一試難忘。配餐嘅麵豉湯同日本茶亦好暖胃，令整體用餐體驗更加豐富。.芝士吉列豬排蛋包飯定食 $108呢道菜真係將芝士控嘅心牢牢提住。酥脆嘅吉列豬扒外皮包裹住濃郁嘅流心芝士，輕輕一咬，芝士流心嘅濃香充滿住整個口腔。而蛋皮又好水嫩，包裹住日本米飯飯，再配上旁邊滑順白汁，食落好creamy 呢～ 定食同樣都係附送麵豉湯同日本茶架～.天婦羅海苔魷魚 $34好中意佢嘅天婦羅魷魚酥😆外層酥脆嘅天婦羅包住嫩滑嘅魷魚，再灑上海苔粉，每一啖都係好酥脆.芒果香橙梳打 $26 / 零系可樂 $17芒果香橙梳打清新酸甜，果味濃郁，氣泡感十足，係消暑嘅好選擇。而零系可樂係一款無糖選擇，口感清爽，最岩節食緊又想飲D甜嘅我啦～值得一提，跟餐飲品仲有7折優惠，值得加配！.朱古力班戟作為甜品控，呢個班戟真係必叫！梳乎厘班戟既口感輕盈如雲，空氣感十足，咬落去入口即溶。班戟頂層鋪滿左濃郁既朱古力碎同香脆既Oreo碎，增添左口感層次。仲配搭埋朱古力雪糕同香蕉，雪糕溶係溫熱既班戟上，入口係一種冷熱交融既享受，而香蕉自然既甜味同朱古力味道形成搭配，好match~整體黎講，呢款甜品真係不容錯過呀😆…查看更多

係上水中心 有飯有定食定食都幾豐富 可以揀飯或者烏冬另外都有沙律麵豉湯日本茶仲有粒泡芙做甜品 另外要加一汁燒雞扒定食 ($58)雞扒燒得幾香 唔會好嚡烏冬正常 唔係特別煙靭沙律菜有芝麻醬可以拌嚟食麵豉湯都係正正常常 日本茶就偏酸泡芙都係正常 有啲似爭鮮嗰啲😂唐揚炸雞定食 ($58)有5粒 都炸得幾香脆入面半肥瘦咁 幾Juicy另外都有個酸甜醬可以點本身就咁食都已經好夠味其他嘢就同上面嗰個定食一模一樣整體嚟講lunch都正正常常 算抵食👍🏼…查看更多

最近，我行荃灣海之戀發現有好多餐廳都啱口味，找時間陸續幫襯！ 其中 一間日式 Cafe <茶寮 京都仁王門> 也有供應梳乎厘班戟！ 找找有無其他分店，原來上水中心有分店！ 一於約細堂妹食飯，反而上水分店更方便我們，我返屯門有小巴，半小時直達十分快捷方便！ 她搭地鐵就可以嘞！既然咁抵食，下次，等我約朋友去荃灣分店，可以比較兩間的質素分別，順便行街都好吖！上水中心人流不算旺，餐廳內只有幾枱客！負責樓面的兩位女店員殷勤有禮！主動又服務態度好！MenuLast order 8:30pm9:15pm 收舖另加一服務費蛋包飯及丼飯，均附送麵豉湯及日本茶，比預期豐富又抵食呢！麵豉湯配料包括：海帶、金菇、本菇及蔥粒等。對我來說，不會重口味！日本茶室溫的水溫正好適合現時最高 30度左右的氣溫，入口味清帶甘，:) 不論色澤及味道，都似是綠茶！飲品升級：7折配指定飲品/ $40 優惠價配冰沙或花茶我們都好飽，所以，最終無點到！芝士吉列豬扒蛋包飯配奶油菇菌 $108 即叫即炸的芝士吉列豬扒，香脆的吉列外層，鎖住肉汁！芝士有拉絲效果， 濃稠的奶油汁，味道清怡！夾雜本菇及蘑菇等，蛋包飯用上旋風蛋，賣相更吸引出色，帶有蛋汁的旋風蛋，香滑濕潤！溫泉蛋牛肉丼飯 $78口味跟吉野家有點相似！表面鋪滿牛肉片，薄身又均勻入味， 配以清甜軟腍的熟洋蔥，溫泉蛋黃流出來，拌勻珍珠米飯，飯粒變得濕潤易入口！焦糖鳳梨梳乎厘班戟 $118燒菠蘿令人難以抗拒，  菠蘿香甜多汁！有兩塊厚身、濕潤軟綿的梳乎厘班戟，溫熱富蛋香！整體配搭清新不膩！:)…查看更多

今個周末有時間去上水行下，搵到呢間超正既日本野決定試吓。第一道菜係豚肉生薑燒定食 上餐既時候好驚喜，很齊全的配搭，有滿滿的一碟肉配上一點香口的洋蔥和菜，食到停不了口，定食可以叫烏冬亦可以叫一碗飯，不過我嘗試減肥覺得烏冬卡路里比較低，便嘗試烏冬不過好驚喜，烏冬湯底有一份鮮甜亦好易上口。如果鐘意食飯既朋友應該食飯會好d,因為豚肉好下飯而且洋蔥都好入味。面豉湯我要走蔥，非常適合我，暖胃。食完烏冬還要泡芙非常貼心，飲品綠茶亦非常濃郁。仲有溫泉蛋牛肉丼飯好多牛肉既牛肉丼飯。牛肉幾大塊和幾厚。牛肉丼飯裡面有洋蔥和蔥花粒。配上牛肉料味道甜甜地。半熟既溫泉蛋撈飯非常野味。飯底既飯都大粒，應該係日本米。最後有甜品宇治抹茶班戟，一來到賣相十分挑好，一層滿滿綠油油的綠茶粉配上綠茶雪糕朱古力牌，一層pancake,沾少少糖漿，急不及待一口吞下這幸福的滋味，上邊有一嚿牛油快要似滑梯咁滑落，空氣感十足滋味十足。 配有抹茶紅豆蓉細湯圓幸福感十足，就係完美嘅配搭。味道層次相當豐富！…查看更多